AHM0021's Profile

🔸極上牛小排定食 $98🔸牛舌芯定食 $98叫左2個定食，咁就有2款牛，可以同朋友share食。定食套餐已經有齊沙律，味噌湯，汽水同白飯牛小排既脂肪比例幾好，的雪花紋均勻，未燒見到賣相都已經幾吸引，一份都有13 14片，牛既熟度可以由自己控制，入口肉汁鮮嫩，牛脂濃郁不膩，而且分量幾好👍🏻。 牛舌心一客有8片，係有厚度既薄切，食落爽口同好香牛味，而且唔油膩。燒完除左原味咁食，仲有3種汁(香辣燒汁，蒜味燒汁，原味燒汁)同黑椒可以自選，一定有一款啱你心水。食完之後仲有迷雪米糍做甜品，完滿。**肉類係可以追加既，不過我就無啦，留返下次…Read More

呢度有好多款海鮮 包括原隻魷魚 魚 三文魚鮫 扇貝 沙插 大蜆 小蜆 多春魚 魷魚串❤️羅氏蝦 有個超長魚缸 我地坐係旁邊嘅枱 任夾任食❤️燒鱔 限量 一人一串 真係好厚肉 好彈牙 必食❤️扇貝 任夾任食 好新鮮 隻隻都好大隻架❤️鮑魚 都係任食架 會晤會太豐富 起碼都食返5,6隻啦❤️大蜆 好鮮甜而且好大隻 燒大蜆好食服務員首先會比兩串鱔 同埋粗鹽羅氏蝦 燒烤爐有兩層，上層主要用來燒海鮮，下層用來燒串燒 非常有效率 旁邊仲有調味粉，包括鹽 椒鹽 辣粉同埋孜然粉肉類包括有豬仔髀 羊肉串 雞肉串 牛仔骨 雞皮 牛柳雞軟骨串 台灣腸 花枝腐皮卷 蝦肉腐皮卷 漢堡扒 雞翼 雞全翼❤️雞皮串 肉類串燒可以擺下層 超有效率 雞皮串夠香❤️羊架 好大件 又so so 地 加埋孜然粉 好好好味❤️土匪雞翼 食燒烤雞翼是必須的 呢度啲雞翼好入味❤️牛柳串 牛柳好大件 而且夠晒淋 好抵食呀熟食仲有醉蝦涼拌青瓜，涼拌魚皮咖喱魚蛋 仲有大量雪糕 任揀任食呢到食物種類真係好多 而且好高質 大部分坐位旁邊都有個缸可以現撈羅氏蝦 好玩 又好食 店員會經常拎啲活蝦去缸到添 值得推薦比一家大小嘅你地📍蝦蝦燒 (佐敦)佐敦白加士街10-24號永富大廈1樓…Read More

叫2個海鮮丼就可以食到10款剌身，2個人share絕對抵，可以食多幾款，啱晒咩都想食既人。🔻漁吉特選丼 $188，北海帆立海老丼 $168🔻1. 三文魚：肉質鮮嫩，口感細膩，顏色也非常鮮艷，帶有一定的油脂，令到味道更加濃郁。2. 油甘魚：肉厚滑嫩，富含油脂，肉質口感幼滑細膩。3. 磯煮鮑魚：口感非常有嚼勁，肉質彈牙。4. 海膽：入口軟滑即溶，帶有啖啖的海水鮮味，最重要既係一D都唔腥5. 三文魚籽：味道咸鮮，口感脆彈6. 櫻花魷魚：鮮甜爽脆有彈性既魚籽配上柔嫩彈牙既魷魚，鮮味十足。7. 赤蝦：刺身大大隻蝦肉，口感爽脆8. 左口魚邊：炙燒後甘甜魚油滲出，食落更覺濃郁甘香，入口即溶。9. 帆立貝：口感豐腴，簡單配以青檸，以清新酸味引發鮮甜甘香。經火炙既入口有焦香氣味，更為惹味。10.甜蝦：甜蝦係細小而肉甜，蝦味鮮甜11.牡丹蝦：蝦肉結實，蝦頭膏豐富，甘甜可口日式丼飯我自己就非常滿意。每一道配料都非常出色同新鮮，價錢又唔係太貴，份量十足，值得一試。…Read More

