foodgazerhk's Profile

由上年bookmark到最近終於試到，而家已經變成預約困難店，要食嘅話唔預早幾個星期book都未必有位...🍴SOURDOUGH ($56)酸種麵包外酥內軟，帶有香香嘅小麥味，自家製味噌牛油融合蟹肉，以海鮮嚟提鮮，帶嚟獨特嘅風味，建議抹上厚厚一層進食🍴BEEF TARTARE ($88)千層脆署搭配生牛肉TARTARE，口感對比鮮明，牛肉新鮮，佐以鯷魚、香料與醬汁以及炸過嘅紫菜Tempura，一啖咬落去會感受到廚師喺層次上嘅用心🍴CRAB CROQUETS ($25)蟹肉可樂餅外脆內嫩，搭配咖哩醬汁，略嫌蟹肉唔夠分別，令口感層次唔太豐富🍴BEEF SHORT RIBS ($298)12小時慢煮牛肋骨肉質軟嫩，香料椰奶醬濃郁，薄荷酸奶清新提味，石榴增添酸甜，完美平衡，個人認為POPPY喺處理/醃製肉類有一手，可以一試🍴PORK RICE ($268)豬面頰燉飯，豬面頰肉質十分腍以及入味，再次引證主廚喺肉類烹調上嘅功架！以鮮美濃郁嘅蝦汁做Base，米飯吸收左肉汁及海鮮精華，口感醇厚，非常滿足🍴CHURROS （$78）CHURROS炸得好香脆，啱啱炸起形成外脆內軟嘅效果，配搭好fresh嘅酸甜Peach Sobert，解膩之餘，一冷一熱，形成強烈對比店內空間較細，坐位有限，唔太適合一大班人嚟聚餐，當日我就被分配到bar table轉角位坐，確實唔太舒適。但食物質素都唔錯，而且價格相宜，絕對可以試下…Read More

上星期慶祝媽咪生日去左食想試好耐，位於跑馬地嘅大四囍💯當日我地有8個人，預早左2個星期book，佢地都好好直接reserve左間房比我地，而我地亦預留左部分指定菜式🥢沙參玉竹燉鷓鴣（需預留）沙參玉竹燉鷓鴣湯清淡鮮美，沙參同玉竹嘅甘甜滋味融入鷓鴣肉中，湯底濃厚，值得一試，係我全晚最鍾意嘅一道菜。🥢八寶鴨（需預留）八寶鴨內餡好多元化，糯米、香菇、蝦仁等層次分明，口感豐富，本身隻鴨都好肥美，令整道菜都充滿鴨油香，風味獨特。八寶鴨烹煮工序繁複，而家已經唔係好多地方食到，所以嚟到都不妨一試，但建議多人分享先好叫！🥢豉油雞豉油雞色澤誘人，肉質肥美鮮嫩多汁，醬油的香氣滲透每一舊雞肉，而且食落有陣陣酒香，搭配白飯簡直絕配！🥢沙薑豬手沙薑豬手肉質軟嫩，沙薑的獨特香氣提升了整體風味，湯汁濃厚但唔會過重口味，作為開胃前菜一流🥢啫啫芥蘭煲加豬膶啫啫芥蘭煲加豬膶簡直係邪惡之選，豬膶滑嫩口感好粉，非常新鮮。而啫啫芥蘭煲個醬汁底都好惹味，配搭蝦乾同肉碎，口感十分豐富。🥢上湯浸絲瓜上湯浸絲瓜清淡鮮美，絲瓜口感爽脆，蝦乾鮮味十足令湯頭醇厚，又充分保留左食材嘅自然甜味。🥢黃金鮮魷黃金鮮魷外脆內軟，鮮魷十分爽彈新鮮，炸漿被濃濃嘅鹹蛋包裹住，一啲都無手軟🥢生拆蟹肉炒大良奶蟹肉鮮嫩，而且份量好足，每啖都有滿滿嘅蟹肉，但奶香略嫌不足，勝在蟹肉新鮮，口感滑順搭夠整體各方面都好高質素，而且用餐環境及服務都好好，令進食過程都十分自在，非常滿足💯會再回訪再嘗試唔同嘅菜式…Read More

