foodphelic_吃貨型朋友 's Profile

平日下午3:30，店舖內只有4-5個人客，尚有好多座位揀，冷氣都好充足。這家店堂食都是用紙碗和膠匙羹的🙈。。。。。。。。。。。。芒果豆腐花小丸子 $32(只有凍品)半個碗都是豆腐花好滑，有少少豆味。上面倒了好多芒果汁，真芒果汁！亦有好多芒果粒，感覺像呂宋芒一樣香甜的🤤輕綿軟滑的小丸子都有好多粒！🥭這芒果系列是很不錯的🤤🥭腐竹薏米白果 $25(可熱可凍)雖然肉眼見唔到腐竹片，但個糖水湯底係好香濃的豆味😚而白果和薏米都多，感覺是我下次都會想再吃的味道👍🏻…Read More

🕡寶琳站罕有的川菜，新開張的第二天，星期日晚上6:10，店內已經7成滿座。路過Walk-in的我都趕快入坐去。🪑室內燈光偏暗，用品都精緻fancy，但好睇唔好用，有種華而不實的感覺。📋有張紙的餐牌，之後要掃QRcode自助落單。埋單時就拿出去門口結帳。🍽每枱都有個大圓鍋底座和長方形熱盤：1。大圓鍋底座有兩個燃料石，準備放烤魚的鍋並保溫。2。長方形熱盤底下放了兩粒小蠟燭，當我仍在煩惱吃什麼時，職員已經走過來點著長盤的蠟燭，他說是放串燒，保溫用。我覺得真係多左。。。其實可以等我落完單，知道我有叫串燒之後，再點蠟都唔遲。。。 😅3。不鏽鋼碟是露營風，但個底不平，一路食隻碟會自己轉。。。🥢🥢🥢🥢🥢🥢🥢🥢🥢🥢🥢:)<蒜香酸菜口味-海鱸魚 $248>🍲不能吃辣的選擇，蒜味好香濃，只是沒有辣的香辣酸菜魚鍋。🐟原條魚由中間分開兩半，煎香再下鍋，所以肉質頗結實。多肉、少細骨，長者小朋友都方便食。不過就無乜魚味，喜歡吃鮮魚味的朋友，可能會有啲失望。😂🌱在魚的上面，放滿了很咸酸菜；在魚的下面，亦鋪了很多很多大荳芽。☺️🥬配菜方面，我們選了 $68四款：- 年糕 — 在這鍋裏煮到又軟又吸湯，份量都可以既。- 百葉結 — 大概6-8顆，有雪藏味，下次不選了 😓- 萵筍片 — 非常香脆，又吸湯，是滿合適的蔬菜選擇。- 蓮藕片 — 洗得乾淨，爽脆<醉辣青檸豬手 $58>冷盤前菜，醬汁調味做得相當出色，又酸又辣十分開胃，仲加入芫荽令味道更豐富。可是‼️豬手未煮𣺉，皮、筋、肉全部都咬唔開，根本就食唔到😓我們唯有把它打包，帶回家再蒸𣺉啲再食。<烤雞腎串 $24/2串>我選了小辣，所以在這堅硬又爽口的雞腎片上，鋪滿了孜然粉辣粉，不能吃辣的朋友慎點。Ps 個保溫助熱的長方盤真的只是裝飾，形同虛設，我用赤手觸摸都只是微溫😅<烤茄子 $34/條>我選了小辣，在這一大條茄子上，好多蒜茸和紅辣椒粒，想辣但又怕辣的朋友，可以於吃時挑出辣椒碎😂質感方面，茄子好juicy，又軟又吸味，皮烤得剛好，皮肉容易分離，用筷子一夾茄子肉，輕易順著紋理、一大梳地抽起🤤:)<芒果乳酸茉莉綠茶 $38>是甜的飲料，拌著這些濃味的菜式是個不錯的配搭。中間仲有西柚果肉和寒天波波，都無咁悶 😂<白飯 $16>當時因網上落單尚未完善，所以自助落單的網頁內沒有白飯，要找店員寫。💲人均$150 🕵🏻總括來說，味道尚算可以，如果時間許可，不妨離開將軍澳，市區有更多更好味的選擇😂…Read More

