二人套餐包括自選一個熱鍋之外，仲有兩份米線/薯粉＋兩份配菜+兩份小食＋兩杯熱飲，份量十足非常滿足，重點只係$98 好抵食🥰🥰
我揀左最愛既三哥水煮湯魚片鴨血鍋，湯底入面有豆卜、木耳、金針菇、目測有五六塊魚片，都幾嫩但有幼骨，鴨血一如既往鮮嫩好味，配菜揀咗魚腐、牛肉、加錢嘅豬潤，保持平時水準冇特別驚喜，而小食揀咗手拍青瓜、尖椒皮蛋，份量岩岩好兩人夠飽，如果食厭普通米線，可以試一試呢個系列轉下新意。
野食十分鐘就黎左，速度都算快，環境都乾淨坐得舒服，價錢划算推薦大家食，尤其係水煮湯底，希望呢個系列可以做耐啲。
