carokwok's Profile

呢間放題好高質素，好值得去！雖然環境好大都全場爆滿！壽司刺身熟食係電話掃QR ，夠哂環保又清晰，好方便喎！刺身選擇都多，有三文魚帶子油甘魚赤蝦甜蝦吞拿魚等等。三文魚🍣新鮮肥美！油甘魚甘香鮮甜。仲有花芝戀，鵝肝壽司同海膽壽司🍣夠哂抵食，放題好少有！一定要食返夠本😋酒煮鮑魚大大隻，幾惹味又煙韌！仲有另一款寶石鮑魚拖蘿蓉杯，都不可以錯過！呢間啲熟食都唔差架，全部黎度都係熱辣辣！一口牛柳粒又整得幾嫩口 ！羊架牛舌好有韌口惹味👍😋一啲都唔鞋。牛油酒煮大蜆食落好解油膩又開胃。仲有乳鴿，花膠食，真係夠哂誠意呀！除左電話點餐，出面仲有啲自助海鮮熟食，沙律吧🥗糖水，老火湯，雪糕，甜品蛋糕，多款飲品清酒啤酒仼飲！花多眼亂🤩食到最後真係飽到好滿足呀！…Read More

今日朋友帶左我去the wave,原來有好多餐廳☺️呢間餐廳去到已經全埸爆滿，仲擔心無得食，好彩朋友醒目有訂到枱☺️環境都唔錯，好有田園感覺。餐廳有set dinner🥂款款都好似好吸引😌前菜：揀左黑松露意大利雲吞 🥟同加錢叫左蝦肉牛油果🥑芒果他他，兩樣都好味，值得加錢叫！好香又濃味既黑松露意大利雲吞，食落好creamy,皮薄。加左啲炸麵條，食落更有口感！蝦肉牛油果🥑芒果他他:好fresh 既前菜，好開胃！蝦肉彈牙，配埋牛油果同粒粒芒果又幾夾，甜甜地，口感豐富，好味😋是日餐湯有濃郁甜甜既南瓜湯🎃主菜：鮮海膽明太子蟹肉意大利扁意粉🍝🤡濃烈既海膽配上少少辣味既粒粒明太子，食落好有口感。加埋蟹肉，令味道更鮮。唔錯😌慢煮紐西蘭牛柳伴香煎鵝肝😍牛柳以慢煮方式慢慢煮，令到肉質唔好韌，juicy 😉好重牛味香油肥美鵝肝，配埋甜甜紫薯幾夾，可以解一解膩。👍🏻最後叫左兩杯好有特色既 soda🍷荔枝波蘿藍蝶花梳打，層次分明，好靚飲落唔會話好甜。玫瑰白桃梳打🌹飲落好清甜既花香混埋香桃味👍🏻唔錯…Read More

今日去左將軍澳大超市朝聖一下，發現個度有條長長既海濱長廊，見啲人散下步踏下單車🚴🏻‍♀️好寫意。長廊旁邊好多間餐廳🍴俾呢間日式餐廳深深吸引住！剛好有lunch set ,定食定價唔會話好貴！餐廳環境好舒適，落地玻璃窗對住海旁。更有廂房提供，夠哂私穩度。我哋12點入座，起初無咩人，點知過多一陣，到左放lunch 時間即刻坐滿左人，好彩早入座😀 所有午市定食有沙律🥗茶碗蒸，漬物，味噌湯，御飯。可以加錢轉烏冬。難得食好野，決定試下食師傅發辦刺身同壽司10貫。如果係出面食omakase唔止呢個價錢，所以算抵！多款既刺身放到好靚，而且仲非常新鮮！刺身厚切肥美，入口真係好滿足！尤其大拖羅，真係不得之了！😍入口即溶，唔會食到根，魚油爆燈。巨型日本生蠔🦪相當飽滿。放入口好creamy，好鮮海水味🌊好濃郁！甜蝦食落彈牙爽口😋海膽亦是推薦之一，濃烈新鮮既海膽味，真係好令人滿意！另外比較少食到既當造螢光魷魚🦑真係令人驚喜。一咬開，內裡竟然含有飽滿既魷魚子膏，魷魚爽口嚼勁！另外壽司🍣款款都均有驚喜，非常豐富。鯛魚，金目鯛，味道甘香肉質嫩滑！油甘魚口感爽滑甘香。Omakase 10貫壽司配的味噌湯，有所不同。包含黑珍珠蜆，味道更加濃烈鮮味！茶碗蒸亦相當豐富，蒸蛋吃落很嫩滑，蛋味香濃。蛋中含不少配料，有蝦，雞肉，魚旦等。食完整份餐真係又飽又大滿足😍😍…Read More

