candicechanky's Profile

今日打算去同狗狗食個brunch ，去咗一間有outdoor area露台的cafe。經歷表示以往有客戶投訴，所以狗狗必須 1) 穿著尿片 ($18/塊) 2)不能放繩。 我哋亦有好好跟蹤以上指示。食物未到前，同狗狗係outdoor area 周圍行吓，經理走過嚟同我講，唔可以比周圍行。客人人多嘅時候會俾人投訴。我哋係outdoor area 行嘅時候亦都冇放過繩，又或者跑。以上嘅安排實在好無理，對有狗既人士嘅一群極不尊重。連最基本同隻狗周圍行吓都唔比用餐體驗不愉快。今日嗌咗兩道菜，全日早餐和卡邦尼意粉，味道正常，環境也舒適。但如要帶狗狗，不是一個dog friendly 之地。…Read More

早排見d foodie 推介一試 No boundary ，今日經過北角，決定一戰。可能因為疫情的關係，店內只有我們一台。甫踏進餐廳，店員沒有好熱情的態度迎接我哋。冷淡叫我哋將雨傘放外面，嘟完安心出行再show 比佢哋睇。前後一句thank you 都無。心諗，唔緊要，可能時間尚早，大家都未瞓醒，反正都係一間Cafe啫。今日order 咗一個 Classic all day breakfast $68 + 棉花糖熱朱古力(跟餐加$18)。整份早餐包括茄汁豆，牛角包，沙律同煙肉。牛角包又凍又硬，已經食唔落第二啖。分量亦唔見得有各大foodie形容既抵食。雖然價錢比其他Cafe便宜，但係比$68食堆我唔enjoy嘅嘢，不如返屋企煮好過。跟餐嘅熱朱古力，亦冇咩特別，不過不失。第二份早餐order在一份Egg Benedict。原先係因為見到網上有人推介，賣相唔錯先至order。Egg Benedict 上面有七味粉，諗住少少味精粉點都無伏，點知個七味粉比起市面上既奇怪唔落好過落。最後，餐廳既背景音樂係播放緊EDM，晨早流流聽到EDM，令我諗起hangover嘅感覺🥲雖然係黃店，但係食物質素真係唔得只係一個俾人打卡嘅地方，有待改善。…Read More

今次經外賣店挑選左一間漢堡包小店。餐牌上好多fusion 選擇ge漢堡包，有別於傳統漢堡包店。今次點左一個店舖推介嘅咕嚕肉漢堡包🍔。但個人認為咕嚕肉同漢堡包味道唔太夾到，味道普通。另一方面點左一個經典美食慢煮牛肉漢堡包🍔。雖然聽起上嚟冇乜特別，勝在塊牛肉夠Juicy。跟餐亦都嗌咗一個師兄雞塊同埋邪惡紫薯條。雞塊味道唔錯，可以一試。而紫薯條冇乜太特別，亦都唔見得佢有幾邪惡。整體以小店來講，漢堡包餐份量同埋味道以呢個價錢來講都算唔錯喺西營盤都算出色嘅一間小店。下次會再次選擇試佢其他嘅食物。…Read More

Involtini 呢一間餐廳並唔容易book。今次既booking都係早一個月前於官網幸運book到，而都係較容易book到既午餐時段。當日入到餐廳好快就安排比入座。餐廳環境亦都喺寬敞舒適。餐廳出名嘅菜式包括有紅蝦意粉🍝同埋Carbonara。不過午市套餐唔包括依兩個選擇，只好單點。今次叫咗午市套餐嘅一個扭扭意大利粉配意大利腸(Strozzapreti  Italian  sausage)。先來咗個餐前包，味道正常。加咗$38配左當日嘅餐湯，大蒜薯仔湯，粒粒薯仔蓉亦都幾好咬口。Strozzapreti既意粉軟硬程度剛剛好，適中煙韌嘅感覺，係午市套餐亦都係一個可以考慮嘅選擇。Carbonara 既味道亦都好好，真材實料嘅感覺，並唔似得其他普通意粉店用罐頭醬。店員介紹，蛋黃醬用咗純雞蛋黃去整，醬汁凍咗會變硬，所以要趁熱食。整體來講，今次食手工意粉嘅體驗不錯，值得再返嚟食過。臨走前打算再book位，店員講到平日嘅夜晚唔係太full。但個人喺官網上見到fully booked，建議大家可以試吓打電話去book。…Read More

