DoraemonKan's Profile

第二次來食，估唔到就快結業，未試過一定要食，好食過深水埗排隊既車仔麵。午餐肉雖然得一塊，但厚切好食。牛腩軟硬適中，味道中上。蘿蔔夠稔算甜。雞翼有兩隻，夠大，滷味夠味。墨魚春卷香脆，中上。木耳正常。沙嗲汁同麻辣醬好惹味。食左個fd既叫既豬手，皮夠哂稔，唔錯。打呢篇食評時先發覺原來漏左豬皮，上次食過一次印象都ok, 未結業前應該會再去食多次。雖然營業時間寫到1930, 但我兩次都係1930先去到食，未關，仲有客人同外賣單。亦可以打電話去問下關門未，唔識路都可以問，個鋪位都幾難搵，上次亂行去到，今次行左兩圈都搵唔到，要打電話去問老板。見到snap 24/7 fitness, 留下有間7仔，對面有間聚興樓同百樂餅家，就係望住聚興樓既右邊有條L向上斜路，上去就到。希望快d出post, 等未試過既人去試下。…Read More

第一啖試濃湯，覺得不濃，無花膠雞湯個種黏性，湯無味好淡，葵芳個間好好多。第二啖試藥膳，湯味好淡，因為米粉唔夠稔，所以我將成個米粉車左落個藥膳湯煮，煮完個藥膳湯完全無哂味，淡如水，反而再試番個濃湯就有d味，尚可接受。藥膳雞如圖，全部都一細舊，無肉食，另一個就有叫有3,4舊雞胸。呢個價錢好唔值，性價比低。5分滿分招牌癡花膠雞濃湯上海麵 2.5分湯 2.5分 尚可，不夠濃，無花膠黏性雞 2.5分 雞胸藥膳黃酒花膠雞湯米粉 0.5分米粉 1分 偏硬，平價米粉雞 0分 細舊全骨，無肉湯 0.5分 藥膳味有d，但個湯好淡。…Read More

人多好熱鬧，平日夜晚7點左右已經9成坐滿，可能係「夜繽紛」關係。5分滿分豆腐火腩煲（2分）味道偏鹹，豆腐滑，腩肉皮肉分離，肉瘦且鹹，屬中下水平。豉椒炒蟶子（0分）味道淡，豉椒少，蟶子不多，炒出來無鑊氣，算難食。蝦醬通菜炒牛肉（1.5分）汁多且非常鹹，油膩，蝦醬味不出。黃金鮮魷（1分）炸皮非常油膩，成碟都好油，咸蛋非常足夠，好夠鹹，魷魚新鮮。北菇雞拼牛肉煲仔飯（3.5分）牛肉同雞肉不錯，有飯焦，但略嫌不夠香，唯是全晚最好既菜式。…Read More

見到好評唔一定好食，坐係坐得舒服，但食物質素好一般。提供既茶杯好特別，茶葉係杯底，下相係初初倒水入去，水不夠熱，往後茶色有比較濃，但茶味並沒有。生蠔，15蚊並不要求什麼，但無味，Oxxxxx Sxxxxxx 特價10蚊隻好食好多刺身蝦，全晚最掂係隻蝦，新鮮好食刺身拼盤，不過不失海膽，只係88蚊+18蚊紫菜同飯，海膽預左個素質係咁，但紫菜一來已經稔哂，飯就一舊唔分明翠肉瓜串燒，燒得夠稔，但醬汁偏甜，唔啱我鰻魚壽司，唔香鰻魚味，一夾條鰻魚就散，好梅，得個甜字，無鰻魚味，飯一細舊串燒，好麻麻，無串燒既燒烤味，無香料味，豬牛雞肉尚可，但牛舌心燒到好乾好韌炸蝦卷，炸蝦有大浸油炸味，街邊d炸魷魚都唔會咁，好爛食羊架，乾柴無羶味總結，3個人食，唔算飽，總數＄1133, 呢個價位去食放題好好多。…Read More

朋友係YouT睇到介紹，話要去試鱔糊、鍋貼同上海粗炒。去到先知晚市無鍋貼，所以叫左份小籠包、砂鍋雲吞雞同上海粗炒，個「姐姐」好驚我地食唔哂咁，話份砂鍋雲吞雞好大份，叮囑唔洗再叫喇，夠食㗎喇，但我話仲想叫份鱔糊喎，叫完份鱔糊，個「姐姐」再表示好夠食，唔夠先再嗌。第一碟來既係鱔糊（7/10分滿分）色、香都好，味唔差第二碟上海粗炒（2/10分滿分）香有，但麵硬。味一般。而且份量好細份，仲話好夠食，我地兩個已經擔心食唔飽。第三係小籠包（1/10分）皮非常厚，以致摺位只能摺十餘下，肉多有湯汁，皮厚已令小籠包唔好食，個1分係俾有湯汁在內。最後，砂鍋雲吞雞 (3/10分滿分）半隻雞，5,6粒小雲吞，約半個半斤菜，有少量金華火腿。湯味不鮮。雞有雞味，肉稔，尚可。雲吞量少，細小，味差。菜入味，還好。結論：不推薦…Read More

