bonnieyan123's Profile

平時經過覺得呢間餐廳好chill 好舒服，所以今日黎食早餐。。點知。。。😵‍💫叫最簡單蛋治凍咖啡塊蛋治差過茶餐廳塊包厚但完全唔好食。。日本牛乳蛋治，但完全無味。。 咩黎？燶咗？最慘係原來好多碎牛喺d蛋度。。🤮唉😔 我喺唔食牛！！…Read More

第一次中午黎排長龍試唔到，今日一早再黎試下有咩好食？呢d舊式茶檔真係已經好少，所以我好期待叫咗紅腸蛋麵同凍咖啡但。。個麵完全無味。。好難食😩點解可以咁難食。。真係咩味都無。。。真係好想唔食。。真係好難食不過又唔想浪費食物。。最後唯有食晒可唔可以話我知有咩好食？多士？包？唉～ 除咗懷舊風味，完全唔知仲有咩原因會再黎？！…Read More

好耐冇見好友，加上慶祝生日，所以選此慶祝, 完全無諗過會有咁差既經驗！我經openrice book 咗6:45pm, 90分鐘限時所以可以食到8:15。。。但到7:45已經同我哋講得返30分鐘，如果要叫甜品快啲叫，因為要花時間整。。我哋知道要還枱，但咁無禮貌同客人講野。都未試過！ 所以我哋決定唔叫甜品（雖然我朋友生日）當佢地知道我哋唔叫甜品後，就開始不斷收野，每食完一碟或飲完杯野，即刻收走。。到八點仲即刻俾張單我地要我哋埋單。。（唔係到8:15？？）我埋單問係咪可以坐到8:15。。。個侍應無答我！我哋繼續傾計（其實未飲晒d野）。。個侍應又走黎話佢個客黎咗要我哋走。。what? 根據booking 佢哋應該知我哋張枱食到8:15。。。咁佢個客應該都係book 8:15 or 之後？所以成餐飯完全不被尊重，我哋已經唔介意坐扶人電梯口，亦唔出聲話佢地單手拎住我地二杯野飲同我地講無手放d飲品喺枱面，叫我地自己喺佢手上拎。。。。完全唔可以想像喺尖沙咀一個咁靚商埸，有間咁差餐廳！！…Read More

之前食個旺角果間兩次，今日見到沙田都有，咁就試下。。。之前見到好多人排隊，今日可能過咗午餐時間，所以只係等咗十五分鐘左右。有位時竟然。。。竟然要搭枱，疫情之後已經好耐未試過要搭枱。。食物中規中矩，無乜特別，無話好食亦無話難食，不過如果要等好耐。。。就可以考慮其他地方！…Read More

應𠄘咗今日黎食個 pancake … 要守承諾，所以今日我又跑過嚟食早餐。🏃‍♀️黎到見到d xmas 裝飾。。。好開心，我最愛既聖誕🎅🏻⋯⋯好有氣氛～個pancake 無令我失望，一放低已經聞到好香，菠菜腸仔好夾。。。飲埋杯 咖啡。。正呀！或者下次再試個甜既pancake ~ 真係好鍾意呢間餐廳，食物好味，d staff 又nice…. 我會再黎。。😁…Read More

星期日晨早跑步黎食個早餐 🏃‍♀️What a GOOD morning I had ;)今次係第二次食。。－次比－次好味～Unexpected 咁好味。。個包好食到唔知點形容又健康又好味。。正！！我要再跑黎食pancake ⋯其他各式各類早餐。。期待。。等我！😋…Read More

今日佛誕茹素，即刻諗起呢度😄依家仲要有折，食物好味又抵食。。。食完仲要叫外賣俾屋企人食。。。 yummy 有磨菇湯、雜茶、炸魚薯條。。。份炸魚薯條大份到。。。好滿足！😄…Read More

疫情之下好多餐廳都取消咗堂食，不過四月份都陸續開番。今日去我哋至鍾意嘅食青口餐廳，支持佢地🙌🏻餐廳唔只食物好食，d員工個個都好有禮貌，介紹我哋食炸饅頭。。yummy 😋青口同薯條。。favourite !凱撒沙律超多雞肉。。好香好味呀:)酥皮湯。。無得頂Yummy ～…Read More