去左megabox 行街，行到攰想搵地方坐下食下野。但周圍都多人，又唔太岩食。上網睇吓，俾我搵到呢間餐廳😋價錢又唔貴，見幾正咁。位置就係megabox附近，一於揀呢間啦！🥳仲有優惠！一去到，環境幾靚，夠哂舒適闊落！Set dinner 都好吸引。前菜沙律🥗一啲都唔求其。有啲蟹肉係面，仲有好清新橙肉，食落好開胃😋配上一碗濃味既羅宋湯🍲飲落好香又有少少既辣味，好惹味！主菜揀左：黃金蟹肉闊條🍝賣相好靚呀！滿滿既蟹肉同鹹蛋黃舖滿左係面。將蟹肉同蛋黃撈匀，食落每一啖都有鹹香鮮味既味道，闊條麵好creamy 香滑😋牛油果軟殼蟹漢堡配蜜糖薯條🍟平時食漢堡都好少揀軟殻蟹漢堡，總覺得漢堡係要食牛肉先好味。但見到呢個仲配埋牛油果🥑，好少有一於試下！軟殻蟹炸到好脆身🦀熱辣辣，連埋牛油果一啖食，可以解一解油膩，好清新既口感。唔錯👍🏻飲品都好特別，叫左杯棉花糖朱古力🍫賣相好靚，朱古力夠哂濃郁！加埋啲棉花糖同cream，夠哂sweet呀！冷壓蘋果汁🍹鐘意飲蘋果汁既就要試下喇！飲落好 fresh 既感覺，好香既蘋果甜味，好解渴👍🏻…Read More

經過呢間好多人等位既cafe店😁餐廳非常之特別，裝潢很特別，放滿很多懷舊既裝飾，打卡影相一流。員工的服務態度亦非常有禮，值得一讚！食物方面意想不到的好味，而且都算多選擇！無論主食或是甜品都咁好味，令人有驚喜！野菌松露忌廉扁意粉🍝鐘意食黑松露味高岩哂，夠哂濃郁，但不會覺得鹹，加了忌廉去中和，令到意粉夠哂creamy!加埋野菌一齊食更加有口感層次！招牌窩子酥皮pizza🍕👍👍即叫即製pizza!而且同平時食既pizza唔同！pizza餅底好好味，用左鬆脆酥皮製成，食落好有口感鬆化！我揀左日式海鮮大阪燒簿餅🍕夠哂特別！而且好有日式風味！食落好惹味！加滿了不同既海鮮，魷魚，蜆肉，墨魚等等，不同口感，夠哂滋味！呢度既咖啡☕️亦非常好飲，夠哂濃郁，咖啡豆味香濃醒神。易入口！玫瑰蜜桃花茶🍑☕️味道都幾夾，玫瑰🌹花香果混合蜜桃甜味，飲落唔會太甜。最後叫左個甜品🍮Dirty tiramisu😍👍好味！份量都幾大！個Tiramisu食落好香既咖啡朱古力味，唔會話好甜，連埋個餅底一齊食，好有層次口感。同出面食到既有唔同，好鐘食😺…Read More

