foodie.anjournal's Profile

好出名嘅申子居酒屋，今日終於去銅鑼灣試吓🥰 午市仲有六折🫨 舖頭唔大，但座位坐得舒服，唔會好迫👍🏻 裝修日式，Menu好豐富，魚生熟食一應俱全😬完熟蕃茄慢煮小牛牛舌配西冷牛扒定食 ($198)呢個定食超級豐富，有蕃茄湯牛舌仲有西冷牛扒🥩 最鍾意蕃茄湯牛舌，超級足料，蕃茄唔酸，仲有少少甜，配埋煮到腍晒嘅牛舌😛 仲可以將蕃茄湯撈埋飯食🥰 頭先份量亦唔少，再加埋一大塊西冷牛扒🥳 絕對夠晒一個人食🤤西冷扒仲要整得啱啱好🍽️ 顏色粉嫩蒲燒鰻魚厚切玉子丼 ($143)鰻魚超級大條，下面墊住好厚切嘅玉子燒，影相超靚🫨 鰻魚咬落去好香醬油味，再加埋甜甜地嘅玉子燒，撈埋熱辣辣嘅飯，好容易一啖一啖食晒😋芝麻雞翼($68)有三隻大芝麻雞翼，外皮炸到金黃色，超級吸引😍 食落去好香芝麻味，外皮酥脆，雞翼肉質嫩滑👍🏻夠熱又夠Juicy，食落完全唔油膩，非常推薦🥰申子居酒屋由疫情期間好評如潮到而家果然唔係冇原因🫦全部菜式都做得好好👍👍性價比好高🙆🏻‍♀️而家做緊午市六折仲抵食🗣️下次去想試吓佢嘅魚生🍣…Read More

同事話最近喺西灣河發現咗間餐廳，係連西灣河關注組都推薦。餐廳係西灣河小巷叫鹿巷🥳 裝修超日本風，入到去以為去咗日本！牆上掛滿日式海報同貼紙🏮火炙香料鴨胸咖喱飯 ($80) 一嚟就會見到碗上面有好多超大舊鴨胸，上面仲會火炙過，焦香脆口有少少甜味中和返本身煙鴨胸嘅鹹味🥰 咬落去超級軟熟，再配搭埋有少少甜嘅足料日式咖喱飯🫨 份量亦都唔細，簡直係100分💯濃口蘭王蛋牛肉飯 ($65) 有超大隻蘭王蛋王牛肉飯，賣相超吸引🤤 蘭王蛋蛋黃金黃濃厚，再加埋牛肉，簡直係撈飯絕配👍🏻 仲有洋蔥增加口感，份量同樣嚟講夠多，整體嚟講都幾好👌🏻特製雞軟骨 ($40) 我哋仲叫多咗一份特製雞軟骨小食，咬落去好爽口，調味平衡，撈埋秘製醬汁，唔油膩，好容易一粒接一粒咁食晒😎柚子漬大根 ($35) 份量都唔細，酸甜開胃，咬落去仲有淡淡柚子味，夠曬清爽🫨呢個好適合用嚟解膩😋…Read More

想食左家後好耐，去到本舖見到排晒長龍🫩就行過兩條街去家後2.0❤️唔使等位可以直入🥹而且空間大啲👍原味芝士蛋糕 ($30)
最出名嘅巴斯克蛋糕！芝士味濃郁🧀入口即溶🤤 裏面仲有好軟滑🥰份量唔大但好食😘$30性價比好高🥳手工餃子套餐（灼）($44)
八隻餃子超級大隻，韭菜豬肉餃餡料飽滿🥟洋蔥豬肉餃，食到一粒粒洋蔥，而且令到餃子嘅甜度升級🧅正！手工餃子套餐（煎）($48)
煎底金黃香脆，邊位焦香內裡軟嫩，完全冇油膩感🤤 配埋韭菜豬肉餡，超級香口🤪呢間深水埗手工餃子專門店好出色🤩 明白點解出名咁耐同埋開到分店🥳餃子新鮮皮薄餡靚，大大隻🤤食完仲有芝士蛋糕做結尾，好滿足👍🏻…Read More

