Uncle Food's Profile

今晚老婆扔低我同阿仔兩個人，諗諗下可以帶阿仔去食放題喎！所以就去咗附近呢間試下！估唔到有驚喜，D刺身好新鮮，都算多款式，比較喜歡帶子，鮮甜美味！阿仔見到呢盆刺身拼盤簡直雙眼發光😂我叫阿仔唔好order咁多壽司，費事食到飽晒食唔到其他野，但原來D壽司細細件，可以叫多幾款都唔怕👍🏻👍🏻👍🏻小朋友最鍾意食日式茶碗蒸，滑do do，入面有蝦、冬菇及蟹柳，不錯！天婦羅熱辣辣，點埋醬汁一流😋芝麻雞翼好惹味👍🏻👍🏻不過略嫌過咗火少少，燶左DD！燒物，牛舌香口，蝦普通，雞翼燒得不錯，但覺得不及芝麻雞翼好味，豚肉腸普通金菇肥牛卷及牛柳粒賣相已經爆燈，睇落都知道好食😋😋枝豆，上面有少少鹽粒，好正阿仔仲食咗木糠布甸，佢話好好味！我自己就冇叫到，因為已經食到超飽食唔落😆…Read More

呢間連鎖餐廳見就見得多，周圍都有分店，但就好少機會入嚟食，今次喺附近做完嘢，一條友黎試吓先！一向知道茶餐廳係食咩嘅，但唔知點解一打開Menu就俾佢啲個圖吸引住！樣樣都好似好想食，最後千辛萬苦先決定到，最後食蔥油豬扒炒出前一丁！豬扒煎得幾靚，唔係平時茶餐廳果啲薄到乾爭爭嘅豬扒，蔥油不太鹹，麵質彈牙，不錯！👍🏻👍🏻👍🏻再叫左杯雪糕紅豆冰懷舊一下，略嫌紅豆少咗啲及雪糕球比較細，其他方面都OK👍🏻…Read More

今晚同家人食完晚飯，見時間尚早，大家都好似意猶未盡咁，食糖水係一個不錯選擇，又可以傾吓計聚多一陣，又可以食小小甜野為晚餐作一個完美句號！(其實係大家好為食😂)第一次食呢間海記，之前見Facebook都有佢嘅廣告，每次見到啲甜品圖片都流晒口水🤤呢度有而家好興嘅芋圓食，當然要叫黎試吓啦，不錯，芋圓軟硬適中，媽咪叫咗合桃糊，合桃糊上有合桃粒粒，好足料！而且食落好香👍🏻👍🏻呢度有好多選擇，都幾啱一家大細，因為除咗有傳統嘅糖水，亦都有新式嘅糖水或甜品，而且質素幾好！…Read More

同班friend想食個任食火鍋，又想平平地又有質素，諗起呢間「三禾」，性價比超高，有唔同餐可以選擇，最平只係二百幾蚊就可以埋單，我地今晚揀左C餐！同埋而家做緊推廣，只要加一蚊就可以有埋磯燒海鮮！！可以任叫燒物，有菠蘿片丶鱔片丶午餐肉丶魷魚鬚等等，真係正到冇朋友呀！超級推介鱔片串及午餐肉，放上爐燒，油份慢慢滲出，火光隨即升起，香氣四溢！ 反而魷魚蘇味道就比較淡😉燒海鮮時間稍為要耐少少，但我哋都冇鬆懈，爭取時間食火鍋及刺身！呢度嘅飲品除咗有平時嘅普通嘅汽水之外，仲有清涼爽丶烏龍茶及特別嘅飲品！喺呢度食完之後，唔使特登去搵甜品舖，呢度有高質素朱古力心太軟！偷聽到隔離枱都讚呀！…Read More

