antheabird's Profile

如題 unexpected 高質素。呢度既食物就連最簡單既mushroom soup 都讚不絕口。同外面既大西餐廳有得比。呢個bakery coffee shop(?)雖然外表同一d普通中等coffee shop冇乜分別，同埋因為佢位於商場入面，個鋪位又比較細，環境氣氛不如其他地方。但食物質素方面真係拍得住。我同朋友叫左個Caesar Salad with French Ham, 味道十分之好 要強烈推介。而且portion都幾大。另外再叫左Salad Box, 都係好好食。相入面都叫到佢裡面有sweet potato, pasta, salad, tomato cheese 等等，味道各方面都好配合。所以呢個都推薦。我記得salad box都有幾個選擇不過我深信佢其他款色都會好唔錯然後因為我同朋友都覺得我地叫既野都係salad 冷盤, 所以叫番一個熱食既肉黎試下。其實呢個Pork Shank係餐廳既waiter介紹既。其實呢個pork shank比我既感覺係... 好特別，特別到我唔係好識的形容。我會覺得呢個味道都幾難會係外面其他餐廳搵到。所以如果有興趣既朋友可以不防試下。但事關我同我朋友可以個食慾比一開始既salad削弱左，所以我地都食唔哂呢盤野。最後就係甜品既時間不過我真係好後悔，其實我應該要主攻甜點部，結果花多眼亂既甜品我淨係食左creme brulee 同 一個jasmine (?) cake. Creme brulee 十分高水準，一定要食。另外呢個jasmine cake都係由waiter(s)介紹既。雖然外表好似會好甜好漏咁樣，但食落去都幾清新!!! 不過事關我都唔係太頂得住甜味lol 所以最後食啖都係有d漏 haha 不過係幾好味的。想多講一句，呢間餐廳d waiter(s)都十分helpful同埋好有心機咁樣同我地揀我地想食既野!!!! 真係超好，每當我一行到埋去個counter 既時候，就會有人問我想食d咩就開始介紹比我。好好，好感動lol (唔個感動d咩 *笑喊* loll so far, 呢間野冇一樣野食係冇驚喜! 極讚！…Read More

呢間係一間真心好正既泰國餐廳，事關本人最喜歡既cusine就係泰國菜haha 超愛泰國菜既一定唔可以skip左呢間野囉!!! （變得十分真誠 *笑喊*） 環境呢D唔多講因為比起食物，個環境已經不足掛齒。不過都睇下個環境係唔錯，加上佢元朗入面，個氣氛變得十分熱鬧同輕鬆。但要留意因為呢間野都幾旺，如果假日黎，早D黎(唔好遲過6:30~7:00 pm)比較好。因為假期既原因實在太＊多＊人了!!呢個係沙嗲串但冇如期中好，因為個肉唔太林，比起其他食物，沙嗲串比較失色。呢個係十分有特色既椒鹽魔鬼魚，建議黎到呢度一定要叫黎食下（但basic requirement係你地一行要有4個或以上先好!! 因為呢度既食物portion都好大份，如果只有2個人黎食，可能有好多大portion既食物都食唔到）呢個魔鬼魚雖然係好有特色但味道中間，黎食一次就足夠。咖哩蟹配薄餅係必食，因為真係好正好有風味。無論係個咖哩汁或蟹，even薄餅都係一流。我有d朋友麻麻地呢度既冬蔭公湯，不過我反而幾鐘意佢清清地既味，而且夠辣佢比較係近正宗泰國冬蔭公湯既味道（如果我係泰國飲既係正宗既話我應該冇估計錯誤haha lol）呢個炸蝦球都唔錯，味道。。同之前食炸蝦球差唔多haha！最後，我地呢台豪飲豪食，終於叫左3 set BBQ 泰式燒蠔因為實在太好味。泰式生蝦刺身都十分推薦，呢2樣食物係餐廳既精淬。又夠辣豪同蝦都好清甜 而且餐廳既sauses 係一流。因為我地實在太豪，最後每人都飲左3個椰青，所以先咁貴haha!!廢話唔講咁多，去食下就知道點解我咁喜歡呢間泰國餐廳。完！…Read More

