味吉宇ー's Profile

一行四人，試吓這間的晚飯，新張期內，免茶界免加一服務費，叫了四個餸菜，紅燒乳鴿，招牌小炒王，脆皮咕嚕肉，豉椒炒花甲。先來兩隻乳鴿，肉質偏瘦，加上應該是最尾淋油的時候過火比較燶，應該是師傅的技術控制火候還欠缺一點🤨招牌小炒王，韭菜比較老，它的份量也比較少，上枱也不算有鑊氣，脆皮咕嚕肉用新鮮菠蘿比較有誠意，至於豬肉就中規中矩，豉椒炒花甲，上枱的時候已經看到沒有什麼水準，花甲的殼比蜆肉還多，賣相也比較差，豉椒也炒得不香，沒有鑊氣。最搞笑的情況是那天晚上沒有白飯，他們說已經賣晒，懷疑可能那些米有問題🤔，叫我們選擇炒粉麵。總結座位旋寬敞四個人給六人的大枱，服務生也很好常常幫你換碟，但餸菜的質素，有很大的改善空間。…Read More

一行四人飲茶，這個地方所有餐廳都是新開的，屋企人喜歡飲茶，這𥚃的裝修和佈局尚算可以，枱與枱之間不是靠得很近，點餐就可以掃QR code，茶就用了茶包沒有什麼茶味。蝦餃只有三隻，、鳳爪和牛肉球都是一般，芝麻芋絲脆軟夾幾特別可以一試、海皇鹹薄罉上邊的海鮮比較少但蔥花都尚算多，大良鮮奶一口酥不是很多地方有，結尾叫了一個黑蒜炒飯比較油膩😁　…Read More

朋友回港聚餐，七個大人四個小朋友，又來到主場，今日又想食龍蝦刺身，所以叫咗做頭盤龍蝦肉質彈口👍🏻非常新鮮。火鍋方面，天氣凍凍地，梗係叫個羊腩煲再加一個招牌蕃茄薯仔湯底，羊腩份量很多，還有炆得好腍再舔一個靈魂腐乳醬汁，簡直係美味，還有他們的招牌牛肉也非常出色，午餐肉、響鈴、雲吞、水餃也絕不可以缺少😀。龍蝦的頭和尾部師傅竟然幫我們用芝士焗用公仔麵做面底，這個將整個聚餐畫上一個完美的句號，個個食倒抱着個肚腩。…Read More

朋友仔生日，天氣雖然炎熱，但這間火鍋店，除了湯底出色之外刺身也非常好味。老闆話鱆紅魚今日新鮮。果然冇介紹錯，一入口非常清甜。湯底今次叫個椰汁雞鍋，鍋一上枱已經聞到一浸濃烈的椰汁味道，建議鍋底滾起之後，正碟雞件放進鍋𥚃，關火等6分鐘左右，這時候入口的雞件非常嫩滑，吃完鍋裏的雞件再開始品嚐其他火鍋食物，本地大牛，又是每次來到都必點的食物，今次也沒有令我失望，牛肉的油脂分布非常均勻，在香濃的椰子雞湯下燙三、四下，放入口有一種衝擊味蕾的感覺😝，椰油、雞油，再加上牛肉味。午餐肉雖然是一件很普通的食物，但這裏的厚切感覺加上炸過後浸一浸湯底，又再次衝擊我的味蕾😃，這店的黃沙豬膶也非常爽脆，還有這裏有一件竹笙的物體，他一件的份量相當驚人，大家如果還有位置的話一定要叫來試吓。吃到差不多，店員也主動為我們清潔好枱面，準備我們帶來的小小生日蛋糕慶祝朋友的生日氣氛也非常之好👍🏻…Read More

母親節，母親大人想食海鮮，帶兩老入屯門三聖邨海鮮街試吓，中午過去人不多很舒服，眾多海鮮檔當中有一間叫俊利海鮮竟然有個四人套餐六款海鮮只售$838西澳龍蝦兩隻，花甲一斤，北極貝四隻，鮑魚也有四隻，花螺及桶蠔足足六樣海鮮。樣樣嘢都生生猛猛。店主也解釋得好清楚，買完之後帶我們到薈廷加工$528明碼實價👍🏻可能係午市關係人流不算很多,服務員也細心介紹每樣海鮮怎樣烹調方法最好,上菜的速度控制得很好花甲梗係豉椒炒,每隻花甲都有肉，上枱時熱辣辣，最欣賞係沒有沙，味道就啱啱好👍🏻龍蝦招牌煮法是芝士炸上枱時已經很震撼，咬落去每一啖同蝦肉都好彈牙，加上龍蝦走過油的關係個殼都非常鬆脆。北寄貝就蒜蓉粉絲蒸肉質非常煙靭，好鮮甜😄鮑魚母親大人喜歡椒鹽估唔到用椒鹽的煮法，肉質都很容易咀嚼不會太老跟住生蠔就係酥炸一桶鮑魚入邊有八大隻，酥炸後都好大隻，咬落去全是肉汁花螺就辣酒一上枱聞到好香的酒味一見到以為很辣的食落口，又完全沒有辣的感覺食得出花螺甜味…Read More

