Mandychan0123's Profile

自從朋友幾個月前介紹左喱間餐廳，近年不止一次黎喱到慶祝生日或者節日，質素勁好，價錢都好合理，今日再同爸媽黎食飯，叫左蝦乾粉絲煲、炸子雞和椒鹽魷魚。炸子雞炸子雞外皮酥脆，肉質鮮嫩，搭配上特製的醬料，好味。椒鹽魷魚椒鹽魷魚真係要力推，金黃酥脆，撒上的椒鹽和炸蒜係重點，我連啲蒜都食到一乾二淨。最欣賞竹園餐牌價錢一年四季都一樣，冇節日價，性價比非常高。飯後仲會送高質甜品。高質素既餐廳值得支持，要食多啲先可以令佢得以保留。加油！…Read More

最近聽朋友介紹，MOKO喱間餐廳推出全日供應的午市餐牌，價錢親民而且選擇多，於是約埋朋友去試一試。日式牛肉火鍋 $148我叫左份牛肉火鍋！牛肉切片薄身，油花分佈平均，肉質都算幾好。湯底有少少偏甜，火鍋配料方面都幾豐富，有娃娃菜、金菇、豆腐、冬菇等，好滿足。火鍋套餐仲包埋一份前菜拼盤，有魚生同日式蒸蛋。我本身都好鐘意食日式蒸蛋，喱個蒸蛋蛋香濃郁，滑嘟嘟，價錢雖然唔貴，但都唔係求其交差，質素媲美高級日式料理店。最後仲有雪糕做甜品，$148 有前菜、主菜、甜品，值得推介既地方係佢係唔限時，好岩同朋友傾計食飯。…Read More

因為屋企人鐘意食中菜，近年來都試左唔少酒樓，星記算係云云中菜廳入面非常出色既一間。平日同屋企人/朋友都會簡係下就黎，午市套餐百幾一款，包湯同糖水，小菜款式都唔少。我最鐘意既就係喱到個生炒骨同埋魷魚菜式。生炒骨的肉質鮮嫩，外焦內嫩，宜家都唔係好多餐廳可以keep到個咁好既水準。而喱到既魷魚都係非常出色，好新鮮，特別係有機會餐牌有芥末龍鬚既時候一定要試下，好鐘意個種辛辣感同魷魚鬚既配搭，創新得黎好好味。雖然喱到係冇點心選擇，但小菜質素出色，價錢同中上茶樓相若，服務質素有過之而無不及，係我非常鐘意既一間餐廳。…Read More

其實上環好多野食，每次經過喱間都唔記得左佢，今次終於都入到去試下啦。環境都幾好，可以同朋友傾下計，午餐時間見到都滿座。我叫咗一份 香蒜雞肉炒意粉，一上枱就聞到陣陣蒜香味，真係幾開胃。雞肉煎得香口，唔會太乾，份量都算足。意粉炒得剛剛好，唔會過腍，texture好好。不過對於減緊肥既我黎講，落油方面就有啲太多，食到中段意粉少左就開始見到個底好油，如果可以控制返油份會更加perfect。不過味道整體嚟講香口惹味，蒜香控應該會幾鍾意。…Read More

最近見到喱間餐廳推出的優惠非常吸引，大件夾抵食，送野飲和雪糕，同朋友兩個特登過嚟試吓。叫咗和牛石鍋飯、一份刺身、鰻魚壽司﹑左口魚群邊壽司﹑手卷同牛舌，本來都覺得可能唔夠食，但一上菜已經知道會食唔哂，大份到要打包帶走。重點係味道都唔錯，魚夠新鮮，最欣賞就係壽司上面既魚勁大舊!好滿足。性價比黎講，我會十分推薦一番~~有機會會再黎試下其他菜式。…Read More

見到外賣app有平，諗住試下新野(伏),但又出奇地都OK喎😂 湯麵配烤雞50幾蚊香草蕃茄湯面蕃茄的酸甜都算恰到好處，搭配既小麥麵條彈牙。當歸豬骨湯麵當歸豬骨湯麵比較濃郁，當歸的香氣令碗麵多左啲特色。爆汁脆皮燒雞外皮金黃酥脆，內裡的雞肉算鮮嫩，有炸子雞既感覺。外賣返屋企略嫌有啲唔環保，用咗超多盒，整體味道都算OK ，50幾蚊值得食。…Read More

近日同朋友去到元朗 Grand Yoho 商場Foodcourt 食左喱間台灣野，我叫左個鹽酥雞拌面。鹽酥雞炸得尚算酥脆，肉質不柴，但略嫌調味偏淡，整體拌面味道都合格，喱個價錢非常OK。滿68蚊會送果茶時特意要求「走甜」，但原來就算茶底已經無糖，整杯飲品仍然甜得滯。這一點真的有點失望 —— 若果店員可以提醒「爆珠本身已經有甜味」，讓客人知情選擇，體驗會更好。…Read More

今晚我和朋友們來到 Luna Bar and Restaurant 用餐，咁岩晚上八點有現場音樂表演，幾有氣氛，但因為我哋坐得太近音樂聲有點大😂😂 如果稍微遠一點，音樂就像背景音樂一樣，幾正炭燒豬頸肉肉質鮮嫩，外焦內嫩，少少似叉燒，幾好食炒金邊粉份量頗大份，火候掌握得唔錯每一條金邊粉都炒得入味均勻，口感爽滑青咖喱牛肉咖喱汁濃厚，香料調配得恰到好處，搭配跟餐面包一齊食好夾，牛肉都好嫩口。其實味道都係其次，而家想搵一個開得晏又可以任坐唔計時食物質素OK嘅餐廳真係唔容易，相信都會再帶朋友嚟。…Read More

