Cchocoboy's Profile

揀咗一間食尼泊爾嘢嘅餐廳。 如果你問我 食印度嘢尼泊爾嘢嘅分別， 對唔住我真係唔熟悉。 呢度依然都有咖哩薄餅，南亞好特別嘅飯食， 最重要佢味精味唔重又唔會好鹹但係食得出當地日常味道。 三個人嗌咗二人套餐同埋加其他小食， 除番開每人100蚊都唔使。 可能最近疫情關係，所以我哋星期六晚上去食 一晚都淨係得我哋三個。 雖然係咁但係侍應都好好招待。 佢鋪頭都幾長同埋闊 如果配合政府新措施要同另一台食客有1.5米距離呢間舖頭最少都坐到四到五枱客。 大家好想有個空間抖下氣，4人以下聚下腳 呢個地方都可以考慮一下。炸雞翼…Read More

先前喺旺角食過吞pot， 今次行完街就到尖沙咀呢間舖頭度食，其實食物嘅質素都係一樣咁好，冇話邊一間有大分別。 入到去店員安排咗近窗邊嘅位好大個落地玻璃對住夜景, 店員特登幫我哋校細啲個冷氣驚我哋凍親。兩個人食咗五百幾蚊叫咗個螺片湯底。叫咗個自家製嘅芝士炸響鈴， 好味但唔健康嘢食，我哋都要忍下口嗌咗細份，過囗瘾。叫咗一份雪花牛肋片， 雖然牛肋片脂肪冇咁多, 但係烚熟之後亦都唔會硬到好似擦子膠咁樣。再叫多咗一份餃餃震， 呢個上次都有食過， 今次再叫係因為佢 八粒餃裏面有四款味道， 兩個人打邊爐又唔食得咁多嘢食但每款都想試下， 叫呢個餃餃震就非常之適合。 之後叫咗一杯大杯鹹檸七， 兩個人嘅打邊爐就咁樣完結啦。 走嘅時候起poster 見到 星期六日公眾假午餐係有半價優惠㗎， 打邊爐要慢慢打先過癮，星期六日有呢個半價優惠就可以一家大細過嚟一齊食。 …Read More

三文魚子感覺大粒多汁， 還有一陣淡淡的海水味，所以應該也是新鮮的來貨， 可惜是每件壽司的三文魚子數量比較少這個蟹肉蟹膏壽司，蟹肉的部分和元氣的很相像，但是蟹膏的部分就給了我一個很不同的體驗。因為它的蟹膏，是更為結實，不是像其他的那麼流體。同時它的味道也更濃郁，但有沒有哪種海鮮的腥味，令到整個壽司感覺更良好。可以吃到它的鰻魚炒飯的鰻魚份量是十分充足，幾乎每一口也能伴著風味隆厚的鰻魚。 只是略嫌整個飯的口味也太重， 吃多了會 感覺有點膩， 所以要同其他人一齊先好叫串燒的部分當然是牛舌最好吃吧。他的牛舌切的較厚， 但是咬著去又沒有肉渣會卡在牙縫中。 感覺比起放題那樣薄得像紙板的烤牛舌差太遠。翠玉瓜都好食，燒完後保留到瓜嘅水份，但又唔係生。…Read More

有段時間無去大角咀食嘢，行行下見到呢間感覺光猛又闊落的泰國菜，都多人去食，上菜要等等。落單第一樣係叫1元的鳳爪，都係第一碟到的餸，作爲開胃小菜酸酸辣辣，醒胃！份量充足！而且一星期7日都有唔同的1元優惠。之後仲叫左鱸魚，有不少酸菜，菇的份量佐鱸魚，其實鱸魚係另一日的1元菜式。揀左唔辣的飛天通菜，又係另一日的1元菜式噤睇1元菜式都係大路一，多人會點的菜式，而唔會係啲奇怪食物。仲見到有日係1元啤酒，唔飲酒的就揀其他日子黎食。仲叫一個一座山噤高的菠蘿海鮮焗飯。…Read More

晚餐食牛柳薯菜，雞扒魚柳意粉，薯蓉田螺，配飲品同甜品。215埋單。比起其他西餐廳，呢到大少少，枱闊少少，客人無噤多，所以員工都唔會光速收起碗筷，壓迫感無噤大。好鍾意薯蓉田螺，薯蓉香滑，田螺保存到水份！…Read More

去紅磡其中一條舊街，見到附近有好多鋪頭都已經落閘不再營業。這條街應該將會拆卸重建。 但其實在這一條街有很多不一樣的食肆， 川粵米線就是其中一間。 招牌是口水雞但是口水雞對於我來說太辣了所以叫了一個醬醋排骨紅薯粉， 選完餸之後可以選紅薯粉或米線，再選擇湯底辣或不辣，35元 送凍熱野飲。 價錢是非常吸引招牌口水雞米線37元。川粵米線的下午茶是兩點開始，所以到兩點的時候見到有不少學生和其他店員都會過嚟吃米線。…Read More

