小那星's Profile

終於等到長假期，4日假期又去左2日澳門。今次一早做好攻略，特登搭早船去氹仔落船，去到就可去呢間食晏，佢有正宗西班牙菜同地道葡葡牙菜食！烤乳豬 - 燒得好靚，平滑有油光，皮薄又脆，夾住一層薄脂肪，肉好嫩滑；薯角鮮炸好可口！⼤蒜油煎蝦 - 有6大隻蝦，肉厚爽彈，味道鮮甜；白酒煮蜆 - 好有酒香，蜆肉大粒夠嫩又鮮甜；木糠布甸 - 代表澳門嘅甜品除咗葡撻我覺得就係木糠布甸。 賣相靚，忌廉香滑，味道微甜。果然無去錯，係幾好食！…Read More

我好中意食pizza，但只會食用dough做餅底嗰啲pizza，因為特別喜愛嗰種有煙韌口感嘅包感，呢間就係啦！上星期去咗馬鞍山幫公司做外勤，行左成日行到攰，諗住入去啲野、坐下補充體力，發現佢有lunch set，仲要幾抵食，都係90幾蚊包埋嘢飲。雖然期間等得耐咗少少，心情都有啲唔耐煩，但係慢工出細貨，最後送上新鮮焗製嘅Pizza，係我中意嘅意大利pizza，幾正宗好食，喺馬鞍山竟然有驚喜，要留個好評。…Read More

上兩星期去澳門，臨走嗰日都係心心念念好想食多次葡國腸，所以喺就近就試咗呢一間。見人地食《炙燒葡式香腸 》有桌邊服務，我睇嗌嚟打下卡，原來有咸香之餘，燒過令外層微脆命好食！我本身中意食ribs,所以嗌《炙烤豬肋排配葡萄牙波特酒醬》。 啲肉幾入味又腍，仲有番薯條同沙律菜拌碟。最後職員推介我地試吓《白酒蒜蓉炒蝦》 ，同中式唔同架，個汁紅紅橙橙帶辣味，好開胃，啲蝦都新鮮爽彈。發現自己愈來愈中意食葡國菜，下次再嚟！…Read More

去之前有做定功課，呢間葡富軒都幾多人推，而且我都會stay喺氹仔，一於一到步就去氹仔食呢間葡國菜，between，當日都幾多人。嗌咗個沙律，然後想飲個湯，因為嗰日凍凍地，呢個葡式傳統薯蓉青菜都幾好，口感有啲薯蓉，清甜，夠熱。葡式炒牛柳粒個汁係重點，好惹味，蘸多士食好夾。牛柳粒都幾軟腍入味，仲有幾粒橄欖。炙烤馬介休 個魚皮好香脆，魚肉仍然有肉汁，底下鋪有蔬菜。最後食埋一個好香濃嘅朱古力蛋糕，真係飽晒！…Read More

試過心血來潮想食燒肉，自己去咗呢間牛魔一人燒肉食一人set燒肉。上排襯聖誕想食豐富啲，就再去獨享燒肉，郁但今次我食豐盛啲嘅《 牛魔燒肉組合七款盛 $298/350g 》！有齊牛、豬、雞7款肉：和牛牛肩肉（3枚）薄切和牛舌（5枚） 澳洲和牛牛臀上蓋肉（2枚）全天然豚五花薄切（2枚）全天然豚五花厚切（2枚）黑毛豚頸肉（4枚）醬油鳥肶肉（2枚）牛肉富牛味，牛舌完全唔機，豚肉爽口，醃左嘅雞肉仲好入味～啲肉燒完蘸埋醬油好惹味。食完呢個set真係大滿足！所以食燒肉唔一定要人陪嘅！…Read More