呢間係我食過最正既日本餐廳，(限香港lol)當然價值方面都係有番咁上下 haha, 但絕對係回味同埋成日心思思又想去食YAYAKIYA 呢間餐廳一入去就覺得好似好高級既咁，氣氛環境比足滿分 推介既食物：自家製和風芝士豆腐 $28北海道海膽卷 $128和牛壽喜燒串(跟蛋黃) $55A4鹿兒島和牛串 $65我同朋友一入到去落單就叫左 自家製和風芝士豆腐 $28, 第1,2,3口其實係覺得麻麻地 因為我地以為呢個係開胃頭盤haha, 但其實佢感覺好似甜點, 就愈食愈鐘意因為佢cheese味都幾濃,芝士愛好者記得要叫呢個! 然後 我地叫左北海道海膽卷同牛油果三文魚卷一齊上。牛油果三文魚卷味道冇咩驚喜不過質素有保證! 反而我唔太愛好海膽，又覺得個海膽卷幾唔錯。 我地另外再叫左木魚飯團 但味道一般所以唔推。最後個A5和牛串好正同埋全餐廳最有特色(咁我地又冇成間餐廳冒野食都叫哂haha)簡直係壽喜燒串，下次黎一定會至少叫3,4串haha 因為佢既燒汁好好食，肉汁又好鮮甜我地都叫左白燒幔魚 $48，但都係唔係話好有驚喜所以唔推Overall, 有咩生日一大班朋友gathering, 舊朋友見面或者family day dinner 呢間餐廳都好符合環境氣氛 嗯唔錯唔錯! 仲有個靚女waitress好耐心咁介紹每一樣食物比我地聽，服務分10分…Read More

一試難忘！同朋友咁岩係沙田行緊但唔知食咩好既時候，就記得有間school food! 聽左朋友講咁耐，終於食到！頭先我地果晚時間尚早所以好快就有得入去食。隨即就叫左一個烏卒卒，Melted Cheese Rice Cake。烏卒卒真係估唔到咁好味：）因為我本身好鐘意墨魚汁既食物，所以岩哂我既口味！然後個Melted Cheese Rice Cake好夠辣個汁好好食。呢道菜有3隻辣椒係個meau到, 果然明不虛傳 不過真係一試難忘!!!!! 聽其他朋友講過, 其他cheese rice cake 都麻麻地 所以我估呢個係好好名! 仲叫左個泡菜鐵板飯，反而呢個就冇乜特別了。最後最後,叫左個韓式刨冰 有少少失望 因為...比想象中size細左好多好多 但係....其實係幾好味! 不過真係有少少貴 。 各樣食物都好唔錯:),價錢方面又真係價左少少，但期待下一次再試下其他。…Read More

非常回味非常推薦的一間德國餐廳一向對中價既西餐餐廳既印象都唔會話特別好。因為覺得百幾蚊既dish 唔會話水準高得去邊。 今日去到呢間Das Bier既德國餐廳 位置大角咀，比較舊既地區但入到去餐廳既環境實在比到人一個熱鬧得黎但好舒服既感覺。我同朋友首點左 西班牙風乾火腿凱撒沙律. 呢個salad 真係十分好食!!!!!!真係十分好食同推介.佢個料好足,salad上面散左d粉 加埋個醬汁好夾個味好足。然後就去到Main course 最最最推介既係羊架, 羊架個質素好高, 5成熟真係5成熟 因為好多時都會overdone左 好味到mint source都唔洗落!!其實因為唔係太肚餓既關係,我同朋友原本諗住食埋個德國咸豬手 但因為怕食唔哂 所以最近叫左都係德國好出名既香腸. 德國腸拼盤 入面都配左chips 反而chips好味過sausages 其實都係預料之外因為一直都德國既sausages都冇乜特別好感 但整體黎講其實係算唔錯!!除左德國腸拼盤 麻麻地之外 其餘既菜式都好高水準 好好食!…Read More

