Mei Mei K's Profile

這間阿城鵝肉在台灣也有一間，在當地十分出名，因為在台灣也有食過，覺得都幾好食，所以見到呢間，都入嚟試一試。叫了兩份单人套餐，一個喺滷水鵝肉，另一個係煙燻滷水鵝肉，套餐可以配鵝胗、鵝肝，所以也加配了。另外再叫了一個小份鵝肉、鹽酥蚵仔以及花雕醉鮑魚，2人食用，這個份量是非常滿足了。😅😅鵝肉的味道和台灣的沒有太大差異，只是香港這邊會把鵝肉切得較為細薄，但肉質都係嫩的，加配的鵝胗和鵝肝份量也不少，味道不會太濃烈，也是清清的，頗有咬口。花雕醉鮑魚及鹽酥蚵仔最好味，雖然鮑魚的份量不多，但味道很有酒味，而且鮑魚好嫩好新鮮，而鹽酥蚵仔都好脆👍重要一提，這裏的米粉和台灣的一樣也是新竹米粉，好幼嫩，好好食！…Read More

呢間寵物餐廳重點不是食物，而是好多不同的貓貓可以讓食客盡情打卡，同埋同啲貓貓一齊玩！老實講，對於沒有養慣寵物的人來說，在食飯的時候有啲貓貓走來走去，跳來跳去，甚至跳上枱或者跳上你嘅大髀，其實係會有啲唔習慣嘅；不過如果喜歡貓貓嘅朋友，相信會對呢間咖啡店寵愛有加，因為啲貓貓肥嘟嘟，其實都真係幾可愛。一入到餐廳已經見到啲小朋友同啲貓貓玩成一片，十分之開心，相信呢度都係一個可以帶俾好多小朋友歡樂嘅地方，環境雖然不是很大，但係佈置就好似一個貓貓遊樂場一樣，完全係一個貓貓嘅天地。可能因為都係俾啲愛貓之人共冶一羅的地方，所以感覺食物其實並不是主角，價錢亦會貴一點，不過食物質素都唔錯嘅。叫咗一個帶子蘆筍飯，真實版同餐牌相片完全係一模一樣，佩服！呢個飯配料擺放好精美，顏色好鮮艷，未食已經胃口大增，帶子都大大粒嘅，份量就不是很大，不過勝在好清新，味道都好味！配上一包紙包飲品，作為一個下午茶，消磨吓時間，我覺得絕對係冇得頂嘅！…Read More

元朗食肆雖然好多，但係要找到好食的西餐廳，通常價錢都會比較貴，呢間雖然位置不是太顯眼，餐廳亦較為細（不過好似有兩層），但係食物質素相當高，而且價錢合理，唔曬$200可以鋸到扒，甚至可以有成隻烤雞食，呢個價錢都算好化算吧。雖然有套餐食，$500有找，內容都好豐富，不過今晚沒有叫套餐，而是散嗌咗以下食物：香煎焗牛油密糖春雞蟹肉蟹籽扁意粉另外加了餐湯麵包以及一個cheese cake先講隻煎焗春雞，size一啲都唔細，兩個人非常夠食，春雞煎焗得金黃色，肉質仍保持水份及鮮嫩，吸收了香料味的烤雞，加上甜甜辣辣的密糖醬汁，非常好味，配上粗身薯條好香脆，再加上新鮮嘅沙律菜賣相好精美，非常有睇頭！蟹肉蟹籽扁意粉：呢個意粉的特色是比較濕潤，醬汁調校得好入味，每啖意粉都可以食到蟹籽卜卜脆嘅口感，意粉的配料其實並不多，但意粉的質感卻是煮得很好味！特別一提的是這裏的柚子茶，相信是我飲過最好的一杯柚子茶，此處的柚子茶加了百香果（估計有加了茶包或茶葉的成份），故此飲落口有一陣陣百香果嘅香味，味道亦不會太甜、太酸，柚子味本身並不重，但各樣嘢加埋嘅配搭，混合成呢杯柚子茶可以話係恰到好處！👍👍這是一間非常用心製作的小型餐廳，價錢公道，食物質素優質，非常值得繼續支持及幫襯！💪💪…Read More

