咕's Profile

適逢男友生日初次體驗法國菜早於Openrice訂座怕冇位，點知最後無意中包左場出發前睇其他食客差評都有D擔心會唔會中伏，但見到每個差評下餐廳都有認真回覆，而且睇食客們D打卡相由2023年到2025都有幾大變化，加上於訂座當日餐廳有whatsapp溫馨提示教我地點樣去，頓時覺得間餐廳係用心經營所以都抱有期待。去到門口就幫我地開門之後就安排入座，枱面有本好大本menu，我地先睇單點有咩食最後先睇Set如果menu字體大小小會好D，同埋個價錢有小小難睇我都睇左陣先睇到佢地有兩個Set，我地各叫左一個，分別係八道同十道 因男友要揸車唔飲得酒所以叫左杯Mocktails - Sexy On Tree，可惜未影完相就爆左。第一啖覺得有小小似梅子酒味，但飲飲下覺得有D似飲緊維生素。我就叫左杯紅酒，原來係L'AMOUR自家紅酒黎，飲落覺得好純好清，我唔識點形容，同出面餐廳飲開的好大分別。全程都一直聞到酒香，男友一直拎黎聞（自問唔識品酒而且平時都比較少飲酒）帶子刺身頭三塊我覺得味道一般略帶一點腥，但去到最後一兩塊個味幾清新加返分生蠔配三文魚子都唔錯，可以唔洗加檸檬汁，個泡沫帶有小小鹹味法國傳統有機慢煮雞胸沙律, 雞胸真係值得一讚，一D都唔鞋，暖笠笠雞胸配上沙律菜幾好食法國傳統有機雜菜沙律, 好多椒籽配沙律菜，同雞胸沙律相比有點遜色法國特級鵝肝蛋撻, 先食啖蛋, 一入口就食到鵝肝味之後蛋味再慢慢滲出黎，最後又有返鵝肝味撻皮係牛油皮都做得好出色, 但兩樣一齊食撻皮牛油味會蓋過左鵝肝味法式活澳洲龍蝦濃湯, 龍蝦肉幾彈牙, 湯味道都飲得出有蝦膏味法國特級鵝肝多士, 一入口已經好滿足, 好好食特式立鱗魚好特別, 肉質有少少咬口, 夾埋三文魚籽食可以帶出到彼此味道, 但略嫌淡味道左少少日本A5頂級飛驒和牛肉眼, 差不多可以話入口即溶, 牛味十分出色，肉汁滿口都係法國鵝肝日本A5和牛肉眼亦都可以稱得上入口即溶滿口都係牛油，鵝肝比和牛搶走了風頭烤法國特級無激素鵪鶉, 初初以為類似乳鴿咁, 但食落有點似雞肉 冇油滲出, 不是太特別黑松露帶子薏米飯最欣賞佢地個飯, 無論係貌相定味道都絕對係MVP個薏米飯好特別而且吸收哂黑松露味, 帶子上配有一片黑松露同魚子醬, 黑松露片好甜味道好濃郁帶子煎得恰到好處，有咬口但又唔會過份左法式紅酒燉梨雪葩, 雪葩帶有柚子味同有果皮但美中不足係個梨味道唔太岩我地日本原隻海膽雪糕乾冰圍邊淋水後仙氣十足每啖都有海膽味, 估唔到雪糕同海膽可以咁夾, 大家唔會搶左大家個味因為生日最後埋單時仲送左支佢地自家紅酒比我地依餐生日飯整體黎講真係好滿足. 會再回頭…Read More

18:45去到餐廳內只有一兩枱客人，點了兩個晚餐, 一個是肉眼扒配黑椒汁，另一個是羊扒。餐湯冇得揀只有紅湯，但味道不合格, 好淡而且冇菜湯味....配一件蒜蓉多士，多士不過不失。餐飲我地點左一杯雜果賓治同一杯檸檬橘蜜，兩杯飲品都可以但不出色。再加配左半打生蠔，$15/隻, 唔夠肥美但這個價錢這個品質是可以的。主菜來了，先黎個肉眼扒，因沒有抱太大期待但比想像中的好！雖然沒有牛味(可能比黑椒蓋過了)，但肉質夠冧，足夠挽回分數！然後就係羊扒了，驟眼望落有點韌一切粉嫰羊肉同肉汁都出左黎，一放入口係羊味香草味重點係佢個肉質真係好冧, 但個蜜糖芥末醬就唔得喇, 配唔到羊食…Read More

