126yeung's Profile

前晚來到尖沙咀美麗華廣嘅翠亨邨食晚飯，翠亨邨是香港屹立多年嘅少數高質中菜食府。 這裡的裝潢優雅時尚，以柔和樸實的色彩為主調，相信很多顧客都是翠亨邨多年的擁躉，當然包括我在內喇。🥢 法式焗蟹蓋鮮拆蟹肉覆蓋大量嘅芝士和特製醬料。芝士在高溫焗烤後融化成金黃色嘅濃稠狀態，質地綿密。從蟹肉嘅鮮甜到芝士嘅醇厚，再到蟹蓋嘅焦香，口感極為豐富。🥢 竹笙燉白菜膽這湯頗有驚喜，最初以為素菜湯較為淡口，但飲落發覺非常鮮味。竹笙嘅自然鮮味充分融入湯中，同時也吸收咗白菜膽和冬菇的味道，令到整個湯嘅味道更為醇厚。🥢 墨魚子香芒貴妃蝦球4粒極大而厚身嘅蝦球上鋪滿黃色嘅香芒汁，再在上面鋪上黑色嘅墨魚子。除咗有鮮蝦球嘅啖啖鮮美，又有香芒嘅清新香甜，再加埋墨魚子顆粒嘅爆破感，口感極之豐富。🥢 桂花蟹肉炒銀絲呢碟菜用咗勁多鲜嫩弹牙嘅蟹肉，再配合埋大量蝦乾、雞蛋和銀芽，再加上主角銀絲，炒到好乾身兼勁香口。🥢 薑汁湯圓呢個甜品嘅薑汁有點辛口，啲薑煲到夠晒出味，而湯丸嘅软糯Q弹，一咬落去，啲香濃芝麻醬在口中慢慢散開，非常暖心。…Read More

呢間酒吧餐廳已經放在我想食嘅餐廳名單內有一段時間了。今日終於約到朋友來食晚餐。🍴 Hamachi crudo 呢個擺盤好靚，好有夏日清爽嘅感覺。主角係新鮮肥美嘅油甘魚刺身配上微燻過嘅香甜日本蜜柑和清新嘅茴香，而汁底係用咗蒔蘿尖和墨西哥辣椒做，更顯清新嘅口感。🍴 Lemongrass short ribs呢碟牛小排有兩種食法，一邊係慢煮牛小排，肉質非常鮮嫩多汁，另一邊係香葉柚子沙律配上牛肉粒，口感極為清爽，一道菜有兩款不同食法，顯得廚師頗有創意，值回票價。🍰 Truffle basque見到呢個巴斯克蛋糕係用松露做，非常有新意，再搭配埋松露味嘅雪糕搭配風乾火腿脆片，口感咸咸甜甜，非常頂癮。🍨 Peach delight睇到呢個甜品名已經好想食，果然不負所望，原個浸過酒嘅香桃，香桃裡面重有埋清爽嘅茉莉花茶味嘅啫喱，而香桃下面鋪滿荔枝味極濃嘅忌廉芝士，再加埋牛油脆脆粒，口感極為豐富。…Read More

