子健's Profile

第五波期間 基本上沒有跟友人出外堂食 難得見疫情稍緩 於是跟友人到附近的小店聚聚其實幫襯了這間小店一段時間 但十居其九都是外賣自取(禁堂食我都唔想)  點心燉湯這些食物回到家後 質素一定打個折頭 所以堂食先可以真真正正叫品嚐基本上 燉湯是必點的 盅盅真材實料 老闆說湯料幾乎都可以全食 不要浪費 但切記不要混飲 始終大部份湯品都有藥材 怕會有反效果小弟叫了羅漢果無花果雪梨雪耳燉肉排 此品極其潤肺 當中的雪耳真的不要錯過 而友人則點了黑蒜螺片雞腳燉排骨 可以抗氧化同護心 友人十分滿意兩個大男孩點都要嗅下米氣 點了個鳳爪排骨飯 米飯乾身 鳳爪入味 排骨啖啖肉 大滿足點心方面 先來的是黑金流沙包 此品必要趁熱食 而且必須小心地食 必爆漿的接著是柱候金錢肚 此乃惹味之選 而鋪底的小豆卜千萬不要錯過呀淮山木耳餃是我每次必點的 爽口的淮山加上脆口的木耳 就算我不是茹素者也覺得美味非常雞札是穩陣之選 雞腿肉 冬菇 火腿 魚肚 四位一體 但我個人認為雞札必須要有芋頭的 軟糯入味的芋頭必定大加分 但這裡的已經合格有餘壓軸的是鮑魚燒賣 不要以為是隨便交行貨 鮑魚本身也有成年男仕拇指般大 而且是先用汁扣過 已經十分入味 絕對有酒店中菜廰級數 但這裡只售30蚊~!!!這餐十分滿意 點心真的必須要趁熱食 但外賣也不俱 要多多支持還在堅持的小店呀~!!!…Read More

是日極度天晴，熱到high high，同太太經過荃灣路德圍順道食個午飯。本來想試一試新開的台式料理，但見要排隊，天氣又熱，索性行多兩步食真 台客算了。一進門，店員有禮地指示我地去二人座位就坐，由於係用QR code下單，好快落好單等食！先來的是酥炸九層塔鹽酥雞炸得頗好，外層醉脆之餘，雞肉也嫩滑，份量也足，但九層塔有點小家，還好主角交足功課。炸臭豆腐則一般般，因為真心唔臭，期待主角麵食會好一點我點了真台客牛肉麵，賣相頗為吸引湯熱麵爽，湯頭濃郁，只嫌紅蘿蔔不夠入味牛肉選用牛肋條，有三至四條，炆得軟淋，好味太太則選擇了肉羹湯麵，太太說最出色的是超入味年糕基本上，價錢合理，食物質素也不錯，是值得支持的小店！…Read More

基本上依家好多時都會經過葵廣買下野食做晚餐，今次心血來潮想買野飲下，但係依個葵廣裡面既手搖飲品店真係五花八門，最後俾依間小店既裝飾所吸引......好大個姜Daniel...老闆話係D學生幫佢佈置-_-"明顯依間小店係家庭式經營，老闆兼師傅係一個後生仔，全部飲料都係佢負責晒，其他人負責畫杯。無錯，間舖會好有心思喺D飲品杯畫D公仔讓佢地變得與別不同，好有heart！而我同太太就叫左兩杯飲品試下~太太飲左沖繩黑糖3.6牛乳，因為係用左牌子貨，奶味很重，黑糖也很到位，只賣廿蚊雞，CP值高~我就叫左杯熱日本焙茶牛乳加仙草凍，淨係個樣都加晒分，拉埋花，焙茶味道很濃郁，依D天氣好岩飲~講真D飲品係世界級一定唔係 但CP值超高 老闆喺飲品裡面既心思位已經值得支持...香港人 請支持一下本地小店 唔係下下XX堂既~…Read More

唔經唔覺返左上環返工大半年，周圍食肆真係好多，午餐通常都係外賣自取，今日就試新店~新張期間外賣自取八折呀喂~三餸蕃茄湯米線~ 揀左豬扒、牛腩同豬軟骨，八折後盛惠42蚊，係抵食既~…Read More