灣仔船街角落頭嘅呢間Flagship，主打中西合璧fusion菜😬 裝修到好似一隻船咁🤪 餐廳有兩層，環境舒服，坐得又唔會迫，服務不錯👍🏻 麻唔辣四川蜆 ($168)
呢個係餐廳招牌菜之一，蜆數量超級多，堆到成座山咁高🤩 蜆肉飽滿鮮甜，調味特登改成完全唔辣，絕大部份人都接受得，主要係麻感比較多🫨 食落幾過癮，怕辣人士都食到❤️ 估唔到蜆配中式麻唔辣係咁好食🤤特色卡邦尼意粉 ($238)
香港fusion版carbonara🫨 用咗金華火腿同埋臘肉取代平時見到嘅煙肉🥳 金華火腿脆口咸香，加埋臘肉鹹中帶甜，調味夠平衡👍🏻 意粉煮得啱啱好，每條意粉都比蛋黃包住，冇落cream令到意粉食落唔會好膩🥰 夠晒特別，值得一試！千層脆窩夫油封鴨髀 ($298)
鴨髀上面比一隻大太陽蛋覆蓋住，非常吸引🥰 鴨髀煎到外皮夠脆，鴨肉煮得夠腍，一切就散開🤪 食落鴨肉好嫩，鴨肉汁超級香，充滿成個口腔😮 加埋窩夫同埋蛋黃汁，超級滿足👍🏻…Read More

位於堅尼地城嘅NOOK. Eggwaffles & Gelato，主打義大利Gelato配港式雞蛋仔🤩 係海傍隔離，可以買完Gelato之後去海邊食🌊 臨近萬聖節，痴滿萬聖節裝飾，好適合打卡👻開心果味+ 南瓜味意式雪糕($68)配雞蛋仔cone (+$10)Gelato + 雞蛋仔呢個組合簡直係冇得輸😋 開心果Gelato香氣超濃，入口順滑，帶少少微鹹🤩 開心果味道夠濃郁，加埋上面一粒粒開心果，食落好有層次🤤 仲試咗Halloween 期間限定口味嘅南瓜Gelato，質地軟綿綿，南瓜嘅天然甜味同creamy口感完美融合🎃 再配埋雞蛋仔，外脆內軟，夠蛋香，一冷一熱，勁滿足🤤椰子斑斕意式雪糕 ($48)一嚟就聞到斑斕嘅獨特香氣，勁香🥰 仲會食到一絲絲椰絲，入口好香椰子味，甜度啱啱好，食落好Fresh🤩NOOK. Eggwaffles & Gelato📍堅尼地城西環堅尼地城吉席街99號地舖…Read More

金公館喺太古康怡廣場3樓，主打京川粵菜😋餐廳位置非常闊落，坐得好舒服，服務態度亦都好熱誠🥰古法羊腩煲 ($188/平日)最近天氣轉涼，最適合食一個暖笠笠嘅羊腩煲，有好多舊羊腩，羊腩肉肥瘦均勻，慢火炆到軟爛入味，完全冇咩羊臊味🥰 配埋腐乳，加埋有冬菇、馬蹄同埋枝竹，超級豐富🥳 古法湯底完全唔辣，配埋皇帝菜食，簡直係絕配😬 適合一家大細去食，秋冬天暖下個胃🤤金湯老壇酸菜魚（細）($208)
超級大兜酸菜魚，份量完全唔細🫨 金黃湯底酸辣啱啱好夠酸，辣度唔係好高，入邊充滿大大塊魚片，新鮮彈牙，魚肉冇腥味🤪 酸菜脆口入味，湯入邊仲塞滿萵筍、寬粉同配菜，份量三個人都夠飽👍🏻食完超大份量嘅晚餐之後仲會送桂花糕🥰 鍾意食川菜嘅，一定要嚟試下🥳…Read More