同一班朋友一齊約去食辣雞煲。成個氣氛都好輕鬆暢快。講下個雞煲先，佢首先問我地食唔食得辣，但因為我既朋友都唔太食得，所以我地淨係叫左小辣。我相信中辣應該會好正好正。我地接近等左成個幾鐘，大家一坐低都好肚餓 好好既係佢煲雞係一上就已經食得。大家請記住一定要叫魚皮放落煲雞度食 因為呢個先係精粹。對於重口味既我，當然比其他人更接受到個口味，但係其實食到最尾，都開始唔係好得， D雞好好食 連埋佢D好入味汁。 食到差唔多見底就加水打邊爐：） D牛羊既水準都好OKAY，唔錯，不過佢地有D自製既餃就真係麻麻地 主要係因為佢落太多粉，個皮太厚。希望下次去食會有改善。 好正既係果度有薏米水，野飲任拎，又有free ice cream，都好好。 食雞煲一定係飽住走所以價錢都好justified ! 食過3次雞煲後既建議係唔好得2-3個人去食 哈哈！ 因為真係會食到死。…Read More

係灣仔放左工，同朋友準備番屋企既時候又有少少肚餓，所以就去左CWB食呢間好出名既Hesheeat. 非常就腳，一出MTR就已經見到佢個招牌。一坐低本身係想叫個Burger餐但點知賣哂 因為朋友話呢個既薯條好好食，所以就單嗌左客薯條。果然係幾好食，加埋佢D醬係幾唔錯的。然後再叫左個焦糖鬆餅？ 但呢個鬆餅真係太失望。。佢個外表似一個日式cheese cake 個味道就好似mcdonlad 既熱香餅咁。不過，佢既焦糖都OKAY既，但有少少奇怪 因為佢係點D焦糖黎食。 雖然個鬆餅比我同朋友有個唔係好好既印像，但我都會想繼續試其他食物。薯條係幾讚的。…Read More

首先講左個salad先，我同朋友們食左個full portion既 大蝦有機雜菜沙津！D料好足個portion好大！岩岩好夠2個人share。成個lsalad都好juicy，都有好幾隻大蝦同埋蝦真係要大讚！好正燒到岩岩好。但唯一不足之處係個salad個汁有少少過甜，如果淡番少少個味就正哂！其實個salad已經係好大既suprise。聽過人地講呢度既鵝肝同和牛burger係不二之選，所以我就揀左和牛burger。 $68既呢個burger真係好唔錯 肉汁同個醬都非常之讚。不過有少少後悔冇揀到鵝肝burger ，朋友叫左，貌相好驚人，因為佢裡面有埋塊和牛係入面！ 不過因為我果時唔太肚餓，所以未有機會試，不過下次會去試！野飲配上Arizona Blueberry white tea 好適合我呢D唔飲汽水既人！ 個環境氣氛等等都係target 外國人去，所以一入到去已經有幾個外國人傾計食野，個感覺十分之輕鬆自在，間shop唔係話好寬敞 但係氣氛十分唔錯！…Read More

沾麵係朋友介紹比我我先知有d咁既野😀 第一次食去左北角呢間，落左地鐵要再行，唔係好方便。到左間野等左幾個字就入左去:) 叫左豬骨湯底既拉麵。個湯其實同其他日式拉麵既湯差唔多不過濃好多。但都好好味佢地個溫泉蛋好正👏👏  食到最後既特色就係倒d水落去飲埋d湯但唔知係咪因為今次d調味太重手加左水都好濃飲左幾啖就冇飲:( 聽我個朋友講佢上次飲到一滴不留今次我地呢個就麻麻地了。注：蕃茄湯底比起豬骨湯底更開胃更樂飲！…Read More