「清原」是一間不折不扣台灣原味道的甜品飲品專賣店！室內裝修10分簡潔，但空間感十足，坐得很舒服，估計由於是新開的原因，店內十分新淨，人手並不多，但跟進飲品及食品的速度也不會太慢，還可以接受吧。叫了3款甜點，分別為：四季清茶加椰果及珍珠相思紅豆湯時日限定丸子，灑上紫薯粉，口感有些似日式丸子和中式湯圓，煙煙韌韌，但並不會太甜或甜得來太膩的感覺。清茶加上椰果及珍珠，感覺好清新，因為係少甜，所以入口只有淡淡的清甜味道，加上煙靭的椰果及珍珠，味道好夾。相思紅豆湯，材料內容都十分豐富，除了紅豆係主角之外，還有芋泥球、各式芋圓和珍珠；紅豆起沙，芋泥軟綿，珍珠煙靱，口感層次好豐富！一口氣食了多樣甜品，真係當了正餐，飽晒兼滿足！😍…Read More

呢間西餐廳地點有些隱蔽，但係歷史好悠久已經開咗好耐，前身叫寶石餐廳，主要都係食西餐，但格局感覺都有D高級。餐廳環境好闊落，坐得好舒服，門口嘅佈置亦都係一個很好嘅打卡位。餐廳大約七點左右已經坐滿好多人，證明餐廳質素應該係唔差嘅，二人餐嘅價錢亦不算太貴，五百幾蚊已經可以食到前菜、湯、主菜、甜品等等所以今日叫了一個二人餐。湯品可以揀羅宋湯或者南瓜湯，兩者味道都好濃郁好夠材料。前菜亦會提供胡麻核桃沙律菜及匀草三文魚，沙律菜配上核桃，頗有口感，而三文魚亦都新鮮。主菜揀咗肉眼扒，以及紅酒燉牛面肉配薯蓉，肉眼扒都幾大件，就算叫全熟都不會韌，幾有牛肉味，薯菜都新鮮嘅，而且配料都多。紅酒燉牛面肉配薯蓉，呢個配搭都幾特別，牛肉份量都算多，而且炆得非常之腍，肉質有啲似食台灣牛肉麵上面嗰啲炆得好腍嘅牛肉，未試過試吓都無妨。套餐包有兩杯餐飲，較為特別嘅係呢度有佛手柑配製嘅檸檬茶，味道比較清淡，有佛手柑嘅味道，都幾特別。甜品非常精緻，有百香果乳酪及奶凍，百香果乳酪非常清新帶有酸味，但味道好好。奶凍表面似淋上一些士多啤梨汁較為甜，但都非常滑，兩個甜品都做得好好。圓滿的一餐每人平均消費大約$278，食到呢個質素嘅食品，算不錯了吧！…Read More

每次到觀塘駱駝漆大廈都係好多人，行街前先醫飽個肚先，今日搵咗6樓呢間Day one cafe食下西餐。環境都算安靜舒服，至少空間夠，不會太壓迫。食物款式夠簡約清新，都係食意粉、沙律菜之類，不會太複雜，非常適合追求健康簡單的朋友。叫了一個現時時興的黑松露椰菜花飯，把椰菜花切到好像米一樣size 的炒飯，加入黑松露洋蔥，入口非常香，黑松露味道十分濃厚，配上爽脆鮮蝦，每啖飯都很爽脆，這個飯其實一粒米的成份都冇，只有椰荼花，但卻十分飽肚！另一個慢煮雞胸牛油果沙律，雞胸嫩滑、牛油果沙律菜新鮮，是一個健康的菜式。配合2杯顏色美觀的草莓乳酸梳打及雜梅沙冰，完滿的一餐！…Read More