Ig隔一排就會彈好多呢間嘅食評俾我睇，咁啱約咗朋友去旺角一於去試吓，雖然地址係太子，但係旺角會近啲🤪鮮肉黑松露芝士餡餅 ($39)雖然等咗半個鐘，但外皮脆卜卜，芝士拉絲，黑松露香濃，肉汁多，食到好滿足😍🤤京蔥羊肉餃 墨魚馬蹄餃雙拼 配南瓜湯 ($62)餃子大隻足料，羊肉味香濃，墨魚馬蹄爽口，不愧係招牌👍 南瓜湯多🤩 南瓜絲好足料，配搭一流🥳總括嚟講，芝士餡餅香濃拉絲，餃子足料大隻，湯有誠意，成餐抵食🥳 經過不妨一試！…Read More

Tokachi Milky 出咗期間限定嘅焙茶系列🫨 我揀咗焙茶牛乳雪糕杯同 焙茶泡芙🤪 都幾多人排隊但係唔算等咗好耐🥰 焙茶牛乳雪糕杯 ($48)
焙茶牛乳雪糕杯底層有甘香焙茶凍，上面就係雪糕，側邊有焙茶醬同埋山核桃脆脆，上面就灑咗少少焙茶粉🥰 食落牛乳雪糕味道超級濃郁，入口唔算好滑，但充滿牛奶香味👍🏻 加埋焙茶粉同埋焙茶醬非常夾，再加埋核桃脆脆都好好食，增加口感，但係核桃份量較少☹️最底層焙茶凍就一般，冇咩驚喜👌🏻焙茶泡芙 ($42)
焙茶泡芙賣相100分，外皮金黃色配上面山合桃碎🥰 一咬落去好香合桃味，外皮脆脆地再加埋合桃脆口感，內裡忌廉軟滑綿密，雲呢拿忌廉加焙茶忌廉令甜度啱啱好，但亦都令焙茶味唔算好突出😋 口感超級豐富，唯一缺點就係有啲細舊🤤…Read More

想係尖沙咀食泰國野😋 揀咗siaw，星期六夜晚6:30去到都啱啱好，唔使排隊🥳 餐廳幾乎坐滿超多人，裝修充滿泰國元素，好有氣氛🤪 但係空間唔大，人多座位又較迫坐得唔係特別舒服😎 我哋入咗之後見到出邊都開始有排隊，唔想排隊可能要早少少嚟👍🏻泰式炒河 (雞) ($88)
本身見最出名醉貓炒河，但係我哋又想食雞，所以叫咗泰式炒河😂 一上枱仲識出煙，河粉上面有配粟米筍、芥蘭🥰 食落雞肉嫩滑，河粉吸收醬汁少少鹹味，整體食落去味道平衡，鑊氣十足😍 粟米筍、芥蘭煮得啱啱好，有咬口夠脆😋 河粉煙韌果然上網冇推介錯，都幾推薦🤩香辣打拋葉炒豬肉 ($88)
一嚟就見到上面有隻超大雙黃炸蛋，超吸引🤪 又係即時炒起熱辣辣，豬肉粒配羅勒葉同辣椒，食落好香👍🏻 我哋揀咗少少辣，辣到對我哋嚟講啱啱好，味道濃郁惹味😋 超夠鑊氣，配飯一流👍🏻飛天通菜 ($68)
飛天通菜有得揀辣，我哋又係揀咗少少辣😂 實際上都幾大兜，通菜炒得啱啱好，口感爽脆🥰 食落蒜香同辣味都有，但調味較淡，唔夠重口味，唔知係咪因為我哋揀咗少少辣嘅關係☹️ 唔夠重口味
Siaw嘅炒嘢整體嚟講幾出色，全部都即刻炒好，上枱嗰陣仲見到有煙，食落好夠鑊氣🥳 下次仲想試吓其他嘢😋 假期去記得早啲去唔使排隊👍🏻…Read More

Threads最近不停推呢一間米線俾我，見到佢北角新開咗一間就一於去試吓🥳豬頸肉米線 (酸麻辣湯底) （$55）一上台見到豬頸肉份量多厚實，但食落無雲川咁入味。米線食落煙韌😍 酸麻辣湯底偏酸，辣度溫和，不過麻感唔夠重🫨 碗湯到差唔多食曬嘅時候仲出緊煙，非常熱，份量好大，男仔食可能都會好飽！雞扒米線 (沙嗲湯底） ($55)
雞扒米線賣相幾吸引，雞扒煎得金黃，湯底香濃🥳 等候時間同樣有啲耐，米線份量一樣多，建議女生嗌少米，食落米線掛滿沙嗲湯底，雞扒放係湯上面都keep到脆口嫩滑，湯底甜甜地帶花生香，飲落好舒服😋 比起酸麻辣湯底，我更加鍾意呢個湯底👍🏻川品雲南米線嘅豬頸肉米線份量厚實又多，下次會叫豬頸肉米線沙嗲湯底，總結成餐幾好食🥳 但等候上菜時間有啲耐，值得一讚嘅係碗湯keep住好熱，米線份量非常多，感覺都抵食…Read More

