missucc's Profile

之前同朋友去過呢間素食館午餐，意想不到的美味。同同事分享完對方唔太相信，就決定同同事再戰一次，專揀有肉既素食，睇下係米都禁正。為左試真d肉，我點左辣肉腸蕃茄磨茹意粉。蕃茄味充足又香濃，意粉不會煮得太冧身，沾上蕃茄汁食好味。重點在辣肉腸，咬落去，不論質感定味道同響西餐廳食既無分別，但你又知自己食緊既其實是素食，無任何肉既成份。同事就點左牛肉漢堡，包算鬆軟，菜都新鮮。重點在牛肉，由於是素食不是真肉扒，本身都怕會好鬆散，但咬落去偏偏不會，能夠保持到扒的形狀，仲有juicy既感覺。講真，呢間素食館好高質，食兩次都無失望，好適合想食肉但又想健康減碳人士！…Read More

聽同事講公司附近有間素食館，叫麗姐廚房，好好味，於是我地lunch都去試下。可能大家都知好味又抵食，去到時幾乎座無虛席的，好彩剛好仲有位，唔洗等。入到去發現成間餐廳都擺滿佛學裝飾，望住d有意義既句子，坐響附近食飯，其實心中都覺得安寧。講反餐廳，佢大廳係自助式三餸一湯，白飯任裝（其實湯都係）。禁先50蚊，響灣仔來講好抵食。佢餐牌上既食物賣晒就會換其他，所以有想食既就要快。另一邊有廂房，入面就食其他精緻既素食，當然相對會貴dd。我地兩個人食，剛好可以點晒6款食品。南乳齋，蒸水蛋同椒鹽雞脾係要推介下，蒸水蛋好滑，椒鹽雞脾明明係齋，又可以食到雞脾質感，好正！雖然佢睇落細細份，食完其實好飽肚，要特別講下d飯唔係純白飯，有紅米同小米，幫助大家消化。另外湯既料都好足，花生連藕都好多，而且飲得岀係老火湯，無味精，大讚！另外佢仲有中式甜品可以叫，每日款式都不同，有無你喜歡既款都要靠運氣。另外要提下餐廳職員全部都好友善，個個都笑容可掬，又會幫助下唔熟習點餐程序既客人。老實講，灣仔呢個價錢，食到呢種環境同服務，真係一流。有時間都會再反來食！…Read More

前2日約左朋友響灣仔食lunch，因為對方是素食者，就聽同事介紹，搵左green common來食，真心一試難忘！我地兩個人叫三樣野，先係野菌湯。其實我真心不是野菌湯愛好者，但不得不讚佢菇味非常香濃，又磨得細滑。每一啖都是菇，茹比水份還多，上上之選。如果係愛好者必試！由於朋友太愛菇，第二樣都係菇，野菌松露白汁薄脆，8吋大既pizza對兩個人來講剛剛好，食完不會太多，又剛好滿足到食pizza既慾望。本身對於pizza上是用白汁呢件事我係有保留既，食完我完全改觀，稍稍中和左強烈既菇味，好味得來又夾，食得好舒服！最後係焗豬扒黃薑飯。食落去我真心以為係食緊豬扒，少少素食既感覺都無！令我非常驚喜。加上黃薑飯炒得夠香，比起一哥更加好味。真心推介！唯一能挑剔係芝士太多，食完會好漏。但芝士愛好者應該會愛不釋手！綜合來講呢間素食店無得彈，樣樣都好味又高質。而且一般素食店價錢都會略貴，今日食埋單都不用200，非常開心！一定會回頭！…Read More

