Warung Chandra Indonesian Restaurant

今日試咗一間好好食嘅印尼餐廳，由幾個印尼姐姐主理，裝修比較家庭式，但係味道出奇地好。

雞沙嗲半價，啲雞肉好肥美，不過最正係個沙嗲醬，夠香濃。

另一個小食就係印尼沙律加多加多，啲飯團好好食，配埋豆腐乾蝦片等，我覺得味道好正宗。

印尼燒雞飯，雞都幾juicy，味道都辣。

印尼菜最出名嘅就係巴東牛肉，梗係要試下啦，佢呢度嗰巴東牛肉煮得幾好食，而且又唔會好辣。

另一個main course就要咗印尼雜錦黃薑飯，佢個樣同巴東牛肉飯好似，旁邊一樣都有好多配菜。

老闆推介我哋市珍多冰，我哋叫咗少甜少冰，又真係幾好飲。