前排去咗試下銅鑼灣 Vol.1 Cafe，出名手工意粉🤪 係銅鑼灣樓上Cafe，上去要行兩三層樓梯😮 有室外同室內座位，裝修文青，座位闊落，坐得幾舒服🥰忌廉明太子配手工圓粗麵 ($138)
有超多明太子醬🥰 上面有蟹籽同海苔絲🤪 食落麵條唔算煙韌，口感亦都係偏淋🙂‍↕️ 明太子醬夠creamy 順滑，少少鹹香味，味道 OK 但偏普通，無特別突出嘅感覺👌🏻芝士黑松露意大利飯 ($148)
賣相幾吸引，上面鋪滿少少焦燶嘅芝士，聞落去好濃郁黑松露味🥳 但係食落飯粒偏淋身，口感偏軟，芝士味濃但黑松露味少淡，幾乎食唔出松露嘅特色，略為失望🙂‍↕️ 整體味道同質感唔算出色🥲炙燒白松露雞翼4件 ($58)
炙燒白松露雞翼會要等一陣，不過值得！賣相好靚，焗到金黃色，望落超吸引😋 食落雞翼外皮脆口內嫩，肉質好juicy，但白松露味唔算重，係好好食嘅雞翼🫨 雖然味道唔算驚喜，但係係好食嘅雞翼🥰 如果食得落都推薦試吓呢個雞翼👍🏻整體嚟講食物不過不失，唔會有太大驚喜🫨 不過環境裝修幾舒服，位置方便，經過都可以過嚟食吓👌🏻…Read More

下晝想去飲杯咖啡食下午茶，揀咗Grotto呢間Cafe，假期去都竟然唔係好多人，冇坐滿，坐得超舒服🤩 環境裝修都好靚，燈光柔和，值得喺度嘆住咖啡渡過一個舒服嘅下晝🥰失傳法式西多士 ($108)
法式西多士有四大嚿，煎到外表金黃色，配埋新鮮生果，賣相100分🥰 一切開內裏非常之軟熟，浸滿蛋漿🥳 外層有少少糖漿，食落去以甜味糖漿味為主，蛋香味就差少少🤤 不過口感綿密，食落外脆內軟，配水果味道幾正😋 仲有莓jam，酸酸地配麥田嘅法式吐司超級夾🫨 如果點Caramel醬就會少少偏甜！不過整體嚟講都幾出色🤤Pistachio Dirty ($48)咖啡杯邊癡滿晒開心果🥰 下層用咗pistachio oat milk，開心果味唔會好濃，但係可以配埋開心果一齊食😋 層次豐富，幾特別👍🏻熱帶芒果冷萃咖啡 ($58)見到佢推薦所以嗌咗🫨 飲落去唔會有cold brew 嗰種好酸嘅味，淡淡地芒果香，芒果味酸甜，中和咗咖啡苦🥳 飲落去完全唔甜，整體味道平衡😋呢間Cafe打卡一流，裝修座位舒服，價錢稍貴但質素值！尤其係個法式吐司非常出色😋 鍾意文青 cafe 嘅朋友一定要試吓👍🏻…Read More