電視劇D劇情成日都係一班男人圍埋打邊爐，飲下啤酒講下是非，其實事實上我身邊非常之多女性朋友係好熱衷於打邊爐，比男人更甚，好似今晩，我問個女性友人想食咩，佢好快就已經答我：打邊爐丫～🙋🏻我提議去呢間「上品」，因爲之前食過覺得唔錯，雖然價錢價貴，但每樣食物質素都很高，一分錢一分貨。呢度火鍋湯底冇乜特別款式，但簡簡單單先容易食到食物本身的味道，我喜愛呢度的蕃茄湯，不人工的蕃茄味道，配有一整鍋菇菌及牛肉粒，非常足料，忍唔住落火鍋料前飲少少湯。呢度仲會有刺身食，今晩就點了帆立貝，好鮮甜。牛肉，靚，有肉味。脆肉鯇魚腩，魚肉實淨，食落真係脆的。蟹，新鮮。墨魚滑，偏挺身。…Read More

好耐冇食花園餐廳，咁啱今日放工自己一條友諗住求其食算數！一入去要行一條樓梯才上到去餐廳，沿路地下舖曬毛巾，唔知係咪水浸，上到二樓就冇問題喇👍🏻照舊紅湯丶麵包，紅湯好味，餐包也很軟！點了西冷牛扒，七成熟，好大塊，切開肉汁豐富，又不會太生，不錯！飲品點了凍O茶少甜，如果我冇記錯，現在的杯比以前大了，除非我記錯😁花園餐廳歷史悠久，細細個就黎食，雖然不是高檔扒房，但帶給我不少回憶，今日一個人黎有D悶，希望不久後可以找到不介意陪我去花園餐廳的女人。…Read More

今朝要去新蒲崗做野，之前梗係嘆個靚早餐啦！叫左個早晨全餐，我覺得蛋雖然厚，但太熟，冇滑滑的感覺，漢堡排太咸，唯一讚的是個包，夠熱夠軟！熱朱古力及暑餅ok, 普普通通👌🏻👌🏻…Read More

今次第一次黎，好彩有朋友帶路，因為在圓方內的位置有點隔涉，不過一入餐廳覺得環境不錯，樓底高好開揚，但覺得可能因為維持格調而燈光稍為暗了一點。我們點了食泰國菜必吃的馬拉盞通菜，不太咸，好味👍🏻馬沙文牛筋腩，牛腩好淋，汁稍為甜了一點，個人認為還是平時的黃咖哩及青咖哩好吃D，在餐牌找了很久還沒找到薄餅，最後我們直接向侍應點了一份，整份薄餅有一些淋身又有一些脆身，正好迎合不同口味的朋友要推介這個芒果蟹肉炒飯，雖然賣相平平，但食落足料、乾身丶好味👍🏻👍🏻👍🏻蠔仔蛋，麻麻地，蠔仔太少，上面的甜辣醬汁太搶，吃不到蠔仔蛋的味道椰子雪糕及荔枝雪糕，不錯，椰子雪糕好香，內裏有椰絲椰汁西米糕，上面白色的椰漿太厚，佔了2/3，反而西米很少椰子啫喱，口感及味道都似大菜糕，普普通通…Read More

同D friend打完波，有人提議去呢間銅鑼灣＂火山燒＂食串燒，然後我地成班食肉獸即刻醒神！向目標急忙進發！到店後未等到生料黎到，已經黎左幾客冷麵及沙律，我地一窩蜂咁好快已經將佢掃淸！店內的調味醬汁有蜜糖、燒汁及泰式辣汁，店家竟然會用不同顏色的油掃將它們分類，容易識別👍🏻侍應捧來招牌燒雞，我哋食肉mode隨即啟動，燒雞肉汁豐富，質感嫩滑👍🏻隨之而來，送來一客客串燒，有丸類、蔬菜及肉類，我地忙個不停，而好彩個gas爐好幫手，食物好快就熟曬，飢民們全部都好滿足！😂當然我哋並冇忘記廚房燒出嚟的海鮮！我哋個個攬住個肚返屋企，向頭先打波消耗嘅脂肪説：Hi~ welcome back!😉…Read More