星期日一家十七口入去東涌八月花食晚餐！餐廳好貼心地安排窗邊一大一小枱，分開大人小朋友，小朋友響窗邊有自己玩樂空間，不怕影響到其他食客。叫左兩個蒜茸炒時蔬，蒜茸味足夠，可惜火喉不足。但都炒得算冧既，至少芥蘭同西蘭花都無硬到咬唔開。冷香脆小菜，就是凍盤，有冬菇，青瓜同類似雪耳既物體，味道都香既，開胃。秘製醬烤豬蹄，非常好味！本身豬蹄好嫩，用薄荷葉包住，加上醬汁，味道好豐富，甜酸辣都有，但又好配合。值得推介另一個推介之選係炙燒松露黑豚肉，上菜時仲係燒緊，即上即食會剛剛好，豚肉多汁，同黑松露非常搭，松露既腥味都唔見左！加拿大龍蝦肉炒鮮奶，睇落似沙律，其實係鮮奶，味道唔錯，鮮奶香，龍蝦肉足而且新鮮。少少濕既炒鮮奶配上脆口炸條，軟硬兼備，口感一流。呷醋魚伴手指茄。中間有乾冰，上菜時一淋水一堆煙飄岀來，小朋友睇到嘩嘩聲，好開心！不過條魚比較細，但黑醋味濃，糖醋魚既朋友。可惜茄子是凍盤，不是太對我口味。煙三文魚酸菜炒蛋，無咩太特別，不過蛋係炒得夠滑，同三文魚好夾。戒米楊洲炒飯就好特別，雖然是叫炒飯，但一粒飯都無，又會食到飯既口感。幾特別，值得一試。至於極品醬油炒飯就幾失望，只係得咸既醬油味，無其他味道，唔算好味。總括來講成餐都好好味，埋單2千蚊左右，又食得飽，可以再食！…Read More

上星期去荃灣參加活動，原本想食羅麥記，但太多人排隊，又趕時間，就改食對面唔洗點排隊既韓國菜，朴。兩個女仔去食，叫左一飯一小食。石頭飯份量夠晒大，share來食都無問題。但飯沒有最正既飯焦，有點失色。豬肉有肥瘦適中，但不夠香，加上有芝士，為碗飯添香氣。顏色豐富有菜有肉，算是不錯，顏色豐富有菜有肉。小食叫左餃子，一盤五隻比較少，勝在都算大粒，而且肉菜分佈平均，味道不錯。可能是即叫即蒸關係，等得比較耐。至於飲品韓國檸七，其實就是有氣梳打，但要25蚊都算貴！總括來講味道不算太差，不過所有食物價錢都偏貴。同區仲有好多韓國食店，下次都不一定要揀佢。…Read More

每次lunch hour經過胡中大廈既一遊都一定排晒長龍，而且長排長有，今日特登同同事1230去到排隊試下係米禁好味，估唔到1230都仲要等4枱，真正入座都已經快1點～Set lunch有8款。聽侍應講每星期都會換一次餐牌，而且好似雜錦壽司果d係不能參考圖中模樣，因為會轉款，保持新鮮感都幾好。同事叫左set d，蟹肉天婦羅定食。蟹肉餅好體貼地切開4件，最上面係少量蟹殻，中間係一塊塊蟹肉加蟹肉碎加碎件天婦羅如蟹柳，蕃薯等。我食既其中四份一就食到蕃薯，蟹肉好鮮甜，天婦羅唔厚，配搭起來好滋味。另外要提個麵豉湯好足料，唔係街邊兩粒豆腐加兩塊海帶果種。蔬菜同海帶平均分佈，又唔多粉粒，入口舒服，可以成碗飲晒佢！而前菜既醃豆都係非常開胃！我叫左雜錦壽司配烏冬。壽司有七款，每種都真心新鮮，好甜，少少腥味都無，而且飯粒唔鬆身，真心好高質！反而個迷你烏冬有點失望，因為佢不是稻庭種類，烏冬煮得冧身易咬，而且湯香濃既！只係本人偏愛彈牙烏冬先失望。另外加點左2款小食，蟹肉厚燒肉子，同海蝦天婦羅。厚燒玉子好大份！而且店員會好體貼地問要唔要切件。玉子真係一層層夾住中間的蟹肉，蟹肉夠多，玉子夠甜。68蚊都覺得抵！海蝦天婦羅都夠大隻，唔算厚粉，蝦肉新鮮彈牙。要提提佢係比晒天婦羅汁同海鹽你自行揀，配上海鹽好好味！兩個人食一餐午餐要400蚊，其實算貴！但餐廳環境唔錯，有日本氣氛，加上食物普遍高質，食得係開心！唔怪得鬆期排滿人！唯一美中不足係佢大部份都係四人枱，好似我地兩個人去食，就預左要搭枱，傾起計來都無禁舒服。而且佢book枱只限四位以上，如果可增設反多少少二人位就好拉！…Read More

