Colin_yan's Profile

原本高高興興諗住去飲杯印到相的朱古力一去到個男侍應的服務態度都唔錯，到落order要印相朱古力個時仲叫我地慢慢揀相，話積咗好多單係度，咁樣真係好好但之後無端端有個女侍應走出嚟話要暫停印相頭先明明講俾我地揀相，轉個頭就走出嚟話暫停呢間餐廳限時用膳，個下真係呆咗咁咪個女侍應囉，佢的態度真係好到不得了，我以為自己去咗旺角個d街鋪咁（但呢間明明係TST鋪嚟架）咁我地咪表明話頭先明明俾我地落order ，而家又話暫停，咁又限時用膳，咁會唔會等到我地夠鐘都無得落order架。佢竟然勁唔好態度咁話：應承得你地一定有啦！咁你都咁啦，咪唯有等囉，但態度真係超差。到我地想再加order 時，佢應人的第一句係：放心wor，應承得一定有啦！我地真係覺得好過分，其實我地係想加野食的單囉。好彩到最後都係杯印相朱古力飲，叫得呢杯就梗係為咗打卡啦。張相褪色都褪得好快，同埋印出嚟質素都係一般係影相期間，我見到呢位女侍應執完枱係”Pat”個menu 落枱面成餐飯，原本高高興興，俾呢位女侍應的態度搞到好唔開心…Read More

同呢位朋友太耐無見，所以想搵個地方坐耐少少，但又食得健康的地方。諗咗一輪，不如去食素食自助餐，鑑於我身邊太多食肉獸，好少人會陪我食素，難得今次有人陪，點都要食間好野。一去到鋪頭門口，全部都係人，我問有無位，都要等，原來大把人訂咗枱，無諗過咁誇張囉。幸好二人枱唔洗等好耐，好快有得入去食。款式都多，而且有標明係邊類素食，呢樣真係好好，唔怕食錯野。今次好失策，淨係掛住食，唔記影相，下次一定要再去食同影靚相。…Read More

好耐無同老公去撐枱腳，亦都好耐無食過點心，見今日行過無人等位就衝咗入去。呢間一向都有食開，只係每次行過都好多人等位，而我地又怕排隊，今次唔洗排隊，即刻入去啦。一坐底就叫咗菠蘿包，蝦腸，燒賣、牛肉球、叉燒包、腐皮卷，大約咁多啦個蝦腸唔係酒樓蝦腸，中間有d脆口野，但食唔出係乜，菠蘿包係有真菠蘿，但我最中意係佢熱ge，放入口咬都係熱，唔係暖。個山竹牛肉球有少少驚險，放上枱個下見到好紅，怕係未熟，阿姐都即刻攞入廚房問多次先俾我地食，服務態度👍🏻，唯一無咩特別就係叉燒包同腐皮卷，同出面差唔多。今晚試係好滿足，終於可以食到點心。…Read More

吹水永遠都係吹唔完，加上女人係有第二個胃裝甜品，咁就唔好客氣去食番個甜品先。人就係貪心，所以見 “cozy combo”有幾樣野，就豪不猶豫咁要叫，另外又見到梳乎厘，當然想試啦，有原味、綠茶同薑汁，我地就揀薑汁，因為cozy入面都有綠茶甜品。 Cozy一嚟到，部電話就要開工，確定係呃like吸睛的機會，而且對我嚟講係非常好，無雪糕，係慕絲代替咗👍🏻👍🏻👍🏻，我寧願食慕絲，雪糕溶得太快😤薑汁梳乎厘上場，大大個，靚，薑汁味都適中，唔太甜，呢度係配cream ，而唔係配雪糕👍🏻👍🏻可能cozy太靚，我隻眼都係停留係佢度🤣…Read More

約得呢位識食的朋友出嚟食飯，佢介紹的餐廳通常都唔錯😎。荃灣嚟講，去嚟去去都係個幾間大型商場🤦🏻‍♀️，再唔係就係去個條街。今次去咗佢推介呢間，希望有好野試到。去到揀咗二個set dinner， 一個牛扒配鵝肝，一個豬手。一向愛食鵝肝同豬手的人就係貪心，所以我朋友就好配合我🤪餐前有個湯同沙律，個湯味道唔錯，但略嫌個湯唔夠熱。牛扒嚟到，朋友一睇就話煎得唔錯，加上切開仲係見到pink 👍🏻，塊鵝肝個面可再脆d，整體嚟講算唔錯。至於隻豬手，皮夠脆，肉夠冧。但我地覺得二碟的汁係一樣架🤣🤣唯一美中不足的係我地揀唔啱甜品食，如果甜品多d款揀就好啦😊…Read More