呢晚同朋友去食飯，佢話減緊肥唔食澱粉質，我就諗到燒肉之類 ，但佢就話都肥膩，所以就建議去食日本野，原來佢想食刺身！「刺身盤」- 有油甘魚、三文魚、池魚、海膽、帶子同蝦😍 刺身厚身又肥美，油潤感好吸引，入口仲好鮮甜，好正！「池魚王刺身」 - 朋友特別鍾情池魚所以encore,仲要係一盤！ 肉嫩清甜，點少少豉油已經夠提味！「秋刀魚刺身」- 秋刀魚嘅季節又嚟啦、秋冬必食！ 一啲都唔腥仲會有錢獨特嘅魚味，口感爽嫩，必試！…Read More

食為鰻魚控，任何有鰻魚食嘅地方對我嚟講都10分吸引，所以去親日本餐廳都一定會點鰻魚飯或者鰻魚壽司。 上網又再尋找有鰻魚食嘅餐廳嘅時候，發現呢間原條海鰻壽司🍣吸引到即晚就要去試吓！餐廳天花嘅金魚燈好靚呀！ 我即刻諗起首日文兩金魚花火（ 唔知有冇記錯，哈！） 當晚有嗌其他壽司食，但對我嚟講主角當然係《 原條海鰻壽司 》： 原條海鰻壽司比一般壽司大4倍，見到已經開心！海鰻比較一般鰻魚薄身，入口更嫩滑，味道一樣鮮甜！鰻魚控必試！…Read More

難得去九龍城，當然要食埋飯！朋友次次都有驚喜比我，今次帶咗我去呢間高質嘅日式居酒屋「浜滝」。個個都大推呢款《櫻花蝦牛肉泡菜石鍋飯》，當然要試吓，果然好味😋 首先好大鍋，熱辣辣好岩依家凍凍哋嘅天氣～牛肉同泡菜味道好夾，辣辣哋好開胃，加上櫻花蝦增加口感，仲有隻圓大嘅橙紅蛋黃，多份蛋香之餘口感仲會滑溜啲～ 《海膽拖羅花多士》有金萡點綴，海膽香郁，加上脂香軟滑嘅拖羅蓉，味道特別鮮甜，多士增加口感～ 下次會再訪。…Read More

聽聞海洋公園附近有間扒房超正，一定要去試！今日終於輪到我啦😛早兩星期前已經訂好了枱，拖埋gf嚟食個靚靚午餐💓訂枱時落咗remark想要靜靜地嘅位置🤞🏻餐廳🍴好彩今日唔算full，餐廳亦都有記得安排🥰呢點一定要讚！👍🏻👍🏻午餐包括了自助Salad吧，款式超多，食材品牌亦十分之高，呢點已經值回票價😚我就挑選了Grilled Okra、Spicy Salami、American Chicken Tender☺️，一入口令人感覺幸福滿瀉💓主菜方面，我揀了Madagascar King Prawn🤩蝦🦐足足有手掌✋咁長，每口蝦肉豐厚味鮮。雖然虎蝦以燒烤製作，但完全沒有燒焦燒乾的感覺，火喉岩岩好！gf試呢個USDA Black Angus Ribeye 🥩安格斯肉眼啖啖都有濃郁的口感，搭配红酒或白酒真係都流！肉眼脂肪分布均匀，呈現出大理石纹路，每一口都能感受到脂肪在口中融化，更有豐富的口感層次。我們都好喜歡餐廳的寧靜環境，裝修得份外有格調，令我們可以慢活地享受一個美麗午餐。…Read More