有時食野真係要講食緣~ 有次打的返屋企，同司機大佬吹水吹到講食野。佢問我有無試過光輝圍依間車仔麵，佢話自己由細食到大，話D餸好正好特別，極力推薦我試下。其實我都喺附近住，真係孤陋寡聞，撞岩今日放早，專程去買返屋企同老婆(車仔麵痴)當晚餐~第一眼以前賣現成餸，聽聞老闆係一位老婆婆，相信已子承母業~ 正如司機大佬所講，好多好特別既選擇，當然一般既車仔麵餸都有既~ 而我就梗係嘗新啦~兩碗麵，每人三個餸~我揀左豬手、釀苦瓜同煎韭菜餅~ 釀苦瓜係豬肉餡，再用蠔油煮過，好味喎~ 豬手就多肉入味，韭菜餅也不俗，份量超足~老婆就要左牛肚、豬大腸同蓮藕餅~老婆話蓮藕餅最有驚喜，好爽口。另外兩樣就正正常常~重有好多餸未試，相信會成為我另一外賣之選~ 支持小店~…Read More

一班人有時諗唔到食乜，通常最後都會揀依度開餐。今次生日飯，兩個細佬都異口同聲話：食依間啦！唔使煩！依間人龍店重有得訂枱，真係算係咁，雖然去到都要等一陣~我地一行五丁人，三兄弟都算擦得下之人，總共叫左八樣野食，諗返起都幾飽~涼拌魚皮基本上係必點，爽口Q彈，配上辣辣醬汁，連唔食淡水魚既老婆都愛死~南乳豬手肉都唔算多架喇，但勝在香口，份量也算多~豉油王炒墨魚咀，好有驚喜，墨魚咀入晒味，但主角我覺得係洋蔥，最後俾我清晒~通常十個有八個都會叫佢個黃金蝦，但今次我地就試左沙律明蝦。真心好食，啖啖蝦肉，又開胃~雖然無叫黃金蝦，但就整左碟黃金鮮魷。個人覺得，鮮魷都係椒鹽既好，太厚粉了~咁多肉點都要叫返碟菜balance返，魚湯竹笙浸西蘭花係一個唔錯既選擇~另一招牌冰梅骨係我至愛，酸酸甜甜，食慾再增，搞到我叫多碟飯食~單尾就係招牌荷葉飯，查實係老媽子至愛，不過有時水準都幾參次，今次係水準之上。點解咁講？因為太多人叫，基本上會整定好多，如果個turnover好快就無問題啦，萬一撞正無乜人叫，會焗到D飯淋哂~埋單八百唔駛，經濟好味，值得推薦~ 最後願兩個細佬子康、子聰生日快樂！最緊要一家人開開心心，身體健康！…Read More

自從無做member 後，加上聽聞差左好多，計返都有成年無食過OUTBACK。由於外父大人想食扒，喺荃灣無乜選擇之下就俾次機會佢啦~提早少少同佢食父親節飯~依定好多地方都玩斧頭扒，講真，小弟又無乜興趣，五六個人食一塊扒係一件好麻煩既事~例牌黑麥麵包先上，同以前沒有太大分別，熱辣好食，配埋佢個自家製牛油係正既~芝士薯條 -依個組合本身無得輸， 縮水左N倍，價錢當然貴左~ 我寧願將我份扒其中一樣要薯條算了~ 香辣炸雞搥 - 中規中矩 好懷念佢以前嗰個combo 有RIBS 雞搥同薯條我同老婆叫左個美式慢燒安格斯肉眼 跟凱撒沙律  side dishes 要左牛油時蔬同甜蕃薯叫左medium rare，雖然overcooked 左少少，但肉嫩汁豐，美味。二人SHARE剛剛好，不過心理上總覺得以前既outback好味D，可能因為我第一次食係我老豆帶我黎掛~唔經唔覺，老豆都離開左我地成八年，可惜無如果......願天下父親父親節快樂、健康！…Read More

話說老婆大人喺博覽館考完試返青衣，所以我地順理成章喺青衣城搵野食~ 本身諗住去試下二期搵食，但聽聞D餐廳風評一般，最後都係穩陣D去返一期算~我本身係一個拉麵控，老婆無意見下去左依度食，因為平日關係，唔使等都有卡位坐~我就試新野，老婆就要左碗叉燒赤武骨，叫多碟唐揚炸雞~等左十分鐘左右就有得食。我碗岩戶山先黎，湯底係松茸豬骨湯，感覺都幾討好，濃得黎唔會太油膩，唔錯，不過唔夠熱，扣少少分~麵就正正常常，還好是幼麵，掛湯力強~老婆碗赤武骨賣相唔錯，本來我都無得評，但由於太辣，老婆頂唔順就同我嗰碗調轉食~ 入返正題，湯濃麵爽，叉燒也有咬口，半熟蛋也交足功課，好味~最後碟唐揚炸雞有驚喜，外脆內超JUICY，滿足~好懷念上年年尾關西每日一拉麵之旅~ …Read More