咁啱約咗朋友食飯，又唔想去太遠，反正有人住荃灣就去荃灣搵食，雖然個個都知唔係去食街就去大商場食，但食咁多次都悶啦。荃灣友就話去酒店個邊啦，有煲仔飯食，心諗大熱天時食煲仔飯😅，不過未食就去試下啦。現場環境唔錯，坐得舒服，都見好多人幫襯緊。一睇menu ，有鵝肝、又有海膽係咩玩法，唔係煲仔飯咩，仲有湯飲？又有小食？ 雖人少少，我認我係為食，所以唔理，叫咗一個鵝肝牛柳煲仔飯、一個黑松露肉蟹海膽煲仔飯、一個一字骨雞翼、一個燉湯、一個浸菜。確係叫咗好多野，原本諗住唔會大份得去邊，點一嚟二個飯，個下呆咗，好大煲wor ，好彩都係share食。煲仔飯好香，有飯蕉，鵝肝好正，可以再煎香，有少少脆口就仲正，牛柳上枱時見到好紅，有少少擔心，但因為個煲飯勁熱，搞均嚟食d牛肉就啱，食到一半先明呢個原因。黑松露蟹肉海膽，唔洗講，正，夠香，夠甜。如果有機會我會獨吞海膽🤪。小食雞翼唔錯，單骨勁方便，份量都唔細，又多薯條跟。個湯，唔錯，不過食咗太多野，好飽，每人分咗幾啖就算。整體嚟講，食物唔錯，下次可以再試下其他款，因為見到隔離枱有一碟好大的雞，下次就要去食🤣…Read More

朋友揀了這一間餐廳，大家都睇緊有咩啱食。咁我地都係經openrice 訂枱。去到現場，坐低個一刻，店員同我地講用餐時間只有一個半小時，我當場呆咗一呆，我無諗過呢個問題，不過都算啦，只係貪方便，online 訂枱就係咁。我地叫咗一個拼盤，一個意粉，一個沙律，一個藍青口。平心而論，食物唔算太特別，同埋個場坐得有d逼。招呼都唔錯。…Read More

琴晚約埋出嚟食飯，有人推介呢間，就咁決定5條友去餐廳有Sake供應，酒鬼點可以無酒呢，某程度上一開始已經係咁飲，當然叫咗唔少小食送酒啦最記得燒豬大腸，好服脆，蝦仔都好脆，送酒好好。另外當然唔少得雞軟骨、雞皮、雞翼、螢光魷魚、象拔蚌、貴妃蚌等等。我好期待的鮑魚終於上台，講真，唔硬，啱啱好，好香，值得再食。其實上sake個壺都好靚，可能個人太中意透明的野，一個透明的茶壺做酒壹，又方便又靚，好啱女仔影相用，sake 杯都係靚，不過如果想飲少d的人就唔好揀透明杯啦，又或者一大班人去，可以幫人揀個大杯俾遲到的人飲🤣老闆好好人，又好好玩，係咁叫老闆一齊飲🤣可能間鋪細，人多，一飲大咗就好嘈，如果全場都咁開心，你話幾好呢。…Read More

今日係星期五，講真我都擔心周圍都會full晒，琴日打咗去問有無得訂位，好可惜無囉。咁今日去到諗住個個都walk in啦，唉，點知原來係有得訂枱，但只係我打電話打得太遲，唉......咁唯有等位啦好彩，帶位的同事都好快幫我安排到枱，因為我係第一張waiting。先叫咗野飲，咁啱又有恒生卡promotion 咁就當要叫埋啦！ 現場有live band，重點係今日好多人生日，好多生日歌聽😂。野食都係水準之作，無咩特別驚喜，但如果想好好吹水的朋友就可能唔太啱，但有樣野好就係無用餐限時，可以慢慢坐，慢慢飲酒。…Read More

食開年飯點都要食好d，不過過年期間食咗好多肉，又好油，唔知可唔可以食多菜食清d呢🤦🏻‍♀️有人欽點食呢度，酒店中菜廳🤤，點都有期望開年點少得撈起呢，三文魚撈起菜，個人覺得份量好足，好多疏菜，講真過年食咁多肉，呢個撈起菜多過三文魚，仲好大碟，4個人食都食唔晒，但我地係重點清晒d菜，剩咗d三文魚🤣仲叫咗味好似叫脆炸鱔，個人怕甜，呢個算唔錯； 仲有孜然肉串，真係唔錯，肉唔硬；燻蛋，煙燻味重，蛋黃味重；黑松露蝦仁， 黑松露醬味太重了。 真心，餸菜好食，服務都好。酒店中菜廳確實係有一定的保證。…Read More