今日去左呢間係the wave 上面既西餐廳食飯，環境好靚，已經好有聖誕節🎄氣氛了！餐廳全層樓大，座位闊落，分左幾個區域，仲有房廂，岩哂一大班人黎聚餐！好鐘意佢個環境，設計時尚豪華，影相一流。食物選擇亦好多款，仲有得食生蠔添！今日得兩個人叫唔到太多野食，樣樣都好吸引。香烤雞翼 配泰式羅望子醬🌶🌶鐘意食辣既，推薦要食！個醬好好味，好夾啲雞翼一齊食。佢個種辣係香得黎好開胃既辣，令到雞翼好惹味！而家雞翼本身都炸到好嫩滑又香脆，唔會話厚粉。好鐘意食😄鮮海膽蟹肉闊條麵🍝呢度既闊條麵都係自家製既，用美國🇺🇸雞蛋🥚，所以食落既蛋味會重啲，色澤亦鮮豔啲！食落口感好煙韌，有咬口。用左好多既蟹肉同海膽去調味，夠哂濃郁有鮮味呀🥰正。烤乳豬件🐖配無花果蜜糖燒汁乳豬經過12小時低溫慢煮，肉質好嫩滑，唔會覺得鞋口，而且個乳豬皮做到好脆身，好容易就切得開，好味道！個燒汁甜甜地，可以中和一下乳豬既油膩感。呢度仲有提供好多款既酒精同特式飲品添！我就叫左杯:snowvocado🍹賣相好靚，伴碟仲放有菠蘿乾，爆谷cream.飲落唔會話好甜，好香既椰奶菠蘿味。朋友就叫左 竹炭奶蓋茶🍵幾特別！黑色既奶蓋，都係第一次見。茶味香濃，混合左竹炭果既芝士奶蓋香味，口感層次豐富，好creamy…Read More

今日行過見到呢間泰國🇹🇭餐廳做緊$1就有得食菜國菜，今日咁岩有我鐘意食既明爐魚🐟哇！咁抵食！平時叫都要成二百蚊！唔叫黎食真係對唔住自己呀🤭好在我地好早6點就入去食，晏多少少已經Full哂要等位🤝餐廳都幾大間，坐得都好舒服夠闊落。明爐烏頭魚🐟一路煲住，keep warm.天氣咁凍，食呢碟餸真係成個人都暖哂。餐廳仲好細心，驚煲到無哂湯，會另上一碗湯俾我地加。個汁真係好惹味，酸酸辣辣，加上烏頭魚獨特既香味，好合襯夠哂開胃！條魚都幾大條，魚肉都幾滑，唔會話有好多骨！最鐘意佢加左啲肉碎，菇同椰菜落去，連埋個湯一齊食，真係好味。香葉辣椒雞肉炒河🌶鐘意食辣就岩哂喇！佢炒到碟河粉夠哂香辣，唔會話好油。加左啲雞肉碎同香葉去調味，夠哂香呀！唔錯。焗大蝦粉絲煲🦐正呀！好足料好大份，大大隻大蝦 已切開，方便食！大蝦鮮味彈牙！配上濕濕地既粉絲好夠味香濃，又加左啲辣味，真係惹味到不停食呀！仲叫左大大個清甜多汁既椰青，解一解油膩！😄好飲呀…Read More

呢間台式火鍋一直都想來食下，點知俾我發現原來9:30後來食有半價😱😱咁就抵食了！🤭🤭上到去都好Full,環境幾特別，行中國風路線。冷氣仲好夠凍添🤭叫左個養生湯底🤭一黎到已經嗅到好香既人蔘味！撈一撈個湯，嘩，唔怪得咁香咁重味，原來好足料，條條人蔘仲要好大隻🤤🤤正呀！夠哂補呀！😻除左人蔘之外仲落左好多其他配料落去。見個湯底咁正，仲特別叫左白玉毛瓜雙拼 ，等啲瓜慢慢煲到淋哂，索哂個湯底，食落更加濃味呀！打邊爐當然唔少得叫 安格斯雪花肥牛啦😍肥牛色澤相當新鮮，好靚。食落夠哂嫩肉又重牛味呀！另外叫左皮蛋貢丸。又幾特別！要小心咬開裡面拿爆汁！釀左皮蛋薑汁入去，食落好惹味，又juicy ，夠哂鹹香呀！唔錯。咸蛋黃醬炸魚皮🤤炸到好香脆濃郁。鹹蛋黃香味真係好襯魚皮，唔洗沾湯或醬油都夠哂味道。另外仲叫左台式特色小食：炸臭豆腐😋又係炸到好熱辣辣，好脆口。沾上滿滿既甜醬係重點！食落真係好有夜市食到既感覺😋王子麵 🤤配呢個湯底，無得輸呀！仲叫左杯冬瓜茶飲，甜甜地好解油膩呀😌…Read More