今晚帶朋友去咗銅鑼灣一間頗出名嘅樓上酒吧飲嘢兼食飯，呢間酒吧位置很好找，位於時代廣場後面，酒吧走現代禪風黑色風格，頗有格調。🍴 Ikura Lobster Arancini師傅把龍蝦湯加入車打芝士，再炸成一舊飯團，咬落去感覺外脆內軟，極為香口，鋪在飯團上嘅三文魚籽令整個口感更為豐富。🍴 Tuna Tartare香滑嘅牛油果蓉加埋吞拿魚他他，再配搭埋香脆嘅炸米紙和炸紫菜一齊食，呢個配搭頗新穎，而且勁香口，食到停唔到口。🍴 Crispy Beef Short RibBeef Short Rib係用咗上等嘅牛坑腩，肥瘦適中，焗到外皮微脆，裡面嘅肉質還非常嫩滑，配上廚師特別調配嘅山楂紅酒汁，口感甜甜哋，非常開胃，重配埋綿滑嘅牛油焗薯蓉，口感極為豐富。🍴Drunken Crab Pasta廚師特別用上中式嘅花雕酒、蒜片和橄欖油煮成嘅墨魚意粉，每啖都能食出濃香嘅花雕酒味，另外蟹肉都非常鮮甜，夠晒足料。🍹 Koko Ringo用Gin做酒底，再用羅勒葉、班蘭、青檸調配成嘅cocktail, 上面再加上椰mouse, 清爽之餘又帶出陣陣椰香。🍹 Prohibition 端上時用火烧cocktail上的柑橘，儀式感十足，淡淡嘅伏特加酒配有百香果、番石榴、柑橘、青檸葉，口感極為清爽。…Read More

昨晚約咗朋友喺銅鑼灣食飯，知道朋友無酒不歡，特意帶她試吓呢間酒吧餐廳，讓她暢飲一番。🍻 手工啤tasting set (120ml x 6杯）🍺 Jasmine Wit 花魁 淡淡的茉莉花香，口感清爽。🍺 Peach Wheat 桃寶 蜜桃味勁香濃，較為甜口，非常適合女生。🍺 Golden Dawn 小二 入口有淡淡嘅水果味，屬微甜嘅啤酒。🍺 Deja Vu 似曾相識 啤酒味較為濃郁，微苦又帶丁點果香。🍺 Mocha 侍郎 x 2 勁香濃咖啡味，酒嘅濃度最高，帶點苦澀。🍕 芫荽香辣牛肉薄餅呢個pizza嘅餡料勁多，鋪滿香濃嘅牛肉片和氣味清新嘅芫荽，再配埋惹味嘅辣醬，好味到停唔到口。🍝 香辣油封鴨肉意粉油封鴨肉非常嫩滑，配上辣椒和獨突嘅醬汁嚟爆炒，香辣度夠晒刺激。🍟 爆炸薯仔切粒嘅薯仔炸到好脆口，再配埋四川嘅麻辣香料，夠晒香濃味美，絕對係佐酒一流嘅小食。…Read More

上星期晚去咗沙田探朋友，到咗食飯時間，朋友帶我到她家附近酒店餐廳搵好嘢食，呢間「櫻田」日本餐廳位於帝都酒店3樓，佢哋好多套餐都做緊優惠。我哋揀咗宮崎A5和牛盛宴（二人前） （優惠價$2188）🥢 三色藜麥海老沙律配和風蕃茄汁鮮美嘅海老搭配咗軟糯嘅三色藜麥，再加埋新鮮翠綠嘅蔬菜，最後配埋酸甜嘅和式蕃茄汁，非常酸甜清爽。🥢 宮崎鳥肉素菜卷配匈牙利鴨肝醬在蔬菜卷上配上非常嫩滑的宮崎雞肉，繼而再鋪上一層極為滑溜的鴨肝醬和矜貴嘅魚子醬，口感層次極為豐富。🥢 牡丹蝦刺身呢隻牡丹蝦非常巨大兼彈牙，蝦身做咗刺身，肉質非常鮮甜，而蝦頭用嚟酥炸，非常酥脆，絕對適合佐酒。🥢 乳龍蝦天婦羅師傅炸到龍蝦外層金黃酥脆，而裡面嘅龍蝦肉仍然保持到鮮嫰多汁，口感極為彈牙，再配合埋師傳特製嘅蝦膏醬汁，更增添咗龍蝦嘅鮮甜。🥢 甘鯛立鱗燒配柚子豆腐湯甘鯛嘅魚鱗經高溫油炸後竪起，入口時酥香清脆，而魚肉嘅肉質夠晒細嫩，再配埋羊肚菌和師傅特製嘅柚子豆腐湯，更顯層次感。🥢 宮崎A5和牛厚燒師傅製作呢個和牛厚燒時，贈送埋一場好精彩嘅火焰show俾食客睇，睇到每個客人都嘩嘩聲兼📱影個不停。宮崎A5和牛肉質非常細膩柔軟、入口即化，油脂豐富兼濃郁，再配埋脆炸蒜片嚟食，更顯香濃。🥢 生椒魚苗山葵炒飯炒飯本身顆粒分明，入口鮮香，配合埋生椒、魚苗和山葵嘅香味，口感更為豐富，味道極濃郁。🥢 炒野菜簡單的鹽和黑胡椒調味已經能突出野菜本身嘅鮮甜爽脆。🥢 雪葩原個蘋果雪葩和蜜桃雪葩，份量一啲都唔少，非常清甜解膩。…Read More

