burgers888's Profile

作為一間街坊酒樓，呢間荃灣嘅酒樓裝修都算係幾靚，雖然侍應人數唔夠，不過我覺得服務都ok，而且價錢非常實惠，兩個人飲早茶，叫咗五個點心，連埋茶錢加一，竟然都係每人五十幾蚊，認真誇張。我哋叫咗兩個特價點心孖寶另外再加咗一份煎腸粉，特價孖寶都有兩款，a餐就35蚊，b餐有38蚊，不過望落b餐似乎性價比高少少。除咗煎腸粉之外，我哋叫咗鴨腳扎、雞扎、鯪魚球同埋小籠包，樣樣味道都唔錯。…Read More

你都油麻地搵嘢食，睇openrice搵到呢間中東菜，我直頭懶到跟住啲食評去嗌嘢食，真係幾掂幾好食。呢個咖哩鷹嘴豆配炸餅真係唔錯，嗰兩塊炸餅成個大煎堆咁樣，侍應拎過嚟嗰陣時候好震撼，連隔離枱嗰啲人都裝下裝下咁樣。搣開個餅然後不啲咖哩鷹嘴豆落去夾住一齊食，真係別有一番風味。我哋另外仲叫咗一份蒸雞肉尼泊爾餃子，呢個味道都唔錯，啲餃子好有質感好有份量，所以真係食到好飽，一啲都唔可以睇小。最後仲叫埋呢支德國麥啤，係好飲喎。…Read More

呢間樓上粵菜館好食，Set Lunch嘅質素好高，物有所值。先來一人一碗例湯，足料又無味精，真係想飲多一碗。3個set，3個餸，蒜蓉粉絲大蝦煲、順德土釀鯪魚、仲有一個印象中好似叫做欖菜排骨嘅餸，三款都好好食，最正係個土釀鯪魚，功夫菜，呢鯪魚肉真係冇骨嗰下先至勁，粉絲大蝦煲嘅蝦都好新鮮，不過佢嘅粉絲仲好食過啲蝦，因為索曬蝦啲味所以好正，個個都爭住食粉絲。個排骨好入味，又煮得夠淋。個set lunch係有一碟菜跟埋嘅。仲有好好味嘅綠豆沙送埋。…Read More

呢間餐廳夜晚嘅任食火鍋超抵，反而lunch都係第一次試，味道唔錯而且性價比高。呢間茶餐廳嘅常餐有咁嘅樣都算犀利，豬扒炒蛋焗豆沙律再加埋份牛油多士，飲品就叫咗玫瑰花茶，成為53蚊都幾抵。跟住仲叫咗碗酸菜魚米線，65蚊，價錢略高，不過都幾多魚，而且魚肉嘅質素都唔錯。第三份餐叫咗蔥油雞飯，凍奶茶少甜少冰，碟雞同白飯分開上，份量都算多，雞嘅肉質都ok。…Read More

低見到有五指毛桃燉排骨即刻每人叫一盅先，細細盅好足料，$48一盅好抵飲。家炆鵝係店長推介嘅，油漆係炆得好入味，幾好食。麻雞就係呢度嘅招牌菜之一，要預訂，留咗半隻，因為想食多啲其他嘢，味道都ok嘅，不過冇想像之中咁出色。鹽鮮魷夠鑊氣，魷魚新鮮彈牙，雖然油炸但係又唔係好多油。得椒鹽鮮魷就梗係要試埋佢個椒鹽九肚魚啦，一樣做得咁好，好夠鑊氣。後仲試埋佢哋嘅乳鴿，肉質夠嫩滑，而且又唔係炸到好勁。呢度整體唔錯，唯一係人手不足，一個阿姐打全場真係超勁。…Read More

想當年呢間餐廳都係非常之出名，而且啲出品味道都唔錯，不過依家已經完全唔同曬，講真，真係有啲失望。招牌擔擔麵點都要叫嘅，而且真係差唔多每一枱都有叫，佢又唔算唔好食，不過個味道都係好普通，價錢方面，以呢度嘅裝修同埋侍應嘅服務水平嚟計算係合理嘅。甜酸魚柳、上海炒年糕、蘿蔔絲酥餅、奶油津白、炸饅頭等等都只屬於普普通通嘅水準。至於甜品就叫咗兩款，諗住多啲款式試下，個豆沙鍋餅比較油，而且一頭一尾嘅豆沙量比較少。…Read More

今日去咗一間傳統粥舖食早餐，味道唔錯，服務都唔錯。艇仔粥多蔥，睇落又唔算好多蔥，味個粥底唔錯，啲配料都全新鮮好味，白粥同埋配料嘅畀你都幾好，唔會太多粥或者太多配料搞到件事好奇怪。炸兩正正常常啦，油炸鬼當然唔會脆，但係唔un已經好好，腸粉皮都算薄。煎堆都ok。…Read More

呢間酒樓嘅點心味道都唔錯，叫幾樣點心幾樣都好食，不過最有驚喜嘅就係呢個石鍋生煎包，熱辣辣好香口，連墊底嗰啲紅洋蔥都好食。燒賣都唔錯，圓碌碌幾大粒。鮮竹卷味道都好。另外佢個薄撐做得幾好，我好鍾意食。…Read More