🔻招牌海鹽焦糖伯爵茶戚風蛋糕🔻蛋糕係伯爵茶戚風蛋糕，食落好好鬆軟充滿空氣感既，一切開會見到層次分明既配搭，有海鹽焦糖忌廉，特濃伯爵奶涷同牛奶可可脆米醬。入口忌廉軟滑帶香焦糖味，夾埋濃郁既牛奶可可脆米醬，2者中和甜度恰好。味道方面伯爵茶同焦糖味好夾，加上蜂蜜焦糖脆脆，連埋蛋糕一齊食口感幾豐富。因為蛋糕用fresh cream，所以店家都溫馨提示，天氣溫度較熱，要雪一雪個蛋糕先食，cream夠凍，食落會更好味，另外仲好貼心咁送上生日牌同蠟燭。低糖低油係小店主打，減肥食多2啖都唔怕食，好食得黎賣相又靚。…Read More

行過比個蛋糕櫃吸引左，咁就帶走左幾隻丹麥酥。外形幾靚，色彩繽紛，打卡一流。價錢平均$32-$38左右，唔算貴。🔻芒果丹麥酥$38，無花果雜莓丹麥酥 $38 ，焦糖香蕉丹麥酥$32，炙燒菠蘿丹麥酥 $32🔻4個入面我就最鐘意炙燒菠蘿丹麥酥，燒過既菠蘿特別香甜，食落甜酸酸幾開胃之餘仲有舊cream 中和個甜膩感，即使半個丹麥酥比朱古力包住，食落都唔會濟。焦糖香蕉味食落就唔會因為焦糖而過甜，相反香蕉帶出焦糖味道。無花果口味就比較fresh的，清甜口味配上雜莓專屬既酸甜味，唔錯。🔻紅菜頭小紅莓海鹽法包 $15🔻紅菜頭味幾香幾出，紅菜頭既草味同小紅莓甜酸中和，幾好啊！🔻多穀海鹽法包 $15 🔻包質感算鬆軟，唔太硬，入口有少少咸香味。******************************🍽 Paper Stone Bakery📍 將軍澳唐賢街9號PopCorn 1 1樓F27-28號舖******************************…Read More

話說今晚有波睇，買定的野比老公邊睇邊食，下下食薯片雞翼真係唔得掂，去買左個黑椒豬手過佢嘆。依間野間中經過見到都幾吸引，行過幾次都想買，不過已經買到一手餸，下次下次，今次終於可以，豬手係招牌就點要買一買既，揀好即切！🔻黑椒豬手 $98🔻排得好靚仔，切好一片片之後上面再灑多層黑椒，仲配個甜酸辣醬。入口豬皮煙靭，肉質夠軟淋，仲好香黑椒味，而黑椒味又唔會太辣搶左味，同豬手好夾。🔻韓汁嫩雞髀 $30🔻隻髀都幾大隻，切開有成8件，食落啖啖肉，仲唔鞋口，個韓汁都幾好味，甜甜地，最正係雞皮，有油脂但唔膩，而且報滿醬汁，好好食。…Read More