最近有朋友從日本旅遊回來，帶咗支性價比高嘅清酒請我飲，我當然負責揀間性價比高嘅日本料理來襯番佢支酒喇。呢間「粋」嘅位置頗隱蔽，門口極不顯眼，只有一道咖啡色門，要按門鈴才可進入，再乘升降機到4樓，一開𨋢就見到露天花園天台，可以坐低嘆吓，感覺極為寫意，除了天台花園外，我訂的日本料理亦在此層，私隱度頗高。餐廳只有3款omakase供應，我哋就揀咗中間價位的一款。先付 ～ 汁煮黑梅貝 ～ 煮到夠淋身兼入味燒螢光魷魚配柚子味噌醬 ～ 魷魚柔嫩彈牙鰻魚苗配酸汁和薑 ～ 鰻魚苗非常爽滑刺身 ～日本四國德島嘅真蠔配酸汁和黑醋啫喱 口感非常清爽，酸酸甜甜非常好味。子持魷魚·鰤魚刺身·沖繩苦瓜漬子持魷魚非常鮮美彈牙鰤魚刺身充滿魚脂香氣苦瓜漬口感爽脆有回甘北海道香箱蟹配蟹醋師傅拆晒蟹肉，再釀番落蟹蓋裡，配埋蟹醋食，非常鮮甜味美。鮟鱇魚乾配最終餅鮟鱇魚乾蓉配搭七色芝麻、wasabi和蔥，放在最終餅內，口感綿密帶點脆口。季節の料理 ～鹿兒島A5和牛配青椒和蕃薯 和牛脂香清新，濃而不膩。握り壽司 - 七貫 ～北海道帶子配柚子皮｜熊本天草石垣鯛｜北海道冰鮮甜蝦｜鮫鰈魚魚肚+魚邊｜長崎縣中拖羅｜長崎縣大拖羅｜北海道馬糞海膽每件🍣都充滿驚喜，非常新鮮，魚脂豐富。椀物煮到非常濃郁嘅魚湯，而且夠晒地辣辣。甜品北海道蜜瓜，非常清甜。…Read More

