Hei~B's Profile

走進Acquasala，首先讓人印象深刻的是其精緻而溫馨的環境。裝潢設計簡約優雅，讓人感受到舒適和放鬆的氛圍，不過當晚坐咗喺餐廳最入，冷氣好似壞壞哋咁，坐落有啲侷，但係服務人員都好親切，盡量幫我哋開大少少冷氣。菜單上的菜式種類繁多，包括新鮮海鮮料理、精緻意大利面食和精心烹製的主菜。每道菜都展現了廚師們的用心和專業，讓人垂涎欲滴。特別推薦他們的招牌海鮮拼盤和香濃奶油意大利面，絕對能滿足挑剔的美食家。不過份量比較少，五個人食需要嗌八至九碟菜先夠飽。。。嘢飲平均都有水準…Read More

星期六晚，因為某些原因，由短程旅行的打邊爐晚餐轉到臨時決定的Burger 晚餐。burgeroom一直都向"想去"表到，但因為地點問題，一直都未有機會到訪，所以一想起食Burger就坐上的士前來啦~店位於都算多食肆的街，前幾間有拉麵Jo, 勝手日本茶，後面亦有西餐廳Mackie Kitchen同 home。店門口一張小枱已有兩人坐著，望進店內見已經滿坐。推門而入，店員指一指一張小圓枱上有2個坐位，坐下便開始研究menu了。Menu 選擇以小店黎講不算少了，有牛、雞、鴨、魚同海鮮。牛的選擇有10款，由$60到$148任君選擇。我選擇了較為簡單的，鮮磨茹牛肉漢堡($75)。你點了有圖介紹的大烤茹芝士牛肉漢堡($95)，另加了芝士薯條($40)及汽水($15)。芝士薯條先到，一層已溶了的芝士佈面，薯條是全隻薯仔切條炸成脆脆的口感，但芝士因為已經冷卻了，所以未能做到全條薯條被芝士包圍的效果了~ 紙盤底亦有不少的芝士溶了可以點薯條，整體不錯。但你鍾意既gravy就沒有提供了!兩個burger 一齊上枱，好好的安排，不會一個食緊另一個仲等緊。另外已經將個包一分為二，兩邊都有籤拮住，最重要係，佢切完一半，個包唔會有任何壓扁的痕跡。飽外皮脆口而中間十分軟熟，雖然個包好高，但都唔會好到好論盡。鮮磨茹因為個面積較細，未能食到好濃的磨茹味。中間的牛肉質地很好，不會一咬就散開而牛味都濃。配上新鮮的蕃茄及生菜，加上自家製的醬並不會太濃，整體配合得好好味。而你的大烤茹芝士牛肉漢堡，你將一半的大烤茹比左我食，好juicy好好味 (變左你只係食芝士牛肉漢堡) 。價錢雖然偏貴，但都覺得係物有所值，份量亦都算多，我都要將我的一半轉交你去處理 。只係坐位真的太迫，食完都不好意思再坐了！幸好，臨時決定的晚餐質素很好，若果不是，我的心情應該會跌到谷底... …Read More

星期五晚於時代廣場食通天晚餐，處處都人山人海。SML 門前一大堆人，預計得到搬到樓上的金滿庭都應該最少要等半小時以上。為了避免延誤晚飯時間，選擇了可以即時入座的鐘廚。餐廳新裝修，以白色光亮為主，開放房廚房以營造摩登的感覺。但，所有集合後給我第一個的感覺係"嘈"！二人枱，一邊放了兩張櫈，相信原意是給放手袋之類，但問題係張櫈太大，原本比人坐的一張會令到個人側左一邊。點餐，一貫稻香集團的作法，菜單選擇不多加一些是日特價。我們點了口水雞、紅酒炆牛腩、上湯龍蝦及荷葉飯。口水雞：肥廋適中，雞皮簿簿的，肉質嫩滑，醬汁沒有任何辣的感覺，但整體不錯但印象不深。上湯龍蝦：龍蝦開邊加溫室豆苗菜，龍蝦都算厚肉。上湯較鹹，溫室豆苗菜草青味偏重。之後店員通知沒有荷葉飯了，令加了鹹魚豆腐煲。另加一碗白飯，本想要求菜到先上白飯，但店員說差不多時間就同意上白飯先啦~最後係，後點的鹹魚豆腐煲上枱時，白飯已經凍了！同樣的，味道不會覺得有任何的特別，但記得的是，不太油。成餐飯最大的問題是，紅酒炆牛腩到最後都未到，等了45分鐘時催了一次，一個鐘之後再催，店員推說此菜平時需要20分鐘處理時間，但今日廚房太忙，可能要耐D。佢通知經理要求廚房即刻替我們煮呢個菜，不夠5分鐘，紅酒炆牛腩已經煮好了。那我之前的一個鐘可以解釋一下嗎??最過份的是：牛腩比切到同一個SIZE，醃到完全沒有牛味，肉質變成好似牛舌，唔講真係唔知食緊牛腩。最後都要放棄這一個等了一個鐘的菜！…Read More

