foodzeroone's Profile

呢間餐廳嘅老闆對食材用料都幾嚴格，刺身全部都做得幾出色，色彩係有質素。北海道帶子刺身（6片）帶子食落去味道都好鮮甜，口感幾好。原隻赤貝刺身（1隻）赤貝勁鮮甜，一咬落去超級彈牙就知道質素係超級好。碎蔥吞拿魚腩反卷一口既大細啱啱好，最鍾意係佢入面啲碎蔥配埋吞拿魚一齊食勁夾。日本特上海膽手卷呢個建議就咁食唔落豉油，因為海膽本身味道好鮮甜，配埋手卷一齊食個味道就好平衡。刺身三點兩切＋細烏冬（藍鰭中拖羅刺身、油甘魚刺身、三文魚刺身）拖羅魚油味幾濃，食得出好新鮮，油甘魚同埋三文魚都做得唔錯，配埋個熱烏冬一齊食勁開心。辣酒花螺份量都幾多，係凍盤嚟嘅，辣辣地幾有咬口。火炙左口魚邊壽司、火灸紋甲魷魚壽司火炙壽司都做得唔錯，左口魚邊油脂好濃，魷魚壽司都好鮮甜。立鱗燒（兩件）呢間居酒屋嘅立鱗燒做得超級好，用馬友魚嚟煎到魚生啱啱好，另外個魚皮燒到勁靚，燒到一條條厚落去勁脆口，魚肉都仲保留到嫩滑同埋充滿魚油，呢個必點。…Read More

佢哋個二人餐都算抵食，是日餐湯係好濃嘅蝦湯，飲得出係用咗好多蝦精華打落去，好濃味同埋好好味。田園沙律入面嘅羽衣甘藍好新鮮，同埋有啲係紫色嘅視覺上超靚，入面仲有藜麥同埋牛油果，仲有啲結果去埋一齊好夾。蒜香牛油清酒煮蜆配法包，個法包烤得好脆，同埋入面都幾多蜆肉，個清酒汁都幾香。鮮香清新薄切油甘魚刺身，油甘魚刺身佢有特別處理過，入面加入咗啲花椒粒味道幾特別，再配埋三文魚籽一齊食口感好豐富。慢煮芝心雞卷配香草蕃茄醬，份量都幾多，雞肉慢煮處理極滑，入面仲有勁多芝士，去埋佢個蕃茄醬酸酸甜甜勁好食。紅酒燉牛面肉旋風蛋飯，牛面肉好腍同埋好有咬口，個蛋都整得好滑。薄荷朱古力奶昔、開心果奶昔，呢度嘅奶昔好滑，同埋味道都好好，一定要試。…Read More

一入到餐廳見到好多靈芝嘅擺設，同埋好多靈芝嘅證書就知道呢間餐廳靈芝嘅原材料好靚。佢哋會送杯Cocktail，酸酸甜甜幾好飲。靈芝七味脆脆係用靈芝油炸嘅脆脆，都幾香口幾好味。招牌靈芝四季濤潤椰子雞湯底（含靈芝及遠雞半隻）店員提我哋落野之前記得飲湯先，湯底好清甜飲得出好大浸嘅靈芝味道，今日見完之後就開始落雞，清遠雞好重雞味，同埋唔會好多雞油，勁好食。手切本地牛頸脊師傅切得好厚身，咬落好有口感， 碌8-10秒就啱啱好，食落去好重牛味，推介必點。配埋啲唐生菜，吸收咗靈芝、雞同牛肉嘅精華，食落口勁甜。竹蔗芧根水竹蔗茅根水都幾甜，聽店員講都有落靈芝，同出面飲係有啲唔同。…Read More