約咗朋友嚟呢度，都係諗住佢個名叫Library 應該好多點心可以揀，仲滿心歡喜添現場環境係偏暗，見佢個名都估係serve 外國人多架啦，加上現場有吧枱同高櫈，好明顯啦。見到咁仲期望有好特色的點心啦點知坐底咗，睇住個menu，我同朋友的反應都係一樣，得咁少款點心可以揀，成本menu大約十版，點心好似只亦一版半，其他都係小菜，再唔係就drink menu、wine list 。心諗，唔係呀，咁都叫library 。 確實個menu令我失望，咁我地都照叫點心啦。講真服務同招呼確實係好，基本上有求必應；點心味道都好，唯獨個手撕雞腸粉真心覺得唔得，最好食係黑椒和牛酥，堅酥脆，又夠黑椒味，買相都唔差。不過如果有下次，可能要中午去，睇下係唔係會多d點心俾我揀。…Read More

係咁忙的日子，當然想平安夜對自己好d啦，最好就平平安安咁收工啦。為咗令自己覺得好平安，就咁班同事去咗食個好lunch，食餐好的再收工一去到，仲以為有人搞party 唔敢入去，實在太多人，仲要打去再問，好彩有職員帶我地入座。平安夜的日子都預咗會有special menu， 一睇原來係做semi buffet，唔怪得咁似搞party 啦。放係出面的野食就真係好一般啦，食落唔差，只係埫人式少咗d。到個主菜，唔知係咪遲的關係，原本menu 上寫的魚無晒貨，不過都轉其他魚俾我地，同事食話唔錯，至於我就叫咗豬，唔知係咪我無牙力，覺得個豬好硬，整體味道都不錯。最有驚喜係杯飲品，菊花羅漢果茶，個咳到七彩的同事飲晒枱上的茶，飲完就停咳👍🏻🤣。不過甜品真係好一般，所以我放棄咗。我發現我食得最多的其實係菜🤣另外，咁啱當日有一大班人係度食，佢地玩得好開心，但個場好困聲，略嫌有d噪…Read More

好難得約齊朋友出嚟食飯，去尖沙咀就預咗架啦，當然係交通的問題啦雖然呢度只係得二個時段可以訂枱，但都係訂咗先算。The one 係向高空發展就係人都知，所以都預咗間餐係又長又窄個隻。去到見到同我預期一樣，不過還好餐廳內都叫做行得舒服、坐得舒服。坐底就見到好多人叫藍青口，我地見到咁，都即刻見番碟試下。果然，青口好食，如果係配麵包可沾湯汁食，就會比薯條更好。另外仲叫咗牛油果沙律，鴨胸菇燴飯，廚師拼盤。 講真，野物唔錯，不過d包真係好硬。最後有朋友生日，叫咗餐廳整個甜品出嚟，係tiramisu，個餅好食，但好可惜串錯名囉，有d唔開心.…可惜，美中不足…Read More

之前已經嚟食過一次，真心覺得好好食，烏冬係高質的，配菜都好多花款，有牛肉、關東煮，天婦羅.....等等之前試過牛肉，又試過關東煮，好想再試其他野，加上又有幾款烏冬的配搭，太多組合可以揀，係有小小選擇困難症最後今次人揀咗掛烏冬配雞天婦羅，同事之前食過話好正無諗過炸雞係好脆，又夠味，烏冬keep到水準我仲見到人地有隻大大的炸雞脾🍗最好係見到佢有外賣，不過個外賣盒就非一般用盒，要俾$40 做按金，環保d都好，下次再忙就可以考慮下…Read More

好耐無去D2食lunch 今日好掛住個豬手，所以叫埋同事一齊去食，仲要早d過去，怕無位😅好彩今日過到去仲有最後一張枱🤪，唔洗等👍🏻睇到個menu，除咗豬手，仲有其他野吸引到我，個burger 係軟殼蟹😋，又有西冷，唔知點揀好。最後我地揀咗豬手，西冷同豬扒（唔記得係豬鞍同肩肉🙄）好耐無咁樣食，要任性下😂個豬手皮好脆，好正豬扒都ok 但個西冷就差d，熟咗d整體都ok，如果有杯靚咖啡就更好，可惜唔識形容佢杯咖啡😅…Read More