尋日去左尖沙咀買野，家姐順便過來，就一齊晚餐，去左中庭食越南餐廳。因爲好少見越南餐廳有蕃茄味湯底，所以我點左鮮蝦蕃茄札肉湯檬粉來試下。鮮蝦雪裝味不強，都可以，札肉都好味。蕃茄湯味道濃郁，其實都好味，不過好似令湯底缺乏左越南粉既獨特味道。而且呢間店既檬粉量都係偏少，如果單食檬粉會有少許唔夠飽。而且價錢比較貴。家姐叫左龍利柳飯。飯量足，夠晒飽。龍利柳唔腥，雪裝味同鮮蝦一樣去得乾淨。擠一d青檸汁上去，龍利柳味道層次多左，鮮味都多點。小食叫左越式春卷，皮薄都脆，係好味既。可惜油比較多，叫怕肥既我有點驚驚。甜品係一個椰汁芋頭糯米泥，其實都係流質，未真係泥，芋頭粒唔算好多。不過香甜可口，以佢作為一餐既結尾都係舒服之選。總括來講呢一間餐廳味道唔差，係價錢略貴。不過要提一提服務質素有待改善，侍應十問九唔應，好似唔想理人禁，來到態度都唔好，但明明當時餐廳唔係好滿座，無辦法解釋為太忙碌。…Read More

今晚約左7位中學同學happy friday，之前見到廣告新興的室內燒烤潮鮮薈，好似幾特別幾過癮，所以一早book左枱試下。今晚我地係book 7點，未到7點已經到左，但餐廳職員嚴重不足，行來行去不停問我地係米訂左枱就走，至少4次。終於等到7:15分先安排入座（但我地到時明明得幾枱）我地係book左7大1小。佢竟然安排一張6人枱比我地，好彩我地多女仔，逼埋一齊勉勉強強坐到，但安排令人有點失望！間餐廳係全自助，自助拎食物飲品自助燒自助調味。因為提早預定關係，送左個海鮮拼盤。有龍蝦，生蠔，鮑魚，扇貝，魚塊，象拔蚌，牛丸，冬茹。由於係7位大人，所以所有食物都係7件。各種海鮮都尚算新鮮，但鮑魚明顯無清洗乾淨，內臟令人反胃 而且無咩海鮮的鮮甜味，頗令人失望！食物種類選擇算多，牛肉，豬肉，羊肉，雞肉，雞翼，有辣有唔辣。蔬菜有秋葵，翠玉瓜，茄子，仲有芝士腸，台灣腸，廚師腸，獅子狗，魚蛋，午餐肉等等，不能盡錄。能夠滿足到燒烤慾望。至於爐就係上面燒串，下面燒海鮮。不得不講佢個爐既設計係不足以應付大量燒烤，開到最大腸仔蔬菜都要燒一段時間先熟，肉更加係keep住燒都未得，肚餓人士就千其唔好大量燒。而個爐會時常故障，轉唔到d串燒或會卡反鐵枝岀來，加上每個串燒卡位之間無預留多點位置，只要你放滿肉（已經唔計大型阻位肉，如雞翼），都保證你卡肉轉唔到。設計上頗為不周全。另外服務方面都幾失望，我地坐果到冷氣明顯停左，十足焗爽拿禁。請人來開反，服務員一句開到最盡拉就走左，但明明人地冷氣下面條繩吹到行一行，我地條無郁。叫左2次都係禁，最後要去後巷捉個疑似經理既人來先解決到。當時已經快8點半！姐係焗左成個鐘爽拿來燒烤！其實食物未算太差，但環境及烤爐設計，仲有服務態度都令人大失所望。基本上不會考慮再食。…Read More

今日自己一個響灣仔工作順便午餐，為左快就響附近的十一冰室食左午餐。餐廳唔算好大，好快已經坐滿人。入面裝飾幾別緻，老闆明顯用心地掛一d有特色的燈同裝飾，令人感覺好舒服！午市套餐有八款可以揀，另外有自由配搭既特餐。響灣仔午餐來講，選擇都算幾多下！我就揀左a餐，台式鹽酥雞扒糖心蛋肉躁飯。雞扒唔厚粉，炸得唔會過硬，加上貼心地一早切開一條條，食得好舒服！糖心蛋夠甜美，蛋黃要流不流之間，非常吸引。可惜只得半隻，如果有足一隻就好！肉躁香濃，最最最最最重要係，肉躁夠多，拌勻之後每粒飯都能沾上肉躁，禁是非常好的！總括來講，想響灣仔開心食個午餐，十一冰室係不錯既選擇…Read More