今日放假約左好友出來 relax 下傾下計。特意揀左呢間舒服既餐廳食lunch.餐廳環境開揚舒適，夠哂闊落。裝飾幾靚😄朋友都好鐘意。坐低左之後，職員就會為我們送上餐包，餐包剛剛烘焙🥯出爐，夠哂熱辣辣😋lunch set 主要有兩個courses.可以另加錢升級。沙律🥗:鮮蝦🍤香梨雜菜沙律🥗蜜糖芥末汁。這個沙律特別開胃，好喜歡佢用左蜜糖芥末汁，酸甜既味道很醒位，而且佢個香梨好爽好清甜，好味道😄大蝦亦相當彈牙爽口呀！是日餐湯係：蕃茄雜菜湯🍅香濃足料既蕃茄湯，落左好多配料，口感非常豐富，而且煲到好淋，個湯好好飲😋主菜：炭燒美國黑毛安格斯西冷扒🐂賣相燒到好靚🤤 配上牛肉濃汁同不同味道既芥末醬，非常合襯😄牛肉口感嫩滑，5成熟，好多肉汁，黑毛牛既肉味更香濃！👍配菜既薯蓉亦很好味，係用左一塊塊既薯塊製成🤤好cremy又有口感！朋友就叫左 :香煎盲鰽魚🐟起初都擔心呢款魚唔岩用黎煎，但聽到職員既介紹之後，一於試一試。點知又真係唔錯喎！煎得幾香幾好味。而且唔會話覺得好鞋肉。盲鰽有種獨有既魚鮮味，魚肉較為濃味，煎完更加香！真係無介紹錯。餐廳既熱奶茶☕️也不錯。茶底香濃細滑，幾好飲👍…Read More

想不到在觀塘區都可以找到間環境高尚卻價錢親民的西餐廳。餐廳佔地很大，空間感十足，設有酒吧，更有獨立房，還有live band。環境十分雅緻，裝潢設計富有格調，感覺高尚又有氣氛，充滿浪漫情調，跟外面工廠區相比，完全是兩個世界似的，在餐廳坐著好有避世的放鬆感覺，給客人一個喘息空間。香煎鵝肝多士份量驚人，鵝肝非常大件又厚身，煎得恰到好處，滑溜又充滿油香，配上香脆的多士吃相當美味，還有無花果中和油膩感。香烤雞中翼配泰式羅望子醬，雞肉嫩滑，烤得好香又惹味，還灑有香脆麵包糠，加添口感。北海道鮮帶子魷魚意大利飯可算是fusion菜，十分出色，帶子超大粒厚肉，肉質很新鮮又嫩滑爽口，意大利飯非常creamy，軟硬度恰到好處，醬汁夠多又香濃，加入勝瓜、玉子豆腐和鹹蛋黃令口感和味道很有層次，值得一試。美國馬尼拉蜆蝦乾意大利粉也相當有驚喜，蜆肉很多又大顆，而且鮮味十足，配料除了大大隻的蝦乾外，還有勝瓜、蕃茄和指天椒，挺豐富的。醬汁是白酒牛油汁，味道十分濃郁，卻又不覺油膩。飲品水晶菠菠，以菠蘿汁、蜜糖、香蕉糖漿混合而成，菠蘿味豐富清甜，帶有香蕉的香甜味。吉蒂博士好有特色，原粒荔枝果肉加小蝴蝶結形的糖果隱約拼成吉蒂的模樣，賣相可愛。菠蘿汁、乳酸、荔枝糖漿加檸檬果汁混合得宜，味道香甜又解渴。…Read More