這一間餐廳，一年前你試過後已經說要一齊再去一次。今日時間地點都夾到，上到去，餐廳未營業，但可以先入內等待。餐廳內已有幾枱食客等候，等了一會，濕毛巾及熱茶已上。趁這個時間，研究一下menu。 午餐定價由一百多至二百多，包了碗蒸蛋，前菜，餐飲。本想食鰻魚定食的，但當見到西京燒銀鱈魚後，就放棄了。你點了一個火灸雜錦魚生飯。我的先到，蒸蛋蛋味重，滑身但亦都較硬，不過都好好食。銀鱈魚兩邊燒得香脆，有兩大片，一夾的時候會遂片分開，證明魚質很好。入口後滿滿的魚油香，好好味~~~你點的火灸雜錦魚生飯隔左一陣都到，碗內佈滿了各款魚生刺身(有三文魚、三文魚籽、蝦、蛋同一d白魚)加上輕微燒過後發出的香味。令到本身唔食刺身的我都食左兩啖，刺身不會太腥(對唔食刺身既人, 魚鮮味係腥)，加上三文魚籽都好好味。有機會再去食既我都可能會比次機會佢  :) 餐廳服務不過不失，但有少少奇怪，餐飲無檸檬茶，得檸水或者咖啡。亦都可以選擇食雪糕  :)…Read More

於紅磡出名食的祟潔街，經過早年大旺的加太賀，沿路有不同的食肆。米線、沙律、西餐、中菜，花多眼亂。最後選擇了門面特別多裝飾的唐人坊。:)餐廳門面貼上得過出前一丁獎項及很多出前一丁精品，入內係典型的茶餐廳格局，但枱放盡每一個空間，枱的高度不一也會砌成一張長枱。而餐廳牆上掛上透明的層架放上不同的汽水樽。餐牌印上了各種餐以供選擇，我們選了四寶飯 (無骨海南雞、豬頸肉、魚餅及蝦餅)及無骨海南雞併豬頸肉飯。我點的已包括了你的餸，所以只講下個四寶飯啦! 首先飯寫是雞汁飯，顏色是黃色，但飯是濕及沒有任何油飯的味道，下了蔥油後會好一點，但會令到飯更加的濕。雞無骨及用質都算不錯，但都是沒有甚麼的味道。反而豬頸肉幾好，肉質適中，點了甜酸汁後更加好味。仲有一塊的蝦餅加一塊的魚餅，蝦餅不是彈牙的，甚至太過焾了，失望，魚餅就是平常買回來的現成貨吧。不過價錢相對是便宜的，$38一個飯加飲品，一點前走仲有折，都算不錯啦! 雖然只係食普普通通的茶餐廳，但希望，同你傾下計都可以令到你心情好少少！:)…Read More