Repulse Bay Village而家已經係另一個週末據點，可以Spend一日去chill下～而由前Good Good cafe嘅團隊主理嘅精緻甜品日式洋食店 Parabolica Caffè 近年都大受歡迎，除左環境寫意，食物水準都唔錯。🥖 Crabmeat Toast蟹肉吐司搭配白魚、明太子同炒蛋，幾樣嘢夾埋疊成一座小山丘咁，賣相特別。食落口感層次豐富之餘亦品嚐到幾種海鮮嘅鮮美海味和柔滑的蛋香，加上佢地拿手嘅sourdough，成個配搭都好正。🥖 Spaghetti Napolitan with Zucchini Steak拿坡里意大利麵搭配茄子排就較其他兩道菜普通，唔係十分驚艷，麵條都算彈牙，番茄醬酸甜適中，搭配清新的蔬菜，算係唔錯嘅素食之選。🥖 Japanese Hambugu Steak with Mashed Potato日式漢堡排搭配奶油馬鈴薯，肉質鮮嫩多汁，醬汁濃郁，送飯一流，滑順錦密嘅馬鈴薯增添左豐富口感，同漢堡汁夾埋一齊好夾，而且飽足感十足。…Read More

最近見Pirata旗下既Tokyolima出左全新既tasting menu 同cocktail menu, 趁同朋友girl’s night 去咗試佢地既tasting menu TOKYO ($680/pp) 冷盤黃辣椒薯蓉配大蝦他他 帶有淡淡辣味嘅薯蓉有別一般creamy milky嘅薯蓉 味道幾特別惹味 上面配有大蝦天婦羅 以他他醬及牛油果慕絲作dipping sauce 酸酸嘅味道中和返大蝦嘅油膩感 🍤吞拿魚刺身配西瓜估唔到醬油西瓜配吞拿魚 味道清新 配搭牛油果醬好似點左wasabi咁 視覺味覺上又幾fusion 再加上甜薯薄脆 口感好豐富 個人最鍾意呢個前菜👍🏻經典檸汁醃海鮮非常summer vibe嘅一個前菜 以秘魯專門用作生醃刺身嘅醬汁Tiger’s Milk作base而製作出嘅一道味道酸甜清新嘅醃油甘魚 配上甜薯/洋䓤以及粟米 食落好似沙律咁十分開胃第二道菜炙燒牛肉薄片炙燒而成嘅西冷薄切牛肉片呈現半生熟嘅狀態 以醃茄製成嘅惹味醬汁覆蓋住每塊牛肉片 再拌上蒜粒及䓤粒 肉質柔軟 而醬汁味道有啲似燒烤醬 相當入味油甘魚炸蝦卷油甘魚喺Tasting Menu出現率相當高 今次就以壽司卷方式呈現 以牛油果炸蝦卷再on top放上油甘魚刺身 口感豐富之餘再配上沙沙醬 感覺就好似食緊高級版嘅加洲卷🍣主菜TOKYOLIMA 牛扒我哋點左medium rare 既牛扒比我地想像中大份 另外火喉控制得唔錯 表面帶點碳香 傳統秘魯海鮮燉飯呢道傳統秘魯海鮮燉飯鮮味十足 每啖飯都係海鮮高湯精華😍大蝦、魷魚、青口等海鮮肉質彈牙，燉飯醬汁帶有淡淡的黃辣椒味、奶香和檸檬香，有啲似西班牙燴飯，好惹味甜品朱古力慕絲配軟曲奇及椰子雪糕朱古力慕絲細滑又濃郁，椰子雪糕會食到一粒粒嘅椰子肉 真材實料🤌🏻配上軟曲奇全部搭配一齊食口感豐富 甜而不膩 係一個好滿足嘅結尾COCKTAIL今次餐廳推出左新嘅Cocktail menu 繼續貫徹餐廳秘魯x日本主題而設計 Menu設計精美 以人物/地方為每杯Cocktail命名 極具故事性Izanami一上枱已經係打卡之選，酒杯用乾冰襯托送上，上面有玫瑰花碎裝飾 視覺效果滿分 Gin酒配上梨汁帶點fruity 再用清酒 薰衣草和雪糕 打成奶泡 係一杯易入口又清新既cocktail Kanazawa加賀棒茶Sake、甜薯Rum、南瓜、柚子及蜂蜜調配而成嘅cocktail 質感濃稠 容易入口帶有淡淡柚子味 以茶具方式呈現 滿滿嘅日式風情🍵整體來講 環境十分chill 隔離客人慶生🎉員工會為佢唱生日歌 氣氛一流 不過食物份量比較多 細食既可以試下佢地另一個Tasting Menu ($380/pp)…Read More