前兩天約咗朋友食晚飯，我特登揀咗呢間擁有絕美維園景色嘅鐵板燒店。果然朋友入到去餐廳，已經被餐廳嘅迷人景致所吸引，再望埋個餐牌價錢，佢未食已經豎起大拇指。餐廳而家做緊重點推廣「特選和牛套餐 」 $880 ，另可以用優惠價追加清酒300ml $180。🥢 自家制醬汁煮南非鮑魚日本大根配南非飽魚，師傅用自家醬汁煮到兩樣都勁入味。🥢 季節刺身三款赤身·三文魚·伊佐木三款刺身都好鮮甜。🥢 金槍魚腩手卷師傅用最終餅來盛載金槍魚腩蓉卷，再灑上淡雪鹽，整個口感整為豐富。🥢 海鮮茶碗蒸打開蓋，見到充滿蟹肉、蝦肉和椎茸嘅茶碗蒸，蛋蒸到非常幼滑，而裡面嘅食材勁為鮮甜。🥢 季節吸物蜆肉清湯，蜆肉非常清甜。🥢 野生生猛龍蝦龍蝦肉夠晒鮮甜，而且十分彈牙，師傅特別用咗龍蝦頭嘅蝦膏嚟煮醬汁，令到龍蝦嘅口感勁突出。🥢 香煎鵝肝伴自家制醬汁鵝肝煎到外焦內嫩，口感細膩，搭配埋意大利陳醋汁嘅酸甜，更可中和鵝肝嘅油膩感，再加埋師傅特別醃制過嘅日本黑豆，口感甜甜哋，夠晒特別。🥢 日本宮崎和牛師傅把和牛煎到五成熟，肉質非常鮮嫩多汁，入口即化，重有好香嘅牛肉味添，配菜方面有青椒、炸蒜片、岩鹽，簡直好味到難以形容。🥢 煙肉香蒜炒飯師傅把飯炒到勁香，而且夠乾身兼粒粒分明，食落口感豐富。師傅還在炒飯上面加埋香煎蘭王蛋，令到炒飯更加充滿蛋香味。🥢 炒什菜呢碟芽菜炒到好乾身兼非常香口，再配搭自家秘制嘅醬料，夠晒惹味。🥢 是日精選甜品 ～ 巨峰提子啫喱啫喱夠晒冰凍，酸酸甜甜，極為好味。…Read More

昨晚放工後和朋友到尖東海旁的酒吧餐廳Happy Hour。 呢間Spasso位於尖東海旁，餐廳設計為半開放式，戶外設有大量座位，而坐在室內的客人都可容易觀賞到美麗嘅尖東海旁景色。餐廳有Happy Hour時間，每日由3:00pm至7:30pm提供，每杯$55，當然我們不會放過Happy Hour優惠，先叫兩杯冰凍啤酒。餐前麵包，焗到熱辣辣，外脆內軟，而且配有3款醬料，有橄欖醬、意大利陳醋和蕃茄醬。燴雞肉芝士意大利雲吞伴蕃茜醬Homemade Ravioli 雞肉意大利雲吞口感綿密，蕃茜醬嘅清新酸香平衡咗芝士嘅濃郁，呢款係廚師推介，絕對值得試試。聖丹尼爾火腿意大利薄餅San Daniele Ham Dok廚師即場用刨肉機把18個月嘅豬腿刨成薄片，再鋪滿放在pizza上，這款火腿片肉質勁咸香而且肥瘦適中。而薄餅嘅餅底較薄身兼且好脆口，再配搭埋水乳牛芝士、蕃茄醬和火箭菜，口感層次非常豐富。Tiramisu圓形玻璃瓶裡嘅Tiramisu配上薄荷葉、藍梅和桑梅，擺盤十分精緻，Tiramisu口感綿密濕潤，每啖都散發出淡淡嘅咖啡味兼帶微微酒香。Ice-cream （Pistachio favour)開心果雪糕配上薄荷葉和桑莓，開心果味夠突出，口感勁滑溜，配上生果作為完美的結束。…Read More