依間餐廳係愉景新城屹立左好多年, 以前學生時代一直覺得好貴唔敢食, 今次終於去試下。因為平時行過都見好多人等位, 所以中午打去訂七點兩位。 去到仲有好多位，可能平日關係, 不過過左陣就滿場了‧一入到去帶我地坐底之後就比張QR code我地, 再奉上熱荼同餐牌。睇左個餐牌一陣發現樣樣都想食, 唔想煩所以今次就叫左個二人餐 – 自選極上二人套餐($698) 然後追加兩杯野飲 – 白桃玉露($20)& 陽光兵團($25), 再額外單點份串燒雞皮($38)。最後埋單連加一$859/2位。落完單之後好快就上左個前菜比我地，一份係鮟鱇魚肝，另一份食唔出咩黎。因為一向唔太好肝類野食，第一次試鮟鱇魚肝覺得還可以，另一份黃色望落似水蛋食落似兒時零食芝士腸，依個覺得麻麻地。之後就上刺身，厚切三文魚、厚切吞拿、甜蝦、生蠔。依四樣都大件又抵食, 生蠔好飽滿仲有個汁幾特別。然後就上熟成蕃茄芝士沙律，佢個沙律汁另上，仲要個汁好特別, 幾鐘意。飲品都上喇, 陽光兵團有幾種生果打出黎的果汁, 味道可以，不過放左一陣汁同渣分離。白桃玉露就係桃味加D椰果條唔太特別。個人覺得可以唔洗加野飲(酒除外)，飲茶都已經好足夠。一直都有職員係旁邊行過幫手收碟同加水。佢地會睇我地食完一道先一道咁上菜, 又唔會好急, 所以都食得好舒服。食完沙律就到壽司喇, 有五款，其中最鐘意食個魷魚壽司。之後就上我地額外點的串燒雞皮，依個雞皮係我食過第二好味的燒雞皮！雞皮再配左小小雞脂，食落口又唔會覺得自己食緊肥膏而且唔油膩，好食！再黎就係鵝肝多士、銀鱈魚西京燒、燒蠔。鵝肝多士覺得塊多士大左少少，但鵝肝好食。西京魚係成個餐最好食的(下次我會單點銀鱈魚西京燒黎食)，好好味而且肉唔會散。燒蠔佢冇燒到熟哂，出黎仲見到佢好飽滿，不過唔係我想像中ge燒蠔所以有少少扣分。之後就係西格斯牛肉煲，有西格斯牛肉片、皇帝菜、蛙蛙菜、粉絲、京蔥、豆腐、冬菇、洋蔥仲有隻生蛋。依個煲做完結真係岩岩好, 個湯底甜甜地再配埋西格斯牛肉絕配！最後就係甜品，有四款 – 木糠布甸、紅豆芝麻奶凍、綠茶麻糬、餅乾配朱古力忌廉。甜品對於我黎講有點遜色，四款味道都好淡而且唔岩我地口味。其實依個二人餐有好幾樣都係比我地選擇要點配捨，整體黎講都好滿意！會再黎食，不過下次就唔會再叫二人套餐而家單點野食，特別係雞皮同埋銀鱈魚，仲要試埋今次冇叫到但好想試ge燒菠蘿！…Read More

經過依間野好多次但每次都見佢外觀好似好貴就冇入去試喇咁岩是日未到6點  下午荼又未完WO   就入去食個下午荼啦佢雖然唔係好多個TEA  但每個睇落去都唔差咁最後就決定叫左個焗芝士吞拿魚意粉 (其實想叫二個餐)再加杯餐飲杏仁奶露等野食黎戈陣就掃視一下個環境覺得都OK不過佢D吊燈就好多塵(有D驚D塵跌落黎)大約等左8分鐘到啦就有得食喇個份量望落去好似好少但當差唔多食哂就已經覺得飽肚佢個意粉D汁就比較水左D D汁就冇乜味但味道都OK 不過我覺得多D吞拿魚就會更好當晚餐食係可以架 個杏仁奶露同普通杏霜冇乜分別我見個名有"奶露"以為有奶味:(有少少失望不過唔難飲下次有機會都會再幫襯…Read More

