我地一共兩個人，唔洗等好耐就可以入座喇
1
1
餐牌標題名好搞鬼，“祝你生日牛一麵“只係$9.9，有冇咁平啊，唔知啲份量係咪都係十蚊貨仔呢，除左有台式魯肉飯，另外有牛肉麵，台式小食同火鍋，仲有學生餐添！但我覺得學生餐價錢都唔太學生價，我今次點左 “真情溏心蛋肉燥飯“配時菜。
呢棵樹上網睇返先知叫初戀樹，餐廳裝修幾靚，感覺休閒
每個餐都有木托盤，有質感，仲有芽菜青瓜，有台灣風味，不過時菜感覺有啲油
份量非常足夠，個人覺得溏心蛋一般，肉燥味道比較淡
飲品點左桂花烏龍茶，佢真係有放桂花落去，桂花飄下飄下，影黎打卡一流，隻杯個耳仔好細啊，好難拎黎飲，哈哈
小食點左“ 紅燒牛肉湯餃子“，好有驚喜，個牛肉湯好濃，餃子皮薄料多，有台灣彭家水餃影子，香港黎講算好好嘅水餃。不過價錢偏貴