之前老闆提過依間卷蛋幾好食，於是放工就行過去IFC買條氹下老婆大人~去到原來做緊promotion，買一送一，最後決定要左條抹茶跟原味返去慢慢嘆，職員提醒最多兩日內要食用完畢。切開後，老婆大人立即心心眼，爆多cream，佢favorite！食落果然抹茶味極之香濃，同之前去宇治食既有得fight喎~原味忘記左影相，但相對抹茶味明顯比下去~…Read More

上半場同外母大人慶祝母親節，下半場就同我媽咪慶一慶佢，地點就選擇左細細佬極力推薦的這裡~由於一早已訂位的關係，唔使點等就可入坐了~ 一開始時，職員安排我地佳喺BAR枱附近，由於那邊的坐位對我母親上不太方便，店方都立即幫我地轉返去長枱嗰邊，抵讚~由於母親節關係，基本上唔多選擇，我地就叫左幾個SETS DINNER 加碟媽咪欽點意粉share~先來沙律跟餐湯，沙律上有塊風乾火腿，配合爽脆蔬菜，咸香好味。餐湯是南瓜湯，最大驚喜是附送的條狀麵包，內藏芝士，沾湯黎食十級正~主菜逐一上枱了~ 先黎羊仔排同黑毛豬，兩者味道都不錯，配菜也同樣好吃，但美中不足之處是同樣過熟。接著是德國豬手同白汁煮海鮮。豬手份量適中，跟配酸菜解膩，但略嫌外皮太硬，一般般；白汁海鮮有大蝦、青口、帶子及魚柳，大堆頭，味道也OK~最後上枱反而是茄汁大蝦意粉，我沒有品嚐，但外貌頗吸引~甜品為Brownie，劃上句號。整禮黎講算是不錯的，大時大節係咁上下。媽咪，母親節快樂，身體健康~！…Read More

成家立室之後，身份就有多一種，人地個女婿，所以母親節飯就由一餐變兩餐，中午就先同外母大人一家人慶祝。由於葵芳為我們兩家的交滙點，好自然地去左新都會廣場。中午時段間間餐廳都唔少人，咁我就決斷地搵左依間餐廳等位。原因有二：一、我同太太之前喺沙田另一分店食過，印象唔錯；二、因為佢有供應靚甜品，唔食正餐都好多CHOICES。先來一碟炸蝦，不錯吃的，但無乜驚喜~外母大人的壽喜燒烏冬，老實講其實係火鍋烏冬，始終壽嘉燒唔係咁食，香就幾香~外父大人的"雜扒餐"，賣相認真麻麻~而且聽聞塊漢堡扒很乾~阿妹的吉列和牛漢堡蛋包飯，日式咖哩調得不錯，蛋很也滑，但吉列漢堡也是很乾，和牛黎架喎大佬~最後是我的日式咖哩蛋包飯with燘牛肉全餐。沙律裡面各樣都爽脆，SO皮粟米湯就是罐頭湯，燘牛肉也一般般，很肥。整體黎講，我覺得另一間分店的出品較好，但這裡就我黎講地點較為方便，下次食甜品算了~…Read More

每日喺上環食LUNCH都會遇到選擇困難症，因為真係好多餐廳，有平有貴各國菜式三五條街裡面已經有齊，但因為工作所限，八成都係食外賣，今次揀左依間。印象中，佢本身係賣沙律同三文治，但似乎轉左型，香味吸引左我同同事試下。Chef係一個後生仔，應該係老闆黎，親力親為。主食材及配菜均分開放置，雖然係基本知識，但好多地方都會放埋一齊，可見此小店有細心位，讚~ 大約等左十分鐘，就可以攞返公司慢慢歎~包裝好精緻，全紙也環保~Set Lunch 包括主菜、配菜、餐湯及飲料。我選擇了炆牛肋條配雜菜，老闆見我個款為食重俾左D薯蓉我試下~餐湯係素羅宋湯，老闆重加左紅菜頭，健康到呢~ 主角牛肋條入味至極，肉質嫩滑，配上香滑薯蓉，perfect match~ 配菜也用心，有什菌、西蘭花同小甘荀，當中小甘荀香甜爽脆~同事的RIBS，睇個樣都知好得，下次試下先~蘋果汁作結~必再回頭~小店加油~！…Read More