今晚幫襯咗一間細細間嘅上海麵店，啲嘢食味道唔錯，而且份量都幾大。鎮江排骨上海麵，送同埋個面係分開上嘅，感覺鎮江排骨汁就唔會畀啲棉嘅湯溝到淡曬，另外佢個面叫做灌湯麵，其實就係用一個砂鍋裝住啲麵，入面啲湯係發滾嘅，出曬煙咁樣。另一碗就嗌咗獅子頭上海麵，佢個獅子頭同上海麵都係分開上，一共有三粒獅子頭，個獅子頭都幾好食，啲肉都算新鮮。之後就嗌咗一個上海雲吞share，58蚊有十粒，但係原來嗌咗面之後另外加雲吞只係五蚊一粒，所以感覺上好似畀人搵咗笨。豆漿都幾好飲。…Read More

還記得當年西貢滿記嘅墟撼情況，一條街連續幾個舖位都爆曬棚，經常排長龍，還看今天得返一個舖位，真係好大對比兼且有點唏噓，不過再幫襯試返佢嘅味道之後就明白，呢個係大勢所趨，老老實實，味道真係普普通通偏向差少少嗰邊，價錢唔係特別平，可能今日啲後起之秀好勁掛。招牌仙草芋圓，$45，芋圓同地瓜丸味道都係麻麻地，右上角水晶皮包住白色嗰啲粒粒就有啲難食，當然呢個係個人口味啦。薑汁桃膠銀耳芋圓，$46，啲薑汁味都幾勁，芋圓一樣都係唔好食，桃膠嘅份量唔算多，不過係合理嘅，接受到。整體麻麻地啦，難怪執下一間執下一間。…Read More

天氣無啦啦又轉返做廿零度，凍凍地見到呢一個餐牌即刻心動，於是就行動叫咗個98蚊羊腩煲，再加埋12蚊轉套餐，有埋一個例湯一碗白飯同埋一杯餐飲，都算抵食。羊腩煲有冬筍同埋冬菇，少少哋一兩舊咁啦，不過有大量支竹，索曬啲羊腩汁係好正嘅，仲有一碟腐乳。羊腩嘅件數都算合理，而且炆得夠淋夠入味，脂肪部分比較少，以呢一個價錢嚟講性價比算高。例湯都ok，咁嘅狀況算有誠意啦。白飯都夠大碗，凍奶茶少甜少冰加三蚊，滿足的一個晚餐。…Read More

試咗朋友推介銅鑼灣呢一間餐廳，菜式碟碟都好靚仔，味道都唔錯，而且幾個侍應嘅服務我都覺得非常滿意。先嚟個小食，海蜇頭，切成薄片，份量比想像知中多，少少辣，個汁幾香。呢件東坡肉不得了，可以逐件叫share，配一小羹白飯好貼心，真係好好食，脂肪部分肥得嚟又有彈性，掂。搽燻雞好食，夠香夠滑，旁邊仲有炸珍珠葉。叫兩個菜清清地，兩個都新鮮好食。作為一間上海菜館梗係要試佢啲點心啦，因為我哋有六個人但係好多點心都係四件五件一份，侍應好好人話可以幫我哋加到夠每人一件，三個點心之中以蘿蔔絲酥餅最出色，當然小籠包同埋鍋貼同樣好食。最後呢個唔記得乜嘢名，只係知道墨魚入面讓咗啲食材然後切薄片，味道口感都唔錯，不過我覺得如果切厚少少可能仲好食啲。…Read More

今日試咗一間好好食嘅印尼餐廳，由幾個印尼姐姐主理，裝修比較家庭式，但係味道出奇地好。雞沙嗲半價，啲雞肉好肥美，不過最正係個沙嗲醬，夠香濃。另一個小食就係印尼沙律加多加多，啲飯團好好食，配埋豆腐乾蝦片等，我覺得味道好正宗。印尼燒雞飯，雞都幾juicy，味道都辣。印尼菜最出名嘅就係巴東牛肉，梗係要試下啦，佢呢度嗰巴東牛肉煮得幾好食，而且又唔會好辣。另一個main course就要咗印尼雜錦黃薑飯，佢個樣同巴東牛肉飯好似，旁邊一樣都有好多配菜。老闆推介我哋市珍多冰，我哋叫咗少甜少冰，又真係幾好飲。…Read More

今日幫襯咗一間喺尖沙咀嘅低調高手粵菜館，叫咗四個餸，四個都非常精彩。首先介紹嘅就係需要預訂嘅八寶鴨，入面材料非常豐富，有栗子、白果、茨實、蓮子、冬菇，仲有大大粒乾瑤柱，煮得夠林夠入味，又唔會好甜。叫咗個上湯浸豆苗，啲豆苗都幾嫩滑，質素唔錯。小炒王真係必試嘅一個餸，炒得夠乾身，而且冇乜油，芋頭絲、韭菜花、蝦乾、榨菜絲等材料配合得好好。脆皮咕嚕肉都做得唔錯，個甜酸汁教得好好調教，外層皮脆而且鬆化，真係幾好食。…Read More

呢間新開嘅餐廳真係好抵食，希望佢呢個價錢可以一直keep落去，咁我哋呢啲喺附近返工嘅就有口福，而且唔使為咗平啲要行到去mikiki咁遠喇。8安士嘅紐西蘭肉眼扒，鐵板上，啫啫聲熱辣辣好正，見肉眼扒都幾大塊，肉質唔錯，健燒菠蘿都好正。叫咗三個小食，薯條38蚊真係算平。橄欖油浸香蒜蝦配法包幾好食，個汁好香，啲蝦嘅質素都唔錯。椰子青檸汁炸軟殼蟹又係好抵食，48蚊竟然有兩隻軟殼蟹畀你，真係平霸。佢呢度有隻0酒精啤酒，個味都幾似真啤酒，飲呢隻真係可以千杯不醉。…Read More