Zucchini Croquettes with Garlic Mayonnaise $68用櫛瓜混合芝士和蒜蓉整成一口球狀，炸得外脆内軟，配上蒜蓉蛋黃醬，texture creamy得黎又不算太膩，是一個不錯的Starter choiceCaprese Salad $118材料雖簡單但新鮮，十分適合作為開胃菜，切片的Mozzarella 充滿着奶香，蕃茄亦多汁清甜，份量都剛剛好夠兩人用Homemade Pappardelle Bolognese $168肉醬由安格斯牛以及豬肉混合而成，有豐富肉味，配上手工製闊條麵，口感煙韌彈牙，又富有麵粉香Penne alle Puttanesca $148醬汁用上橄欖、鯷魚、蕃茄、蒜等材料，番茄甜香濃郁，入口帶酸香微鹹，洋蔥、蒜同辣椒令醬汁富有層次🤏🏻有別於一般蕃茄醬，意粉用上長通粉，口感同樣煙韌掛汁最後想一讚當晚既員工，雖然平日Full House，但服務態度依然好好，在點餐前會展示和講解Menu上不同的意粉種類，亦會關心用餐進度👍整體性價比高，可以有下次😌…Read More

作為煙韌/麻薯控嘅我，今次試左小正大福@justformochi 嘅巨大化「柚抹柚」大福生日蛋糕🎂佢將平時藏喺蛋糕入面嘅麻薯重見天日，用麻薯皮包住8層唔同口感嘅餡料，爆餡之餘，每層嘅用料配搭都好夾👍🏻👍🏻「柚抹柚」口味以柚子同抹茶作主軸，6吋嘅大福塞滿左用料一啲都唔馬虎嘅餡料，抹茶味道香濃帶回甘，配合柚子嘅清新，中和返抹茶嘅苦澀同忌廉嘅油膩感🍵尤其係柚子果凍，爽滑嘅口感同果肉伴隨住鮮甜嘅清香，感受到店主嘅用心製作💯而且每一層嘅份量都恰到好處，唔會令味蕾過於衝擊👍🏻由於麻薯都有好大嘅飽肚作用，建議多啲人一齊開心share呢個蛋糕😂而家仲要買大送細，擺埋一齊影相一流，而且仲好好意頭添呀🧧…Read More

越南人打理嘅越式餐廳，無論係裝修或食物都非常地道💯餐廳氛圍仿照當地食肆，令客人1秒徬彿走進越南當地一樣🥰特別推介越南粉及咖啡⭐️注意餐廳每日所提供嘅菜式都會有所不同，建議前行前先做功課📋🇻🇳Bun Thit Nuong ($100)好fresh嘅選擇，炭燒豬頸肉燒到輕微燶邊嘅狀態，十分香脆💯而佢嘅網狀春捲更加係用料十足👍🏻再配搭，用上唔同香料混合嘅沙律同米粉，酸酸甜甜之餘，亦都十分開胃☺️🇻🇳Prawn Summer Rolls ($75)十分巨型嘅鮮蝦米子卷，一睇就知用料豐富🤣特別嘅係醬料，除咗有常見嘅魚露外，仲有比較少見嘅花生醬，一款比較清新，一款比較濃厚，適合唔同口味嘅人🤝🏻…Read More

今個週六下午特登造訪左位於錦田嘅和風主題Cafe—— kachimushihk🎏店內以日式茶室佈置並設有日式庭院及塌塌米座位🎎十分之寫意🍃🎋和牛吐司 ($124)Juicy嘅和牛煮得啱啱好，牛肉汁配上酸種麵包有口感之餘，每一啖都無浪費和牛肉汁嘅精華🥩On top加上火箭菜中和左油膩感🉐🎋波特磨菇吐司 ($98)用上兩款芝士烹調，分別係Brie Cheese同後加嘅Parmesan Cheese，加上忌廉及黑松露調配，每一口大啡菇都好juicy，平衡返sourdough 本身比較乾嘅口感🍄🎋黃豆粉年糕Pancake ($78)層次豐富嘅甜品，熱辣辣嘅pancake上面加上冰凍嘅雪糕，冰火交融嘅感覺🔥🧊加上黃豆粉嘅點綴，唔甜之餘令整體味道更加豐富，推薦~🎋Cold Latte ($42)/ Flat White ($38)/ Espeesso Tonic ($64)特別一提Espresso Tonic用上京都果汁飲料牌子Kimino，貫徹cafe和風主題之外，誠意相對較其他cafe更加十足🧊…Read More