薯條紅甜椒粉（辣）薯條份量好多，配埋個甜椒粉食到停唔到口，仲有黑松露醬令到味道層次即時昇華。香烤慢煮伊比利豬鞁豬鞁有驚喜，肉質鮮嫩，同埋食落去肉有甜味，必叫！百草白酒煮海鮮拼盤配蒜香法包我幾鍾意佢個白酒汁，入面有煎香咗嘅牛油帶子，魷魚，蜆，同埋蝦，材料新鮮配埋個白酒汁超級惹味，個蒜香法包亦都做得幾好。澳洲150日款穀飼黑毛安格斯牛西冷西冷燒得啱啱好，個外層燒得好香口同埋香脆，今次叫咗五成熟，肉質中間都仲係粉嫩食，配少少粗鹽食肉味好重。巴斯克芝士蛋糕個蛋糕做得幾厚身，配埋個奶蓋cream一齊食好軟滑，同埋唔算好甜。Quezaco Moelleux, IGP Cotes de Gascogne白酒做緊買一送一好抵飲，呢杯就偏甜身。…Read More

今次叫咗鹿兒島黑毛和牛A5 （二人前），餐廳佈置幾靚，好重日本裝修風格，同埋枱同枱之間都有一定距離，私隱度幾高。前菜漬物店員會幫手處理食材，個鍋湯底會用佢哋自己準備嘅棉花糖，打卡一流。呢度既和牛有證書食落去就有保證，店員好細心會問我哋想食幾多成熟，配埋佢哋自家製調配嘅蛋汁，食落口超級好食，油脂分布平均。Aoi Umi 青之海，個菠蘿汁超級鮮甜，酸酸甜甜勁好飲牛舌芯燒得啱啱好，咬落去好鮮嫩。雞胸肉配埋少少芥末一齊食勁惹味。燒秋葵、翠肉瓜、冬菇，三款蔬菜我最愛秋葵，呢度嘅燒物都做得唔錯最後食埋個蔬菜同埋烏冬，佢個湯底唔會好甜，我覺得啱啱好可以食返食材嘅味道，最後個甜品柚子雪糕都好清爽好好食…Read More

佢個午市海鮮點心放題勁抵食，一坐低已經見到個海鮮櫃入面勁多海鮮，全部都勁新鮮。佢個燉湯幾足料，入面仲有響螺頭勁滋補，之後仲有個冬菇油浸油麥菜，有菜食最開心。海鮮分別揀咗鮑魚、元貝、海貝盛盆、同埋北寄貝。呢度啲店員服務滿分，佢哋會幫手蒸海鮮，全部都蒸得啱啱好。鮑魚有落果皮一齊蒸，勁鮮味蒜蓉粉絲元貝食落好鮮甜，粉絲吸收晒元貝嘅精華勁鮮甜花甲同埋沙白都好甜同埋好北寄貝好厚肉，食落去勁鮮甜勁有口感，記憶點最高食完海鮮之後就開始食任食點心，佢呢度嘅點心全部都係即蒸，都係由店員幫手蒸，服務真係超級到位。蟹籽燒賣皇同原隻蝦餃皇，呢兩樣必叫，燒賣勁大粒入面勁多蝦，蝦餃個調味做得好好，入面勁多料勁大隻。咖喱蒸魷魚個咖喱味我好鍾意，呢間算係做得好好，同埋佢入面有炸過嘅薯仔。之後仲食咗好多款唔同嘅點心，份量全部都好充足，同埋樣樣都做得幾好。佢仲要包好多唔同嘅嘢飲，最正係有任食雪糕，海鹽味超級好食。…Read More

