sek sek's Profile

做生意好得意,人地門口企到人山人海,而隔離就無乜人,誤通唔好食,所以我就走入去試試.........這間金鳳軒.地方不算大,而家點心專門店太多,要突圍一定要特別嘢食,要食好味點心可能大家會想起添好運,不過這間買點不只點心,而係煲仔飯.我只叫了蝦餃,排骨同煲仔飯.蝦餃:普普通通,無乜驚喜,而且重要每隻計,最少要叫兩隻起,食落唔夠爽口.排骨:味道還可以,不會太肥,而且唔會太淋,尚算合格.鳳爪排骨煲仔飯,足足等了二十五分鐘,真係即叫即煲,茶都喝了幾杯,打開時真係香氣迫人,成個煲仔飯都好熱,要加豉油焗幾分鐘才可以食,第一口食落去,發覺每粒飯都好爽口,不會太淋旁邊重有少少飯蕉,而鳳爪同排骨都是普普通通.食到最後成個煲底都是微黃的飯蕉,好香好好食.…Read More

有時D嘢點好食都無用,好似大蕃茄咁,地方咁細,枱與枱之間非常迫,有D座位跟本連一個都坐唔落,試問邊重有心機食,原本想開開心心慢慢食,但人來人往在你背後行來行去試問點食得舒服,冬天無咁熱還好,夏天點算......... 至於嘢食方面,選了牛肉蛋天使麵加凍檬茶. 原來天使麵放了湯係唔好食,麵質太淋食落一pat pat 咁,至於牛肉又唔太淋都可以接受,返而隻煎蛋,煎得幾靚仔幾香.而個蕃茄豬骨湯都幾好飲,但始終覺得同天使麵唔係好賠.最後提一提大家,所有野食唔包餐飲,一杯凍飲要$14.00元再加碗麵三十多元,加起來都唔平喎!!!!!!!!!!!!!!…Read More

有時唔睇下Openrice食評就走入去,發覺真是有點笨,這晚行過太子有點肚餓,看見有間京川舖頭就走入去食碗酸辣粉加口水雞$28.00元.以為有粉又有雞都算幾低. 一來到看見碗粉得兩三件雞肉,而且碗粉重唔夠熱只是微暖,先吃件雞食落淡而無味,口水雞應該有點辣味,可惜食誤出有乜味,而碗酸辣粉味道普通,沒有帶出酸辣味.吃了兩口就放棄,真是有點浪費食物,一試就知這間舖跟本沒有心機去做,如果早點睇食評,可能我唔會選擇這間舖頭.…Read More

要食得舒服唔世同人迫和唔需要同人搶野食,係我選擇餐廳最主要之一,Openrice 找到這間棕櫚閣西餐廳食評都幾好,而且地區重就我家左近,所以選了這間試下. 當晚六點九就到,原來地方不算大,但環境都幾清靜不會太嘈. 至於食物方面不算太多野食,魚生,凍蝦,長腳蟹,青口,小龍蝦,熱食都有,但種類不算太多. 今晚剛剛是二月新主題,法日鵝肝,燕窩自助餐,咁就試晒主題食物先.鵝肝同燕窩焗蛋都幾好味,剛剛煎出來鵝肝夠熱,食落比較油D,但加少少汁食落口即溶化那種感覺難以形容. 法式燕窩焗蛋,味道不算太甜,蛋面看見都有幾多燕窩,食幾杯都不太飽....... 有一個一定要試,就係龍蝦魚翅湯,味鮮而且真係有龍蝦肉同魚翅,重要加熱一個煲仔上好味 燒蝦同燒牛柳都好味蝦唔會燒得太乾身,牛柳燒起來都好嫩,而羊架都好淋. 最後當然是吃甜品,款式唔係好多,如果喜歡吃甜品可能有點失望,選擇不多..........…Read More

下午茶時間又唔想吃茶記,行過點喜來又未試過這間,就走上去試試,上到去只得兩枱客,而我一個人都要我坐單邊兩人位,大把窗口四人位都唔比人坐真係有點怪,無所為只想快快食完走.看見點心紙有下午茶有特價點心,比完本價錢平五六元,咁就叫了三個點心試試.牛肉腸,即拉腸粉夠熱,粉皮夠薄又滑,而且牛肉餡料又夠,好食!!!!蝦餃,睇落幾大粒,食落幾爽口,蝦肉彈牙,特價十八元食得過.......潮州粉果,想唔到最平,最有驚喜,起初以為同外邊的一樣,都是普通花生,沙葛餡,但食落個餡全部好細粒,好好味,皮 又唔太厚,可以加點辣椒油重好味呀!!!!!!…Read More