天氣凍凍地，一定諗緊主場打邊爐，頭盤一定食，我的至愛象拔蚌刺身，爽口彈牙。話說近期有新搞作大扇雞，人手拆肉，還有雞皮、肉嫩皮脆簡直係人間極品，加埋個湯底五指毛桃，湯滾起試啖湯，雞都未嚟，湯已飲了一大半😃一隻雞差不多六斤幾夠晒大堆頭😍，雞件薄切很快便會熟透，雞肉很嫩滑，還有雞皮分開，灼熟雞皮食非常爽脆。下次訂枱前，一定問吓老闆有冇大扇雞先😜…Read More

天氣轉涼，一行六人，相約去打邊爐來到主場新華記，首先叫咗椰子湯底半隻雞，椰子湯底有椰子和海底椰，所以湯底非常香濃，湯一滾起關火放計件落鍋等7分鐘，見到雞片為湯底加了一點雞油更加香。這時候的雞片很嫩滑，吃完雞片，一定要飲返啖湯先知道什麼是鮮甜😛。本地大牛，一字骨脆鯇魚、大大條竹笙、芫荽水餃、手打牛肉球，貢丸、芝士獅子狗、還有響鈴都是必點。見到新華記，今日有新出品羊腩煲，一定試吓，羊腩炆得入味，羊腩份量也不少👍🏻大家吃完都抱着肚子温溫的感覺非常實在😜一定會返來再吃😉😉…Read More

一個人游完水,想食咖喱。觀塘工廈什麼都有得食🤭呢間舖頭用手機點餐非常方便。叫咗一個香料咖喱羊套餐，加$15有6片蒜蓉烤餅套餐係有一罐汽水👍🏻咖喱份量都算足夠，而且香料味道都很正宗，但係烤餅就比較一般厚身，但係沒有蒜蓉的味道。吃完整個套餐，非常飽肚😅…Read More

一行二人，行過這間排隊店今晚不是很多人就自己寫個名等吓，等了太約十分鐘已經有位，服務員好細心知道我哋要睇住部車，安排坐近門口的位置👍🏻 水餃都很多選擇，見到芫荽豬肉水餃，還有波菜麵，朋友就叫了韭菜豬肉水餃，上菜的時候來了兩碗波菜麵，以為啲水餃沉咗喺底部，冇嘅🤭，原來是分開上的，水餃的湯底是粉葛湯。菠菜麵很幼滑，水餃口咬下去有種很清新的感覺，食得出芫荽很新鮮👍🏻。臨走之前見到佢有芝士蛋糕就叫了兩件開心果和原味俾外賣都非常好吃😃…Read More

今日入來元朗，記得呢間飯店。晚上九點幾元朗都很多野食，行入又新街，見到呢間孖寶，次次都好多人排隊等位，難得今日門口冇人，一於入去叫個海南雞油飯，店員即來一例湯，佢碗湯真係好好味，之後主菜嚟到，雞肉都很嫩滑，另外油飯比較乾身，吃完沒有平時油膩的感覺👍🏻…Read More

今日我哋中同聚會+farewell朋友仔去移民,又來到主塲新華記打個邊爐，餐廳很貼心安排了一間大房給我們.今次因為多人，所以試了很多他們的佐酒小食，原來都非常好味👍🏻，我們今次叫了藥膳醉雞湯底和招牌蕃茄湯底，一如以往雞肉很滑，湯底非常足料😜其他火鍋湯底都一樣新鮮，萵筍、淮山、大大條的竹笙完全冇得輸。他們的水餃有三種口味，都是自家製的，大大隻😂，還有他們的牛肉，每次上枱都好似藝術品一樣，今次又食到飽飽😋…Read More