今晚黎到台灣口味，門外光鮮幾吸睛，就係咁比佢吸左埋去食返餐。有滷味，有拌麵，仲有仙草，都幾齊全，樣樣都可以試下，同行友人愛肥美，所以叫左個腩肉刈包。🔻古早腩肉刈包🔻刈包幾靚仔，個腩肉一層層，肥瘦相間，睇到流晒口水。生菜一片，都係精華，掛滿醬汁之外都減左的油膩感。🔻蘿蔔金錢肚拌麵🔻蘿蔔滷到變晒色，勁入味，金錢肚入點軟綿唔痴牙，整得幾好，拌麵味道甜中帶少許咸味，令整體味道更出，個滷汁真係好正。🔻麻辣鴨血拌粉🔻麻辣鴨血好食既地方係夠麻辣同爽，麻辣汁好香，加埋自家製香辣菜脯，食落除左麻辣仲有香辣感，而且菜脯真係幾辣，愛辣之人必食。🔻黑糖薑母仙草🔻清涼解辣甜品，食完即刻醒神晒，薑味香唔太甜，啱女仔。…Read More

落雨係無阻我要去燒嘢食既決心，只要唔洗擔住把遮黎燒，簡直係事出必行🤭雖然係落雨，但係都算近巴士站，落車就望到個門口，行20米左右啦，所以落雨都唔成問題。同大眾燒烤場一樣，門口買飛入場，包一枝水同一罐飲品，憑卷取餐具用品。食物方面都唔錯，雞翼都有成四五款，麻辣雞中翼係超正，味道入味之餘真係麻辣度十足，醃得好好食。仲有土匪雞翼。另一款必食係咖哩魷魚翼，入味就必然，勁多醃料包滿成塊，燒個陣已經好香咖喱味，食落帶微辣，幾好食！牛扒都係，食落入味之餘又唔鞋口。最正係個爐，坐係到唔使點郁都係，張枱就係圍住個爐，非常之方便，邊食邊傾又可以邊燒。除左BBQ之外仲有得打邊爐，+$90租網會有個巨型網可以網燒同放個邊爐鍋。見邊爐都有的野食揀下，烏冬粉絲，丸，菜，樣樣有的。但今次無join，留返下次多人的先。飲品價格都公道，$8-$15，憑卷+$5可以轉枝裝茶飲，啱晒唔飲汽水，唔飲甜既人。除左燒烤場地，仲有娛樂區，可以夾下公仔，如果唔落雨仲有個大空地可以打卡影相，可惜今日落雨。…Read More

去駱駝漆必經，新鮮即包飯團超多餡料，邊買邊等邊排隊🤣。飯團即叫即整，新鮮熱辣辣，等5分鐘左右就拎得。除咗散件之外，仲有啲飯團套餐，都算抵食，around $50左右，方便又健康。🔻芝士雞扒飯團 $48🔻 飯團口感煙煙韌韌，因為有勁大舊既拉絲芝士，雞扒唔會干曬柴食落juice，仲有生菜，火腿，肉鬆，真係用料十足，份量十足。芝士就係萬能夾，一啖飯團有芝士有飯有雞扒真係啖啖滿足既。🔻鹹蛋雞扒飯團 $46🔻依個飯團正在粒咸蛋黃，咸香味撲鼻，但味道唔會過咸，入面充滿細粒既油炸鬼，蛋咸黃既口咸改變左，食落幾特別，仲有甜肉鬆，甜咸相稱，熱辣辣一啖入口，香脆咸蛋黃配惹味肉鬆雞扒，味覺幾好，爆餡之外仲要分量十足。🔻手作紅豆奶茶 $29🔻 紅豆幾好，唔係紅豆沙咁半沙半粒，紅豆分明，飲落有野咬下，絕非紅豆沙咁，茶香奶滑，怪不得係推介。🔻紫薯玫瑰露 $24🔻紫薯原來同玫瑰露幾夾，因為即磨關係所以係熱飲，入口好rich，米漿口感好滑，紫薯味好濃，玫瑰露又好香，幾有新鮮感。…Read More