昨日睇蘋果動新聞推介黃師傅,睇條片見個師傅幾用心去包燒賣,特然好想去探探夠景,收工立刻起行........到深水埗地鐵站北河街出口行兩步就見黃師傅招牌,門口有外買好易揾.......踏入店舖地方不算大,得十張八張枱,當晚人流不算太旺,可能新開張無幾內,咁就立刻叫東西.因為要返家食飯所以只叫兩樣嘢吃.燒賣 饀料幾多,不會太多肥肉,而且都幾爽口,剛剛蒸出來那有不好吃.棉花蒸雞:這個好味,蒸出來時間剛剛好,魚肚唔會太淋,雞肉唔會蒸得太老,而且好入味好食. 最後提一提始店價錢並非想像中咁大眾化,點心種類並不太多但可以一試..…Read More

昨午行開JUSCO買嘢,其實已經吃了午飯,但看見龍德樓門口寫着下午茶八折,被吸引入了去.看見點心紙價錢都唔平,蝦餃 燒賣$28.00元, 牛肉腸$22.00 最平潮州粉果園$14.00 咁就試了三樣嘢先.........牛肉腸普普通通,雖然即拉,但粉漿太厚皮唔夠薄.蝦餃:蝦肉彈牙,皮薄好食.潮州粉果:古唔到原來最平景然最好食,成個粉果很飽滿,餡料又多,比其他點心專門店做得好..…Read More

看見前文食評,令我立刻食指大動,即晚立刻去找這間店試吓.青山道雖然唔難揾,但對我來講都幾唔就腳,揾左一陣都見到間舖,格局都幾始茶飺廳吓,有點心又有小菜供應,但我一心來到只想吃點心,所以叫咗蝦餃和灌湯餃試試.蝦餃皮唔夠薄,有少少淋淋地,但蝦肉結實彈牙幾爽脆, 小小豬肉包含在餃裏,令到蝦餃份量比例剛剛好實在幾好味!!!!!灘湯餃等了十多分鐘,首先看見買相都幾好樣,湯味道都幾清淡,不會過咸材料不算太多,但都有肉碎和 蝦肉加入了整隻餃裏,一少片冬菇和蟹柳伴入湯裏令湯味提升了不少味道,總括來說都算好吃.…Read More

第一次同事帶我來,六點半來到重有好多位,不過原來這裡要一早訂位,否則要在門口等位,好彩同事一早訂位,咁先唔晒等....本人未來過就由同事發板.避風塘瀨尿蝦,真係幾掂,須然唔係好大隻,但味道唔會太咸,而且蒜蓉又夠,最好就係無殼,因為好多人怕食瀨尿蝦要除殼,這裡就最放便.....米網蝦春卷,幾脆口都唔係太油利,送酒一流........芥末牛柳粒,口感一流,唔會太多wasabi 味,食落唔會太淋好食.........豉汁蒸白鱔,這個比起好多地方蒸好,豉汁味好香,又唔會好咸,送飯一流,白鱔肉又唔梅,食落重有少少彈牙.........…Read More

自己一個人到西貢行街,見松記門口好多人排隊又未食午餐,又未試過松記車仔麵,咁就跟注人排隊,不過好有秩序,而且重有個姐姐安排坐位,唔須要自己揾位真是幾方便,同普通車仔麵一樣排隊自己叫,但有好多種選擇,我選了豬手牛根腩河$29元,加多個咖喱魷魚小食$20元,要多枝無糖可樂$8元. 先講碗豬手牛根腩河,豬手得一件,牛根兩舊,牛腩兩舊咁就收$29元,而且份量真係好少,食落真係好普通,沒什麼特別驚喜,而咖喱魷魚只係將魷魚加點咖喱汁, 跟本魷魚就無味重要二十元,如果本人覺得比較好味是牛根,夠淋夠入味,牛腩比較瘦但唔痴牙,豬手未夠淋但味道可以.總括來講五十幾元食車麵真是有點貴..................…Read More