這間取了2022年新假期放題必吃大獎的港、日、泰放題料理標明有180款食物可以任飲任食，真的是非試不可啦！不過有別於其他日式放題店，這間放題店會有海鮮拼盤，需要另外加多100多元才可以食到，拼盤有鮑魚、螺、蝦、長腳蟹兩支，仲有兩盒魚子醬，都算係一個幾特別嘅安排，長腳蟹都算係小妹最鍾意食的海鮮啦，雖然份量只有兩支，但係都非常鮮甜，唔錯！👍另外都嗌咗一些刺身，包括有八爪魚、三文魚、馬刀貝、螺片等等，都係好新鮮嘅魚生，尤其馬刀貝非常之爽口，好食。放題必食嘅燒菠蘿、芝麻雞翼、串燒等等，都不失水準，菠蘿非常鮮甜，雞翼都炸得好香口。泰式小丑食咗兩個炒菜好新鮮好惹味都係推介之選。餐前小食竟然比我發現到有驚喜，就係麻辣魚皮，麻辣程度啱啱好，魚皮好爽脆，一啲都唔腥，好好食，來到一定要食呢個喔！飲品甜品都有很多選擇👇…Read More

響香港想搵間好食嘅燒肉店真係有點難度，一係就喺有限時放題式燒肉店，食得非常趕急，而且好多時都唔好食，一係就係單點式燒肉店，但一般價錢都好貴。終於俾我發現響荔枝角呢間空中列車烤肉店有燒肉套餐食，而且價錢都好經濟，最重要嘅係好食吖嘛，呢個先係重點呀！😋🤪叫咗一個100g牛小排, 同一個250 g宮崎和牛套餐：原先以為100克牛小排份量會好少，但原來也不是呢，牛小排薄薄的一片片燒起來好快熟非常之有牛肉味，非常嫩口，平平哋，十分經濟，推薦之選。人氣宮崎和牛套餐，分別有牛肉眼蓋、牛肩肉、牛三角腩等3個部位，雖然價錢貴少少，但係250 g真係好多，一個人真係食唔晒，見到啲燒肉肥瘦紋理非常均勻，好靚、好吸引，不同牛小排的地方是它每片切得較為有口感，食落口油脂分泌比較多，所以好甘香，肉質都係嫩滑嘅，三個部位我個人較為喜歡牛肩肉，因為牛味比較重。套餐已經包了飯、前菜，同沙律菜，店內亦都有水供應任飲，非常自助。日後食燒肉唔使再左諗右諗，呢間一定係不二嘅選擇！✌️✌️…Read More

新港城出現咗呢間台式火鍋，個名叫做「氣噗噗」，都幾得意，唔知係咪台語呢？環境都非常之寬敞，座位都好多，價錢分好多種，有90分鐘，100分鐘，120分鐘等，都有唔同價錢，亦都有套餐價錢，加錢亦都會有特式飲品，好似珍珠奶茶之類。湯底都有好幾種選擇，揀咗兩個較為清淡嘅湯底：一個豚骨湯，一個白肉湯，湯底會偏向較鹹，所以醬料亦唔需要點太多，呢度醬料要有嘅，基本上都係齊全嘅。叫咗一個較經濟嘅牛肉，效果亦都唔差，唔會太肥膩，薄薄嘅牛肉片好快就熟透可以進食，不過啲牛肉就有啲似豬肉片嘅顏色😂豬肉片更加欣賞，好有豬肉味，好滑。因為係台式火鍋，所以都有一啲台式小食好似台灣腸、鴨血、滷味、鹽酥雞、芋丸甜品等等。火鍋配料都有好多選擇，基本嘅菜，如：南瓜、蕃茄、芋頭、生菜丸類、甜品等等全部都好齊備，亦都好新鮮，更有台灣水蓮菜，食物擺放得非常整齊、乾淨，食得好放心。飲品選擇都唔少，亦都有一般經常見到台灣嘅飲品好似冬瓜茶咁樣。我最欣賞嘅都係佢嘅炸粗生地瓜條，非常非常好味。又是飽飽的一餐喔✌️👍…Read More

