非常回味非常推薦的一間德國餐廳一向對中價既西餐餐廳既印象都唔會話特別好。因為覺得百幾蚊既dish 唔會話水準高得去邊。 今日去到呢間Das Bier既德國餐廳 位置大角咀，比較舊既地區但入到去餐廳既環境實在比到人一個熱鬧得黎但好舒服既感覺。
我同朋友首點左 西班牙風乾火腿凱撒沙律. 呢個salad 真係十分好食!!!!!!真係十分好食同推介.佢個料好足,salad上面散左d粉 加埋個醬汁好夾個味好足。
然後就去到Main course 最最最推介既係羊架, 羊架個質素好高, 5成熟真係5成熟 因為好多時都會overdone左 好味到mint source都唔洗落
!!
其實因為唔係太肚餓既關係,我同朋友原本諗住食埋個德國咸豬手 但因為怕食唔哂 所以最近叫左都係德國好出名既香腸. 德國腸拼盤 入面都配左chips 反而chips好味過sausages 其實都係預料之外因為一直都德國既sausages都冇乜特別好感 但整體黎講其實係算唔錯!!
除左德國腸拼盤 麻麻地之外 其餘既菜式都好高水準 好好食!