老闆自己調製嘅兩款特別醬汁都未到唔錯，芫荽汁個後勁都幾重芫荽味，辣汁都唔錯，仲有孜然粉。呢間餐廳樣樣燒物都好好味，每款食物都有特別嘅醬汁，每一款都好有層次，同埋最緊要係佢有好多$10嘅串燒。溶岩炸蝦球，熄嘅時候記得要小心，因為入面有少少流心會好熱，個炸漿幾好食落去脆卜卜我勁鍾意。Kirin、鴨屎香檸檬茶蜜糖燒菠蘿、香燒翠玉瓜、燒汁秋葵菠蘿勁甜勁正，翠玉瓜應該落咗牛油燒幾特別幾好味，秋葵燒得啱啱好。蒜蓉燒冬菇、蒜蓉燒原條茄子、焗銷魂麻辣金菇佢呢度燒嘅茄子都燒得幾嫩，連皮食都唔會覺得塊皮好老，真係燒得啱啱好。麻辣醬勁辣，少少已經好夠味。汁燒油豆腐、炭烤吐司兩樣都燒得好乾身同埋香口，配啤酒一流蒜蓉燒珍寶生蠔（買一送一）生蠔勁大隻，仲要做緊買一送一，必點汁燒白鱔勁滑勁新鮮、汁燒大蝦好惹味、汁燒金菇五花肉捲、鹽燒豬頸肉、鹽燒雞頸皮、汁燒牛肋肉、麻辣雞腎牛油燒bb蘆筍、鹽燒雞膝軟骨、孜然紫蘇豬五花蝦、爆茜汁雞肩肉鹽燒雞腿肉、泰式燒豬頸肉、鹽燒雞中翼兩隻、鹽燒五花肉…Read More

檸檬蜜糖醋配鮮果沙律沙律酸酸甜甜好清新，蔬菜好新鮮配埋個蜜糖醋一齊食整好味，同埋入面有好多生果，士多啤梨同芒果都好甜，做開胃菜一流。蜜糖芥末雞翼雞翼好大隻炸醬炸到脆卜卜，配埋蜜糖芥末一齊食味道勁夾，雞翼係必叫嘅，見到差唔多台台都有叫雞翼。帶子海鮮喇沙意粉喇沙味道啱啱好，個汁個質地都唔錯，唔會太稀亦都唔會太杰身，意粉個口感要讚，廚師控制得啱啱好，入面仲有好多小貝柱，最欣賞係佢個帶子，外面用牛油煎香左，同埋我落去食到有海水味。期間限定-蜂蜜新鮮蜜瓜碎冰飲得出用咗好多鮮蜜瓜打出嚟，味道好清新。藍莓香印伯爵茶糯米窩夫入面好香印提子，糯米窩夫咬落去煙煙韌韌口感幾得意，伯爵茶醬好重茶味，配埋雪糕食一流。…Read More

究極炎之丼招牌海鮮丼果然靠得住，入面好豐富有赤蝦、左口魚裙邊、灸燒帆立貝、芝士同三文魚肉，左口魚裙邊燒到燶燶地好香，佢個招牌赤醋飯好香酒粕發酵味，出面食唔到，真係必試。原條海鰻 海鰻好大條，成條食晒勁滿足，鰻魚迷必叫日本魷魚鬚、炸雞軟骨配海膽醬呢度嘅炸物炸得幾香口，配埋啤酒一流半熟玉子、軟骨雞肉潘淑玉子我幾鍾意，佢隻蛋食落去好滑亂，個蛋黃好香蛋味。叫咗啤酒點少得雞軟骨，送酒一流。明太子什菌地雞pizza 唔係好多居酒屋入面有pizza，今日咁啱特別想食pizza，推介佢個明太子雜菌，最緊要呢度係生啤買一送一，最啱同朋友一齊嚟食吓嘢飲吓嘢…Read More