呢度嘅放題真係好有特色！揀咗Set F任食套餐，可以無限量享受各種高質燒肉同海鮮，仲有餐廳中間嘅自動送餐路軌。極上夏多布里昂可以話係全場焦點，肉質極其柔嫩，每一片都係脂肪分布均勻，燒到啱啱好入面微紅，入口即溶，真係超級滿足！另外仲有黑毛和牛六款任食，唔同部位嘅和牛都有唔同嘅口感同香味，令我哋每一啖都有新鮮惑。其中最特別嘅就係西冷。西冷肉質柔軟又有咬口，燒到啱啱好時，啲油脂滲出嚟，香氣撲鼻，唔需要太多調味已經好出色，每一啖都充滿牛肉獨有嘅濃郁味道，真係好滿足！食燒肉點少得牛舌呢？鹽味葱花牛舌係我哋嘅心頭好，燒完加少少檸檬汁，入口爽脆而有嚼勁。再搭配一啲鮮甜嘅海蝦同帆立贝，成個海陸盛宴真係豐富多樣。成餐飯唔止燒肉咁簡單，自助Bar仲有沙律、汽水同甜品任食，真係齊全又滿足。呢度環境唔錯，自動送餐又增添咗趣味性，氛圍輕鬆，對於我哋嚟講真係一個輕鬆嘅約會地點。想嚟感受高質和牛放題嘅朋友真係值得試試！…Read More

天氣涼涼哋想食燒肉，揀間好嘅獎勵自己先！我點咗［$498 Tasting menu］，味道真係唔錯。講吓前菜，有和牛他他法國面包，牛肉非常香甜，面包又好酥脆，加埋一齊享用真係好開胃。仲有海鮮煎餅入面真係有海鮮，而且仲好新鮮，外皮金黃酥脆，同我喺韓國食過嘅一模一樣，非常正！仲俾咗我一個細碗嘅沙律，爽脆嘅蔬菜加埋獨特嘅醬料一齊食，真係好清甜！仲有好幾款嘅燒肉。和牛薄切牛板腱配蛋係壽喜燒風嚟嘅，牛肉鮮嫩多汁，學日本人沾點蛋食非常滑順，另有一番風味。我第一次食嘅牛舌芯真係好驚艷我！肉質細嫩，食落仲甜甜地，再配點鹽蔥汁，咸咸甜甜，非常惹味！上牛排肉嘅口感就比較唔同，有啲彈牙，燒咗非常香，放入口度慢慢咬仲可以食到鮮甜嘅肉，令人停唔落嚟。牛肩肉眼係我最中意食嘅部位，牛肉嘅香氣十足，咬落去唔會硬硬地，完全冇腥味，整體嘅口感同味道係最正嘅！除咗牛肉，仲有五花肉同埋海老同帆立貝。五花肉唔會太油膩，食落去有豬肉本身嘅甜味，軟軟地，好有食欲！海老同立貝就非常鮮，好大粒，肥美厚實，一口食落，簡直係太幸福啦！仲有黑糖珍珠雪糕作為甜品，甜而不膩，珍珠非常Q彈，同雪糕一齊食，非常解膩仲好涼爽！我真係太滿足啦，每一樣都好好食下次打算帶屋企人一齊嚟！…Read More

呢日去荃灣行街，行到去到 千色匯嗰邊肚餓就搵個地方食晏，順便行到腳攰要抖抖。想食壽司同串燒，上網睇下見到 千色匯I有間古今二，有齊壽司、刺身、燒物、串燒等等，即去！ 串燒叫左牛肉同雞翼，少少鹽燒已經夠味；燒粟米粉都好清甜，粒粒爽口～炸雞好正，外肥內嫩有肉汁，仲熱辣辣，加埋醬食好惹味！我中意食吞拿魚所以呢款舖滿吞拿魚加魚籽嘅壽司真係我杯茶，油潤又好味，仲有薯片碎。 壽司有好多款，款款都特別，有機會再試埋其他先。…Read More