🕜平日下午的西貢清靜悠閑🚶🏻‍♀️路過這門面日系簡潔的餐廳，見餐牌相片都吸引，所以今日就試下。📋沒有午市套餐，全部都是單點，平均一個主菜要$90-150，飲品就$30-50左右，消費水平算中上。仲要有加一。。。🪑平日下午1:30，樓下只有2張枱，樓上就10幾張枱和梳發座。人不多，這時間只有4枱客，幾適合慢活、閱讀、想休息的人📖🙋🏻‍♀️首先於樓下下單及付款，取了號碼牌後，便可以到樓上等食物送到。等食物期間，要自己攞餐具，水也是自助的。(唔知點解仲要有加一😑)🥢🥢🥢🥢🥢🥢🥢🥢🥢<明太子玉子燒 $78>⭐️平日限定⭐️慢工出細活，等了30分鐘，終於等到了。首先，外貌合格。之後，味道方面，明太子都十分足料，啖啖都有香辛明太子。蛋漿都有高湯味，再加上鰹魚碎和紫菜碎，使蛋捲整體味道更加濃郁及和風味濃。我覺得這比兩個澱粉主食更好味，是會回頭的味道。🥰:)<蒜香時令海蜆手工意粉 $128>好濃的蒜味，它是用牛油、乾蒜片和櫻花蝦仔煮了個汁，爆香了花蛤，配上車厘茄仔、紅洋蔥絲和扁意粉。好彩蜆仔無沙，整個意粉都屬於偏重口味。<溫泉蛋慢煮牛肋條丼 $118>餐牌上的圖片是溫泉蛋牛肉片，但字是寫著牛肋條，職員都再次提醒是牛肋條，與圖片不一樣的。實物是燜牛腩的外表，牛油加濃味醬汁(似柱侯醬的味)。多汁的牛腩蓋在珍珠米上，一個人食晒全碗都幾油膩🥴…Read More

🕜週末下午12:45，先用新鴻基app取票，15分鐘就入得。💲週末的餐牌與平日大同小異，差不多的食物，不一樣的標價。設加一🍴🍴🍴🍴🍴🍴🍴🍴:)<甘筍忌廉湯 配 餐包>沒有甘筍的草青味，而是少少蕃茄的酸甜和南瓜的厚醇。餐包是一大段穀物法包，新鮮烤製，外脆內軟，配以鮮牛油，都幾體面，令人滿足的。😌<白酒煮蜆辣肉腸手製扁意粉 $143>6隻蜆連殼墊在意粉的下面，應該係白酒煮過，係幾清香。但相當失望的是，連續吃了3隻都有沙，仲要係多沙，急失望🤢所以唔想再嘗試了。至於意粉，是辣肉腸忌廉汁，今次就又辣又鹹，失準左少少。<車打芝士牛肉漢堡配煙肉 $143>自家製牛肉burger，幾香牛味，因為燒的關係，令肉質乾左少少。紅洋蔥絲就有用醋煮過，咸咸酸酸的幾開胃。調味薯條份量都好足夠，鮮炸的，好熱好脆。食晒全部都好飽下。<水果茶 (凍)>跟餐飮品 一杯走冰便是常溫。自家製的水果紅茶，每次嚟都唔同味。餐飲亦可跟配紅酒一杯<熱鮮奶咖啡 加配$15>套餐加配只需$15一杯鮮奶幾香，不是深焙咖啡的燶味，而家我每次set lunch都有加😂於下圖，上方的是熱鮮奶咖啡、左下的是摩卡、右邊的是泡沫咖啡。…Read More

🕝平日下午2:30，由中環至半山自動扶梯的頂點往PMQ的路途中，路過就順便買一支。🥤🥤🥤🥤🥤🥤🥤🥤<竹蔗汁 支裝 $40>店主從雪櫃中取出，一支大概650ml的。🧊冰凍的，幾甜，幾香蔗味，同人分享就好，一個人飲就太高糖了🥴🫠唔凍就勁甜，超級甜，要自行加水加冰才行😵‍💫🫣至於它的功效，「潤肺生津、滋陰潤燥」我就唔識了🪑環境有著老店的裝潢，讓人有種可靠的感覺。因為疫情，沒有開放店內的座位，只可外賣。🤵🏻服務可以的，只是很快的交易。🧹衛生門面乾淨整齊，裏面就不清楚了。…Read More

📍地理位置方便，隔離街便是港鐵站宋皇臺出口，門口亦有咪錶位，不少駕駛者會專程來九龍城吃泰國菜和甜品。🪑平日晚上7:00，兩層的店舖，這時間人客不多，暫時只開放下層。可能因為地鋪沒有趟門，冷氣好弱，人人都想搵風扇位💦👅以前這裏是出名「清心丸」，是潮汕特色的小食，大小像芋圓，口感似珍珠的水晶晶煙韌顆粒。這店的特色是好似車仔麵咁食糖水，換言之，可以加配加配，拼湊配搭出你想要的味道。📒不過最難的是睇餐牌，他把所有可行的配搭全部列出來，所以寫得好冗長，完全不是清晰易明，令人難以揀出想要得選項🥲🥣🥣🥣🥣🥣🥣🥣🥣🥣當中最簡單又好味的是<馬蹄沙 $27>（6號）簡簡單單的經典！熱的、都幾大碗，清甜的糖水，甜度適中！內附大量手拍、粒粒大小不一的馬蹄粒，清爽的口感，每啖都有馬蹄粒，係細水長流的感覺 😍另外，中意煙韌清心丸的朋友，可以加，不過幾錢點計？就要問牙姐，我都搵唔到，只知凍就加 $1 😅他在雪櫃裏分好了一碗碗地雪凍各款糖水。。<腐竹薏米 $31>（10號）另一款傳統糖水！奶白色，幾白濃豆味，好多腐竹融化在糖水中，可是惜今日就甜左啲。裡面仲有好多生&熟薏米，都幾飽下。…Read More

