首先我試咗佢哋嘅蝦餃，皮薄餡靚，隻隻都飽滿多汁，每一啖都食到蝦肉，有濃濃嘅鮮蝦味!
仲有佢哋嘅燒賣,燒賣好有咬口，彈牙得黎又唔會好重肥膏，配埋喱到個辣椒醬食簡直係絕配!🐷
咖喱魷魚鮮嫩可口，有好濃郁嘅咖喱味道，香氣四溢。有別於一般既茶樓，魷魚既份量好多，非常抵食!
黎到見到點心車有椰皇，即刻叫左黎做甜品，椰香濃郁，燕窩質感滑嫩，椰子香味同蛋黃真係非常夾，係凍凍地既天氣食好滋潤
最後,我哋仲試咗佢哋嘅時菜蝦球窩面，麵條以中式面黎講算非常Q彈，配搭新鮮海蝦同時令蔬菜，個味道係清得黎好有鮮味🍜
今時今日，舊式茶樓真係買少見少，從質素可見蓮香樓嘅每一道粵式點心都係用心製作，下次一定會再黎支持🤤