紅絨芝士蛋糕辣肉腸芝士pizza雞肉蝴蝶粉仲叫左個水牛城雞翼。唔好睇叫左呢4樣嘢，好像好少，其實餵飽到4個人的胃。可能係美式餐廳，每碟的份量都不少，再加上黎到要食下個芝士蛋糕，所以鹹味食物叫左三樣就收手。可能口味唔太適合，個人感覺個水牛城雞翼係好好好鹹，鹹味大於雞翼的辣味！食完要飲好多水，所以呢一款食物就唔推介了。另外黎呢到食要預早黎排隊攞位，我地6點15到，6點半派位，按返票上顯示要8點半先有得入座，好在附近有海港城，行下街打發等侯的時間。…Read More

黎到大家樂食咩好？！當然係食芝士焗肉醬意粉，細細個的童年回憶。由細個食到大個，隻味依舊保持到！意粉有一定的濕度彈牙，蕃茄醬唔會太多搶左芝士的味道，美中不足係可唔可以多啲芝士？…Read More

下午茶時間有少少肚餓，於是叫左個熱豆漿，豆花同粢飯。平時粢飯要等二十分鐘先有，今日星期六的下午就唔洗等。粢飯同熱豆漿係推介要試,姜汁豆花係課真價實的姜汁。33蚊埋單。…Read More

星期六晚上黎到都唔洗等位，一休的地方都夠多位，所以起旺角啲多人到爆炸的地方可以有坐得耐少少，唔會趕頭趕命，熱茶任添加的地方，像發現新大陸一樣。每日都有特價的食物，同晚上1930前落單的正價食物會有85折。感覺熱食，熟食係好食啲，刺身就一般般 。以上係一部份的食物，左口魚壽司，入口魚油香，一口氣叫左10件，食完2件先拍照，油甘魚都係會吸引人再黎的食物，三文魚頭鍋物，三文魚頭份量大，唔會係啲碎骨，散件。油甘魚就好普通。…Read More

午餐時剛見到好多學生起到呢度出嚟，見到唔洗等位就入去食個飯。分别叫左一個豬 軟骨飯同汁燒生薑豚肉飯，兩款都有湯同滑滑的蒸蛋。肉方面豬軟骨好食啲，汁方面係生薑豚肉飯好味，用呢個汁撈飯，可以一大碗食曬…Read More

本身想食放題，但係食量唔多，見到要差唔多260一個人落樓，決定去食餐好的日本菜。晚上8點到荃灣city walk 的鳴門，2個人都要排一陣間隊。叫左個火炙明太子沙律三文魚親子卷。海膽壽司拼盤有左口魚海膽壽司，赤貝海膽壽司同三文魚海膽壽司。汁燒魷魚筒，微暖，但感覺不太像燒過海鮮沙律，海鮮有帶子，三文魚，大蝦，油甘魚，仲有小小黑醋同芥辣味。埋單475元。雖然係無放題任食，無雪糕甜品，但係食物用料新鮮啲，條數起番到。…Read More

今日的午餐係羅勒醬海鮮意粉，包飲品，58元，如要飲咖啡加8元；另外加多10元有自助沙律吧。沙律吧細細地，有沙律，芝士飽，迷你瑞士卷，暖的華夫，扁豆湯。蟹肉露筍意大利飯,已經食左落肚，無影到相。蟹肉味算係好出，意大利飯係乾身但又點每粒都入味。對於意大利飯的感覺，一向都係易食少少就膩，但又抵擋不住它的香味。…Read More

上面係午餐餐牌，送罐裝汽水。如要由飯轉粗薯條要加15元,所以想食薯條不如叫另一張餐牌，無汽水送但就可以免費由飯轉做薯條。叫左雞肉卷牛肉飯轉左牛肉薯條羊肉飯加左10元有一個falafel，係炸的豆蓉。…Read More

經過見到呢間德國餐廳午餐做緊買一送一優惠，連星期六都有買一送一！ 買一送一優惠唔可以打包，同埋如果三個人去都要嗌兩個午餐， 變相就有四個餐喺枱面。所以夾好雙數人數去食會比較好。叫咗個鄉村肉批青豆義式燴飯同埋煙燻牛腩薯角配長青豆。 意式燴飯好漏， 煙燻牛腩有少少鹹你唔好睇過牛腩好紅就以為唔熟其實 呢個牛腩係熟㗎。有蕃茄湯，薯仔沙律仲有哈根達斯雪糕任食。 再加埋一杯果汁可以選擇蘋果汁、橙汁或者紅莓汁，好欣賞個果汁， 佢啲冰只係點綴系杯果汁裏面，完全唔會因為溶冰而溝淡咗果汁嘅味道。…Read More