or#ta66775903's Profile

假日3點幾見小店無咩人，行過諗住支持下。入到去都係自己serve自己，檯上面兩壺水都係空嘅得片檸檬，心諗好似未準備開舖咁，但其實已經3點幾… 我自己就叫咗碗魚介叉燒拉麵，叉燒可以揀厚燒/慢煮，配菜可以揀木耳/芽菜，咁我問佢可唔可以兩個配菜都要佢就話淨係可以揀一樣，之後都無講咩。到我地點嘅時候佢就話厚燒賣晒轉慢煮… 咁就比佢焗住食慢煮叉燒，個人認為落單前講明賣晒d咩會比較好，畢竟叉燒都係拉麵靈魂…講到個拉麵味道 - 湯底其實都ok，不過唔算好鮮。麵底唔香，好一般。個叉燒似火腿…鹹到爆，仲要雪櫃攞出黎，完完全全係火腿一塊，完全唔知食緊d咩。結論得個湯ok……Read More

個焦糖燉蛋真係好出色，皮脆入面又好滑。下面揀咗曲奇味雪糕，一暖一凍好正，加埋好幸福嘅感覺。個班戟皮都好香，同埋做到好薄，所以好驚佢會冧。一隻手嘅size，啱晒一個人食～…Read More

豬肋條烤得好軟熟，不過份量就只有三條骨，略為細份，其餘半碟都係薯條。薯條就炸到好脆，應該係落咗好多油，不過好食嘅。個軟殼蟹肉醬千層麵就有d失望，個麵好似一pat野咁，完全做唔到千層麵個層次。蟹都唔好食，不過全隻上都算大隻。杯野係見好似幾搞笑所以叫，其他野飲好似都係一樽花咁上，幾得意同有心思。味道極偏淡，接骨木花味唔係好出，不過整體好飲，價錢就真係貴咗d。另外都有叫到收工啤，無影到。覺得都好飲嘅，整體cafe多選擇，坐得都舒服，不過多人就會覺得嘈d咁。…Read More

平日下午茶時段經開東大街，但係唔想食太油膩就試下哩間健康自選蔬菜飯。五個菜嘅飯配豬肉碎就$48，我就加咗$18轉肉碎做三文魚，菜就揀咗菠菜、車厘茄、牛蒡、蓮藕同洋蔥。量都算大碗，味道都ok，有d似日本版嘅poke溝韓式拌飯，咩都有d，但d野有d就凍有d就熱，overall都叫夾嘅一兜味素日式飯。職員算貼心比咗杯水我，唯獨見到餐具有d反感，水未抹乾不特止，有d剩飯剩洋蔥喺d叉同羹到… 其餘都尚算可以… …Read More