❗️稱不上泰國菜，與泰國菜仍有一大段距離，當他是泰式主題的茶餐廳可能會較易接受😅論價錢、論味道，沒有令人回頭的特點。📍近月新開的餐廳，同百份百、Itamomo同一集團，所以這餐廳的鋪面與Chicken Factory分享，旁邊亦有韓樂Momoko。🪑週末下午茶時間3:15，大量坐位，直入。同時有午餐 和 下午茶可以揀，🥢🥢🥢🥢🥢🥢🥢🥢⏰午餐 有加一<泰式冬陰公炒金邊粉 $66>材料是多的，濃青檸汁、酸，係醬料(茄汁)味太濃，最後，我覺得放進味精湯洗洗好似更好味 😓🥢🥢🥢🥢🥢🥢🥢🥢⏰下午茶 *免加一<輕量牛肉船粉 $43>下午茶輕量係明顯細碗啲，大食朋友請留意。顏色看似濃郁，但味道無法歸類，有沙嗲牛肉的鮮牛片，脆炸豬皮兩片和金邊粉。<輕量牛丸湯河 $42>味精湯底配味精牛丸，唯一要讚的芽菜幾靚😂肥短芽菜仔好脆卜卜加配小食<泰式酸辣鳳爪 $32>這泰式醬汁有齊泰式香料，夠辣，但青檸皮的苦澀重左啲，可能用集團的冷壓檸檬汁。😢 （見最後段）而鳳爪口感偏硬，可能烚耐啲、淋少少啲會好啲？<泰式蒜香牛油雞中翼 $18>係鮮炸出來的，但……粉漿太厚，醬油偏甜，牛油味唔出。<奶茶>無論午餐或下午茶，都有跟餐飲。果然係泰式主題的茶餐廳，奶茶係有泰茶的香氣+港式奶茶的濃郁滑溜這餐唯一滿意的一項😋🍋🍋🍋🍋🍋🍋（🕵🏻我係神秘食客）理解集團可能想控制成本，但這冷壓檸檬汁真的不是好東西，被檸檬皮的苦澀蓋住，殺死了檸檬的清新香甜。原本清香解渴的香港經典凍檸茶，都變得苦澀，失去靈魂。☠️或者公司可以考慮調整原材料成份，例如檸檬肉先去籽，同時減少檸檬皮的比例等。…Read More

🖋總評煲仔飯、即炒小菜、港式湯粉麵、甜品應有盡有，價格實惠、有競爭力、無加一，不乏家庭客捧場。雖然什麼類型的菜式都有，但無樣精，甚至甜品被兩度漏單😅🕰平日的晚上7:00，人口稠密的將軍澳有部分餐廳幾滿坐，這家也不例外，我相信與合理的性價比有關。見他店內都多煲仔飯的宣傳品，雖然香港日日35度，但他寫四季煲仔飯，所以我猜應該不會缺席吧？點知無！最peak的晚市時間無！要到8:30才見到佢出第一碟😅🪑主要是家庭客，個個有老有嫩，甚至有枱開著laptop一邊討論一邊吃🤓🥢🥢🥢🥢🥢🥢🥢🥢🥢🥢🥢<黃金鳳尾蝦 $88>（送白飯和例湯）唯一合格的食物，一碟8隻蝦，雖然外表平庸，但味道口感都可以。它的黃金咸蛋黃封在炸粉漿內，粉漿厚度、口感都做到外脆內軟，用油都無異樣，有做到酒樓的級數。如果拌碟有幾顆西蘭花🥦，不但可以令顏色豐富、不再單調，但可以增添纖維，減低不健康的內疚感🥲<巷仔無骨海南雞飯$68>餐牌試介紹：「…精心慢煮無骨海南雞，配試秘製黑醬油、薑蓉及酸辣醬汁…」餐牌上的圖片只可供參考！現實是凋零的雞件，又薄又幼，稀疏得可憐。黃色的飯是有雞油味，醬汁是甜稠醬油、泰式甜辣醬(現成的)、薑蓉。湯？試了一口是雲吞麵的味精湯。我放棄，多謝。<經典清湯牛腩湯河 $54>湯底，是MSG，牛腩普通。麵，我轉了粗麵，勁後悔，每口麵的鹼水味極強烈，是煮麵時無揚開？隨碗附送的一包紅醋和辣椒油都搶救無效😵⏰……………食完主菜，提一下甜品可以起得。15分鐘依然未有。所以再提一次甜品起得。之後就上了一碗。要再三確認訂單，他們才知道還有第二碗甜品上出。😅<腐竹雞蛋糖水 $14>價格實惠。大部分腐竹都融在糖水裏，豆味/腐竹味濃，加烚蛋一隻。<豆腐花三色芋圓 $12>唔知以為佢要即場磨豆很豆腐花😅😅等左好耐。。。已經無心情再影了。普通貨色，在豆腐花上放了幾粒芋圓。…Read More

