man7man's Profile

一向都有食開呢間既石鍋飯 熱炳炳多配料 仲有拌飯精髓燒汁辣醬今日嚟到已經下午茶 見圖片都有石鍋飯 照舊叫碗飯嚟食 一向上枱 係平時盛湯既鍋 都好正常 下午茶平d 份量係少d 但阿姐放低碗飯就走 我問燒汁呢？ 阿姐話 下午茶呢個係無汁既 午餐先有我真係愕然 韓樂究竟知唔知韓國既石鍋飯醬汁先係精髓？！ 如果要慳成本 直頭唔好做鍋飯 碟頭上啦 張圖唔洗誤導人果然 下午茶餐真係好垃圾 雖然鍋上 但個鍋同飯都唔熱 少配料 連牛肉都唔熱 好難食 整到咁難食真係浪費食材 垃圾 …Read More

好鍾意食湯飯 所以成日都會去呢度食 之前新出花甲湯飯 第1次食覺得好好味 又大碗 比佢其他套餐既湯飯更大碗但覺得食埋粉絲太滯了 而且浸住索晒d湯 所以第2次我就叫佢走粉絲 就夠多湯餸飯 正 近排再去食 嚟咗碟野 我真心上火 我係想食湯飯 唔係想食撈飯 我問阿姐而家走粉絲 就係咁既樣？ 阿姐話係 結果係食晒d蜆就算 仲要係d蜆都幾多砂 一肚火起身走人 如果你一推出就係一碟野 或者張相已顯示係一碟野無咩湯 咁我最多唔叫 因為我係想食湯飯 唔係想叫餸食飯 但係食開之後先變到咁 真心覺得浪費咗我一個晚餐既quota 應該唔會再常去食…Read More

好鐘意食湯粉類 見到呢間韓國刀削麵 一定要試下老闆係講中文既韓國人 但送餐既後生仔女 就係講韓文既 有feel主打刀削麵 而且只得幾款揀 感覺會比較專業點了花蛤刀削麵 大大碗仲好多佐料 有蛋絲 大蔥 香姑同翠肉瓜 湯底海鮮味不錯 十幾隻花蛤食到一隻有砂 可接受 由於友人話麵底較Q 所以我浸咗一陣 先食咗d花蛤先食佢 少少冧啱我口味 麵條係滑既 而且份量超多 下次要叫少麵友人點了牛肉湯麵 湯底係牛骨湯 幾好味附送既泡菜就覺得一般 總括呢間刀削麵不錯價錢也不貴…Read More

睇食評好多人話服務唔好 但因為地點就腳 所以揀平日6點前去食 唔繁忙應該ok既唔洗等位 唔限時 點了火鍋 賣相好靚 但可能我地坐風口位 燒完一個火種都未滾 同侍應講就即刻換一個新既火種比我 仍然唔滾 侍應見到同經理商量後 就關咗我果邊個冷氣 咁好快就滾了 終於食得😆我地食臭臭鍋同沙茶鍋 湯底個味都幾好 材料質素都唔錯 叫了冬粉 成個鍋食晒都幾飽加$16點了水果茶 不過覺得唔夠凍 同侍應講就即刻比咗杯冰我其實間舖一到6點幾都full晒 但覺得服務都不錯 環境又好 勝價比高…Read More

呢間係屋邨老人之選佢炒野係唔錯 比起屋邨附近其他餐廳嚟講之前環境勁差又塞渠 近排裝修後叫做好d 政府管理既街市係咁上下 真係唔多乾淨 職員態度愛理不理 叫個餸睇你彩數 無人叫既得你一個叫 等成個鐘都唔會炒到出嚟 催d職員都係叫你等下 唔理係咪堂食定外賣 一定要夾到單先肯炒座位好迫所以呢間只係老人之選 唔會再去幫襯…Read More

餐廳明亮乾淨 座位間距較寛 一個人食都舒適砂鍋滾住上已經好吸引 麵量仲要勁多 第一次食唔知道 食剩了一半 之後我次次都會叫少粉 先食得晒唔好嘥佢全部都係用雞汁做原湯底 飲埋都唔覺得會一口味精 叫過蕃茄湯底 不錯 酸辣就較淡不太辣 蟲草雞湯最正 好似燉湯咁濃 飲完好補身價錢大眾化 平平地叫一個餸都係$4x 仲包埋豆漿 好抵餸就覺得魚片好抵 $13份量不少 是酸菜魚的魚片 又有魚味 紫薯寬粉有d似蒟蒻麵 淮山麵就比較幼 圓米線就同普通食開既一樣 個人喜歡淮山粉條 似韓國粉絲炸豬扒同雞翼都好多人食 豬扒大大件 沾麵包糠炸 配蕃茄湯底 無咁膩 正總括天氣涼涼地 一定會食佢 食到最後d湯都係暖既 好正…Read More

有時想飲個燉湯 食個蒸飯 就會去得閒飲茶 可能因為唔係做好出名既連鎖店 所以通常去到都有位店內地方明亮整潔 點心即叫即製 好食當然不在話下 籠仔飯粒粒白米有咬口 價錢又唔貴 叫埋個燉湯 健康大滿足佢既春風得意腸好好食 試過去其他酒樓都有 但完全同呢間無得比 必食店內氣氛都幾好 一個女仔去都唔會覺尷尬既 d姐姐唔係粗聲粗氣果d 會同d熟客講: 今日收工夜咗喎...份工都幾辛苦喎.... 咁早走嘞.... 覺得對打工仔嚟講 係會有點安慰一個人食唔晒 食剩包埋返屋企比老公宵夜 佢話凍咗都好好食是日晚餐: 茶位+土魷籠仔飯+春風得意腸+五指毛桃湯=$110…Read More

佢既門面位置不算太醒目 有朋友食過話好食 就專門去試下 佢既店員係斯文後生仔 有d意外 感覺佢既裝潢應該大媽大叔企檔 地方明亮整潔 坐位都舒服 我叫咗酸菜魚五穀粉微辣 佢真係可以做到微辣 平時食開十小辣都覺辣飲唔到湯底 呢個可以飲到d湯 好正 佢話湯底係8小時淆製 感覺真係淆出嚟 飲晒都ok唔會之後口乾喉嚨痛咁樣朋友唔食辣既 佢叫咗原味湯底 牛腩五殼麵 佢都話個湯底正五殼粉好得意 有白色紫色咁 質地好滑 好鍾意 魚片係爽口果種 我個人就喜歡淋d果隻總括好鍾意佢d湯粉 會常回頭…Read More

疫情原因已經好耐無去深水埗 難得去到見到萬家村 原來已重開 巧開心撞正下午茶時段 好平 點了排骨麵 還可以選清湯or擔擔麵 一款小食再加一罐汽水 $38太抵了排骨是原塊豬扒 熱辣辣又夠味 擔擔麵維持以往水準 好食 小食點了手拍青瓜 覺得辣油太多 好辣老公想飲酸辣湯 所以點午餐加20蚊就有一碗 酸辣度適中 跟以往一樣好飲他點回窩肉配白飯 我最愛食回窩肉既椰菜 沾滿醬好食…Read More