今日經過新都會見到有新開韓式外賣炸雞店 有韓式炸雞 蛋捲 拌飯 飯卷 正呀買返去一邊煲劇一邊食❤️黃金蜜糖炸雞（有骨) $188食炸雞梗係要食有骨㗎啦 牙媽教落黐住骨嘅肉特別juicy 即叫即炸 蜜糖味香甜 原來同炸雞可以撳夾 重點係拎返屋企都依然係暖 炸雞勁Juicy 肉嫩❤️烤牛肉拌飯$68有大量配菜 有烤牛肉 脆肉瓜 泡菜 菠菜 甘筍 香菇 荷包蛋 重點係餸同飯會隔開 同分開辣辣拌飯醬 超細心 將所有材料撈埋一齊食 超級豐富又好開胃 女仔一人都食晒成碗呀❤️鹽漬八爪魚$75超開心呀 有八爪魚醬賣 生嘅八爪魚加埋秘製韓式辣醬 同蒜 好搶口 八爪魚爽脆 撈埋入拌飯食更加好味 📍K Chef Story (葵芳)葵芳興芳路223號新都會廣場1樓164號舖…Read More

燒肉唔一定要任食，有時食套餐都幾抵，揀個肉加$38配個冷麵。性價比高又可以滿足到食燒肉既心癮，係一個唔錯既選擇，揀到自己鐘意既又唔會食到捧住個肚。🔻803神盛 $168 single 🔻一碟有3種唔同部位既肉，有特上牛胸腹肉，腹前牛小排同板腱肉。我自己就好鐘情胸腹肉，有肉既質感得黎又帶的脂肪，入口唔會太膩，食多幾件都唔怕。特上牛胸腹推介大家燒到5-7成熟就夠，包你回味🔻806 牛舌盛 $188 double 🔻燒肉不可缺少既牛舌，唔洗怕選擇困難，一碟有齊鹽燒同汁燒，薄切既牛舌係爐火上輕輕一燒，彈牙軟滑，燒多幾下收一收仲正，焦香爽脆，加上醬油配置，真係可一可再。🔻807 三腹盛 $148 single 🔻平時牛腹胸都食得多，依個盛除左特上牛胸腹肉外，仲有醬油和豚胸腹肉同九洲雞胸腹肉。和豚胸腹原來無想像中油膩，食落有口感得黎又幾彈牙。雞胸腹以為係雞胸就錯，油脂唔多，燒到金黃色，食落非常爽口，唔講真係唔知係雞。…Read More

睇人介紹左幾次今日可以一嘗🤗，中午黎到唔洗點等位，可能因為係平日。叫左2個牛餐，都係食澳洲和牛為主。基本上澳洲和牛三盛套餐既肉係牛魔燒肉盛合都有，盛合就多3款肉揀。🔻A4和牛霜降🔻燒完口感多汁，肉質軟嫩且滋味細膩醇厚，入口後肥而不膩的脂肪就會在舌頭上化開。勁正🔻澳洲西冷和牛🔻食落口感有咬勁，有濃郁的牛肉香氣🔻澳洲和牛胸腹🔻纖維跟筋膜較多，偏帶油脂又有適度嚼勁，令口感層次多啲🔻澳洲和牛五花🔻擺上爐一燒經已油香撲鼻，流曬口水，入口品嚐到脂肪的美味🔻和牛牛肩肉🔻肉質鮮嫩、肌理細緻，味道相當爽口🔻厚切牛舌🔻厚切令牛舌更有彈性，燒到表面香脆，內裏依然嫩口，食落也完全不會有腥味。…Read More