好耐無食泰菜，同朋友約食飯就去左尖沙咀海港城呢間泰菜餐廳食飯，店員安排左窗邊位置，可以一覽維港夜景✨.🇹🇭香脆蝦餅（$68/3件）蝦餅比想像中紮實，質感好爽口彈牙，配上泰式酸甜醬，滋味無比.🇹🇭脆炸金菇（$68）頗有新意既小食，份量夠大，剛炸起既金菇十分酥脆，但略嫌油膩，食唔到太多件🥲.🇹🇭椰子雞湯（$128）用小蠟燭保温既一點好抵讚，香茅椰子加埋微微既酸辣好開胃，奶香令辛辣感減輕，雞肉同蘑菇份量都好多.🇹🇭花膠雞絲斑斕金麵（$178）花膠同雞絲份量十分慷慨，湯底充滿椰香，後勁微辣，蛋麵盡吸咖喱汁精華，頗有層次👍🏻.…Read More

座落荃灣愉景新城嘅鳥山名，裝修雅致，店內設有大量座位，適合一家大細👨‍👩‍👧‍👦餐牌食物種類繁多，值得一讚嘅係，佢哋仲設有季節推介餐牌，提供當季最新鮮嘅食材🦐🦑🍣三文魚籽軍艦 $28三文魚籽軍艦的口感微妙😛有彈性同爽滑感，配上香脆嘅紫菜，配搭好豐富🍣火灸拖羅壽司 $50經過火炙過嘅拖羅質地變得緊實🔥口感有嚼勁之餘，仲帶有微妙的燻香味同豐富嘅油香🍣燒赤鯥魚干 $48有別於一般嘅雞泡魚干，赤睦魚干相對肥美，以炙燒方法烹煮逼出魚油，令魚干表面充滿光澤✨每一啖都係滿滿嘅油脂🐟 係佐酒一流嘅小食🍻🍣炸雞軟骨 $50炸雞軟骨口感脆嫩，小巧嘅軟骨表面炸得金黃酥脆，沾上沙律醬，非常可口👍🏻🍣鰻魚炒飯 $40鰻魚肉質細嫩，加上炒香嘅山椒同露筍，與米飯完美融合，香氣四溢🥢山椒嘅味道好突出，平衡了鰻魚既油膩感，加上爽脆既露筍，口感同味道都好有層次👏🏻…Read More

最近濟洲過江龍餐廳Terrace in seaside進駐元朗，開左一間新分店响YOHO mall🤩環境幾chill同埋Pet-friendly，帶寵物既可以坐室外既位置👌🏻•🍊韓式豬手($168)滷過既豬手偏肥，份量幾多，有生菜、紫蘇葉等可以包住食，配料仲有生蒜、辣椒、泡菜，就算冇沾韓式辣醬都夠味•🍊玫瑰醬大蝦扁意粉($98)醬汁味道似辣蕃茄加卡邦尼醬，微辣惹味👍🏻大蝦煎得啱啱好，扁意粉口感偏硬，簡單得黎幾惹味•🍊清甜柑橘窩夫（$98）柑橘唔會有一絲酸澀味，多汁清甜💦配上自家製柑橘醬，減輕左窩夫同忌廉既膩感🤏🏻•🍊濟洲柑橘乳酪($68)酸酸甜甜既輕乳酪柔滑帶點奶香，半個柑橘做裝飾，賣相一流之餘味道又恰到好處•🍊蘋果玉桂鮮奶($54)上面有朱古力碎片點綴，淡淡既玉桂香味，同埋牛奶入面有蘋果粒，有口感得黎幾有驚喜…Read More

呼應以「布」聞名嘅深水埗，BOLD COFFEE為左保留呢項傳統，細心用上布藝貫徹成間cafe嘅主題。由裝修、佈置到餐牌，布嘅元素都隨處可見👀今次係第一次拜訪呢間cafe，入門口前已經比佢大大嘅slogan ”Be Bold Not Regular” 吸引住，用Bold嘅同音去帶出「布」嘅深水埗核心元素外，更加想帶出大膽追夢嘅道理，十分有深度🫡🪡英式全日早餐 ($148)好豐富嘅All day breakfast，全碟最出色係芝士焗啡菇，Juicy得嚟又有芝士香味，中間仲夾雜住洋蔥粒，令整體有唔同嘅口感🍄其餘仲有酸種麵包、煙三文魚、煙肉、茄汁豆、炒滑蛋同沙律菜，食材新鮮，味道唔錯👍🏻🪡士多啤梨乳酪牛角包窩夫配雪糕 ($88)韓國流行嘅牛角包窩夫終於帶到嚟香港，初嘗都幾有驚喜，保留左牛角包嘅酥脆外，中間更額外有煙韌嘅質感，口感相對豐富。配合埋新鮮士多啤梨乳酪及雪糕，冷熱交替，食起嚟有唔同層次🍓🪡 Flat White ($45)Flat White 咖啡偏Nutty，豆味香濃，加上鮮牛奶令口感更綿滑濃稠☕️而且拉花賣相十分吸引，推介👍🏻🪡Marshmallow Matcha Latte ($53)打卡一流嘅飲品，濃厚嘅抹茶latte，茶味香濃但唔會過於苦澀🍵卡通動物嘅拉花加上粒粒棉花糖點綴，可愛之餘仲好Instagrammable📸…Read More