2張摺枱可供堂食，坐巷仔街口，無冷氣，製作環境衛生實在令人擔憂。但附近賣場的姐姐都過嚟落單，佢又真係有石磨，又即叫即整，價錢都平平地，所以鼓起勇氣嘗試一個！🥢🥢🥢🥢🥢🥢🥢🥢🥢<菜脯蛋腸 $20>阿叔一腳踢，等了15分鐘，前面做完8盒，到我張單了。兩湯殼粉漿，兩匙菜脯、生菜絲，單手打雞蛋於蒸盤上，輕輕搞拌，放入爐裏蒸數分鐘。蒸完，師傅便工整地放入盒內，再用身旁的飲料機倒出味精醬油。味道，係okay既，始終都有味精的加持。😂🫥雖然今次食完能安全渡過，但因為衛生環境的視覺沖擊，應該都難啲有下一次。…Read More

📍嘗試新餐廳，牧羊少年的西餐，位於文化中心的外圍，不用進入文化中心演奏廳。🕰平日午餐時間，下午1:00於現場GULU機取票，（或可以GULU app取票）1位，等15分鐘就入得。👀根據觀察，下午1:30之前都多人，轉流較快。而2點後啲枱就無咁緊張。📋平日午市套餐可選兩/三道菜，亦有BRUNCH ，都差唔多價位，已包餐飲一杯。有加一，好似不設時限。所以今日就試試三道菜的午餐。🍴🍴🍴🍴🍴🍴🍴🍴🍴🍴「𝟑 𝐂𝐎𝐔𝐑𝐒𝐄 𝐋𝐔𝐍𝐂𝐇」- 01 𝑆𝑇𝐴𝑅𝑇𝐸𝑅 前菜 -<味噌 白芝麻 茄子 田樂燒 𝙂𝙧𝙞𝙡𝙡𝙚𝙙 𝙀𝙜𝙜𝙥𝙡𝙖𝙣𝙩 𝙬𝙞𝙩𝙝 𝙈𝙞𝙨𝙤 𝙖𝙣𝙙 𝙒𝙝𝙞𝙩𝙚 𝙎𝙚𝙨𝙖𝙢𝙚>首先，擺盤很精緻，🍽放到好似藝術品咁，矜貴的茄子仔令人不禁要更認真細味。😅而食物方面，原以為味噌醬用於醃茄子，但原來味噌醬藏身於大茄子下，被蓋住，令我食左一條真原味的乾烤茄子😅😅因水份已焗走，🍆所以口感會覺得皮層有啲厚有啲韌，同時亦令茄子天生的tangy感覺更強烈，好似食菠蘿/生奇異果時，條脷的刺激感覺。😛 自從發現了味噌醬，味道從此昇華了，一口焗茄子+抹上少少醬+拌碟的水芥(garden cress)感覺層次豐富了。- 02 𝑀𝐴𝐼𝑁主菜 -<紅酒燴牛肉扁意粉 𝘽𝙧𝙖𝙞𝙨𝙚𝙙 𝘽𝙚𝙚𝙛 𝙇𝙞𝙣𝙜𝙪𝙞𝙣𝙚 𝙞𝙣 𝙍𝙚𝙙 𝙬𝙞𝙣𝙚 𝙎𝙖𝙪𝙘𝙚>首先，份量滿意。味道屬偏濃郁的類型，幾件牛腩剛好一口size，牛味濃，又夠淋，同場仲有，鮮冬菇粒、雞髀菇粒、粟米仔粒、全部配搭都有助提鮮，令個汁不再單調。拌碟的水芹(garden cress)，個人嚟講幾喜歡這配搭，它制衡住這帶咸的牛肉汁，私心覺得這草可以再多一點😙- 03 𝐷𝐸𝑆𝑆𝐸𝑅𝑇 甜品 -<是日蛋糕 𝘿𝙖𝙞𝙡𝙮 𝘾𝙖𝙠𝙚 - 檸檬撻𝙇𝙚𝙢𝙤𝙣 𝙏𝙖𝙧𝙩 >當初，我是想試烤蘋果批，可惜，今日沒有。所以我就勇敢啲，試下這不固定演出的。一入口，夾心的檸檬醬是冰涼透心的，而撻的底和面感覺是同一種皮，像潮濕了的曲奇批，密度高，撻面更鋪上大量花生和糖霜，令我覺得又甜又膩，唯一一款沒有清碟的食物。如果個批沒有蓋上撻皮，可能會無咁膩 🫣- 04 𝐷𝑅𝐼𝑁𝐾 飲品 - <檸檬特調 𝙃𝙤𝙢𝙚𝙢𝙖𝙙𝙚 𝙇𝙚𝙢𝙤𝙣𝙖𝙙𝙚>夠酸，無氣的，除了檸檬汁，仲有檸檬皮的清澀。…Read More