今晚到大埔晚餐，本想到雜誌剛介紹的一間潮州菜。由火車站搭的士到舊墟直街，舊墟已經由靜悄悄的街變成食肆臨立的地區。所以當到潮州菜餐廳見到客人的小貓三隻後，選擇了於街口新開的泰國菜。星期五晚八點多的時間，需要等大約十五分鐘。餐廳坐位很多，但枱放得近，一列的坐位，同隔離枱應該無10cm距離。餐牌選擇很多，大部分泰式食物都有提供，價錢唔係好平，大約$60-$70一碟。酸辣椰汁雞湯不算太重的椰汁味，而且雞肉都唔多，但肉質算是嫩滑。酸味出D，都有辣味。一碗可以分到大約四至五碗。炸蝦餅一碟四件對切，分成八件。炸得面金黃脆，不過蝦餅本身肉質唔夠彈牙同無咩蝦味。點蝦餅的醬都只係超市買到的那種，無驚喜。濕粉牛肉河粉上枱時用大碗，應該是因為好多汁。浸住所有的河粉，可以因為這原故，河粉似未有炒過。河粉本身很滑，比廣東河粉粗身很多，不過好碎。咖喱蟹只售$208，價錢算抵，用的是肉蟹。蟹身分成四件，蟹拑算大。蟹炸得好脆，令到蟹的肉質變得不太實淨，咖喱汁未夠惹味，太杰身。總括成餐都是普普通通，不太特別。…Read More

餐廳位於蘭桂坊斜路的一旁, 面對街面的一邊是酒吧, 店面旁的一人位行人路每次經過都係人頭滿滿。餐廳分上下層, 下層是熱熱鬧鬧的酒吧, 入餐廳後有一條小小的迴轉樓梯到上層另一個天地。可能是因為平日的關係，餐廳用餐客人不多。枱與枱之間有足夠的距離，就算餐廳滿座，亦不會感到擠迫。而餐廳的座位安排亦十分之好，不會因為方便服務客人而將客人座位全安排到一邊。令到每一群客人都可以有自己的角落。菜單上的食物種類選擇合理，點了兩個小食、主菜及一個甜品。點餐後，上了一籃的麵包，包的質地如果更加鬆會更好。而另一個的酥皮條，不知為何，我食到有點點的辣。小食先上的是炸墨魚，熱辣辣的上場配上炸到金黃色的表面，賣相真的不錯。入口脆的程度乎合預期，包在黃金外殼內的墨魚彈口及鮮味，同啤酒為一絕的配搭。之後上場的係我期待的串燒，分別為羊、牛及雞。上枱後為我們服務員淋上Volka後點火，為暗黑的餐廳添加一點紅光。可能是之前的舖排令我對這三串串燒的期待推得太高，入口後十分失望。牛柳的味道很重但肉質好un，羊的味道沒有特別，反而雞的配料令到味道出同肉質嫩滑。不過最失望的是，食物的溫度唔夠熱! 好了，到主菜，澳洲有機飼養牛，七成熟。見到燒的紋同肉質表現令我相信，我不會對佢失望。果然，切開後肉質嫩滑加上牛味濃。以二百幾的價錢，性價比是超高的。之後到原隻龍蝦，上網見到其他人食的是咯 嗲。原隻沒有任何的調味，但原來是需要於落order時特別要求，否則，會食到我這一款，芝士焗龍蝦。好在，龍蝦的肉質都是爽口而且鮮味，加上芝士香，大啖大啖食，感覺十分好。最後，加多一個芒果拿破崙做甜品。我覺得酥皮未能做到好鬆化，但吉士打得不錯，香滑而且不會太甜。我們是兩個人分享這一個甜品的，但我不知應該如果去分，食得論論盡盡。成餐的食物，環境，氣氛都好好，加上貼心的服務(不是那一種長期企你隔離，但會於你需要時出現)及算是便宜的價錢。不錯~~…Read More

食完兩個小午餐後到尖沙咀見客，本來，想嘗試講了年多的芒果蛋糕，但唔想自己食既時候諗到你偏心。所以，揀左一間之後都提過的蛋糕店。 位於加連威佬道，周圍都是時裝店。有一間白色小店，簡單放了一個西餅櫃，放滿了店內招牌菜，瑞士卷。每款切好的瑞士卷有分大同小，我點了我鍾意的芒果布甸瑞士卷，你點了朱古力瑞士卷，兩件都點了大。 店內有大約四五個位方便進食，整間店的氣氛好優閒，一邊食甜品，一邊閒聊，好幸福。 講返蛋糕，肉眼已經可以見到個質感係比普通瑞士卷豐厚，好密。食落好軟綿綿，濕度剛剛好。而且中間的忌廉唔會太多而且甜度剛剛好，中間的芒果布甸反而布甸粉味較重，如果轉為新鮮芒果，應該會更加好。 而朱古力的那個，朱古力味好重，個中間沒有任何的生果。芒果比較好，可能因為咁，你覺得個價較貴。 我的芒果生日蛋糕，成為了第二個人的生日蛋糕，感覺真係好差，所以，就算我好想食，我都唔會去，因為我會諗起, 我要求了年多的蛋糕一直沒有...…Read More