餐廳做緊$98任飲清酒同啤酒勁抵，仲有好多特價串燒都係$19一串，超抵。炸牛蒡絲唔係好多地方見到有，食落去好脆口同埋好香准鹽味。脆炸白蝦食落去好鮮甜，咬落去脆卜卜送酒一流。雞皮蝦，蝦肉好實淨配埋雞皮一齊食勁邪惡，最貼心係蝦尾已經處理咗，可以成隻食晒。大蔥雞腿肉同雞胸軟骨，呢度嘅雞肉燒得好乾身，咬落去好香口，我好鍾意。牛肋條好重肉味同埋有咬口。免治雞肉棒，每次食物都必定要叫，去埋個燒汁一齊食，食到停唔到口。秋葵燒得好乾身，配埋個汁食勁惹味。焦糖菠蘿面頭好大塊焦糖，酸酸甜甜好好食。蘆筍豚肉卷，蘆筍燒得好鮮嫩，配埋豚肉一齊食勁夾。牛肋條好重肉味同埋有咬口。大啡菇咬落去勁Juicy，好少餐廳會俾埋個菇定，聽店員講話因為佢哋嘅蔬菜會用油浸過鮮燒，所以特別腍。…Read More

座位好闊落，食吓小菜送吓啤酒一流，佢個前菜食落去超級開胃，辣度啱啱好。宮保蝦球蝦球入口芳向撲鼻，糖同醋嘅比例配合得天衣無縫，蝦肉好實淨同埋彈牙，同埋份量都好多，啲花生都好香口脆卜卜，另外唔少得佢嘅京蔥，超級有驚喜。乾扁四季豆四季豆炒得好乾身唔油膩，同埋好香真係超級好餸飯，一上枱嗰陣時勁重鑊氣味，食到停唔到口，配合埋欖角嘅味道真係食到舔舔脷。椒鹽魷魚鬚魷魚鬚份量都好多，配合埋佢個椒鹽炸漿食落去超級惹味，魷魚鬚個口感一流，唔會炒得過左火，配埋佢大量洋蔥一齊食都好好味。糖醋里脊里脊炸得好脆口，呢間餐廳所有菜式嘅份量都超級多，真係超級啱一家大細嚟食，個炸漿同肉嘅比例調配得幾好，再掛埋個汁酸酸甜甜，全部菜式送飯都一流。…Read More

泰式小食薈萃，酸辣無骨鳳爪食落去超級開胃，泰式蝦多士入面有成隻蝦咬落去脆卜卜味道幾好，紅磚豆腐外面入面勁滑，炭燒豬頸肉配埋個泰式汁食一流。炭燒沙嗲雞串雞串燒得勁香同埋勁鮮嫩，份量都好多。泰式椰香鮮雞湯入面有超級多椰子同埋個湯飲落去好重椰香味，好飲到停唔到口，同埋雞食落去都有雞味。酒香火焰骨店員倒個油落去嘅時候，見到個火焰骨着火即刻流晒口水，完全感受到火焰個溫度，豬軟骨食落都好鮮嫩同埋個味道調得好惹味。泰胡椒和牛炒糯米河入面超多和牛勁豐富，師傅全部菜式調味都做得幾好，同啲配菜一齊炒得勁香，個糯米河煙煙韌韌好好味。黑糖椰子雪糕椰子雪糕唔會太甜，同埋入面有好多香脆嘅椰絲，仲有桃膠食落好滋潤。…Read More

餐廳幾好配料可以無限加，有中華沙律、韓式芽菜、薯蓉，沙律菜同埋山楂。亦都有特色醬汁同埋芝麻醬用嚟點燒肉。老太太特色肥牛我幾鍾意佢嗰調味，肥牛燒完好嫩滑口感亦都唔錯。韓式風乾腸比想像之中好食，外面有一層脆皮，腸肉亦都好好食同埋有咬口。無菌蛋燒肉塊燒肉肉色好靚同埋都好大塊，店員教我地燒完之後剪短佢，配埋無菌蛋一齊食。香翁鳳梨牛排一邊燒菠蘿，一邊燒牛排，兩樣嘢都燒到燶燶哋嘅時候夾埋一齊食勁Juicy。厚切豬五花細火一邊燒到金黃色之後，再轉另一邊燒到金黃色，之後夾少少蒜頭，再落勁多燒烤醬夾菜一齊食勁惹味。白蘑菇燒到個菇好多汁嘅時候，就可以食得啦，個汁勁重蘑菇味，超正。豬五花泡菜湯我自己就好鍾意飲泡菜湯，入面都好多材料，因為都食咗好多燒肉，飲啲湯一流。…Read More