以馬鞍山無乜米線鋪，第一次去食富輝呢間雲南味味小食來講，算係不過不失，當然無出面個d酸辣米線咁惹味，但都好滿足，可能我太肚餓。試左好多人推介既酸菜肉麻辣雞米線，加份手撕雞，酸菜算多但味唔酸，麻辣雞都ok, 但加埋得辣味，無乜酸味，如果多返少少酸味就perfect😀5分滿分酸菜肉 2.5分酸菜無乜酸味，但唔加酸菜既話，湯底應該無味麻辣雞 3.5分要有d辣味，個湯底先好食手撕雞 2分麻麻地，叫左一份小食，凍凍地，無麻無香味，小小咁多辣，撈埋落碗米線到，好多辣油，原本已經只辣無酸，雪上加霜，撇走d辣油都ok米線 4分唔硬，算稔，啱我湯底 1分無味…Read More

又被多好評呃左去食，都唔好食既。叫左3份餃，3份餃都無特別同無乜鮮味，唔覺食緊鮮肉餃。香菇鮮肉餃10隻，為左唔浪費，食哂，食到第9隻先食到少少冬菇味，一d都唔香，鮮肉又唔鮮。咖哩椰菜鮮肉煎餃10隻，少少油，對咖哩餃唔好，食完淨得咖哩味麻辣白菜鮮肉餃10隻，得辣味無麻，無白菜味，鮮肉一樣無味。附近好多買餃既店，竟然去左一間唔好食既，西貢有間食餃好好食，就算係雪櫃d冰鮮餃都好食d ，咁就浪費左一餐。無下次。…Read More

呢間米線鋪食左好多年，次次都會叫4,5,6個餸既小鍋米線，每次食完都十分飽肚。今日叫左碗蘿蔔，雞翼，腩肉，雞絲，豬潤，鴨腎米線，一來我睇下有無漏餸，有時會有漏餸，今次望落去細碗左好多，感覺得番7,8成餸同麵。湯底差左好多，以前好濃好味味。蘿蔔一時時，有時會太老有渣，都夠稔，但以前有4,5舊大大舊，今日都番3,4舊仲要切到好細舊。腩肉同雞翼以前好食好多。寫此食評，警惕下自己唔好再去。ps 廚房個女人除罩咳左兩聲…Read More

Facebook見到廣告，見大家都話正，試完真心伏到一個點。店舖好迫、坐位好少直身一排靠牆既枱，最多坐到6人，另一牆身係通道，2人一個爐，4人又係一個爐，6人都係一個爐，感覺好差。6人一張枱好迫，放個袋都無位放。6人一張枱，枱面完全無乜位。款式好少Facebook廣告張相佢有蝦，但實際係無。食物質素全部食物都無醃製過，只提供孜然粉，鹽，胡椒，辣粉。肉質一般。烤煮過程烤煮過程好慢，烤丸要6至8分鐘，烤肉要10-12分鐘。限時120分鐘，基本上唔會食得飽。總結，二百幾蚊去食其他仲好。…Read More

中華沙律normal燒菠蘿normal元祖拉麵豚肉無味，湯底無味燒牛舌算係唔錯既一款燒雞翼無味，仲要帶血，唔熟，講左話唔要，要退。佢轉頭話幫我再燒熟佢，我就話我唔要喇，同埋咬過仲燒番，最後先話取消。燒雞腎同上一樣唔多熟，而且唔太新鮮，咬左舊口感好差帆立貝差貨，口感梅梅地蒜蓉燒扇貝蒜蓉唔得，扇貝唔係原隻燒，剪開，口感唔新鮮北海道蟹柳壽司唔知係沙律醬款，不過唔多得，完全無蟹柳味海膽壽司舊飯黏到一舊，海膽唔係放雪櫃？食落唔凍，係室溫感覺，口感一般，可能唔新鮮燒茄子好普通，無出面燒得好食小插曲：我地order左成20分鐘，先出得中華沙律，拉麵同燒菠蘿。隔離位遲我地20分鐘到，但佢地早過我們有燒既串燒，我問佢點解隔離遲咁多order都有串燒，我地個d仲未有，佢話跟下先，跟完就拎左未熟既雞翼同雞腎來。…Read More

Christmas holiday order左呢間係facebook非常好評既到會，但食物令人失望。迷你蛋沙律牛角包不過不失, 8樣野食之中, 大家都話最好係佢炸蟹鉗拼炸帶子食粉, 麵粉同粉鮮雜果沙律正常沙爹串燒牛柳大家望到已經無人想食, 又乾又韌全麥辣肉腸手指包條全麥包都應該可能啱既, 但入面完全無餡, 無辣肉腸孜然香草雞翼失色西蘭花焗薯蓉 薯蓉OK, 係d西蘭花黃左D芝麻手撕雞全部野最差係呢個, 冷凍既手撕雞, 口感好差, 雞唔係一撕撕，係一舊舊，冷凍左醬料黏附住舊雞上面，食落口真係好差，街邊外邊一盒既手撕雞好食好多…Read More