同你分開幾個鐘之後接你放工，好開心又可以繼續我們聖誕節慶祝的第三餐！ 哋去今日我路經而你一直都推介的新森林焗之專門店。店位於小行內，店面利用大量的LED燈吸引途人。不過入內後餐廳有另一景象，光線充足，像街坊西餐廳的格局。店內位置算多，當晚都有大約八成。 有大約三十款焗飯或意粉，大約四十蚊一個。你點了第一個，特濃芝士醬大蝦焗烏冬加轉了龍蝦湯。而我點了焗牛魔王鴛鴦飯，即係黑椒同咖喱！另外點了薯蓉焗田螺。 每個餐都包一件蒜蓉包，我的餐湯同包先到，但我的包是凍，所以唔脆！羅宋湯足料不過偏辣。你的龍蝦湯好濃味同埋包係熱和脆，好好多！ 你的意粉先到，賣相不錯，大大隻的蝦舖面加上好多的芝士汁，好似好好食。好少有焗烏冬，口感煙煙勒勒，加上不會太重的芝士，很好。而蝦肉質都不錯，明白點解你都只係點這個了！ 我點的相反就較差了，咖喱邊的味道好奇怪，不喜歡。而黑椒邊的太辣，都不喜歡。加上飯好濕，最後，你比了好味的我，而你就要食這個唔好食的了！ 田螺，凍的，拎返廚房翻熱後好好多了，不過我鍾意薯蓉多點。 …Read More

澳門預備了的驚喜你無緣見到，但還好，我們今日可以再一齊午餐。慶祝我們聖誕節的第二餐! 食早一日想食的，見到上次你點的公仔麵多蕃茄，今次我點了蕃茄牛肉公仔麵再加$3要多d蕃茄。真係超多蕃茄，新蕃茄生熟剛剛好, 不會太生或熟. 不過唔知係咪因為公仔麵中間吸唔到湯汁，食麵時無咩蕃茄味。同埋太大碗，食唔晒。 另外再點了檸蜜脆脆，唔知係咪因為到了午餐時間，其中一個好細好薄，不過好彩同上次一樣咁好味, 酸同甜的味道！ 你點了三餸公仔麵，加上我的半碗！哈哈，對面的九記牛腩與你無緣了！…Read More

澳門慶祝我們聖誕節的第一餐。 上船前向碼頭，揀了吉野家，其實我唔鍾意食牛肉飯，但我鍾意他的檸檬茶。 唔食牛肉飯，點了蕃茄雞扒飯。蕃茄只是醬，都唔差，只係飯太濕了！加上蕃茄汁，每啖飯都好似撈飯，唔鍾意。雞扒燒過都唔差，唔會好乾。幫你點了特盛牛肉飯加溫泉蛋，但見到你另外仲要加牛肉汁，好似湯飯。牛肉份量真係唔少，舖滿整個碗面，算係咁啦！ 但可能因為一早為了當晚預備的慶祝被吹了，雖然好努力令到自己唔好唔開心，但不成功呢~ 所以我哋的慶祝第一餐午餐都破壞了！希望有機會，我哋兩個可以好好一齊慶祝我最愛的節日，好嘛？ …Read More

今晚睇森美的情聖talk show, 所以到了灣仔食一個快餐。華星冰室，一間聽聞同澳洲牛奶公司一樣好味的餐廳。餐廳裝修像舊式的餐廳, 但乾淨同新淨~同樣有炒滑蛋叉燒湯意粉。 初初見到有蕃茄意粉，點了，但最後決定轉返快餐。快餐上柖速度比澳牛慢，不過都算快。多士係厚多士，烘到表面金黃，不錯。火腿正正常常，而叉燒意粉我就覺得麻麻地，湯底唔夠味，叉燒都無咩味道，不過好彩肉質都算好。你點了滑蛋牛肉蕃茄意粉，差唔多我食完先整好。汁是熱，不過中間的意粉唔夠熱。滑蛋另上，同快餐的滑蛋一樣，北海道牛奶的功效？蛋係好滑，都好味道！蕃茄份量都算多，剛剛熟。今晚係我們第一次睇talk show，雖然個表演比我預期差，但唔緊要，至少呢個經驗都係我哋兩個一齊的第一次。‏…Read More

