ChanKaspar的个人专页

今日 lunch冇飯食， search 到公司附近有肉燥飯食，睇其他食評話態度麻麻，但又真係好想食肉燥飯，所以冒住比人黑面嘅情況下都要去試一試。成個鋪面以黃色為主，外型設計都好年輕化以女性店員為主，店員都好nice，又唔會話黑晒面喎都幾多人食，但因為一個人關係，所以都好易有位坐。見到一有客人食飽去埋單後，店員都夾手夾腳極速清理set枱，可能管理層有睇食評，換左啲態度差嘅店員掛？- 好吃鹽酥雞扒 + 燥底飯-放上黎時熱辣辣，雞扒都出晒煙，但蛋就稍為凍左啲，雞扒好大塊，份量都多，係肉燥同汁就唔係好夠，我點左辣味肉燥，辣度適中。有三種調味粉可以落海苔粉：普通紫菜味七味粉：由於我食辣肉燥，所以冇感梅子粉：好香!甜甜地帶微酸，又有梅子味，正!一定要試- 蜂蜜紅茶-中規中矩嘅一杯飲品，冇乜特別如果價錢可以再親民少少就好喇…查看更多

星期日約左朋友去屯門行街，本身我一直都想試下食茶木，但條隊排到好長，所以最後轉左去食 cafe360餐牌好吸引，好多款都想試好彩唔多人排隊，我地好快就有位坐開放式環境，空間唔算闊落，但都唔會感覺好迫，坐位都舒適- 溫泉蛋照燒汁豚肉熱石鍋飯-- 焗法式皇冠酥皮野菌磨菇忌廉湯 + 肉醬意大利粉--芝士野菌和風雞肉滑蛋Pan Pan飯-上菜時啲柴魚乾好吸睛，份量多，鐘意佢蛋包飯嘅造型，而且啲飯有茄汁味架! 但可惜蛋熟左小小，唔似滑蛋，同埋芝士味蓋過左野菌，唔係好食得出有野菌嘅味道，其餘兩款就冇試過，所以不能評價喇。-熱情迷可可-朋友點的，賣相好吸引，睇落好高糖份，朋友話食完面嘅朱古力同棉花糖後，可能太甜關係，所以底層嘅朱古力就飲唔出味-凍紫薯牛奶-本來以為係細細嘅棉花糖仔，點知原來係咁大舊，唔會太甜，少少流質同“潔“身，感覺上好足料，飲落好似有啲渣可以食咁題外話：食食下突然有個侍應走過黎一邊執我地啲野去隔離枱，一邊話佢要合張六人枱比其他客人，雖然好突然，但都有唔該我地嘅…查看更多

次次游完水經過都會見到呢間餐廳，成日覺得餐廳外觀好靚好吸引，見open rice有得訂枱，即刻約埋朋友試一試。鋪頭名有玩食字鋪頭入面唔大，但裝修睇落乾淨舒服小店黎講都算好多野食可以揀-慢煮原隻德國咸豬手- (真係不能不食)見隔離枱叫左，好大隻，我就提議叫一隻 share食， 皮脆肉嫩，咸度適中，連伴碟嘅粗薯條都好好食，係翠玉瓜略焦左小小，個醬汁應該係蜜糖芥辣，好後悔好遲先點黎食，好好味-忌廉汁吞拿魚長通粉-- 黑松露大蝦意粉--香噴噴黑松露蘑菇意大利飯--特製雙重肉醬意粉-好有心機，第一眼仲驚食唔飽，但原來碟中間有凹位，而且堆得高，所以睇落精品，但其實份量一啲都唔小，仲食到好飽添。肉醬意粉肉醬超多，唔係出面hea到爆嘅一粒粒肉醬，而係真係一舊舊嗰啲肉醬。另外我好怕好甜嘅肉醬，因為怕落好多糖中和酸味，但呢款就剛剛好。朋友們叫嘅其他粉飯就冇試過，所以不能評論喇+$20跟餐連湯同包賣相都好靚蒜蓉包好香，本來以為成舊都好脆，但食落好鬆軟，好好食，有機會一定跟餐原先四人食左$528，但經 open rice訂枱有折，最後埋單$470，每人唔洗$120就食到咁高質素，平靚正!小店加油~…查看更多