同事介紹話油塘嗰邊有間新開嘅新型茶餐廳，仲話週未要排隊等位，趁平日晚上冇咁多人嘅時候去試吓。嗰間鋪位於大本型LG2樓，遠遠就可以見到睇落好新嘅茶餐廳，仲有個大大嘅茶記研究所招牌。我而家喺外面睇睇佢嘅餐單先，之後服務員就用友善嘅態度帶我入去。其實呢度嘅餐單上有好多食物，分別有早餐、午餐、全日常餐等等。我就揀咗我自己比較鍾意嘅懷舊品味扒餐系列嘅豬扒鐵板餐同一杯凍檸蜜糖咖啡。上菜快，豬扒鐵板餐附送洋蔥汁一齊享用。豬扒口感好嫩滑，仲好juicy，煮得啱啱好，唔會太油膩，仲有顆煎蛋，炸薯條，同埋蔬菜可以一齊食，如果再放洋蔥汁落去，味道更加直接升華。洋蔥嘅鮮味同豬扒融合得好好食。羅宋湯酸酸甜甜嘅味道飲落去好濃郁，肯定係落足料煮嘅湯，餐包亦都好香同鬆軟。濃濃嘅羅宋湯再用餐包沾住食，好美味。再飲一啖凍檸檬蜜糖咖啡，慢慢咁享受住我嘅晚餐。…Read More

有一日朋友話打邊爐，話之前工作一直好忙，都好耐冇同我一齊出嚟逛街、食飯，我哋就約咗禮拜晚上去觀塘附近逛街食飯。然後我哋喺觀塘搵到呢間米走雞Live，感覺環境都唔錯，決定嚟呢度食晚餐。呢度有雞煲同火鍋選擇，有一味睇住個名就好吸引我，【蒜蓉卜卜蜆鍋】，聽落就非常得意。蒜蓉卜卜蜆鍋有濃郁嘅蒜蓉香，然後有蜆同白蘿蔔，成鍋湯係非常鮮香，好好飲，仲未同其他料一齊煮，就已經流口水。感覺牛肉好適合配住呢個湯底一齊食，就揀咗【澳洲頂級和牛封門柳】，色澤好吸引，好惹味，油脂好多，而且仲好新鮮，口感係非常鮮嫩。然後搭配蜆湯嘅海鮮味，仲有【蟹籽鮮蝦滑】，食住好彈，然後就係一個字，鮮！真係好正！牛柏葉亦都好唔錯，每一口都係湯底嘅鮮味，再配上佢滑嫩嘅口感，真係非常享受！為咗嘗試唔同嘅口感，朋友仲多叫咗一碗【脆炸哈蝦餅】。炸得真係非常香脆，入面嘅蝦肉亦都好新鮮，肉質都係好彈，再沾上辣醬，簡直絕配！！朋友話食得好飽，好滿足，呢度嘅食物真係一流！…Read More

為慶生，今次我揀咗一間位於中環嘅名店-Kanesaka Hong Kong。聽講呢度嘅Omakase 食材好新鮮，而且仲係一間日本非常知名既姊妹店，果然名不虛傳！不得不講，燒吞拿魚骹 我覺得係今次既第一名，油香味十足，配上紫蘇葉、蕪蘿蔔蓉一齊食必。難以形容既鮮甜香口！食完個份香濃隔左一陣都仲喺口中散發，而且口感柔軟又豐富，真係由心底讚好食！！肉質緊緻而且美味。其次，佢哋嘅茶碗蒸心有一種鮮香嘅味道，魚嘅鮮味同茶碗蒸蛋嘅嫩滑完美融合，真係令人忍唔住一再夾食！特別推介Kanesaka hk原創嘅喉黑海膽魚子醬手卷，厚厚的海膽與喉黑嘅絕妙組合，口感豐富，既有海膽嘅美味又有喉黑嘅香口，值得為左呢款而黎呢到一試。大拖羅壽司，我實在好欣賞呢度嘅握壽司工藝，每一塊都好精緻。而醬油漬嘅赤身壽司，保留住魚嘅美味，再加上精緻嘅米飯，回味無窮。新鮮食材配上專業嘅服務，一個美好嘅日料體驗，價錢並非問題。無論係為咗自己享受，定係想找個好地方慶祝重要日子，Kanesaka Hong Kong都係一個唔錯嘅選擇…Read More