某日細細佬提議帶老媽子去食新潮點心同飲茶，問我有無興趣？加上唔使我搵位，我當然一口應承。最後原來係食唐宮，新店剛喺荃灣開業，好就腳~我大約十一點去到，門口已經多人，好在有人一早等位。餐具係過癮既，爭D嚇到我老婆大人~ 點餐依一環就等我搞掂~先黎個小聚併盤，我叫左五款，分別係麻辣香腸、橙汁淮山、棗已心軟、貢菜海蜇同上海燻魚！真係迷你的骰，剛口每人試到每款一件。除左橙汁淮山(入味爽脆)有D驚喜外，其他四款都係普普通通~接住係一連串蒸點~黑金流沙 - 即竹炭包加奶黃流沙，一定要趁熱食先滋味，奶黃咸香、包皮軟熟，正！松露香菇 - 外形真係成粒冬菇咁，入面正正係松露炒磨菇，入型入格，不錯吃~趣緻龜龜 - 其實係菠蘿叉燒酥，樣係好可愛，但外皮太硬，裡面D餡又唔夠熱，差了~小小蘋果 - 無錯！又係包，錯手叫左太多包。Anyways，又一入型入格之作，內外都係蘋果，好吃的~紫蓉豬豬 - 老婆大人話點都要叫一個(雖然都係豬樣，但同Menu張相都唔同樣既，失望) ←老婆的OS  餡係蕃薯蓉，無乜特別~主菜都一一上場，每人衹限一隻的白玉王鴿~ 皮香肉嫩、熱辣香噴噴，好味好味~巧立名目的猛虎咬豬 - 我覺得台灣刈包好食好多，點解香港無人賣?黑醋雞花- 依個都令人失望，雞肉炸得好乾，黑醋汁亦煮得過火......單尾叫左個荷花蒸飯同擔擔拉麵 - 蒸飯的飯做得香糯、粒粒分明，而且餡料亦多樣，有瑤柱、蝦、火鴨、雞丁，推介~ 但擔擔麵又真係好一般，麵痴埋一舊，份量重好少。最後本身有叫甜品，點知漏單，所以都費事等~ 總括黎講，食物質數有點參差，係外觀加返唔少分數，但價錢亦都不便宜，QC唔該做返好D啦。因為新開，人流一定會有，但究竟可以做到幾耐呢？…Read More

是日係太太大壽，本來夜晚Book左樓上另一餐廳食日式料理，但突然有事令我地去唔到，唯有中午食其他野頂住先，之後補返。舖頭專門食丼飯，我地最後揀左一小食 兩丼飯 由於太太好鐘意食玉子燒，所以叫左一份芝士玉子燒先醫醫肚，但一上枱就知唔得喇。首先，芝士喺面係玩法，求其放塊芝士上去，其實真係睇得出無heart。另外，外層好UN，唯一好既地方係食到係用靚蛋。太太叫左京蔥碎吞拿魚腩丼 份量好足  都食得出吞拿魚算新鮮 不錯的我就叫左個燒牛肉丼 其實依個組合係無得輸，牛肉都有一定厚度有同肉味，OK的！丼飯本身有跟味噌湯同沙律，普普通通啦！下次有機會就試下佢個SIGNATURE富士山丼，其他野就算了~…Read More

話說兒時老死有日講起嘉寶漢堡，話好想試下，咁就搵左日星期五晚同佢試試。(基本上，我一個月都會幫襯一兩次，因為近屋企。)我地大概七點半左右就到左，門口已經坐左幾枱人，為左涼冷氣，我地唯有等店內坐位，好在等左五分鐘就有位。一坐低我地就即刻叫野食，點解？一黎依家人手不足；二黎係超多外賣；三黎係佢地係即叫即整，唔會HEA做！最後我地叫左個黑松露牛堡餐同紫菜肉鬆豬堡餐，再加一份我次次必叫的炸燒賣！大概等十二三分鐘就有得食...依個紫菜肉鬆豬堡，塊慢煮豬漢堡熱辣juicy，紫菜肉鬆又係prefect match，邊有可能唔好食~明顯唔係加工貨，絕對係真薯條，我每次都會加酸梅粉，正~扺食炸燒賣，外脆內軟，邪惡之選~老實講，連鎖垃圾漢堡真係無得比，價錢又親民，阿姐忙都甩轆都有講有笑，樓面小伙子殷勤有禮，抵讚，真心推介！…Read More