今日朋友帶左我黎呢間餐廳傾計食飯。一入到去個氣氛已經覺得好好，裝修設計都好浪漫，💕真係唔錯。員工既服務都好好，好nice🤗餐廳推出左好多唔同既優惠，好抵！-食主菜加$98 都可以有無限任飲優惠，包括啤酒、紅白酒、🍷Cocktail、Mocktail、汽水、果汁、咖啡 。-身分證英文名有”cosmas”字母，又有折。夜晚十點後黎飲酒， $148就可以無限任飲添！又幾抵。朋友鐘意飲酒岩哂了🍻而且仲有幾部電視有得睇直播足球⚽️👍食物選擇亦好多種類，價格不會太貴。仲有好多唔同既酒提供添☺️我地就叫左set dinner🥘 仲用左$10優惠價叫左生蠔食❤️🤭美國明珠蠔：都大隻，生蠔好新鮮，帶鮮甜而濃烈既海水味，食落好creamy！值得一試。前菜：煙三文魚蝦卷配西芹蕃茄沙沙 沙律🥗呢個前菜真係好豐富，好好味！配搭新穎，連埋啲沙律菜食，帶出鮮味同鹹香味。蕃茄沙沙又帶點酸味，幾開胃既前菜。是日餐湯：好濃味既蕃茄湯配上脆卜卜的蒜蓉包👍Parma ham配露笋密瓜 ，清新既味道，可以解一解油膩，yummy!法式春雞🐓 哇！咁靚既，影相岩哂！上菜已經嗅到好香既燒雞味，燒到雞皮好脆，好香。切開啲雞肉係好嫩滑多肉汁既，唔會好鞋。個汁配埋都好match，好香好惹味！德國咸豬手🐖豬手好大份，好彩幫我地切左一件件，好放便！個皮燒得香脆，唔好以為好難咬開。食落真係好軟嫩！好多油脂好香！配上蜜糖芥末籽汁，味道可以中和一下，不會好鹹，更帶點甜味清新。伴菜能解解油膩感，好開胃！😬Virgin colada🍍🥥好大杯，放到好靚。淡淡既椰汁香味，再加上菠蘿肉，真係好似食緊椰汁糖水咁，好飲！Guinness🥃精緻好靚既甜品:拿破侖餅🍰鮮雜果拿破崙 🍰成碟藝術品咁好靚😊 拿破崙鬆脆可口，甜味適中。食哂成件唔會覺得膩😋好滿意呀！…Read More

今日突然好想食越南野，就黎左呢間 越一越南專門店食飯😻餐廳都有幾越南🇻🇳風味喎。題外話，職員既服務都幾好，幾有禮貌。👍餐廳都有幾多野食選擇，大部份既越南特色野都有，好難選擇。最後叫左兩個小食。酸辣鳳爪🤤好大盤，好多隻鳳爪喎。鳳爪醃得夠哂入味，好夠辣又夠酸。好彩我都食得下辣，所以夠得好惹味。仲有啲洋蔥蕃茄仔伴碟，食落好清新爽口。香茅牛肉米紙卷，特色越南野之一。米紙卷好足料，除了有牛肉之外，仲有紅白蘿蔔，粉絲青瓜蔬菜包埋一齊。沾少少酸辣汁，一啖放入口，口感好豐富。好爽口新清，但又帶出牛肉既香茅香味。好開胃既一道菜。海南雞飯🍚揀左香油飯，又邪惡又香。估唔到啲雞又幾靚喎，夠哂肥，又去哂骨。可以一啖放入口！雞肉好滑，幾好味。配埋個油飯食，真係無得頂呀。咖哩牛腩飯 色香味俱全👍咖喱🍛夠哂香辣惹味，好香既椰汁味好creamy，送飯一流呀！牛腩 夠哂味道，而且都幾重牛味，好煙韌。呢個飯又幾好味喎！…Read More

