Hau Yi Lee's Profile

今日特登入元朗，就係為咗食南香雞飯最出名嘅海南雞飯！🌟海南雞飯每件雞肉都好嫩滑，雞皮充滿油香，而油飯夠味得黎唔會好油，果然係名不虛傳，仲跟左一碗例湯同薏米水，全部都係自家熬製，飲得出無味精同屋企煲嘅一樣，感受到好有心機，薏米煲到軟糯，味道清甜好好飲。🌟班蘭咖央多士因為我鍾意食脆少少，所以嗌左焗耐啲，其實original 都好夠脆，而家就燶咗少少，斑斕醬同牛油融合之後好好味，香滑濃郁，邪惡又滋味！…Read More

嚟到永順緊係要試最出名嘅沙爹牛肉麵，星期日下午四點嚟到不用排隊，新裝修幾靚，但剛營業幾天樓面同事不太熟習，位置有少少窄，不過食物好味就得，嚟到永順緊係要試最出名嘅沙爹牛肉麵！😋🌟沙嗲牛肉（$21餸）、炸豬扒（$15餸）蟹王麵（$11麵底）牛肉有少少韌，有好多塊牛肉，炸豬扒好大塊好鬆軟，十分吸引，炸得啱啱好，沙嗲湯底好香濃，但冇以前咁杰，個人認為蟹王麵冇乜特別，可以唔駛加錢轉，整體都幾抵食，性價比高！🌟煉奶+鮮牛油轉豬仔包（$20）豬仔包炸到超級鬆脆，加埋大大塊鮮牛油同煉奶超邪惡😈，當然越邪惡越好食，冷熱交融呢個包俾滿分！🌟凍奶茶（$18）所有野飲都冇跟餐價，但絕對值得單點試一次，茶底濃郁、奶香醇滑，兩者比例啱啱好，建議少冰少甜，感受到茶味嘅回甘。店鋪：永順沙嗲牛肉專門店地址：元朗元朗安寧路2號冠煌樓地下F號舖推薦指數：4/5…Read More

嚟咗幾次都賣晒🥲，果然好受歡迎，今日四點去到已經剩返幾款，最想食嘅巴東牛肉同馬拉盞通菜都已經賣晒，唯有下次再嚟過！😆🌟咖喱喇沙叻沙摻摻面 $60湯底好香濃，喇沙入面加咖喱味道好特別，配菜有魚片頭、豆卜、新鮮大蝦🦐同泰國芽菜好爽脆，泰國螄蚶好新鮮，好正宗冇得彈！套餐包一杯熱薏米水，飲得出用心煲左好耐，薏米煲到好軟糯，清甜滋潤。🌟印度薄餅兩塊（跟餐小食）+$26口感鬆脆，但同超市買返嚟自己整差唔多，不過配埋咖哩汁食好香口😋，唔需要特別試，下次可能試吓咖央多士。價錢良心質素高，希望大家多多支持生意一直做落去，唯一不足係舖頭座位有啲窄，枱矮櫈高，食得有啲辛苦。地址：元朗西菁街10號地下6號舖推薦指數：🧡🧡🧡🧡🧡…Read More

寒風吹襲嘅夜晚唔知食咩好，譚仔三哥永遠係最佳選擇，呢期新出「火加哥」熱鍋系列，仲要水煮湯麻辣鴨血回歸一定要食！二人套餐包括自選一個熱鍋之外，仲有兩份米線/薯粉＋兩份配菜+兩份小食＋兩杯熱飲，份量十足非常滿足，重點只係$98 好抵食🥰🥰我揀左最愛既三哥水煮湯魚片鴨血鍋，湯底入面有豆卜、木耳、金針菇、目測有五六塊魚片，都幾嫩但有幼骨，鴨血一如既往鮮嫩好味，配菜揀咗魚腐、牛肉、加錢嘅豬潤，保持平時水準冇特別驚喜，而小食揀咗手拍青瓜、尖椒皮蛋，份量岩岩好兩人夠飽，如果食厭普通米線，可以試一試呢個系列轉下新意。野食十分鐘就黎左，速度都算快，環境都乾淨坐得舒服，價錢划算推薦大家食，尤其係水煮湯底，希望呢個系列可以做耐啲。…Read More