個門口無論你幾時去永遠都係咁多人我次次都只係係門口買個菠蘿油食就算都未試過入去坐低食一入到去嘩！滿坐 張張枱都有人之後我就見到伙計遞起一隻手指問我係唔係一個人佢就安排我坐啦之後我坐低睇有咩好食再望下周圍個個張枱都有最少一個菠蘿包我就諗都唔諗就叫佢比個菠蘿油我再加個西煎雙蛋公仔麵 熱奶茶好快就有一個熱烘烘GE菠蘿油呈上佢D牛油同熱烘烘菠蘿油即刻合成一體 不過我覺得佢太少牛油之後就係馳名奶茶真係好滑 同出面戈D完全唔同出面戈D好"鞋"口 佢E個真係好滑跟完就係西煎雙蛋公仔麵雙蛋煎到岩岩好 個蛋黃又唔會太生但又冇熟真係食得過佢又唔係太貴 又好食服務又唔差…Read More

又pizza癮起就去試新野一入去就有位坐 仲坐正中間 變左主角咁……睇餐牌都睇左好耐先決定到食咩睇落樣樣都好似好好食咁最後決定都食芝士忌廉汁闊麵配雞肉同夏威夷風味薄餅個餐具包得幾好丫 幾靚等左大約10分鐘啦個芝士忌廉汁闊麵配雞肉就上枱喇個貌相都ok 聞落去都好香食落去 我好滿意 覺得好好食冇遁錯e碟就$9x 都可以接受過多大約8分鏗鐘啦 睇住佢即叫即整ge夏威夷風味薄餅都上埋枱喇個貌相就唔差但唔講得上靚 就係覺得太少菠蘿就唔太聞到香味 一食就食左粒菠蘿先 佢係新鮮菠蘿 不過好酸第二啖就菠蘿加pizza一齊食 就ok 唔會覺得酸 幾好食佢個pizza汁仲有菠蘿汁味幾好可能我地食得太慢 去到最尾戈塊個pizza邊好似食ing餅乾咁呢餐我最滿意ge係佢地ge服務態度服務員行過會望下係佢旁邊枱ge客人 當我地四目相交ge時候佢地會比個好正ge笑容我地而且會不斷幫我地斟水 又會問我地有冇咩需要唔錯！…Read More

本身諗住去食雪糕 但行過見到義順就忍唔住過左去昅昅一見到有燉奶就即刻入去食喇第一時間就緊係叫左個雙皮燉奶先啦之後再叫左薑汁燉奶同朱古力燉奶等左1,2分鐘就有得食喇個雙皮燉奶真係好正！好有奶味！我好鐘意食！個薑汁燉奶d薑汁蓋過哂d奶味 我完全食唔到有奶味但都ok的至於個朱古力燉奶 佢只係得凍ge佢面頭有d可可粉食落去有少少似食布甸咁味道都唔差不過可能我食左d熱ge先食e個凍 ge 所以覺得怪怪地但雙皮燉奶真係真係好正！！！而且服務態度都幾好…Read More

