三禾中日料理 (Closed)

同班friend想食個任食火鍋，又想平平地又有質素，諗起呢間「三禾」，性價比超高，有唔同餐可以選擇，最平只係二百幾蚊就可以埋單，我地今晚揀左C餐！同埋而家做緊推廣，只要加一蚊就可以有埋磯燒海鮮！！可以任叫燒物，有菠蘿片丶鱔片丶午餐肉丶魷魚鬚等等，真係正到冇朋友呀！超級推介鱔片串及午餐肉，放上爐燒，油份慢慢滲出，火光隨即升起，香氣四溢！ 反而魷魚蘇味道就比較淡😉燒海鮮時間稍為要耐少少，但我哋都冇鬆懈，爭取時間食火鍋及刺身！呢度嘅飲品除咗有平時嘅普通嘅汽水之外，仲有清涼爽丶烏龍茶及特別嘅飲品！喺呢度食完之後，唔使特登去搵甜品舖，呢度有高質素朱古力心太軟！偷聽到隔離枱都讚呀！