尋晚同家姐去左尖沙咀食晚餐，選擇左據說經營左30年既地道韓式餐廳，釜山亞之媽。入面的侍應都是韓國人，對於韓粉應該會倍感親切。餐廳環境幾舒服，有韓國特色，空間都算寬敞，同隔離位有一定距離，唔會有逼既感覺。前菜有四款，薯仔，青菜，芽菜同泡菜。因為家姐唔食得辣，我地話唔需要泡菜，佢就改為比左一碟醬油我地。所以要注意小菜上無多餘既選擇。主食叫左三樣，先係餃子年糕湯。湯味道不錯，餃子都好味，豬肉「葉」得好入味，可惜只係得三粒。但年糕就一般，因為年糕本身無味，但湯又唔似其他醬汁可以沾上年糕，所以成舊年糕都係無味。第二樣係韓式炒粉絲，本人係粉絲控，所以覺得不錯，粉絲夠咬口，唔會太軟。可惜係火喉不太夠，而且油有少許多。仲有煎蔥餅，入面既材料係雜錦海鮮，塊蔥餅仲好大塊，夠飽肚，非常愛蔥餅既家姐食得好開心。不過要留意入面係有辣椒，唔食得辣既家姐唔小心食左少少就不停咳了！另外再叫左杯薑蜜糖茶，韓國的薑都好好味，夠味又不嗆喉！杯薑茶15蚊，但好細杯，呷兩啖已經無了，可以encore總括來講成餐都是飽肚的，在尖沙咀晚餐食韓國野，約莫150蚊人均落樓，其實都算抵食！而且韓國哥哥笑容可拘，服務良好，可以回頭再食！…Read More

之前有 介紹過荃灣士林食街一衆美食，今日剛好響附近lunch，決定去試下其中一間，被提到性價比極高質的意粉店，小混混。去到發現餐牌同價錢都有所更改，係變得更平，最貴都係$15！問下老闆，先知原來有太多人同佢反映d意粉大大份，成日食唔晒。所以老闆從善如流，價錢減一半，份量變六成。顧客食得開心，又唔會浪費。聽到呢到，覺得老闆太好了。另一方面開始擔心大食既我會唔飽（佢個兜確實幾細下⋯）老闆聽到都好好安慰我，其實減左後份量都唔係真係太細，再建議我叫餐（即一意粉一小食一飲品），保證會飽。老闆推介，當然照跟！最後同同事一齊叫左兩個餐主菜我食的是蕃茄三文魚意粉。睇落好普通，但醬汁真心好美。醬汁加左小小辣椒仔汁，吊一吊令蕃茄味更岀，更特別。酸中帶微辣，只有愈食愈野味！聽老闆推介小食要左蜜糖小雞腿，可能改賣關係，再加上食左主菜先食小食，雞腿已經變左暖，不是熱。不過脆感仍在，而且蜜糖甜而不膩。兩隻，有小小未夠喉！同事主菜點左芝士牛肉醬意粉。睇落一樣是普通野，但肉醬濃度適中，水份無過多，其實好高質！而且牛肉食落唔似罐頭肉碎，似是自家製作多點，加分！另一款小食卡邦尼芝士煙肉薯蓉。芝士唔惹少，真材實料，非常足！唔係街邊幫你灑兩粒芝士條就當自己係芝士。因此薯蓉好香濃，同時好飽肚！飲品是白桃汁同芒果汁，不是特別野，但食完意粉薯蓉雞腿再飲佢，又好舒服喎。本人比較喜歡芒果汁。總括來說講，呢間小店無得彈。全店樣樣都是10零蚊走到，仲要食得飽，兼好味又高質，響香港仲邊到有？學 禁講，性價比真係100！絕對會回頭，絕對要推介既食店！ps要注意此店只得外賣pps老闆表面勁cool，實質好好人！ppps老闆係一腳踢即叫即整，所以要耐心等待，但值得等！…Read More