🕰平日午餐時段多數要排隊，甚至見過見過 下午5:30有人等佢開門。一個平日晚上6:30，直入，裏面8成滿，所以就試試佢。💲堂食設加一🕵🏻最後有服務上可以改善的地方，希望做餐飲業的你會睇到最後😔🥢🥢🥢🥢🥢🥢🥢🥢<天婦羅蕎麥麵 $82>（天婦羅蝦2隻、蟹柳、茄子、蓮藕、四季豆）等左20分鐘，食物終於到了，食物份量是足夠的。粉漿調味、厚度得宜，而天婦羅裏面的蝦及蔬菜都可以，就咁直接食已經可以，如果點埋天婦羅汁就會咸左啲。最有驚喜的是蓮藕天婦羅，爽、脆、鮮甜蕎麥麵的擺盤就似日本地道吃的。<天婦羅烏冬 $82><淺草海老天丼 $78>🕵🏻食個晚餐45分鐘，已目睹3次職員問不同食客轉枱，多數是問剛入座/食物剛上枱的2人組轉位置，以騰出空間入3-4人枱。理解職員想入多張枱、做多單生意(人性化去諗想，縮短等候時間？)但由食客的角度，這絕非好的體驗，😕人人都有符最低消費、人人都有加一，人均消費近$100，仲要限時 45分鐘，但得來的是快餐的對待？更可況這體驗沒有比快餐優勝😕或者你入人前停一停，諗一諗，觀察一下、預計一下？…Read More

📱上午經OpenRice app訂坐，預約了即日星期日中午，過程輕鬆，預約的話較大機會有寬敞的卡位😁🍴🍴🍴🍴🍴🍴🍴🍴「午市套餐」好似無分平日或週末🫢跟配是日餐湯 或 餐飲，如果想要晒餐湯及餐飲，就要加錢。🍲是日餐湯 <忌廉周打蜆湯>之前就飲過這家的南瓜忌廉湯，但這款湯都是第一次飲。首先，色彩斑斕，個容器好別緻，用個大咖啡杯盛裝。睇得見得材料，有甘筍粒、西芹粒、洋蔥粒和幾隻蜆肉，入口感覺到薯仔微粒和澱粉質。味道方面，好味的，飲緊都唔覺，飲完就覺得有點咸，要飲啖水，再食下道菜🤪🍛<油封鴨脾配紅酒汁及黑松露薯蓉 $98>我再光顧的原因！👍🏻鴨脾好淋，少少咸味，幾鮮！薯蓉中有薯仔和黑松露細細顆粒，口感幾真，不似沖粉的。味道幾香牛油和松露，不膩，但就幾咸 🥲<紅酒燴牛肉飯 $78>牛肉和胡蘿蔔口感好淋好入味，個汁拌飯又好正。牛肉量、飯量都足夠。<溫泉蛋卡邦尼意粉 $68>忌廉、洋蔥、煙肉片碎、溫泉蛋意粉係西式煮法，偏硬身味道層次可以多啲，食多兩啖會有啲膩。<青咖哩雞肉意粉 $82>因為我個人對這卡邦尼意粉有少少失望，對意粉有種不甘心，覺得他應該不只於此，所以就叫多一個意粉外賣😤襯熱時即刻試左一啖，這個青咖哩雞肉意粉反而有驚喜，味道層次精彩好多！首先真係有青咖哩的椰汁和香料味，然後少少辣將全個味道昇華，令人眼前一亮，精神左啲。不過，其實椰香忌廉都係較多，所以食多幾啖都真係有啲油膩。🍰甜品午餐可以加配蛋糕，除了日式柚子芝士蛋糕加配價是$26，其他款式的蛋糕都係$22。當然，<日式柚子芝士蛋糕 加配價$26>係我的指定動作！清香清新配埋熱咖啡一流<焦糖朱古力蛋糕 加配價$22>係我的新嘗試，朱古力味有的，試過，thanks 😉☕️餐飲因為我地已經揀左餐湯，所以要加錢才有餐飲。$12<熱咖啡>容器原來同餐湯一樣 😂即磨咖啡，加埋creamer幾香，價錢都合理啦。<熱檸茶>用Yellow Label加3片厚鮮檸，不用攪動都有淡淡清香。…Read More