街市外賣都係一個選擇👍🏻，一入門口就見到，淨係店面都吸引左我行去睇，睇吓睇吓就買左😂🔻咖哩吉列豬扒飯🔻吉列豬扒炸得都幾鬆脆🤤，冇油膩感，肉質又夠Juicy，唔會鞋烚烚，加埋白飯小偷既日式咖哩汁，真係唔覺意就食晒成碗😂🔻牛肉滑蛋飯🔻雖然係外賣，但係一開蓋已經被陣牛味吸引左😍，本身配菜食先既我都急不及待咁夾塊牛肉入口🫢。牛肉既肥瘦比例岩岩好。牛味十足，絕對唔係普通貨色，加上滑蛋令牛肉口感更滑。每個飯既份量都相當十足，食完唔會覺得喉唔到肺，小店黎講性價比幾高👍🏻🔻韓式雞肉卷🔻雞肉經過調味，入口肉質嫩滑札實👍🏻，配上爽口黃瓜，醃黃蘿蔔同蛋🥚，再加上韓式醬料，口感豐富，飯卷溫度適👍🏻，壽司既溫度，韓式味道😋🔻大蟹柳芝士卷🔻真係有粒粒既芝士係芝士蟹子入面🌟🌟，食落芝士味特別香😍，加上大蟹柳，兩者係口腔融合，味道幾夾，都好啱小朋友食🫢原來仲有的刺身派對餐，下次都可以叫黎try try佢🤣…Read More

Afternoon Tea Set ($180 per person)餐廳色系幾摩登，幾啱打卡📸，枱與枱之間唔窄，的位坐得幾舒服😌，都適合靜靜地坐低傾偈💬。野食黎到緊係打左卡先啦🤣，野食都係冷盤多，所以影耐的都唔怕凍左🤣水牛城香辣雞翼唔會太辣，少少酸食落幾開胃。條炸芝士條就正😍，外面香脆，內裡芝士味咸香濃郁🤤。然後食煙三文魚青瓜忌廉卷，清新既青瓜味同忌廉混合一齊，將煙三文魚味帶出，依幾款咸點為個Tea set打開左個胃。熱情果芝士蛋糕係‼️推介‼️，首先唔會太甜，帶酸既熱情果令芝士味更出，而且酸酸地係會令你口水分泌更多🤤，越食越想食。特濃朱古力慕絲蛋糕😍口感一流啊😍，一啖入口的朱古力會漿住個咀☺️，超濃郁，正呀！仲有個意式奶凍配士多啤梨汁🍓，奶味幾香入口幾滑。忌廉泡芙同一般個的唔同，佢既餡係奶味濃得黎幾滑，有的雪糕rich既口感😋1架10款野食，酒店級數黎講幾抵食！約人係銅鑼灣行街然後去食個Tea都唔錯👍🏻…Read More

係workshop附近有間新開既外賣串燒店，過晒晚餐時間又就腳，打個電話外賣幾串返去醫下肚。天氣涼涼地，食少少地有野落肚，又過下口癮，串燒都係個唔錯既選擇👍🏻，種類黎講都幾多，除左豬牛雞海鮮🦞蔬菜，仲有和食炸物。🔻汁燒牛柳串 $25🔻一串牛柳表面怖滿一圈圈既蔥花，入口食到軟綿綿嘅牛柳之餘，又有蔥花嘅清香，蔥既出現減低左燒烤嘅油膩感，同時帶出左汁燒嘅味道。🔻鹽燒厚切牛舌 $25🔻熟度剛好唔會過熟👍🏻，入口Juicy而且有口感，牛舌既爽脆又帶點軟綿，而表面既黑椒令味道更香，簡單調味已經非常足夠。🔻孜然小牛粒串 $18🔻小牛粒2口一串，孜然味香，配濃味既牛粒係好夾，2者濃味得黎又互相提味👍🏻🔻鹽燒五花肉串 $22🔻肥美既五花燒得香口，經過燒烤後將最可口既油脂鎖上，表面脆口，入面juicy，食落油脂香氣沖沖，只需少量既鹽去配搭已經非常足夠🥰🔻秘製五星燒豆腐 $18🔻當我以為佢係一串普通嘅燒豆腐，原來係唔普通。豆腐醬汁幾特別，入口甜甜地又好香燒烤味，配上滑捋捋既豆腐口感，真係想再encore🤭有時真係唔好睇表面，行多一步又會多個選擇🥳…Read More