hoo 포차

喺厚福街有兩間想去嘅韓餐。因第一間太爆，即改去呢間。果然環境裝修得好似喺韓國，食物味道幾好，員工態度都好友善。因為我哋冇訂位，又已經成七點三，但算好彩好多客係訂咗八點，我哋都可以入去食。我哋兩個人食咗三樣嘢：街頭魚糕串串，炒年糕同甜辣炸雞；另外叫咗支柚子味燒酒。可惜得四十五分鐘，食完啲嘢都已經夠鐘要埋單。啲員工都好好俾多幾分鐘我哋飲埋啲酒先走。因為好多人等緊位同食緊嘢，所以冇留底打卡。下次再去時要補番。