今日放假，一個人無無聊聊想去飲酒，於是搜尋OpenRice，見到尖東有一間日本餐廳做緊「清酒祭」推廣，全日免費任飲清酒，睇到我兩眼發光，即刻走去試試喇。呢間日本餐廳嘅裝修以黑色為主題，環境寬敞舒適。此外餐廳更劃分兩個區域 - omakase和鐵板燒區。餐廳更設有大細不同嘅鐵板燒房可以book。呢間餐廳最吸眼球嘅地方就係有一幅大大嘅電子屏幕牆投影著色彩繽紛的天燈畫面，客人可以在手寫板上寫上祝福字句，然後在屏幕播放出。今日揀咗個午市鐵板燒商務特選午餐$640 （清酒任飲）🥢 沙律 用咗西生菜、冰菜、蕃茄仔和栗米粒組成嘅開胃沙律，再加埋和式芝麻醬，超級爽口兼醒胃。🥢 龍蝦 （加$300多半隻🦞）餐廳嚴選西澳龍蝦，肉質非常鮮甜兼彈牙，師傅特別用龍蝦頭嘅蝦膏嚟煮醬汁，令龍蝦嘅口感更為突出。🥢 帆立貝師傅把日本北海道帆立貝用牛油香煎，再配上黑魚子醬，甚為矜貴，而且帶子肉質鮮嫩，口感勁Q彈。🥢 清酒煮蜆蜆肉本身已非常鮮甜肥美，再配襯埋清酒嘅濃郁酒香，這種鮮甜味得到進一步嘅提升。🥢 美國牛肉薄燒師傅把薄片牛肉卷埋蔥同蒜再煎香，令到口感層次非常豐富，味道非常香濃。而碟底更鋪滿炒香咗嘅羽衣甘藍，非常清爽又夠健康。🥢 櫻花蝦炒飯呢個炒飯好多配料，包括有櫻花蝦、蔥粒、蒜粒、蛋等等，師傅把飯炒到好香，而且夠乾身兼粒粒分明，食落口感好豐富。師傅還在炒飯上面加埋香煎蘭王蛋，令到個炒飯更加充滿蛋香味。🥢 吸物師傅用剛才嘅龍蝦頭嚟煮個麵豉湯，令到個湯更加鮮甜味美。🥢 甜品最後嘅甜品係開心果雪糕，每啖都充滿淡淡嘅開心果香味，好鬼正。…Read More

今日經過銅鑼灣世貿中心，見到La Vina推出咗新黑芝麻蛋糕系列，於是入去試試先，店員話除咗黑芝麻蛋糕系列，重有黑芝麻Latte，呢個Latte更加令我好想試試。☕️ Black Sesame Latte呢杯黑芝麻Latte非常濃厚，入口時已感受到濃郁醇厚嘅黑芝麻香氣，隨著牛奶嘅絲滑和淡淡苦澀嘅咖啡味，形成咗一種獨突嘅口感。🧁 黑芝麻麻糬巴斯克蛋糕有著濃郁芝士味嘅巴斯克蛋糕，口感綿密，而香氣濃郁嘅黑芝麻和香甜煙靭嘅麻糟嘅加入，令到口感更為豐富。🧁 黑芝麻提拉米蘇杯濃郁醇厚嘅黑芝麻融入到提拉米蘇中，食起來既有提拉米蘇嘅綿軟，又有黑芝麻嘅濃香，非常有滿足感。🥧 黑芝麻麻糬吉士撻把黑芝麻醬、麻糬加入吉士撻內，除咗感受到吉士嘅細膩，麻糬嘅煙靭和黑芝麻醬嘅濃香，最重點就係撻皮做到非常酥脆，甜而不膩。🥧 黑芝麻忌廉泡芙甜度和口味拿捏得非常到位，泡芙皮夠晒香脆，再配上濃厚醇香嘅黑芝麻忌廉，非常絲滑，口感一流。…Read More