母親節想搵間地方同屋企人靜靜地食餐飯，最後揀咗潮江春，試下佢哋推廣緊嘅VISA 4人餐。餐廳環境唔錯，晚市唔算多人，坐得舒服。不過食物表現同服務細節，就略嫌有啲位可以改善。潮江春晚市比想像中清靜，傾計都好舒服。店員態度都有禮貌，但唔算特別主動。今次食嘅VISA 4人餐（$888），菜式配搭算豐富，有海鮮、有湯品、有主食。大蝦上湯伊麵：蝦隻大隻，肉質彈牙，伊麵吸哂湯汁，唔錯。雞蓉燕窩羹：口感滑，味道清淡，燕窩份量唔多但以套餐計可以接受。花膠鮑魚煲：湯底濃郁，花膠滑，鮑魚入味，係全晚最有驚喜嘅一道。清蒸沙巴躉：魚新鮮，蒸得啱啱好。薑薯糯米滋（甜品）：本應有，但冇上枱，亦冇人提醒，直到我餐後望返餐牌先知原來漏咗T^T…Read More

最近因為朋友有優惠，有幸去到 KERRY HOTEL 的大堂茶座，同朋友一齊試下TEA SET。🍰 TEA SET既食物種類都算多，包左:冰鎮士多啤梨煙三文魚卷鴨肝醬開心果馬卡龍鴨肉批杏枇榛子果仁蛋糖碧根果焦糖零稜香豆蛋糕開心果蛋糕黑莓茱莉芭菲冰鎮士多啤梨清新可口，果汁豐富，為整個茶點開了一個好頭。味道上都算滿意，係正常之上，擺盤相當精美，適合同朋友或家人打卡。鹹食相對比較有創意。服務就不過不失，唔差，但係都冇expect酒店有既服務質素咁好。…Read More

最近想食tea見到喱間茶記大排長龍，就一於試下。我叫左一份炸豬排餐。份量方面都可觀，炸豬排的外層炸得相當酥脆，但豬扒的肉質就屬於一般，雖然口感不差，但肉味較淡，要點沙律醬。配菜都算新鮮，以這個價格來說，確實抵食。客人既眼睛係雪亮既，果然多人既餐廳都係有返咁上下質素。…Read More

朋友生日，有機會去到中環既Ole Bar and Restaurant食正宗西班牙菜。喱到環境好迷人，感覺就好似去左西班牙當地既小餐館咁。Ole既裝潢充滿了西班牙特色，色彩鮮豔的瓷磚和溫暖的燈光營造出一種親切而熱情的氛氛。餐廳內經常會有駐場歌手表演，讓大家普通食飯都變得更加特別。西班牙海鮮燴飯係必點既招牌菜。新鮮既海鮮搭配特製的香料，每一啖都散發著海洋的鮮味與西班牙的獨特風情。另外，超級鐘意喱到既Red Sangria。紅酒與新鮮水果、香料完美混合，清爽，非常適合在熱情的夜晚享用。…Read More

第一次食pici朋友介紹識咗尖沙咀分店印象唔錯，今次試吓沙田分店。貓耳朵意粉最緊要就係個意粉嘅質感，貓耳朵形狀很可愛，煙煙韌韌咁樣好好食。墨魚汁意大利粉墨魚的鮮味與意粉的香氣融合，意粉質地同樣乃出色，硬度適中掛汁一流。今年未食過比較好味嘅意粉就係呢間餐廳雖然價錢唔平，但係可以試吓🫶🏻…Read More

最近有朋友送咗張 Dalloyau嘅餅卡俾我，我揀咗食佢哋好出名嘅 Opera 蛋糕, 外表超精緻，法式格調滿滿✨Opera 呢個法式甜點，用朱古力、咖啡同杏仁海綿蛋糕層層疊起，每一層都分明得嚟好工整，望落去已經覺得好高級，好似藝術品咁但食落去呢……我自己覺得 texture 有啲偏實冇我想像中咁鬆化或者滑溜，可能我比較鍾意輕盈啲嘅口感。朱古力味都算濃郁，不過整體感覺偏重，如果食唔多甜嘅人可能會覺得有啲膩。雖然味道未至於驚為天人，但係收到朋友嘅心意，再加埋去到櫃位揀蛋糕個過程，都幾有儀式感～偶爾嘆吓法式甜點，感受一下「假法國」嘅生活氣息，其實都幾治癒既。…Read More

生日就係要對自己好啲，所以今年決定去試下傳說中嘅高級牛排館 —— Morton's of Chicago。叫左份招牌 USDA Prime 牛排，medium rare 做得剛剛好，外層煎到香脆，入面保持粉嫩多汁，每一啖都係肉香與油香嘅完美結合！配埋鹽花，非常好食。侍應知道係生日，仲特登送上生日甜品，印有「Happy Birthday」字樣嘅朱古力蛋糕，暖暖地好窩心。全場唔會太嘈，啱晒傾計影相打卡，感覺好有儀式感！侍應非常有禮貌，介紹餐牌好詳細，又會主動幫我哋影相（仲影得幾靚！）。整個用餐過程無壓力又舒服，好似去咗一場高級又溫馨嘅聚會。Morton’s 嘅裝潢走典雅路線，燈光柔和，座位之間有足夠距離，私隱度高，無論係情侶、家庭定朋友慶祝都啱晒。…Read More