「人氣」餐廳試食體驗環境燈光光猛，唔會好暗，幾好。不過抽氣好差，縱然每張枱有獨立抽氣喉，但全場都有一層薄薄既煙霧，食完全身上下都有一層油覆蓋住。員工個別員工態度有D惡劣飲品有道地烏龍茶，亦有糖既飲品，都ok另加$28和牛$鹿兒島豬肉和牛無乜牛味，亦唔係入口即溶。豬肉尚可。於Openrice收藏本店送人頭海鮮人頭海鮮，除左蟹蓋，蟹蓋得一隻，我無食到，無得評。帆立貝尚可。貴妃蚌。鮑魚。另外仲有蝦同蠔，不過任食已經包左，係一樣，見下。海鮮蝦ok。生蠔唔得，唔新鮮。魚鮫ok。肉類整體牛一般，牛柳粒反而幾好。地獄豬頸肉幾好，不過唔食辣唔好試，都幾辣下。明太子雞翼幾好。雞排ok。刺身三文魚一般，帶子尚可，北寄貝ok, 油甘魚尚可，馬刀貝尚可，左口魚ok雪糕每人有一個haagen dazs雪糕，有曲奇，雪呢拿，士多啤梨等，離坐前半小時就last order，會問埋你食咩味，我問個待應：「我地last order d野都未上，咁快食雪糕」待應回答：「雪糕會係離場前15分鐘先上」最後個雪糕係離坐前25分鐘就上份量單上寫一件件計，不過寫4,4,4,4,4,4, 偶會有幾樣係得3。至於海鮮，蝦寫8或12, 有次來5, 有次來7, 總之一定唔齊。蠔就寫8來6。下單速度加左$28任食和牛同收藏左呢間店，第一轉佢會上人頭海鮮同和牛先，其後叫既肉類同刺身都會係5-15分鐘上。海鮮就真係等得耐，坐低就已經畫左一張，等左成30分鐘都無，再寫一張，過左15分鐘見未來，就問待應，待應話宜家先入單，再過15分鐘都係無，再入第3張，再問佢之前已經落左既2張單，都未到，待應回答陸續出梗，但最後過多5分鐘都係出得一次。說時遲，那時快，就話last order, 都未食飽野，追海鮮又唔來last order 已經提你半個鐘夠鐘就要交枱。上完雪糕，之後剩返15分鐘交枱先上齊last order d野，待應已提第二次夠鐘就要交枱，我地係到講：「你地d野食追極都唔出，邊有時間燒呀」個待應大笑左出來，就走左。夠鐘交枱前兩鐘再催多你一次要交枱喇，堅係有d火火地。呢間所謂「人氣」餐廳，名不副實，和牛無牛味，order追極都唔出，係咁催客要交枱，無下次。…Read More

叫左杯“滿杯紅柚”，35蚊，有幾片紅柚，味道唔錯，都有紅柚味，唔會太酸亦不會太甜，但無半杯紅柚汁，反而有大半杯冰，啜得兩啖就已經啜到冰，呢杯唔係沙冰呀，唔知點解可以大半杯都係冰咯，35蚊好呃錢，完全唔值呀…Read More

荃灣兆和街附近有好多茶餐廳，呢間好多人，坐滿仲有人等位。餐包蛋腸配火腿通+奶茶 $35我就食左沙嗲牛米配火腿奄列+奶茶，加$5唔要餐包轉左牛油脆豬，咁就$405分滿分牛油“脆”豬(2分)一d都唔脆，好好口，加$5完全唔值沙嗲牛肉(0分)完全唔知自己食緊乜落肚米粉(1分)質感好差火腿奄列(2.5分)尚可，偏油奶茶(2.5分)尚可，唔夠滑相比至下，咁既價錢可以有好多好選擇，就算係連鎖式既大X活，都比呢間好。…Read More

後記：2018年1月23日份食評唔批,，今日2月2日再重發。美孚野食唔叫多，不過唔係間間都試過唒，今日冒死試左畢生難忘既石鍋飯，主要係見到有個杏汁豬肺湯就吸引左入去食，入面環境唔差。一個石鍋炆飯配燉湯$78, 同區唔算抵食，但食落就完全唔掂，不值一文。珍珠帶子雞粒炆飯，每粒飯都俾一層油覆蓋著，好佩服廚師不惜油錢咁落足油，令到成個石鍋飯令立立，望到已經唔想食，食左一半已經無食，好浪費，但望住個石鍋底有全部都係油，相信無乜人會食得落。杏汁燉豬肺，賣相奇差，火喉太夠，料不足，豬肺也不好。…Read More