昨晚我帶朋友嚟呢間位於上環地鐵站附近嘅「鮨定山」食廚師發板，預便預祝生日。餐廳內只有一張L型板前餐桌，大約可容納10位客人。一個餐，一個價錢，全由廚師發板，唔洗左諗右諗，免除煩惱。店員問我哋飲凍茶定熱茶，我哋揀咗熱茶，服務都幾貼心，跟著再為我們端上香脆嘅鱈魚片配上沙律醬。🥢 小柱筋子配水雲，加埋少少日本醋汁，口感非常爽滑。🥢 昆布漬真鯛，用昆布慢慢醃製，提昇咗真鯛嘅天然甘甜味。🥢 北海道松葉蟹，師傅把松葉蟹拆肉，再配上松葉蟹膏做汁，蟹肉非常鮮甜。🥢 師傅微微燒香太刀魚，而醬汁方面係用咗洋蔥汁、蘿蔔苗和芥辣籽做成，食落感覺非常夾。🥢 秋刀魚刺身，入秋後嘅秋刀魚非常肥美，魚油味非常突出，師傅只配上少少蔥粒，已經好好味。🥢 鮟鱇魚乾配醋啫喱，絕對能呈現魚肝嘅鮮味，而醋啫喱又可以平衡到魚肝嘅濃郁口感。🥢 鰤魚🍣，踏入秋冬季，鰤魚嘅脂肪豐厚，口感滑嫩。🥢 縞海老🍣，來自北海道嘅縞海老，味道鮮明，入口清甜，彈牙爽滑。🥢 醬油漬赤身🍣，醬油漬赤身結合咗赤身嘅低油脂部位應有嘅鮮味，更增添咗濃郁嘅鹹香與風味層次。🥢 鰆魚🍣，來自四國嘅鰆魚，油脂閃耀，口感嫩滑細膩。🥢 北寄貝🍣，來自北海道嘅北寄貝，肉質肥厚飽滿，鮮甜彈牙，極為爽脆。🥢 中拖羅🍣，油分恰到好處又無筋，入口即溶，而且魚味濃厚。🥢 沙甸魚🍣，來自青森縣嘅沙甸魚，非常鮮甜，油脂適中，清爽不膩。🥢 紫海膽🍣 ，來自北海道白利尻嘅紫海膽，味道清淡，帶有甘甜味，口感幼滑細膩。🥢 鯖魚卷，師傅把鯖魚棒略炙燒，令魚肉油脂更為濃郁。…Read More

今日去咗銅鑼灣Apple Store買嘢，既然嚟到銅鑼灣，一定要去吓Hashtag B睇吓最近有咩新品推介先。果然見到兩款新品登場，即刻入去買嚟試試先。🍩 薄荷朱古力酥皮窩夫薄荷朱古力控嘅我，見到呢個窩夫，眼都唔眨，即刻買下。非常鬆脆嘅窩夫，每啖都有濃濃嘅薄荷朱古力散發出嚟，好味到極點。🍩 開心果牛角酥一向喜愛開心果嘅我，自然唔會放過呢款開心果牛角酥，牛角酥嘅層次分明，每層酥皮做到非常薄，口感極為酥脆，而面層鋪上厚厚嘅開心果醬加埋開心果碎碎，口感極豐富。🍩 伯爵菠蘿油加咗伯爵茶造成嘅菠蘿包，菠蘿包個皮酥脆之餘，更有淡淡嘅伯爵茶味，中間夾咗兩塊牛油，極度邪惡，但我最愛。🍩 黑糖麻糬撻撻皮超酥脆，一咬落去，麻糬可以拉絲，而且黑糖味好濃，只可惜凍了些，相信加熱後會更好味。…Read More

前陣子喺屋企附近嘅康怡廣場北座地下開咗一間泰國菜餐廳，一直都想去試試，日前終於扚起心肝走入去食個晚飯才回家。呢間泰國餐廳原來是太興集團旗下，餐廳嘅裝修以熱帶風情為主題，有別於傳統泰國餐廳風格，另外餐廳有些菜款更大膽融合西式元素，實行嚟個泰西fusion。🍴 打拋肉碎煎蛋·蜆肉捲捲意粉呢碟係意大利和泰國嘅融合菜式，用咗近期大熱嘅意大利捲捲意粉，意粉非常彈牙，再加埋泰式肉碎和蜆肉，再配埋濃邊嘅荷包蛋，整個味道辣辣哋，好味到停唔到口。🍴香茅雞中翼5隻雞中翼充滿濃濃香茅嘅香氣，炸到金黃香脆，再配埋泰式甜酸醬，味道超正。🍴 香芒熱情果手標茶梳打呢杯飲品好有睇頭，用咗半個熱情果做裝飾，還未入口，已經聞到芒果嘅香甜，加埋熱情果嘅芬芳，再配埋泰國手標茶嘅茶香，帶出清爽不膩嘅口感。…Read More