這間Bar 型的西餐廳環境並不太大，內裏坐位都係高型bar 枱Bar 櫈，並以許多酒品作為佈置，看來好簡約，但提供的食物質素卻很不錯。如果不是想食「景」，而是想食食物質素的朋友就非常推薦啦！午餐都係叫set 抵食D：湯品及沙律：是日是盧筍湯，湯面放上cream, 不但清甜更顯湯品之幼滑，配上焗得十分脆的法包，前奏已能引人入勝。再加一份凱撒沙律，主要成分為牛油生菜（屬較貴價的沙律菜）加上麵包粒和芝士碎，清新、新鮮口感洋溢！主食：油鴨脾紅酒意大利麵：油鴨脾處理得好並不容易，這裡的油鴨脾不太酥、不油膩、肉質也恰到好處，意大利麵火力剛好，有烟靱口感但不硬，此主食有驚喜。香煎鱸魚配蕃茄沙沙醬：份量雖然不太大，但鱸魚入味不腥，配上炸薯角，及此蕃茄沙沙醬正好取個平衡甜點：法式焦糖布甸非常精美，甜品上灑上碎花瓣，加點小裝置，十分貴氣！…Read More

在尖沙咀錦徑這條街有很多日式餐廳，見到很多推介表示這間黑門水產的甲羅燒非常出名，雖然感覺價錢也有一點貴，但很想試一次。叫了一個海膽蟹味噌甲羅燒，未燒之前侍應先給我們打卡影相，說實話，這樣的價錢海膽及蟹籽份量其實也不少喔，材料每樣分佈擺好，賣相非常精美。已燒好的甲羅燒已把材料混為一體，顏色變了，形象像蟹蓋內的蟹膏一樣，配上餅乾，真是意想不到，混合材料後的甲羅燒富有蟹膏的鮮甜味，軟棉的蟹膏加上充滿蟹籽卜卜脆的口感，與網上的介紹完全吻合。這個甲羅燒真是美味極致了😋😋如果餅乾份量可以多幾塊就更加好了，不過淨食蟹膏也是非常滿足的！另一個牛肉壽喜燒，與其他日式餐廳的壽喜燒分別不太大，只是份量較大，材料一樣有豆腐、菜、菇菌、薯粉，還配有生蛋，味道算是恰到好處吧。最後叫了一個富有驚喜的雞肉腸，因為雞肉腸內夾雜了一些雞軟骨，食落口感煙韌又脆口，有多重的層次，真是估他不到，是有心思的傑作。這次的午餐算是重質不重量，雖然食物的數量款式不多，但的確是很美味的一餐，人均消費大約$200一位，還可以接受吧！…Read More

心思思想食火鍋，找到了這間樓上舖，個名好日式，上到去，裝修都係好日式，牆壁上仲有好大幅好澎湃的壁畫，好靚，這裡還有多部電視播緊球賽，聽伙記話這裹係可以睇英超的，相信有球賽時，這裏一定好爆滿。原本想食雞煲之後打邊爐，但伙記推介這裏的湯底全部是真材實料煲出嚟的，建議我們一試，既然是日式系，火鍋湯底今日當然係揀咗豬骨濃湯底啦😅⋯⋯湯底果然好濃郁，打邊爐前先試一口，非常入味香濃，湯底還有杞子紅棗，好補身😂另一特色，每枱有一盤醬料，任客人自己混醬，醬料多達九款，再加上三支醬油：柚子汁、燒汁及生抽，非常貼心。火鍋材料叫了以下：M5和牛牛腹心（中間那款）及牛板腱，個人覺得牛腹心牛肉味比較重及有質感，而牛板腱也嫩滑，配上芝麻醬更能吊起牛肉味。雜丸拼盤：共有八款丸，炸魚蛋、牛丸、貢丸、墨丸、魚片頭魚、芝士丸、包心丸、魚皮餃等，都係一般常見打邊爐會食到嘅丸類食物，全部都新鮮及彈牙，這一盤拼盤也算抵食。還有蔬菜籃及生蝦：蔬菜籃都包含咗好多種材料，有粟米、金菇及其他菌類、有皇帝菜、娃娃菜，菜心等等，洗得好乾淨至於生蝦可以話係全晚的精髓，因為非常新鮮、大隻及非常彈牙，肉質好鮮甜，是必食之選。…Read More