服務好貼心，Vibe好愉快，最緊要係專心做好pizza，眼前即製再石爐燒🤩📵不可電話訂位，唯有晚上walk in 碰運氣。🕰一個週六的晚上7:30，好好彩地，下半層仲有呢張大枱，我地5個人，坐了半張8-10人長枱。🇺🇸🇬🇧位於SOHO區內，周邊有好多酒吧、外籍人士，餐牌和店員都是用英文的，先給你一些心理準備😂🇮🇹因為餐牌上都有啲義大利文，所以下面都會穿插一些單詞解釋，方便大家理解，亦可以順便學下外語。 😋🤵🏻‍♀️親切的侍應姐姐地得知我們初光顧，主動地介紹「𝐏𝐑𝐎𝐉𝐄𝐂𝐓 𝐓𝐀𝐒𝐓𝐈𝐍𝐆」即每人都可以叫一款前菜、一款pizza、二人分享一份甜品，無錯，需要全枱一齊叫，$195一位。她更解釋知道我地唔會食得晒，可提供外賣盒給我們包回家😂這樣我們便可以試晒所有想食的味道。🔠這餐廳是與PICI 手製意粉店屬同一公司，PIRATA GROUP，所以開胃菜和甜品都幾相似。PICI 主打意粉，而這PIZZA PROJECT就專注做薄餅，集中做好一件事，各施所長。🍴🍴🍴🍴🍴🍴🍴🍴🍴「𝐏𝐑𝐎𝐉𝐄𝐂𝐓 𝐓𝐀𝐒𝐓𝐈𝐍𝐆 」$195/per person 一人(Antipasto 開胃菜 + Pizza 薄餅 + Dolce 輕甜的)🥗☝🏻𝐀𝐍𝐓𝐈𝐏𝐀𝐒𝐓𝐎5人5款🇮🇹 ”Antipasto” = 前菜全部都是一碟5個女仔分，每人分到幾啖，剛好，不會膩。<𝘽𝙐𝙍𝙍𝙏𝘼 (𝙑)>（with cherry tomato, rocket, olive oil）雖然布拉塔芝士外表、大小與 mozzarella 相似，但它們的質感就大有不同。這是一種義大利牛奶芝士，外層是固體mozzarella ，而內部則是製造莫扎瑞拉時產生的柔軟凝乳碎塊和鮮奶油。所以一切開球狀芝士，柔軟滑順的內餡便會緩緩流出，細膩的質感拌著火箭菜、車厘茄、橄欖油和黑椒碎，令人有一種食多兩啖的味道☺️我覺得它是mozzarella 家族裏，滋味最豐富濃郁的，更加醇香。<𝙋𝙍𝙊𝙅𝙀𝘾𝙏 𝙎𝘼𝙇𝘼𝘿 (𝙑)>（Mixed leaves, red onions, jalapeño, pumpkin seeds, honey mustard dressing）青脆幼嫩的小生菜拌著車厘茄，BB葉的口感十分舒服。沙律汁原來仲有切碎的jalapeño 墨西哥辣椒，微微酸辣遇上蜜糖芥末醬，相當清新！<𝙈𝙊𝙕𝙕𝘼𝙍𝙀𝙇𝙇𝘼 𝙁𝙍𝙄𝙏𝙏𝘼 (𝙑)>（Deep fried mozzarella with pesto dip）我哋5個人所以有5條😂Mozzarella係出晒名既拉絲芝士，要夠熱才行。鮮炸出來的芝士條，火喉控制得宜，麵包糠炸到金黃色，沒有滴油，非常香脆。一咬一拉，內餡的芝士被拉得好長🤳🏻 至於個pesto青醬，淨芝士已經好香，所以吃時沒有再點醬了 ☺️<𝙏𝙐𝙉𝘼 𝘾𝘼𝙍𝙋𝘼𝘾𝘾𝙄𝙊>（Yellowfin tuna, orange dressing, mache salad, shallot, capers）🇮🇹 “Carpaccio” = 薄切的生牛肉或魚生片伴著醬汁赤身的吞拿魚，吃起來甘甜鮮美、清爽不油膩。當中亦有脆綠的嫩沙律葉，小小的紅蔥頭薄片 shallot醃製過的酸豆 caper充當調味配角。令這菜十分開胃，充滿地中海的味道。如果咬到酸豆，會感受到它濃烈的香辛味道，建議擔心的朋友先把它們挑出。:)<𝙃𝘼𝙈 & 𝙈𝙀𝙇𝙊𝙉>（18 months Parma ham, cantaloupe melon）帕馬火腿 (Parma ham)是經醃漬風乾的義大利火腿。中意食西餐既朋友都知Parma Ham和哈密瓜是絕配，因為淨食Parma ham會太鹹，而哈密瓜的清甜正好與鹹香中和，帶出平衡口感，倆倆又甜又鹹的，相輔相乘。仲有兩舊麵包給你清清味蕾。🍕✌🏻𝐏𝐈𝐙𝐙𝐀 5人5款<𝘾𝘼𝙍𝘽𝙊𝙉𝘼𝙍𝘼>（Pancetta, quail eggs, tomato sauce, fior di latte）Pancetta 係無經過煙熏嘅豬腩肉，質感較柔軟，而味道亦濃厚鹹鮮一點！這菜式把這紮成圓形意式咸肉，切成厚片，平均地一件一片，再逐片倒上一隻鵪鶉蛋。顏色豐富，打卡的朋友都大感歡喜。📸而我就第一時間拿起一件、咬下去！😎口感有層次，蛋黏在腩肉上，腩肉以半融的芝士固定在包底。所有味道都有著自己的角色，互相牽制，令pancetta 的味道不會咸。<𝙍𝙐𝙎𝙏𝙄𝘾𝘼>（Pancetta, baked potato, rosemary, domino, fior di latte）另一道Pancetta 入饌的薄餅，但這款沒有蕃茄醬，而是搭上薄片的焗薯、迷迭香、及Fior di Latte 一種輕軟的Mozzarella。焗薯和芝士creamy的口感，被薄薄的咸肉中和了，這個平衡恰到好處！<𝙉𝘿𝙐𝙅𝘼>（Spicy salami, smoked scamorza, tomato sauce, fior di latte）原本salami已經偏濃味和咸，斜切的方法令每片都很大片，焗完的它就更濃和油。但包底是好吃的，是新鮮的香軟的，所以我會把片salami留起，拌於每一口的包底一齊吃。<𝙎𝘼𝙇𝙎𝙄𝘾𝘾𝙄𝘼 𝙀 𝙁𝙐𝙉𝙂𝙃𝙄>（Fior di latte, spicy sausage, mushroom, parsley pesto）🇮🇹 “salsiccia” = sausage，已調味肉碎🇮🇹 “funghi” = fungi, mushrooms 菌類主要要芝士、蘑菇粒、肉碎和歐芹醬，沒有蕃茄醬，坊間較少見的組合，都幾特別 ☺️<𝙋𝘼𝙍𝙈𝘼>（Rocket leaves, parmigiana shaves, tomato sauce, fior di latte）蕃茄薄餅底，鋪上rocket 火箭菜、Parma ham 風乾火腿片、Parmigiana 熟成芝士片 (Parmesan 的一種，因出產地不同而有不同名稱)。簡單、清新，相對上味道較淡少少。👍🏻<𝙎𝘼𝙉𝙏𝘼 𝙈𝘼𝙍𝙂𝙃𝙀𝙍𝙄𝙏𝘼 - GLERA -BOTTLE>（Prosecco Extra Dry）今日心情好，我哋都叫了一支sparkling wine(有氣的酒)，🍾一瓶分到6杯(champagne glass) 🥂 🍮👌🏻𝐃𝐎𝐋𝐂𝐄5人3杯甜品只有兩款，兩款都是與PICI一樣的。我地5個人，所以可以選3杯，最後決定Tiramisu x2, white choc mousse x1<𝙋𝙄𝘾𝙄 𝙏𝙄𝙍𝘼𝙈𝙄𝙎𝙐 >容器的大小都是一樣，味道都一樣，淋了咖啡的餅底加忌廉，上面再灑上美綠，一如既往的好味。明明已經好好飽，都會想吃光光 😋<𝙒𝙃𝙄𝙏𝙀 𝘾𝙃𝙊𝘾𝙊𝙇𝘼𝙏𝙀 𝙈𝙊𝙐𝙎𝙎𝙀>Raspberry jam, mixed nuts其實這白朱古力慕絲都幾甜，但酸酸甜甜紅桑莓醬拯救了它，5人一杯，輕鬆KO。💲10% service charge這服務費抵比，侍應姐姐的專業態度、敏感的眼色，令我們的用餐經驗十分愉快！埋單總數：5人共 $1402.5 => $280.5 一位🙆🏻‍♀️🙆🏻‍♀️🙆🏻‍♀️🙆🏻‍♀️🙆🏻‍♀️TMI其實都幾瘋狂，明知係食唔晒，一聽到抵食，貪食的我地就即刻雙眼發光🤩😅🎉🤵🏻‍♀️🤵🏻‍♂️🎉👏🏻侍應姐姐很懂得察言觀色，見我地幾個女仔心情咁好，當有兩三個行外去洗手間，她隨即問一句，得知我們有人生日，便主動提出上跟餐甜品時會有驚喜🤣上甜品時，其中一杯插著蠟燭，其他侍應都一同行出嚟，合唱一首happy birthday！之後佢又拿著一盆shots，祝我地生日快樂，“This lemon liqueur is a desserts also is a digesters after pizzas, don’t worry they’re on the house”意思這檸檬酒是一個甜點，亦可以幫助消化，不需擔心，餐廳請的。🤣結果她送了兩rounds，仲同我哋一齊飲🤣最後，侍應姐姐給了一幢外賣紙盒我們打包😂…Read More