服務超差！一肚氣下午6點開門，5點9開始排隊，都等咗一個鐘，7點鐘入座，都未坐低個啊姐就問我哋食乜。嗌咗3個煲仔飯。8點3先到，足足等咗1小時15分鐘。我哋只係用咗30分鐘去食完個煲仔飯，個啊姐無帶口罩見我哋食到咁上下同我哋講: 食飽啦可？你哋識做啦。係時候埋單啦。其實我哋啲野都未清哂。仲有半份飯既份量。我差啲以為自己聽錯野，有乜可能咁主動催一枱客人去走？野食味道正常，但服務超差。不會再光臨。千祈唔好幫襯。…Read More

今日一嘗中環擺花街嘅一間新開日式小店。環境乾淨簡潔 員工態度亦都熱情有禮無咩idea叫咩食 最後員工建議不如請師傅發板滿懷期待的心情去等每一道菜，非常有心思。好足料。黑松露帶子刺身沙律都好refreshing ，有驚喜。個人來講最喜歡個和牛，肥美之餘配上嘅汁醬都好夾。下次一定會再叫。因為怕冇飯食唔飽，仲另外叫師傅上多咗碗壽司飯比我食冇收我錢整體來講都食得幾滿意成餐飯差唔多$500一個人。價錢適中。下次會再來期待有新嘅由師傅發板嘅Menu！…Read More

今日叫左個Carbonara 同香煎雞扒伴薯菜餐外賣。員工服務幾好，有禮貌。餐湯係羅宋湯，咸到冇辦法飲第二啖，真係可以用海水來形容。沙律菜、Carbonara 正常。香煎雞扒非常之辣同咸以為自己去咗食川菜，仲要有成cm厚既油浸住。另裝ge醬汁個蓋亦未關好，翻到屋企已經倒瀉哂。其實整體餐廳嘅感覺同埋員工嘅服務都好唔錯，希望廚師嘅食物可以有所改善，先至令到石門嘅黃店保持質素。…Read More

第三次光顧Off town kitchen 都一樣沒有令我後悔 。搬新地址之後，座位比以前更舒適👍🏻幽靜的環境適合傾下計聚下舊。店員亦非常友善。除了以往的招牌菜 餐牌上亦多了許多新的選擇 ！每次來都抱著期待的心情試菜，店員推介的法國菜總帶給我出乎意料之外的驚喜！今次2個人食飯 吃左1個沙律 2個主菜其中里昂沙律最令我出乎意料之外。點菜前見到所用的材料並沒什麼特別。原來芥末汁醬，蒜蓉包，温泉tamago先係當中的皇道。蒜蓉包看似平平無奇，但食落非常香口，問左店員先知係用法國最古老的做法，磨蒜蓉落蒜蓉包到，非常入味。另外溫泉蛋的非不會散收收，熟到剛剛好。卡邦尼腩肉意粉食得出用新鮮雞蛋整，唔似得普通西餐廳用現成汁醬去做。比起出面，真係寧願比多$20去食個有水準既Carbonara。 Definitely need to try if you are a fan of carbonara龍蝦非常新鮮，一口就吃得出不是冰鮮貨。菠蘿汁亦很開胃。…Read More

平日好少去第三街食，因為比我既印象只係多茶餐廳，無太大興趣。琴晚經過第三街既時候，見到呢間火鍋店新開，每人一個鍋，d野食擺得都算標，就入左去試下。嗌左個二人前既火鍋套餐，其中前菜有鵝肝toast同牛油蝦，鵝肝toast 做得幾出色肉類包括左牛肉豬肉等等，份量比較少，但質素幾好，同平時出去任食火鍋既質素唔同。見隔黎枱叫左個海鮮拼盤，賣相亦好吸引，但可惜無哂。希望下次黎會試到。店員服務亦好親切，知我地好似唔飽另外送多個手打烏冬比我地👍🏻甜品亦有紫薯mousse cake ，整體黎講都幾滿意，會再黎食…Read More