J大大係元朗開左一段時間，小店黎講應該有好野食先支持到咁耐，上次想食嘅時候啱啱好收鋪，搞到冇緣食到。今次冒住寒風都要去試下。一睇個名咁搞鬼就覺得係年輕人開店舖位置唔難搵，係B仔對面嘅馬田路，球場附近，位置好小，得4-5個位。門口有啲摺枱，唔夠位坐應該會開埋出面。點餐前要小心留意餐牌啊，有啲套餐係汽水配薯條，有啲就淨係加一蚊要汽水招牌J熱狗 單點$35，跟餐$45，價錢略貴麵包暖得黎脆脆地幾好食芝士可以拉長絲，不過冇咩芝士味醬唔多唔少，適中肉碎再多啲就好喇重點：收錢姐姐好友善好好笑容…查看更多

一直都聽過沾麵，但從來都未食過，咁啱見元朗有間評價不錯，聽講要成日排隊嘅鋪頭，所以收工即刻仆去元朗試下。1800開門，我1745去到已經排第四，店員已經係入面預備緊隔左陣就有店員出黎幫我地落單先，店員話麵底固定有小麥同黑胡椒，而今日 special就每日都唔同終於開門喇，一入到去就有好大陣叉燒味。店員逐個逐個安排座位，店內空間不大，坐係到係會對住廚房題外話：廚房有三位師傅，其中兩位共用一個水槽，一位處理緊食材，另一位洗緊野，師傅都小心翼翼咁洗，怕彈到啲泡泡係食材到全店座位唔多，大約有10-11位，而且有點擠迫今日special-甘筍麵底份量比預期中多，聽到旁邊兩位食客點左小麥，外表睇唔出有咩分別，麵黏住一pat黑蒜油湯底有蒜香，但油膩同好鹹，食完要狂飲水，鹹到完全蓋過麵嘅味道，難以想像旁邊食客可以連湯都飲晒，叉燒同蛋都一般，冇驚喜。而筍甘甜，最好食有店舖名嘅海苔屬打卡位…查看更多

Thank God it's Friday，咁辛苦捱到星期五，收工梗係要獎勵下自己啦。收工又唔想出油尖旺食貴野，即刻 search下屯元天有冇拉麵店好食，然後就搵到野川拉麵。原來位置就係新b仔隔離，門面好花碌碌，以前經過成日以為係飲野嘅地方。由於只想食拉麵，所以集中注意睇拉麵嘅部份-自家制叉燒拉麵-我揀左芝士湯底，湯好濃但味道唔鹹，如果再加多塊芝士就好喇，質地比較杰身，配料小，荀同麵冇乜特別，粟米份量好小，蛋偏熟冇流心感覺同有啲凍，但叉燒好好食，堅有叉燒味，唔會太鹹又帶點甜味。-綠茶可樂-倒插方式好特別好搞鬼，比我預期中大杯同好飲員工服務態度好友善，可惜只收cash，另外如果綠茶可樂可以同主食配成套餐唔洗單點就好喇。…查看更多

一行四人有一半都係大胃王，本身打算係荃灣廣場食大阪燒，但見到太多人排隊，所以大食朋友提議去 city walk食上海婆婆。晚飯時間關係，等左10-15分鐘先有得入都好多人食架，用餐時間為入座起計1.5小時，所以時間都幾趕-上海酸辣湯 (例牌)-朋友們極力推介，但我個人覺得只係辣嘅碗仔翅。不過朋友話另一間分店份量多好多，我地四個人，只係啱啱夠一人一碗。-雞絲伴粉皮-可圈可點，如果麻醬多啲就好更好喇- 花雕醉雞-朋友們極力推介，酒味的確好重，不過雞本身冇乜味，主要係靠汁搭救。朋友們覺得唔夠喉，再叫多左碟。-上海小龍包-好食，咬落去會有汁爆出黎-上海炒麵-味道ok，但麵比想像中淋身-黃金炒飯-朋友推介，超！好！食！飯炒到粒粒分明，乾身，好食到好快清晒，全體同意要叫多碟- 紅燒扁尖豆腐-有啲酸味，朋友食到耍手擰頭，不過本人鐘意食豆腐，所以可以接受-生煎鍋貼-36蚊3隻，有啲唔抵，另外油左小小- 蒜泥白肉-賣相唔似蒜泥白肉，老抽好似落得好勁，顏色好深，不過食落有少少甜味大食朋友都食到投降，要打包…查看更多