呢排返工好忙，無乜時間拍拖🥲見前兩日過開港島就去左Pacific Place行街食飯😀之前試過Nara group 另一間餐廳Lady nara覺得唔錯，所以試埋呢間姊妹店Apinara😌•🇹🇭香脆紅咖喱魷魚球（$108）呢道菜係期間限定menu，擺盤賣相一流，紅咖喱略帶香茅味，魷魚球有口感，粒粒彈牙爽口，加左檸檬汁仲更加開胃👍🏻•🇹🇭花膠雞絲斑斕金麵（$158）湯底以黄唧醬及鮮椰漿調製，湯底偏甜，後勁微辣，頗有層次😽而斑蘭蛋麵比一般蛋麵硬身盡吸咖喱汁精華，嫩滑雞絲同爽彈鱈魚膠令整碗麵口感更豐富👏🏻•🇹🇭泰式鴛鴦豬手（$258）泰式鴛鴦豬手分別用滷水同脆炸既方式炮製，採用泰國南薑，博檬葉、八角等材料滷至入味，滷水豬手配上惹味泰式辣汁，肉質軟滑又惹味😋脆炸豬手則以白滷水香料浸至入味後再脆炸，皮脆香口，伴以酸子醬開胃又可口•因為每道菜份量都幾多，兩個人食唔晒要打包返屋企🙈環境坐得幾舒服，服務態度都好好，同埋以呢個地理位置黎講，CP值好高呀😍…Read More

等到頸都長先等到0+3，買咗機票都要再等吓先可以返家鄉🦒唯有去食下日本嘢止住渴先🥲•🎐二人前名古屋赤味噌鍋（$588）除咗鍋物，呢個套餐有胡麻豆腐沙律、吞拿魚血合、本鮪三貫盛、串燒同埋紅豆鯛魚燒做甜品，十分豐富🤩尤其是本鮪三貫盛大件又新鮮，串燒有驚喜👍🏻 吞拿魚血合係珍貴部位，鐵質豐富，味道比較特別，值得一試•而鍋物赤味噌湯底揀咗小辣，味道較重且豆味濃郁，鍋入面已經有雞肉丸子、牛腸、大量韮菜、本菇等，食到呢度已經半飽狀態😂點知原來仲有豚肉片、年糕、蔬菜無限追加😝好彩有留肚無喪叫，最後食到差唔多就可以加生雞蛋、芝士同白飯，煮成拉絲又邪惡嘅雜炊🤤•鍋物連主食2人份呢個價錢係抵食🔥不過見Menu寫住只係冬季限定，想試就嗱嗱臨去試吓啦💨…Read More

啱啱過去既weekend遠征左去鰂魚涌staycation ，梗係要捉緊機會喺附近覓食🤩點知發現好多餐廳都weekend off😅😂咁啱見到平時要等位嘅Catch. 冇咩人唔洗等，所以就walk-in 入咗去食個Aussie Lunch🇦🇺•🦘Fish and Chip 香港整fish and chips 嘅餐廳好多，但未必整得好食🧐 呢間嘅炸魚夠哂大，炸皮炸得又夠哂脆薄，魚肉食落一絲絲連住👌🏽有別於一般餐廳使用醋同塔塔醬，呢度就配上mayo 同粗鹽，搭配打到好綿滑嘅青豆蓉，味道超級refreshing 😋chips 部分則連皮切成薯角size ，入口皮脆內軟夠哂粉，口感一流🥔•🦘Spicy Crab Pasta 如果有留意開呢間餐廳就知呢個蟹肉意粉係必叫🍝大大個蟹殼放响上面，賣相一流，啱晒打卡📸 而味道上帶點微辣，夾雜橄欖油香同蒜末，夠哂惹味，同埋分量好啱Sharing 🤩…Read More