想唔到咁多間好彩,這間都算差得緊要.......以為午市食過幾好重有張100元食劵, 食滿五百元才有優惠,點知就出事.上湯龍蝦伊麵都普普通通都算O.K.二百三十八元大連鮑魚,好細隻,但好難趙,七十二元八隻片皮鴨一吃,但有點不夠翠,份量都可以,八十八元法式焗海螺,這個最揾笨,什麼海螺肉都未見過,只有薯蓉加西蘭花,咁就六十六元兩隻X2最後加咗碟通菜,結脤八百五十元,因為有優惠劵,以為可扣番100元,點知要二十七日才有用,都是自己沒有睇清楚,又貪小心...............…Read More

雖然是街邊小吃,但要整得好吃和價錢平真是好難,路過深水埗黃金聞到好香燒烤味,看到有間小食店買燒烤,看看價錢燒牛肉七元燒雞脾十元,比其他地區平一兩元,而雞脾重平多五元左右......但平都要好食才可以,所以決定試試. 燒牛肉:看起來一點黑,但食落好好趙口,原來不是一片片,而是一粒粒,吃起來帶點辣真係好好味............燒雞脾:雖然有點細隻,但十元有咁樣的貨色已經唔錯,如果大隻反而難熟,但細細隻燒起來容易熟,而且肉質比較嫩,吃起來口感比較好,味道方面皮翠肉滑,真係好好味.............…Read More

開始有點名氣的八月軒,午膳時候開始要等位,起初都無須等太久,但現在最快都要等三十分鐘,最怕就係無椅坐,企足三十分鐘,希望八月軒有點改善,無法啦如果唔好食我又點會三日內去兩次............六月四日就試了點心:乳豬,迷你桶仔飯,担担麵........................:乳豬:我想是全場最歡迎,差不多每檯都叫,我當然都要試試,第一吃落真是皮脆肉嫩,須然五十八元得四件,但都不算太貴,因為每件都有番燒排骨咁 上下大,而且重有少少伴菜吃落重開胃..............:迷你桶仔飯和担担麵都是好就珍,一個人食就剛剛好,但味道都幾好味,迷你桶仔飯好似炒飯咁,但食落又沒有炒飯的感覺..........:):担担麵當然沒有上川麵館出色,但都不太差,湯底好足料,花生好香,麵條好爽,可惜細細碗唔夠吃.............:跟注重試了狀元蝦餃皇,二十元一隻,睇落都幾大隻,食落就普通,可能太大隻的關係,吃起來有點散,最終皮有皮食,蝦有蝦食........…Read More

以前睇咁多民華食評自己都未試這間餐廳,上星期四終於有機會試下,當晚大約十點多入到去都幾多人,阿姐見一個人就要同人撘檯,但入面好多單人檯都無人坐都唔我坐,所以我沒有理會阿姐,自己坐單人檯,看見餐排試下中式點心. 好多人推介燒賣咁就試咗,比起想像中差,雖然十二元咁平,但水準就比起街邊還要差.................. 跟注叫了過煎蛋牛肉飯,簡直我接受唔倒,成個蛋死實實,牛肉連飯都好難吃.................我都唔明點解有咁多笑臉.…Read More

同家人和外甥上星期五晚去園林閣食自坐餐,因為有Open Rice 優惠券,五個人有八折,大人288元,小童188元都唔敢有咁大奇望.........我是第一次去這間Cafe,到達門口樓底都幾高,坐位都幾舒服,可能編位靠近生蠔區攞嘢食非常放便.生蠔、長腳蟹、翡翠螺。全部都有壽司刺身只屬一般片皮鴨，好正!!!,不過出晒就無,所以最好第一時間吃左先.牛扒 , 燒鱸魚 , 燒大蝦比較好味 , 雞翼 , 雞軟骨都O.K.連潮州嘢都有,我喜歡蠔餅,細細塊好好味.糖水勁多款，有腐竹蛋花、雪梨羅漢果、花旗參蜜、木瓜雪耳.阿媽勁鐘意............有杯裝雀巢雪糕同綿花冰,綿花冰可以自己加生果和糖醬.......阿女最喜歡......飲枝裝汽水,果汁,Coffe,奶茶任飲.............其他熱食和甜品都幾好味....... 二百五十元咁多嘢食都算底,最後提一提Services都好好,收碟 好快手,唔會玩層層疊.......…Read More