🥐🥖 ☕️營業時間08:00-21:00。這分店只有外賣烘焙產品和外帶咖啡，沒有堂食的空間。這家店主打酸種酵糰和各種酥皮，當中以牛角包和葡撻最具人氣。🚶🏻‍♂️之前每次中午或下午茶時間經過，門外每次都會排長龍，粉絲們會等新鮮出爐的葡撻。Ps 葡撻仲要有限購，每人每次最多買6隻。🕰週六的上午11:15，無需排隊，店內的櫥窗上已放滿了各款烘焙產品。😋即使下一刻我已約了朋友吃中午飯，但這刻的我都想先吃一個酥皮葡撻🤤買！！！🥢🥢🥢🥢🥢🥢🥢🥢🥢<Sourdough egg tart 葡撻 $12>直徑大約4cm高大約3cm大概3-4口就食晒。🥲雖然不是上一秒出爐，但都好暖，即食剛好。酥皮依家好香好脆，一咬落去，即刻一片一片就碎出嚟。而蛋漿就幾有蛋味，可能因為係葡撻，所以都屬於偏甜。$12一個，不用排隊的話都可以嘅。但若要排一個鐘，我就不了，多謝。<Sourdough baguette 酸種長法包 $28🥖>直徑大約4-5cm請店員幫忙切把這長棍切成片，他們把長包放入機器裏，2分鐘後便切成薄片，倒入大紙袋裏。切完的大小大概是用來做 party finger food食芝士的薄餅底？個人感覺就好有咬勁，好硬，好難咬🥹…Read More

