LeeHannah的個人專頁

因為工作關係今日去中環做嘢，做嘢前緊係食是靚午，用膳時撞正打工仔放飯時間，但都好好彩搵到位食飯，餐廳有上下兩層，星期六日黎CHILL下應該都唔錯💗食物質素如預期，夠熱夠新解，一舊大啡菇加巨量黑松露醬，個人此為個醬多咗少少，食完好流，但以咁繁忙嘅時間佢出餐都想快，坐低5分鐘就有得食，單叫都係$65，呢個價錢、質素同速度，絕對係適合各打工仔嘅(*^ω^*)但嘢飲方面我就一般般，叫咗杯Ice Americano，第一啖覺得咖啡偏澀，不過飲落好似有少少陣陣果香味（少許提子香味，唔知味蕾有冇壞了🤣），如果咖啡唔係咁澀，我會加返分的！跟餐嘢飲加$18。職員態度都親切，咁繁忙嘅時間都會幫手送餐，唔加一我覺得OK啦，極體性價比幾高🥰…查看更多

今日早咗收工就過嚟行吓附近嘅新商場，睇吓有冇啲高質嘅Cafe可以試吓，喺門口望過個Menu覺得佢哋嘅食物都算係多元化，所以就入咗嚟試吓。食物方面除咗Cafe一定會有嘅意粉、Burger、ADB、甜品之外，我見佢啲煮食仲有一啲健康嘅食物，款式方面都幾多。🫣咁我就叫咗個較為普通嘅牛肉漢堡包，覺得佢嘅漢堡扒幾Juicy，入邊仲會答埋少少微辣嘅洋蔥，我覺得好正；薯條都係啲普通嘢配黑松露蛋黃醬。飲品方面冇乜好特色嘅飲品，我自己就叫咗，但係我覺得你嘅咖啡豆有啲炒燶咗，味道方面我就覺得麻麻地。我見到隔籬枱帶咗個甜品窩夫好似勁吸引，但係因為我自己一條友食唔到咁多，下次會再過嚟試吓佢嘅甜品係咪真係咁好食先。另外都提一提呢一間舖頭都係要你自己掃QR CODE落單同埋手機俾錢，我就覺得對於用開現今嘅朋友仔嚟講就唔係咁友好，呢個位置我就覺得要扣番啲分了。…查看更多

夏威夷魚生飯好似係喺2021年到（好似仲係處於香港疫情時期）開始興起，當中都食過有幾間覺得非常出色嘅夏威夷魚生飯舖頭，而Poke Go呢一間係我覺得水準依然都保持穩定，而且食物質素差嘅舖頭。主食方面—自選的Poke $78蚊起作為一個有主見嘅食貨，我當然係選擇自選嘅Poke Bowl，我嘅配搭係三文魚、枝豆、海帶同埋麻醬豆腐（$118），每一種配料食物質素都好穩定，個人好鍾意呢一個嘅配搭，營養豐富又好味。醬汁方面我揀咗最穩陣蜜糖芥末醬，配料方面就梗係全部都揀晒啦，當然你亦都可以走某一部份嘅配料都得。同我同台嘅朋友都係叫咗三文魚、海帶、雞蛋絲、三文魚籽同蟹肉，佢對於食物整體嘅評價都覺得唔錯，但係唯獨蟹肉就覺得好似有啲腥。ʕ•̫͡•ʕ•̫͡•ʔ•̫͡•ʔ•̫͡•ʕ•̫͡•ʔ•̫͡•ʕ•̫͡•ʕ•̫͡•ʔ•̫͡•ʔ•̫͡•ʕ•̫͡•ʔ•̫͡•ʔ小食方面—和風炸雞亦都係保持水準嘅小食質素，和風口味嘅炸雞都不外乎一定係會加咗蛋黃醬，燒汁作調味好好，最後再加埋木魚碎作一個裝飾。口味上當然沒有驚喜，但係新鮮熱辣整出嚟嘅炸雞，唔可以講一定唔會差！整體來講，我覺得呢間舖頭可以繼續保持到食物嘅質素我都覺得唔錯，係一間可以持續番町嘅舖頭，不過如果小食嘅款式可以再多啲就好了 …查看更多

晚上七點到達已經見到前面有4對情侶喺度排緊隊，幸運地唔使等咗好耐，就已經有位可以入去。環境方面唔算大，不過裝修都算是正，比較適合，禮拜六日過嚟輕鬆CHILL 1 CHILL♪( ´▽｀)Order佢哋其中兩個signature—開心果Latte同忌廉芝士焦糖餅乾布甸，仲叫咗個牛面頰嘅飯同黑松露貓耳朵粉。雖然每個食物個樣都叫做不過不失呃到下人，但係食物質素真係不敢恭維飲品方面 — 開心果LatteBarista個拉花都拉得幾靚，見到顏色仲好青綠，仲以為會有十分之濃郁嘅開心果味道。但飲落只有淡淡的開心果味，咁淡嘅開心果味但係青BB咁我做埋嘢落咗好多食用色素添…我見到係推薦飲品仲滿懷希望，點知換來個失望…主食方面 — 牛面頰嘅飯同黑松露貓耳朵粉主食都預咗個樣不打卡，所以樣子上我覺得都冇咩好comment，主要希望味道上搭救就可以了。但主食唔夠熱只係暖呢樣嘢真係不行。牛面頰都叫夠唸都算可接受；黑松露貓耳朵粉我覺得根本就係餐湯嗰啲汁倒落去，味道不過不失，但食物唔夠熱個下已經係另一個失望了…甜品 — 忌廉芝士焦糖餅乾布甸不夠滑身，唔算有驚喜，普通焦糖布甸一個。…查看更多