係一田超市食左拉麵後覺得口乾口渴，所以走左上一層嘅 comebuytea買野飲未行到去已經有好多蒸氣聲，人唔算多，我點野飲嗰陣直頭冇人排隊。飲品店黎講價格係比較貴，今次我選擇4個step嘅混搖茶，首先要揀左個茶種先，基本上有綠茶，紅茶，兩款烏龍茶。跟住就可以選擇加唔加奶或者幾款生果汁，然後就加配料。我最後係揀左Top5嘅炭焙烏龍厚奶值得一提嘅係店員會問你糖同冰要幾多，除左餐牌上嘅全糖半糖外，其實仲隱藏一個微糖架，台式飲品通常甜度都好高，所以為健康著想，我order埋少冰微糖。點完之後旁邊啲店員就會開始調制，啲蒸氣聲原來就係咁黎烏龍茶味重，甜度ok唔會太甜，奶味唔強，係比我想像中細杯，如果可以大杯啲就好。不過價錢真係偏貴…查看更多

適逢U記係元朗YOHO mall開幕，梗係要去朝聖啦，去到YOHO又點可以唔走返轉一田喎，行行下醒起元朗一田開幕，好多人都推介超市入面間拉麵店一田已開幕一段時間，熱潮減退左，基本上已經少左好多人款款拉麵都好似差唔多咁，我點左東京醬油拉麵值得一提係店員好友善好nice，點完餐就等叫no.廚房係開放式，所以好清楚睇到店員係入面做緊乜位唔多，有坐位，有企位，亦有單人位呢到係要自己托餐搵位坐的，好彩唔多人湯好咸，愈食愈咸，麵就冇乜特別好定唔好，但溏心蛋同叉燒充滿驚喜！半熟蛋黃流出，蛋黃味濃郁又香，叉燒入口有少少融化嘅感覺，唔洗50蚊有呢個水準，仲想點，完全超出期待食飽後記得自己放返餐盤係回餐車喇回餐車係角落，放左入去，姐姐就會好快拎入廚房洗，啱啱放上去，未影得切相就比姐姐神速收走左…查看更多

話說半個前先去完台灣，lunch時間肚餓又唔想煮飯，突然又好掛住台灣嘅魯肉飯喎，所以就拉屋企人陪我行過去天水圍睇下有冇好野食，最後揀左食台灣野嘅80,90好時光我地一共兩個人，唔洗等好耐就可以入座喇餐牌標題名好搞鬼，“祝你生日牛一麵“只係$9.9，有冇咁平啊，唔知啲份量係咪都係十蚊貨仔呢，除左有台式魯肉飯，另外有牛肉麵，台式小食同火鍋，仲有學生餐添！但我覺得學生餐價錢都唔太學生價，我今次點左 “真情溏心蛋肉燥飯“配時菜。呢棵樹上網睇返先知叫初戀樹，餐廳裝修幾靚，感覺休閒每個餐都有木托盤，有質感，仲有芽菜青瓜，有台灣風味，不過時菜感覺有啲油份量非常足夠，個人覺得溏心蛋一般，肉燥味道比較淡飲品點左桂花烏龍茶，佢真係有放桂花落去，桂花飄下飄下，影黎打卡一流，隻杯個耳仔好細啊，好難拎黎飲，哈哈小食點左“ 紅燒牛肉湯餃子“，好有驚喜，個牛肉湯好濃，餃子皮薄料多，有台灣彭家水餃影子，香港黎講算好好嘅水餃。不過價錢偏貴…查看更多

緣聚together以前係西菁街嗰陣，我就已經有食過架啦，一直都感覺良好，但自從搬左鋪之後就冇食過。今次朋友難得過黎元朗又想食日式野，第一時間提議食緣聚。球場旁邊嘅接待處，接待處對面就係正門我地食9:00pm前時段，由於我早一日打電話訂枱，所以有九折優惠餐廳搬左係球場隔離，其實都係舊鋪附近，正門望落有啲窄，不過經樓梯落去完全係另一個世界一落到去，唔知係咪轉左手，個style完全唔係我印象中嘅緣聚，音樂好大聲有啲嘈，環境好似係酒吧，可能閒日關係，未見滿座，walk in更加冇問題食物種類同舊鋪大同小異熟食可圈可點，推薦一口芝士，紫薯餅，兩款燒蠔都不錯刺身方面退步左，我以前好鐘意together嘅刺身，但今次令我失望了，感覺只係比室溫凍少少， 就算有冰係底都唔夠凍火鍋我地點左日式牛肉昆布湯，味道甜甜地，但愈食愈咸總結：同舊鋪比有落差，不過食物質素，種類都比油尖旺區同價錢放題優勝，但員工態度比較冷漠冷淡…查看更多