今日又搵野食 結果就去試下和民一去到成個大鄉理咁 以為係話佢知幾多人去拎飛原來佢係電腦化……姐係好似銀行自己拎飛等叫no.等啦 一直等丫等 等左好耐先有位 點知入到去見到好多吉位……本身就好飽好滯冇咩想食咁見人地枱點左小食見咁少 我再望一望個價錢 好似唔係好抵所以就叫左個長崎什錦拉麵(豬骨湯) 同東京醬油拉麵飲品就叫左橙汁益力多 , 菠蘿汁益力多落單戈時侍應們都係蹲下來黎幫我地落單ge咁就話d野要等20分鐘左右先有等左5分鐘飲品就到左喇個橙汁益力多初初就益力多味蓋過左橙汁味之後食完哂野再飲就橙汁味蓋過左益力多味個菠蘿汁益力多初初就mix到ge之後食完哂野再飲就菠蘿汁味蓋過左益力多味等左20分鐘到 長崎什錦拉麵就到左喇一黎就緊係聞一聞先啦 之後再試個湯嘩~正！ 好濃郁 又唔會太咸 咁就再試下個拉麵啦點知得鹼水味 冇個湯味 之後我連湯同拉麵食 好ok 真係好正 雖然個湯變左冇咁濃味但仲係好正不過佢d海鮮就差左小小 有d腥味差唔多食完長崎什錦拉麵個東京醬油拉麵先黎到大約等左35分鐘一黎到好失望 得好少料(唔記得影相)幾啖就ko哂戈果半隻蛋 本人覺得麻麻……佢生得濟同冇咩味個湯就咸得濟到最後唔夠飽就叫多左個牛奶布甸個牛奶布甸好正！好重奶味 拎住果陣 個布甸好似d啫喱咁震一"筆"落去就好似筆燉蛋ge感覺 一食入口 就好似融化左咁 成口奶味好正！不過如果冇左上面ge cream就最好下次有機會再幫襯就試下佢d小食…Read More

次次去深水埗都係你西九龍中心食,食到唔知有咩好食上黎睇有咩好食啦,就見到 維記咖啡粉麵 係得獎熱店就去試下(雖然唔鐘意食豬潤:()睇地圖好似好遠好難搵咁,去到就B2出口出行到第一個街口就周圍望睇下啦,一望就望到個大招牌喇再望就望到有條好誇張ge長龍(行埋d睇原來有3間野,3間都係維記咖啡粉麵)我就排左中間戈間 都係等左15min左右(第一間見我入得都未郁過咁;第3間就係叫飛的)一入到去餐牌都懶得睇(反正我對豬潤冇興趣)就叫左一個咖央西多士、豬潤牛肉麵、豬潤牛肉米同2杯凍咖啡個咖央西多士話咁快就到左 暖暖地、同出面d西多士好大分別佢唔似出面戈d咁油炸,係就咁用蛋煎,已經好正唔會食到成嘴油又唔流,d咖央我唔識形容(因為第一次食咖央)總之就好食啦個凍咖啡都幾好飲 唔會太甜又唔會太苦到主角登場喇豬潤牛肉麵、豬潤牛肉米熱辣辣,飲啖湯,嘩~好正！唔會好鹹完全唔覺有味精仲有薑味再食牛肉,嘩嘩~唔韌架.煮得岩岩好,之後食我唔鐘意食ge豬潤....一食,嘩嘩嘩~冇腥味、唔會煮得太熟,又唔會話生ge,又係煮得岩岩好我係咁食係咁食 湯都比我飲哂咁濟！總結黎講：正！有機會會再試！…Read More

e張相係佢身一日開張戈時我相ge戈日諗住試下啦，點知等左好耐位都等唔到就冇等喇今日就見一個人無無聊聊又唔講時間就去等下啦等左15分鐘就比左個角落頭bra枱位比我張椅係可以轉下轉下戈d 雖然係對住整野ge師傅但張枱太高我坐到直一直都睇唔到……佢d款式雖然比較少 但樣皮我都係好想食咁我最後就決定左食芝士豚肉扒奄列蛋咖哩飯等野食ge其間無無聊聊就影下佢ge罷設佢戈瓶(應該係洋蔥)我覺得幾好食 脆脆地環境都好舒服 簡簡單單 佢地d野食真係即叫即整架~等左20分鐘終於有得食喇個貌相好似唔係太豐富咁我一開始就緊係試下佢個大大舊豚肉扒啦個味道都ok 唔算係太特別之後再食下面d野 一見到個蛋就心諗: 嘩！搞錯！咁老ge咁我雖然咁諗但唔可以因為佢個樣就斷定佢咁老一食 嘩~真係滑一滑ge滑蛋 好正！將全部野撈埋一齊食簡直係美食！個咖哩唔算辣 唔食得辣ge人都食得唯一失望ge食 :( 咖哩人面有d比較硬左小小ge(雞)肉 但一粒薯仔都冇....不過整體黎講好好食！好正！下次都會再幫襯…Read More