假日做完運動，家姐最愛拉麵，經過札幌，見好耐無食，就入去食下。家姐點左白豚拉麵，湯底不過不失。麵能夠討好家姐，應該都算不錯。不過肉就稍為有點老。而我點左牛肉咖哩烏冬（忘記左影相），牛肉好味，唔老，唯獨湯水太多，令烏冬無法沾上太多咖啡，同食得岀只是普通咖啡包。同紅磡名店相比，確實失色。小食點左餃子，薯餅同枝豆。餃子正路，都係靠醬料襯托。薯餅南瓜味一般，本人都係較喜愛mos店薯餅。枝豆係叫比bb食，bb食得開心，因為不喜歡青豆我就無試味了哈哈～埋單$165，食到禁多野都算ok既，不過回頭率就5算高，而且食下其他。…Read More

在灣仔獨自午餐，選了地道泰國菜，老闆娘都是講英文的。餐廳環境可以，小小店舖，室內座位五個，室外約四五個一排坐那種，也夠舒適。 午餐選了d，船麵，足料，肉也不硬，肉丸細細粒又好味喎！麵軟硬度適中，湯深色但味不是太濃，美中不足是份量不太夠飽（利申，女仔來講本人係大食）值得一提是呢間是自家小店，所以食物即叫即整，是老闆娘自己一腳踢，值得支持。若真要數大足之處，就是座位少，沒冷氣吧～在灣仔午餐，能65元埋單吃到好味泰菜都是不錯，值得回頭！…Read More

早排帶住bb入迪士尼玩，食飯時間撞正落大雨，全樂園既人唔係去餐廳食野就係去小鎮大街shopping。響禁既情況下帶住bb響平常既樂園餐廳想等到位食飯同天荒夜譚係完完全全無分別的！此時此刻，當然係去唔洗自己等位既小鎮大街餐廳最好！果然係一到就有位首先叫左個兒童餐配西瓜汁比bb，個飯係茄汁拌飯，非常開胃，豬肉丸軟熟易咬，bb食得好滋味。可惜係西瓜汁同伴碟西瓜係雪櫃岀來，所以唔敢比bb食。但不得不提，西瓜汁係真西瓜渣岀來，夠鮮甜。然後到3個大人開餐了！先係一個set dinner磨菇湯磨得好滑，有茹味，但因為本身不鍾愛磨菇湯，講不上好好味。（set dinner係指定湯款）前菜沙律，竹筍鮮甜，配上鴨胸肉和醬汁新鮮可口，係幾開胃的！主菜餛飩配鴨胸肉，餛飩配上鮮忌廉汁，好特別，好好味。值得推介！甜品士多啤梨朱古力蛋糕，本身係朱古力熱粉，但不愛士多啤梨，偏偏呢舊蛋糕配得好好味，一啖士多啤梨慕絲連朱古力，深深吸引我。食一舊絕對唔夠！另外單點左一個牛肉漢堡，高質高質好高質！牛肉鮮甜多汁，生菜蕃茄好新鮮，味道中和埋，更上一層樓。仲有一個肉醬千層麵，不及漢堡吸引好味，而且味道太濃，不會特別留戀。總合來講成餐都好好味，美中不足係全部份量都較細（除左漢堡），以3名成人來講有點不夠飽。而且價錢不特別便宜，埋單差不多1000蚊。不過有舒適位置坐，有人服務，加上侍應姐姐們都非常友善，又會自動同bb玩，都會感覺物有所值。p.s.要注意此餐廳係無會員9折優惠架！…Read More

帶住bb行街食野，坐得舒服，唔洗點等位，周圍有野吸引bb眼球既餐廳好重要，iCremeria cafe完全乎合以上要求！同爸爸叫左2個餐食，價錢比普通餐廳略貴，但一分錢一分貨，食物質素好好。每份餐都有前菜（湯/沙律）加飲品，唔怕食唔飽。第一個蕃茄意粉配南瓜湯，南瓜湯夠香濃，明顯好足料，麵包本身牛油味都好香，沾南瓜食係絕配，bb都食到停唔到。意粉因有特別提醒，煮得較冧身，醬汁入口香濃，creamy得來唔會覺得「留」。蕃茄仔非常新鮮，連本身討厭蕃茄仔既我都忍唔住食反幾粒。第二個係長通粉，醬汁同意粉係大同小異，不過加上黑椒令味道再豐富一點。肉丸唔會冧身都唔硬，唔係街邊雪藏無味肉丸。不得不提杯熱朱古力好香，好好飲。順帶一提，餐盤靚不在話下，每盤食物都伴有鮮花，為整體食物外觀加分。而且bb望同摸鮮花都夠佢玩一餐，作為媽媽對餐廳都會加多幾分。…Read More