Danny 23's Profile

星期六收工後搵地方飲咖啡食下午茶，見間店外觀幾有外地感覺，又有室外坐位。入去試試。入到去有唔少客人排緊隊，有員工就話我知二樓有位。二樓地方簡潔，雖然都有唔少客但都好清靜。我哋叫咗芝士蛋沙拉三文治，露筍法國火腿蛋餅，牛油鬆餅配果醬同忌廉，coffee latte 同 cappuccino。 落單同俾錢時啲員工都好有善同有禮貌。芝士蛋沙律三文治同露筍法國火腿蛋餅，兩者內嘅配料味道調教得剛好，唔會互搶味道。牛油鬆餅，係已加左蜜糖所以配紅梅果醬就甜咗啲但係配忌廉就非常好。雖然不斷有客人離開同加入，但地方算寬倘所以都好清靜。有機會我一定會再去。…Read More

喺厚福街有兩間想去嘅韓餐。因第一間太爆，即改去呢間。果然環境裝修得好似喺韓國，食物味道幾好，員工態度都好友善。因為我哋冇訂位，又已經成七點三，但算好彩好多客係訂咗八點，我哋都可以入去食。我哋兩個人食咗三樣嘢：街頭魚糕串串，炒年糕同甜辣炸雞；另外叫咗支柚子味燒酒。可惜得四十五分鐘，食完啲嘢都已經夠鐘要埋單。啲員工都好好俾多幾分鐘我哋飲埋啲酒先走。因為好多人等緊位同食緊嘢，所以冇留底打卡。下次再去時要補番。…Read More

上個星期六晚，去睇波之前食個飯先。記得近巴士站有間越南餐館。今次係第三次定第四次去食。第一次同幾個朋友去食，啲味道都可以。對上兩次自己去食碗湯牛河，都已經係年幾前嘅事，記得啲味道都已經退步咗。今次再嚟，食咗個海南雞飯，簡直係垃圾。雞完全冇味，就連雞嘅味道都冇，煮得又老。啲油飯大部分硬到如生米。而個雞湯又太咸。味道咁差嘅海南雞飯餐都係第一次食到，仲要俾八十蚊，下次去附近間茶記好過。間舖啲味道每放越下，以後唔會再去。…Read More