放工後的一個小約會。放工時間，做完一整日，到Happy hour。 餐廳位於路邊，幸好大多只是的士和私家車。餐廳於放工時間都有大約七成客人，不過大多是飲酒而不是晚餐。 而我倆，因為由早餐後就未有食物，所以，點了兩支Asahi加兩個小食，薯皮同雞翼。 薯皮先到，每一片面都舖滿了煙肉，適當的鹹味吊起了薯皮的味道。不錯，不過較為油，尤其凍了之後。 雞翼之後到，有雞鎚及雞中翼。我地點了Hot chicken wing，好辣。雞翼的身形不細，但麻麻地好食。伴菜係西芹，不喜歡，如果比薯條會開心好多！ 不過，呢度價錢較貴，比起中環更貴，服務環境亦都唔見得突出。 今晚, 通知了你一個大決定, 希望, 今次係最後一次做這樣的決定.…Read More

熱爆的那些年電影，造就了今晚的一餐。由太古城行到太古坊，本想到的一間被否決，見到轉角位的這間餐廳。記得評價不錯，未有訂枱但幸好還有一張四人枱給我們。 Menu選擇很多，但snacks過八點後無提供，每人點了一個main course加兩枝Ashai。 食物等待的時間頗長，但餐廳形造了一個悠閒的環境，喝酒加聊天，不會令到你好趕的感覺。 等了大約十五分鐘，你點的fish and chips 上場，兩大塊厚炸魚柳，熱辣辣的，皮脆而簿，加上即炸，好味道，薯條都是即炸的。薯條大約0.5cm闊，均勻的被炸到金黃色。 解決完這個就到我的蝦意粉上場喇！蕃茄配少許的芝士炒成。加上同被調味過的蝦，味道有少辣同蕃茄的酸醒胃！但芝士味啖，同可加一點的蕃茄肉令到意粉味道更加豐富。 服務方面，雖然店內服務生唔多，但他們的服務都很有效率！見我們啤酒飲完，轉頭已比水我們。另外，因為自己的不小心，第二日再打到餐廳服務都是好好的！很窩心的~那些年，不錯的電影，但我喜歡的，是首主題曲的歌詞。餐廳位置，令我想到另一套，轉角遇到愛！你知道是甚麼嘛？ …Read More

發現近來我們一個星期只會得一晚放工後會見面。今個星期，我們選擇了佐敦。 之前同事強力推薦的一間鐵板燒，已經由一問小店擴張到三間了！舖位多了，坐位亦都舒服。 蒜蓉飽: 飽身好脆, 加上蒜蓉味出, 不錯~~點了一隻$88的龍蝦，龍蝦多肉爽口, 不過芝士味, 龍蝦味不出蜜汁燒白鱔, 鱔身不厚, 只得3小片, 不過你比既評語係脆身. 頂級肥牛粒, 肉質不是太肥, 但牛肉味都幾重, 肉質都算係不錯. 燒雞中翼, 不特別突出, 普普通通. 燒大司華力腸: 上面的粉好辣. 只食了一口, 就交比你了...燒香港仔魚蛋, 真的不記得咩味了...燒BB鴿, 燒得太乾身了...不過自己加入了孜然粉, 比原本的好好多~~燒魷魚鬚: 幾好味, 個汁幾好加上少少孜然粉...蒜蓉花甲: 花甲沒有鮮味, 蒜蓉味都不出.... 加上整碟食物, 好油...整餐, 不是太差. 但亦都沒有同事介紹的咁好味! 普普通通一餐. 當晚睇住森美, 印象中你跟我說了一句. 但我唔敢問你係唔係同我講,.. 因為我知道, 真的機會係極低, 所以都係扮聽唔到好了~~…Read More