聽講係人氣米芝連推薦餐廳 @involtini.concept 姊妹店，餐廳所使用意粉係每日新鮮製作，由曾任米芝連三星餐廳廚師主理。開係屯門好適合住係大西北嘅我，唔駛出市區都食到咁高質素嘅意粉同risotto，fusion得黎充滿特色又好味，同埋店員推薦嘅sparkling red wine好好飲，絕對會二訪！❤️手造意大利麵配西班牙紅蝦一上檯就聞到超香濃嘅蝦味，店員建議先講蝦頭嘅蝦膏吱落意粉撈埋一齊，意粉好有咬口完全感受到心機滿滿，蝦肉飽滿有彈性，十分新鮮好有蝦味，同番茄醬汁好夾，超級滿足！❤️松葉蟹甲羅燒蟹膏意大利飯濃郁蟹膏混合細膩蟹肉和生鵪鶉蛋，口感醇厚濃而不膩，一口接一口好快食曬，味道超乎期待，十分推介！整體黎講好推介大家試下，店員服務態度很好，隨時關注你有咩需要，食物質素冇得彈，唯一希望份量可以多少少，值得支持絕對唔會失望！…Read More

嘉多娜係香港其中一間好有良心嘅餅店，用料講究、味道出色，每款麵包我都好鍾意食。佢哋因為法式布甸包突然爆紅，坊間出現好多模仿者但係都無法超越。油麻地店長期排隊，但佐敦店一入去就買到唔使排，建議大家過嚟呢邊買。🌟比利時黑朱古力布甸包面頭有一層朱古力漿醬，十分濃郁分量多，中間就係原味布甸，但食到最後有啲漏，建議兩個人分享一個。🌟開心果脆脆泡芙泡芙外皮好脆，入面啲開心果醬一咬落去湧晒出嚟，十分澎湃毫不吝嗇，味道好香濃，啱晒開心果控嘅我，一定會再買來食。…Read More

原本以為呢啲主題餐廳食晚飯味道一般，點知呢間全球首間變形金剛主題餐廳竟然唔差，由門面裸眼3D大螢幕到內部環境明顯感受到重本打造，聽講柯柏文模型用咗七位數字製造，實物好震撼完全值回票價，而且位於銅鑼灣黃金地帶食物價錢都好合理，漢堡包最低只需要$60就有交易。🌟海苔鱈魚黑色包皮好特別，仲要係變形金剛造型有創意，食落有淡淡麥香，鱈魚香口熱辣辣，蔬菜十分新鮮。🌟安格斯黑松露牛肉鮮嫩多汁，加埋黑松露醬香濃開胃，雖然好食不過性價比唔夠海苔鱈魚高。🌟勁脆雞塊呢個雞塊十分出色，食得出調味過先炸，而且炸得啱啱好，一咬落去啲肉汁瀉晒出嚟，雞肉超嫩，最推介試！🌟飲品 藍色星光呢款其實係青檸梳打，飲落好Fresh，尤其夏天飲超級正，用左蝶豆花健康過飲汽水，入面仲有啫喱口感好豐富。🌟飲品 四季冰晴茶底甘香唔澀，食完炸雞再飲好解膩，入面有蒟蒻甜甜地中和返茶嘅甘。…Read More

每次假期經過呢間Cafe都大排長龍，今次同朋友慕名而來，試完都終於知道點解無論日曬雨淋都咁多人啦！木系裝修好文青，嘢食同裝修都好靚啱晒打卡，不過座位少需要等比較耐。🌟Egg Benedict見到擺盤咁靚即刻食慾大開，牛油果好新鮮，煙三文魚同溫泉蛋好夾，配埋熱香餅食好滿足，側邊有芒果醬同果仁食落好開胃！🌟Tiramisu Croffle呢個甜品應該係Signature，見到每台都有嗌，牛角包窩夫外皮脆卜卜，咬落煙靭香甜，口感好得意，仲有兩塊手指餅插喺雲呢拿雪糕上面，將佢俾嘅Espresso咖啡倒係上面冇咁漏好好食。…Read More

係旺角行街經過呢間炭燒鰻魚飯專門店，俾佢門口嘅直播屏幕吸引到，見到廚房實時燒鰻魚好有誠意，而且喺香港食鰻魚飯價錢都唔平，呢間又唔算貴喎，一於試吓！🌟炭火白燒鰻魚飯 $118成份定食附送魚湯同自家製前菜—鰻魚汁燒瑤柱絲，好香口送飯一流。而鰻魚飯面頭有脆炸鰻魚骨同紫菜，口感得意又豐富，餐廳宣傳話喺用美洲鰻鱺，肉質彈牙厚實，用鹽調味過之後先用炭火燒，食落皮脆肉嫩，鮮甜之餘好香炭火味，白飯係用日本AAA級夢美人珍珠米，香甜煙靭有黏性，同鰻魚好夾。🌟鹽燒牛舌芯 $58一份有五大塊牛舌，每塊都好厚而且好重牛味，油脂都十分豐富，燒到啱啱好唔會好老。餐廳座位唔多，晚市需要排隊等一段時間，建議可以早少少嚟。推介指數：8/10…Read More