呢間「一輪」主打食日本和牛漢堡，聽講亦是香港首間和牛漢堡專門店。顧客可在座位上觀看師傅整個煎漢堡過程，每個顧客面前都設有一個預熱的鐵板，師傅把煎完的漢堡直接放到預熱鐵板上，確保顧客食到每啖都是熱騰騰的漢堡。我今次試咗期間限定嘅套餐「黑松露忌廉汁和牛漢堡和甜洋蔥燒汁和牛漢堡」，套餐還包咗麵豉湯，泡菜，日本雞蛋和白飯。師傅在食客面前把黑松露忌廉汁淋上熱騰騰的漢堡上，黑松露忌廉汁充滿奶香和菌香味，非常濃郁醇厚。而另一塊漢堡係甜洋蔥燒汁，咸中帶有香濃洋蔥甜味。主角漢堡扒肉質好鬆軟多汁。另外叫咗一杯Asahi桃味有汽果酒，整杯充滿濃郁香桃果肉嘅有汽果酒，非常香甜，略有點兒蓋過咗Asahi酒味。…Read More

之前聽朋友介紹過呢間「花晨月夕」嘅omakase好正。今日經過尖沙咀，又剛到晚飯時間，於是走去餐廳睇睇有冇walk-in位，好彩重有位啫。呢間「花晨月夕」以深灰色為主調，營造出一種沈穩而高雅嘅氛圍。今日就揀咗Omakase Moon$1580，包括先付、刺身、御料理、壽司、吸物和甜品。🥗 先付師傅把新鮮拆肉嘅松葉蟹、八瓜魚、海哲、沙白混合埋冰凍嘅微酸啫喱內，再在上面鋪咗一層魚子醬，口感非常清新。🍣 刺身五款🥢薄切白鯧魚刺身裡面捲住甜蝦蓉，上面再鋪上魚子醬，加埋紫蘇花再沾上酸汁。師傅更利用液態氮營造出泡泡效果，非常吸睛。🥢 北海道嘅象拔蚌刺身，非常鮮嫩爽脆。🥢 兵庫縣嘅黃金武士蠔🦪，口感極為肥美清爽、脆彈鮮甜。🥢 北海道毛蟹肉配北海道海膽，師傅教用紫菜包住嚟食，毛蟹肉鮮甜細膩，海膽柔滑鮮甜。🥢 北海道獅魚刺身，師傅更利用醬油醃漬和煙燻，令到獅魚嘅油脂味更突出。🥩 御料理壽喜燒嘅日本A4和牛包住日本瑤柱和日本糯米，和牛上面更鋪上北海道海膽，口感非常嫩滑細膩。🍣 壽司十貫➰ 九州伊佐木🍣，較淡口，偏清甜。➰ 帆立貝🍣，極為鮮嫩，口感細膩。➰ 深海池魚配青柚子皮🍣，口感清爽。➰ 靜岡縣白三文魚🍣，魚肉白裡透紅，極爽口。➰ 靜岡縣金目鯛🍣，油脂適中，鮮甜不膩。➰ 大分縣佐賀關關池魚🍣，肉質飽滿，油脂豐富。➰ 鮟鱇魚乾🍣配西瓜皮漬物，咸鲜和果香嘅平衡。➰ 鯖魚棒🍣，師傅把鯖魚棒炙燒，令魚肉油脂更為濃郁。➰大拖羅🍣，肉質細膩兼帶著濃厚魚香。➰ 北海道馬糞海膽🍣，師傅加配淡雪鹽再噴上食用金粉，非常吸👀。🍵 吸い物蜆肉清湯，蜆肉非常清甜。🍇 甜品 赤肉蜜瓜配巨峰提子，兩樣都非常清甜多汁。…Read More