又等到放假喇😁，決定出去飲飲酒放鬆下！💫呢間位於白布街既日本居酒屋🏮做緊120分鐘仼飲清酒放題🍺有二十幾款既酒可以無限追加仼飲，岩哂啲酒鬼去呀！入到去餐廳隨處都可以見到唔同款既日本酒。真係好多唔同款呀！😃坐底左職員先為我地介紹一下，可以飲下威士忌high ball🍺。原來係用汽水去稀釋威士忌的酒，係日本最近好流行。我就叫左原味喇。味道飲落似飲梳打汽水咁，但有陣威士忌🥃既香味。都幾特別既！白桃🍑果實酒🥃 :味道甜甜的，岩哂女仔飲。白桃味都好香濃。日本清酒🍶有好多款，咩都叫黎飲下🤭呢款清酒，飲落甜甜地，好香醇易入口。都唔錯。叫左餐廳既招牌:吉列芝士千層豚肉🐖黎送洒起初以係炸豬排🥩，原來係用左一塊塊薄切既豚肉包住芝士 卷埋一齊去炸。外皮炸到好香脆，芝士溶化哂，好香濃！又幾特別。厚切油甘魚刺身，食落好甘香，魚油非常豐富。…Read More

呢間糖水舖好多人都食過讚好，好高人氣😍係我眼中糖水好難做到好難食亦好難做到好好食。點知食過呢間糖水，原來好食既糖水可以咁好味咁有分別既👍👍唔怪得咁多人黎食！我叫左呢間店最有人氣之選既： 椰皇蛋白燉桃膠🍽滋潤一下喇！好多既桃膠，好足料。椰汁蛋白同桃膠原來咁夾，椰香味好濃，熱辣辣既蛋白好滑，桃膠索哂椰香蛋白既味道，好入味。口感又爽口。而且又唔會話好甜。🤤仲加左粒粒既小丸子落去，口感好煙韌，好味！朋友叫左： 薑汁蕃薯芋圓糖水配湯丸🍡呢碗糖水好豐富呀！🤤有唔同顏色既芋圓，仲有蕃薯🍠，小丸子同湯丸，口感各有不同，又幾match!薑汁夠哂辣，令到蕃薯🍠夠哂入味，食落又腍又甜，好滿足。芋圓口感煙韌，粒粒都唔同味道，夠哂滋味。再襯埋好香濃芝麻湯丸，真係正呀！👍最後仲叫多份 芒果班戟 食🤤呢個時節食芒果岩哂。芒果夠哂甜，又多肉多汁。軟綿綿既班戟皮，包住粒粒既忌廉芒果肉，真係好邪惡又忍唔到口呀😆😆🤭🤭…Read More

想不到在油麻地彌敦道的這座商住式樓宇上，會有一間貓咪cafe店.裝修是樸實的歐陸風情，座位不算寬敞，但可算是舒適的；而食物是西式的。當晚的餐湯是忌廉南瓜湯，口感不俗，有明顯的忌廉和南瓜味之外，當中還有 幼粒南瓜肉.而主食是安格斯牛手工芝麻漢堡配薯角，份量十足，漢堡包的芝麻果然很多，能更突出漢堡扒的肉香，非常惹味.薯角並沒有像一般店舖的炸得脆脆的，而是帶點軟軟的帶有薯香.伴隨著新鮮的雜菜沙律，清新怡口，令整體不會太滯膩。另有一款小吃，流心芝士雞球，小小的一口一粒，一入口便有濃濃的芝士香味，雞肉嫩滑，吃著欲罷不能。飲品方面是青檸薄荷蜜糖梳打，青檸和薄荷配搭相當得宜，倆皆是醒神去膩的食材，用蜜糖來調味，使甜點味也是清清的.更能讓整頓晚餐都變得完整美滿。…Read More