🕰平日無論午市或晚市時段，這家都經常有好多後生仔女等位。今日難得早放工，一個平日的晚上6:00，新鴻基app內已暫停取票，唯有親身嚟到這店walkin，等了40分鐘20個號碼。🪑大部分為4人枱，每枱兩個爐。亦有1-2人的自修位，二人一爐。餐具收於桌下的抽屜內。要人齊才入得，入座起計時 60?90?分鐘，唔記得，只記得餐廳播住快歌，個心覺得好趕。😂📝1. 嘟QRcode自助點單2. 線上電子付款3. 完成後廚房才會收到單。🫙桌上放部著各種醬汁和調味料，我個人口味就幾中意蒜香醬油。每片燒完的肉，輕輕點少少醬油，完美！🥢🥢🥢🥢🥢🥢🥢🥢🥢<Like套餐 $135/250g> （牛舌、牛五花、橫膈膜肉）👉🏻結合三款港人最愛幾片薄薄的牛舌，燒一陣就出油了。橫膈膜肉的肉色較深，亦切得較厚牛味都會濃啲。<牛五花套餐 $108/300g> 👉🏻肥美！較相宜的價錢！燒的牛肉比打邊爐的牛厚好多，肉味都幾足，性價比十分滿意！！👍🏻👍🏻每片牛五花都會癡住啲肥皂，爐是熱管，可以平均地熱燒牛肉，當熱+油，就有機會起火舌 😂（我就到尾聲，牛五花覺油不斷滴到爐灶，所以有啲火光）:)<牛小排&牛板腱套餐 $145/200g> 👉🏻一口肥一口肉牛小排的油香令佢倍增美味😋而牛板腱的油花相對上較少，所以無咁油，平衡返。<魷魚鬚100g 配蔥香鹽味檸檬醬 (單品) $38>👉🏻今日最意外驚喜的食物我同朋友都覺得幾啱錯，4條長魷魚鬚浸著醬油，味道清清地，有鮮味，燒到外表變色，裏面肉質口感依然幾輕軟，不會乾到韌。個人感覺會再食多次 😋🍚🥗套餐的飯可以揀份量，我地三個餐，叫左兩大一中，好夠食。沙律亦可選泡菜。今次我的沙律是用麻油醬油，味道都幾夾。🥣湯係海帶湯，不似普通的即溶味精湯，感覺應該係把海帶用麻油炒過，再煲，所以個湯可以一試。Ps呢度抽氣幾好，食完個人無燒烤味。…Read More