中午在港島區搵食真係有點艱難，還是快快脆脆揀一些快速便利的食店完事，節省時間吧。路過近維園的此條百德新街街道，見到有很多食肆便揀了這間食漢堡包的食店，店內不算太大，但也很舒服，最重要是中午時段不太多人、或太嘈吵，可以好好享受個人me time。選了一支石榴味樽裝飲品、一個鵝肝漢堡包，小食選擇了蜜味辣雞翼。食店主要以漢堡包為主打食物，漢堡包的類別有很多款式，喜歡重量級的可以選擇重量級的漢堡包，如：黑松露芝士大烤菇煙肉牛肉漢堡、特量芝士牛肉漢堡之類；較為輕食的朋友也可以選擇輕量版的漢堡包或小食，這裏也有提供漢堡包套餐，悉隨尊便！餐廳內提供的樽裝飲品，之前在日式超市內也曾買過其他味道，石榴味是第一次選擇，味道不錯，下次有機會會再試。鵝肝漢堡包，雖然個人認為價錢略貴，但鵝肝的厚度也算值回票價。鵝肝煎得甘香，入口軟腍，配上Juicy的牛肉漢堡，完全沒有違和感，口感豐富。蜜味辣雞翼共有六隻，甜甜辣辣，炸得剛好，入口仍充滿肉汁。一個人的午餐，食物不須太複雜，最重要令人感覺享受便足夠了！…Read More

依家好多樓上鋪西餐質素都非常不錯，今日就揀咗呢間，因為中午有set lunch，二百零蚊有好多嘢食：西湯、海鮮拼盤、牛扒、焦糖燉蛋甜品、意大利雲吞及飲品西湯選擇了粟米周打湯，湯底好濃郁，飲落口食到粒粒粟米，再配上一塊蒜蓉牛油焗多士，是令人滿意的序幕！接着上了一盤海鮮拼盤，海鮮有分辣味和蒜蓉牛油味兩種，沒有想像到這個拼盤份量也不少，當中有蝦、青口、蜆、八爪魚仔、還有粟米、薯仔、腸仔等，樣樣都好新鮮甜美。我個人就夠喜歡有辣味的那款。還未享受完海鮮拼盤，隨即便上了澳洲肉眼牛扒，足足有八安士咁多，－塊叫了全熟，另一塊七成熟，全熟的那塊夠薄，七成熟的那塊相對較厚身，但兩者都處理得恰到好處，全熟的那塊，一點也不覺得硬，而且肉汁仍保留得很好，肉眼扒還配有粗身薯條及翠玉瓜，非常夠食。黑松露意大利雲吞，有很濃郁的黑松露味道，雲吞細細隻。一口一啖非常容易食，味道頗濃，好味！甜品有法式焦糖燉蛋，燉蛋的質感滑溜，焦糖脆口，配兩小塊曲奇為這一餐畫上一個完美句號！論份量，這個套餐非常足夠，價比值很高，論味道，整體味道較為濃郁，喜歡濃味的朋友就非常合適啦！…Read More

這間店在很久很久之前新開店時曾經食過一次，多年疫情並沒有擊退它，仍然可以客似雲來，好奇下再食一次，環境並無太多改變，但食物方面今次似乎能帶來一些驁喜😃！今次主攻炸物及燒物，因為有特價😂：被個名吸引，叫了椰汁流心球，原來內裡是椰汁西米涵料，幾新頴，末食過感覺新鮮，而且不太甜，外皮脆香，可以一試。芝麻炸雞翼，一客3隻，水準正正常常，沒有油溢味，沒有翻炸情況。燒鮑魚，恰到好處，不會過硬或太生，是新鮮的。厚切牛舌，的確夠厚，燒腎、牛仔骨、羊架等，味道均非常不錯。M5澳洲和牛，外焦內嫩，非常好味👍燒雪魚乾，沒想到原來是平時小食的魚亁片加燒，夠特別，但這樣食原來很好食。是日亮點莫過於燒鰻魚了，極度厚肉，一串2件，魚油香，肉質彈牙，一點也不腥，推介之選！刺身叫了北寄貝及三文魚，同樣新鮮；最後再來一個牛肉壽喜燒加烏冬，非常豐富的一餐！這裡的飲品也相當大杯，一杯草莓生啤，一杯藍莓活乳酸飲品（特價），相當抵飲！原來特價是會令人不知不覺食多很多的，今餐食了$900多元，實在太過份了吧！…Read More