JOMO 前排喺太古開咗新分店，喺太古城附近，今次終於去試吓🥰 裝修白色主調配暖色燈光，乾淨又舒適，幾chill😎 我哋夜晚去到，店內人唔算多，坐得舒服🥳慢煮雞胸南瓜蓉沙律 ($128)
慢煮雞胸南瓜蓉沙律個賣相好吸引😋色彩繽紛，有豐富配菜，雞胸側邊有沙律菜、車厘茄、紅石榴、提子乾同杏仁片，全部都鋪得好滿，望落好健康🥰 食落雞胸慢煮得嫩滑多汁，唔會乾柴😍 南瓜蓉綿密甜香，微甜嘅醬汁同沙律菜好夾，食得出新鮮同用心🤩 份量適中，好適合健康飲食，價錢喺太古少貴但質素ok！ JOMO 全日早餐配煙燻三文魚 ($138)
呢一份All day Breakfast賣相都不錯，有酸種麵包、炒蛋、煙燻三文魚、牛油果、大啡菇同烤蕃薯，望落好想即刻試🥳 食落三文魚煙燻香濃，唔會太鹹👍🏻 酸種麵包香脆，裏面軟熟，炒蛋嫩滑少油，健康又好食😋 牛油果新鮮，蕃薯甜香綿滑，每樣配料都好有質素，味道同口感都好平衡！健康同好食並存🥰
雖然冇試到佢最出名嘅蛋糕，但係其他都幾好食🥳 環境簡約舒服，喺太古搵到咁優質嘅健康Café真是一個驚喜！價錢少貴，但係可以食到健康，又新鮮嘅食材😍…Read More

一上到去原來會分左兩閒餐廳，一邊食燒肉，另一邊先係Bong 樓🤔 主打韓式中華料理，裝修華麗帶點韓式風，燈光柔和，牆上有啲韓國元素😎 雖然我哋週末晚市去到，都唔多人，所以坐得幾舒服🥳 服務幾好，會一路幫你裝滿茶👍🏻炸醬麵 ($88)炸醬麵大大碗賣相幾吸引，上面淋滿炸醬，有青瓜絲同豬肉粒🥰 食落炸醬濃郁，味道正常冇咩特別，整體普通咗啲👌🏻 麵條有少少偏冧，份量 OK，價錢喺尖沙咀嚟講算合理😆糖醋肉 ($128)糖醋肉賣相幾吸引，醬汁分開，🥳 糖醋醬酸酸甜甜，食落好開胃食落，份量算多，啖啖肉都幾滿足😍 外皮唔算好脆，配上糖醬汁酸甜開胃，但無想像中酥脆，食落普通咗少少🫨 整體味道幾好！Bong樓主打韓式中華料理，炸醬麵同糖醋肉味道正常，質素中規中矩👍🏻 環境舒服，但服務貼心，keep住有refill茶🥰 如果想試下韓式中餐都可以黎試下，唔會好驚喜但係又唔會中伏😂…Read More

BKK 喺 PMQ 元創方地下，本身唔知道PMQ竟然有餐廳😂 裝修係泰國街頭風😎 雖然人多但係空間幾寬敞，坐得舒服🥳 氣氛一流！炭燒雞肉沙嗲 ($128)得四串炭燒雞肉沙嗲，香港價錢🙂‍↕️不過賣相唔錯，雞肉串金黃色，配沙嗲醬汁🥰 食落雞肉嫩滑帶炭燒香，沙嗲醬濃郁微辣甜😍 整體味道平衡，唔會過重口味，泰式風味明顯！泰式和牛炒粿條 ($158)網絡配料都幾豐富，上面有和牛片同配菜🤤 粿條乾身炒得香，食落煙韌彈牙，和牛嫩滑多汁，鑊氣十足，加埋啲配料，每一啖都好有層次😋 整體幾好食，係正宗嘅泰式炒河粉感覺， 但和牛份量略為少咗啲😬芒果椰汁糯米飯椰子新地 ($108) (已停售)估唔到最尾甜品先係最好食，超級打卡able，滿滿新鮮芒果配糯米飯同椰汁🥰 糯米飯軟糯香甜，芒果完全唔酸，鮮甜多汁，加埋椰汁 令整體感覺清新，最有驚喜😍 甜品控一定要試吓，雖然價錢貴咗啲，但係都推薦食呢個甜品👍🏻整體嚟講成餐飯幾好食🥳 喺 PMQ 中環搵到咁正宗泰式街頭菜真是一個驚喜，尤其個甜品非常出色 （不過原來已經冇賣）😋 但價錢偏貴，性價比一般🙂‍↕️…Read More