一心諗住去嘆個下午茶，得來一肚氣😤。入去坐低，即叫雞批、蛋撻、熱奶茶。15秒都唔使，已放在枱上，心知不妙，摸下個雞批完全係凍嘅，咬一口完全唔係嗰回事，即刻叫個服務員過來，問佢個雞批凍㗎？佢話係喎🤔當時我都唔知俾咩反應佢，只好快啲食完個蛋撻同奶茶埋單走人😖😖😖😖，至於蛋撻同奶茶只係正常嘢。埋單$52。其實這個價錢我可以吃個下午茶餐😠後記：我都係第一次食凍嘅雞批，如果喜歡吃雞批的朋友仔都明白，入邊個汁如果係凍嘅話好似啫喱咁好難食😩我最不滿意，係佢哋嘅態度😡…Read More

一嚟四人，想打邊爐，梗係又嚟主場。今日一於食豪啲，刺身食龍蝦，隻龍蝦新鮮倒爪同隻眼上枱後仲郁😀😀，肉質鮮美，廚師力功都好厲害，每件的透明龍蝦肉，咬落去十分鮮甜彈牙、外賣一支清酒，真係不錯的享受😜食完刺身，龍蝦殼梗係唔好浪費，一於叫佢走油之後加個蕃茄薯仔湯底，用嚟打邊爐，湯味更加鮮，加埋一碟大牛，三拼餃子、淮山萵筍，墨魚滑，打完一陣再飲一啖湯底，簡直是可以圓滿畫一個。😝😝😝攬住個肚仔回家🤭🤭…Read More

今日同朋友行咗兩萬幾步，由尖沙咀行到土瓜灣再搭巴士到富山邨落車，走入富山邨裏面都有間舊式的餐廳，就試吓佢哋的晚餐。入到餐廳見到所有環境都好有歷史味道。是日晚餐都有幾個餐可以揀，最後我揀咗蔥爆魚腩煲，有例湯送（南瓜豬骨湯），一飲落去覺得很有家的味熱辣辣的魚腩煲上枱再加上一碗大白飯，味道好有鑊氣，尤其是爆香咗的蒽同蒜頭🧄，食落去都好好味👍🏻，最後加一杯熱飲，奶茶就比較普通😄…Read More

長者日同兩老去完馬場，搭屯馬綫到鑽石山新開嘅商場入邊紅樓食飯，因為時間尚早等15分鐘服務員安排入座窗邊位置，環境唔錯。開始點餸菜，餐牌有個一蚊燒鵝優惠，跟住下邊有幾個孖寶餐我選擇A薑蔥炒蟹加清蒸斑仔$368,價錢都尚算可以就叫呢兩樣加多個蒸節瓜。之後服務員打印了單，我發現為什麼薑蔥炒蟹變咗龍蝦伊麵，我再搵晒成個餐牌都冇呢一個孖寶套餐。心想，費事之後有拗撬，所以叫了個經理過嚟問一下。誰不知這個經理，見着張單之後大叫[搞乜嘢啊咁都錯]，之後就攞住我張單，搵人鬧，搞乜嘢啊？😤今日幾多號呀？搞成個餐廳的氣氛好薑😱，雖然當時餐廳上不是好多人😒眼見龍蝦伊麵，已經煮好，準備上我的枱，後來嗰位經理走出來喺我張單上面打個大交叉，叫個服務員唔好上枱，因為搞錯晒，取消佢，咁我就望住個經理之後佢同我講會幫我跟進🤔之後等咗15分鐘先有一個服務員，攞張剛剛刷印出來的餐單，入邊原本我點孖寶個餐變咗龍蝦伊麵+清蒸班仔$388，其實只不過係個價錢變咗少少😀我心諗，使唔使取消我張單，最簡單嘅方法就係過嚟同我講聲，唔好意思搞錯星期日個餐冇咗宜家呢個轉龍蝦加多$20咪OK因為已經過咗30分鐘，我避免如果叫龍蝦伊麵套餐佢會俾返剛剛嗰碟俾我，所以我決定散嗌，一個粉絲蟹煲加多一個日本櫻花蝦蒸棋子勝瓜，$1的四分一燒鴨都有後來才知道原來服務員刷印了18號星期五的特價餐牌，而今日係20號星期日，價錢同菜式都會唔同。其實呢件事解決嘅方法好簡單你一係就同我講聲唔好意思個餐牌搞錯咗，原本我叫嗰個孖寶套餐，今日沒有二轉左龍蝦伊麵，價錢相差$20我都會即刻接受啦。使唔使鬧到成間餐廳客人都聽到晒呢。作為食客嘅我聽到都唔好啦。其實呢間餐廳嘅出品完全沒有問題，我都覺得幾好，但嗰位經理處事嘅方法可以好一點😏佢應該要記住冇理由當住客人面前大聲責罵員工😮‍💨客人過嚟都係想食一餐飯啫😉…Read More