座位都幾舒服，同埋店員服務亦都好到位，整體感覺都好好。前菜會有個沙律，好香嘅柚子醋味，配埋豆苗、沙律菜、蕃茄仔、好甜嘅南瓜，仲有大量椰菜，最貼心係可以成粒食嘅粟米，（已經處理咗冇粟米芯)。另外個蘿蔔蓉茶碗蒸都好清新，成件事勁啱夏天食好消暑。廚師發辦刺身丼店員細心介紹進食的次序，一邊係刺身，另一邊係火炙過嘅魚生，入面有好多款唔同嘅魚，我自己就先食海膽同埋三文魚子，入口勁甜勁新鮮，入面有各切咗嘅海老味道勁鮮甜，亦都有蟹肉同埋火炙過嘅金目雕，大拖羅油脂分布好平均超級好味，不愧係餐廳嘅主打，入面仲有好大粒帶子，所有魚生都好新鮮係靚料嚟嘅，一部份刺身同埋一部份火炙，就唔會咁悶，口感豐富好多。江戶前散壽司入面亦都有海膽同埋好多三文魚，整體上同廚師發辦刺身丼相近，個飯底有啲唔同係薑絲紫菜，入面亦都多咗啲漬物、每次見到有牛蒡我都好開心，仲有豆皮同埋玉子燒，我覺得都係屬於日本菜式嘅靈魂之一，魚生全部都好新鮮。最後飲埋個櫻花蝦味噌湯，暖一暖胃，個人即刻舒服晒。…Read More

師傅有31年處理日本菜式嘅經驗，食材用料上乘，聽師傅講食材係由日本每日到貨，同埋師傅都有好濃厚嘅日本文化經歷，會同客人互動成個過程都會開心，因為全晚座位得10個，所以一定要提早訂位。先付蟹仔入面好多膏成隻食得，牛蒡淮山卷同昆布卷都做得好精緻，細緻嘅食材味道，魷魚配長野蘆筍味道比較強烈配酒一流。京都名物梅子汁鱧魚，師傅用豐富嘅刀工處理咗魚肉將骨切到好短，食落去唔會影響口感，另外順菜好似啫喱咁都好好食。刺身五點四國愛媛縣鱸魚味道清爽。愛知縣赤貝。北海道北寄貝味道好重貝殼味，平時好少食到活體我個人最愛。白蝦刺身口感好有膠質就咁食已經好好食。岩手縣紫海膽師傅講有兩款口味、清甜同埋礦物味，記得同隔籬位交換試吓。季節料理白蝦丸配京都青椒仔，食咗三款白蝦嘅料理，我自己最愛炸白蝦。粟米天婦羅分別有黃色同埋白色，黃色好甜，白色粟米味就比較重。壽司十貫睇師傅處理食材，就會睇得出係不計成本，將最好嘅留俾客人。和歌山鮎魚靜岡縣金目鯛關鯖要好高級別嘅鯖魚先可以生食，同平時食熟嘅完全唔同，好食好多。甘蝦食落去好清甜。石垣貝師傅一拍落去成條彈起，好濃烈嘅貝味池魚。和歌山中拖羅油脂分布平均，入口味道超豐富。大拖羅大拖勁肥美勁新鮮，睇住師傅將好大舊嘅大拖羅，淨係保留咗大約五份一嘅最佳位置，師傅放咗少少鹽，令到大拖大拖油脂分布更加平均。赤身。北海道馬糞海膽卷，見到師傅將超重份量嘅海膽放上壽司飯，再配埋紫菜一齊食一啖放落口超級滿足。麵豉湯蔬菜魚，最後配個熱湯暖一暖胃即刻滿足好多。甜品有熱情果芝士餅同埋富良野赤肉蜜瓜。…Read More