之前喺IFC 見到呢間餐廳，以為食日本菜，點知。。。去之前上網睇，話係福建菜。。完全估唔到，而且網上d評語麻麻，又話細碗又話無特別。。。點知。。。今日去試吓，完全喜出望外。。佢哋話最出名喺小紅菇海鮮麵，好，一於試下一放上枱，好香呀，我叫既牛蒡湯好香，碗麵亦好吸引⋯⋯先飲湯，嘩熱辣辣又多料，好真材實料之後食麵，好多餸，同好多麵仲要好好味😋之後飲埋梳打、咖啡。。。好滿足！😋😋😋😋…Read More

今日専登去試吓陳豪呢間咖啡店既咖啡，由於時間早，所以無乜人。叫咗杯cappuccino .... 嘩，surprised~ 無諗過外賣杯都有個心心。。。❤️好明顯睇到每樣野都好認真，個紙杯好靚，周圍環境好舒服，杯咖啡當然正啦！不過有樣野想講，我見到店入面既垃圾桶無蓋，門口個垃圾桶仲要喺正張枱隔離，有d唔太衞生，尤其依家疫情嚴峻，有番個蓋可能會好d。 …Read More

試過晒公司附近餐廳，除咗呢間，因為全面一面倒負評！呢個星期唔憤氣，一於去試吓食lunch!一行入去。。。無人。。一枱都無，依家疫情下好多人叫外賣，所以餐飲業真係好慘。。我地叫咗二份午餐，選擇比較少，但價錢比其他日本餐廳高。先試小食。。幾好味😋之後到午餐，我地叫二份都係炸豬扒，不過一個喺素肉呢份炸豬扒，好好味，不太油，好脆好味呢份素肉都唔錯，最好食喺個香菇飯，好香好好食，食晒全碗非常飽。總括黎講食物質素唔差，侍應服務好有禮貌，所以並唔係好似其他食評咁一面例負評。希望今次疫情快d好轉，多d人出嚟消費，幫下餐廳食肆。…Read More

呢間餐廳開咗無耐，但每次見都好多人排隊。今日遲咗去食lunch,終於無人龍，可以試下。好多menu, 有lunch set, 甜品、all day menu....樣樣都好似好好味。第一次就試下漢堡包午餐Rib burger, 荷包蛋、蕃茄漢堡包、沙律、薯條，黑糖薑母茶個樣好得，d杯、碟好靚，最要讃喺d薯條熱㗎，外面好多餐廳啲薯條都係凍冰冰林啤啤，所以覺得佢個薯條好好食。佢個午餐好大份，食完非常飽。好飽啊！…Read More

新開一定要試下。。。下，十二點lunch time 竟然已經要排隊。。唔通好好味？🤔等咗15分鐘終於有位，同朋友share 份lunch 同叫pancake 。d食物都幾快到，有湯，主菜同飮品。湯幾濃幾好味，個杯仲幾靚～主菜揀咗pizza.... 黑松露同菇味又幾match ..唔錯。。個底餅好好味，同外面食既pizza 唔同之後終於等到主角啦.....pancake 唔。。唔。。好香蛋味呀，好好食😋😍😍…Read More

上海街重建，過嚟望下，黎遠已經見到好多人排隊。。。咁我當然要試吓啦蘇媽蘇媽。。第一次試除咗麺仲有其他小食周圍裝修幾特別最後叫咗蝦麺試下。。唔夠辣又油咗d，塊豬腩太硬。。。但杯奶茶就好味😋好味～…Read More

食過幾次都覺好味道，今次又黎。今次叫咗三款Tiramisu 味......好香好味道呀之後呢款喺期間限定，幾特別喎個侍應教我地拎開張膠片，等d醬流出黎哈哈，幾好玩喎，又幾靚第三款哈哈笑pancake 同之前二款完全唔同。。總括黎講，我鍾意tiramisu 味多d，又香又好味😋…Read More