今日又唔想食飯 咁就去左食烏冬因為六點就去到所以就唔洗等位:)都睇左幾耐先諗到食咩(因為唔想食d曾經食過ge)咁就叫左個吉列豬扒湯烏冬同蟹柳竹輪天婦羅掛烏冬(溫)諗住再叫杯椰果梳打點知間野得野柚子梳打個吉列豬扒湯烏冬冇咩特別只可以講好脆同佢d沙律醬唔夠多(我個人極度鐘意沙律醬)個湯我就唔係好鐘意(因為好似有d面鼓湯味咁而且好似怪怪地)之前試過佢個蕃茄湯 我覺得OK 都值得握介本身諗住試咖哩湯 但.....我怕唔好味所以.....個蟹柳竹輪天婦羅掛烏冬(溫) 未試過就叫左佢幾特別幾好食除左個蟹柳蟹柳我覺得佢鹽左d(而且我本身唔鐘意食蟹柳)除左蟹柳之外佢仲有我都係唔鐘意食GE獅子狗(我估係獅子狗)一食落去好特別 有少少甜甜地 而且佢炸到唔油又唔係好多粉結果就係連我E個唔鐘意食獅子狗GE人都比佢征服左其他GE都ok 服務都OK GE…Read More

今日又唔知食咩好 所以是但搵間野食入到去佢比左妤多張餐單我睇睇落好似好多野食咁但一望.....唔係雞扒就牛扒唔係牛扒就豬扒...咁我都諗左好耐先決定食咩我就叫左個照燒雞扒拼牛扒定食佢d雞扒都ok ge 但牛扒食落去就好粉(姐係感覺用粉整咁)d汁又少又唔夠味仲有叫左個什菜炒牛肉定食e個就好夠鑊氣好正！推介咁飲品就叫左熱檸蜜同蘋果綠荼熱檸蜜我鐘意 佢唔似出面戈d餐廳咁甜 我"吉"小小就好有檸檬味好正蘋果綠荼就不過不失啦總體黎講如果係為左醫肚ge就黎e間食啦為美食ge就.....(地方又窄)…Read More

今日1想食麵就去左e間記得第一次食戈陣都ok:)所以就去e間咁我又想食咖喱wo 所以就叫左個牛肉咖喱湯烏冬佢個烏冬一如既往般彈牙！好食！但個咖喱湯就只係聞到有咖喱味 食落就唔似食ing咖喱 牛肉就普通啦男友就叫左個吉列豬扒豬骨湯烏冬個吉列豬扒好正！好脆好好食！個豬骨湯佢就覺得麻麻地之後仲叫左2杯蘆薈巨峰好有巨峰提子味 但蘆薈就少左D總的來說都過得去ge 不過下次唔會再食咖喱湯之前食過佢個蕃茄湯ok的 …Read More

見放假就帶丫媽去食好野第二次黎e間叫左個牛腩河、炸雲吞、雞翼、鮮油多仲有阿華田奶昔我最鐘意就係佢個鮮油多塊牛油大到呢~~炸雲吞都ok 卜卜脆又足料雞翼就冇咩特別個牛腩河ok 起碼牛腩唔會食到痴牙阿華田奶昔唔洗講啦 招牌貨黎ge整體黎講 好味！…Read More

因為放工後(5:00)要去金鐘考試(7:30)所以上黎搵下金鐘有咩好食見到e間又幾吸引咁就去試下仲記得我係5:30到金鐘一到左我就係咁搵係咁搵搵到問人都搵唔到 結果自己係咁亂行亂逛 終於係6:00搵到咁一入到去就唔諗咁多叫左個原味原味漢堡套餐 飲品轉藍莓奶昔佢係即叫即整ge 等佢整完就有職員親自拎黎比我一黎到就緊係食條薯條先啦點知比佢熱親條舌 我第一次食咁熱咁好味ge粗薯條其實係薯仔我都覺好味)之後就試下佢個藍莓奶昔 第一次飲有果肉(而且好多)ge奶昔跟住就緊係試個主角啦一打開就有一大塊酸瓜 (可自己選擇食唔食)我夾埋入去一咬 嘩 第一次食到咁好味ge漢堡 真係值得推介！！！我一定會再食！…Read More