eatmoreforyourself's Profile

今日收工想去泰國餐廳食lunch,openrice下見到呢間餐廳！去到金銀泰國餐廳門口，雖然餐廳裝修簡樸（感覺置身泰國😝), 但見到入邊都頗多食客..所以決定試一試餐廳有十幾款午市套餐，我點了豬扒湯河轉冬陰功湯（另加$10），店主話當日送餐飲有龍眼水或菜蜜..但因為真係太想飲青檸梳打所以我加咗$12轉飲😋😋冬陰功湯底非常濃郁，望落去雖然紅紅橙橙感覺好似好辣，但飲落好鮮甜而且唔算辣！湯底亦好足料，有薑有香茅芫荽蕃茄仔草菇等等！豬扒味道就不過不失，都有一整塊好足料！湯粉嘅份量亦都相當驚人，平時大食既我都食唔晒…期待下次再嚟光顧！令我懷念一下去泰國旅行嘅好時光😋…Read More

好耐無食燒肉啦！今日去開朗豪坊睇戲就book左之前經過想試下既呢間燒肉店呢間燒肉店係食韓牛的，室內光猛而且抽風系統做得非常好，入到去都唔覺得大油煙，所以食左個幾鐘出返去頭髮都無味！值得一讚！呢期餐廳為慶祝開業一周年新增左90mins 放題，如果like fb page仲可以送海鮮拼盤，十分吸引！但為左keep fit 唔食咁飽，我同男朋友都係選擇左重量級oppa牛牛板淺嘗下燒肉😂重量級oppa牛牛板入面有7款不同的燒肉，包括厚切牛舌，M5澳洲西冷，特級韓牛牛肩肉，和牛牛肋肉，黑牛牛板腱，特級韓牛牛脊肉同牛大腸！個人覺得特級韓牛牛肩肉同黑牛牛板腱最正！韓牛牛肩肉肥瘦均勻分布，食落口有著香香的油脂味道！😋😋😋😋好好味！ 黑牛牛板腱係比較瘦的部位， 食落好淋👍🏻👍🏻👍🏻男朋友就好鍾意牛腸佢話重油脂味而且好爽口！另外，我地都試左呢道既炒粉絲同juice lab signature drinks, 粉絲個人覺得炒得淋左小小，但味道是不錯的！Juice lab signature drinks 有6枝，共3隻味,全部都係新鮮果汁飲料🥤！幾特別呢！…Read More

今日去開元朗探朋友，到元朗時忽然落大雨就入左呢間小店叫杯野飲同避下雨！😂😂店員推介我飲菠蘿茉莉，我見幾fresh就加埋仙草晶球試下！ 朋友分別叫左蘋果紅茶加仙草同烏龍鮮奶加珍珠！試過之後，我覺得3杯野飲都好有水準，各有特色，好飲過好多連鎖茶店！ 菠蘿茉莉係用新鮮菠蘿🍍攪碎加即沖茶整成，茶味清香，完全無苦澀味！ 雖然我唔記得叫少甜，但幸好飲落甜度剛剛好！平時我都好小可以飲晒一杯野飲，但今次竟然想一飲再飲😎😎仙草都好正！加$3就有！大家不妨試下！！試飲朋友嘅蘋果紅茶同烏龍鮮奶加珍珠都覺得甜度剛好，茶味好重！而烏龍鮮奶嘅奶味都好濃郁😋下次要帶男朋友黎試，我估佢一定會覺得好飲過好多連鎖店既茶！！🤤…Read More

朋友就快生bb所以特登約左食個飯聚下！今次係我第二次黎呢間打邊爐！味道依然唔錯， 食物質素也保持得好好！我地叫左美人鍋x麻辣鍋！ 美人鍋入面好足料，有半隻烏雞，桃膠！而麻辣鍋入面有好多鴨血同豆腐！正！鴨血可免費追加一次！我地四個人叫左好多配料，有手切牛肉，羊肉片，桶蠔，手打丸拼盤，蜂巢豆腐，雲吞拼水餃，年糕，qq粉，什菌同什菜火鍋配料雖然份量唔算多，但全部都好新鮮同乾淨！我地首先每人飲下個美人鍋先，又幾鮮甜🤤🤤之後開始打邊爐啦！手切牛肉，好軟滑，無筋的！羊肉片都唔韌，不過有小小羊羶味，我個人鍾意食羊就覺得幾好味🤭因爲都幾有羊肉既鮮味桶蠔一碟有6隻，不過都算大隻，蠔肉好新鮮食落好鮮甜，生蠔放麻辣鍋最正🤗🤗上次食過呢間野既手打丸已經覺得好正， 足料又彈牙！ 個人最鍾意鵝肝墨🐟丸同黑松露🦐丸！比出面好多火鍋店都出色蜂巢豆腐吸晒火鍋湯底好正！年糕同qq粉煙煙韌韌打邊爐最正！份量都好多什菌同什菜食得出唔無平價菜， 雖然價錢唔平，但什菌好香好新鮮！ 粟米都勁清甜！雲吞水餃呢道打邊爐雖然唔算特別底食，但人多可以share 湯底的話我都寧願食一碟碟散叫既火鍋，因爲食物質素真係正好多！！🤤🤤…Read More

星期六最岩就係訓醒後再去食一個靚lunch!為男朋友補慶祝生日🎂，今日我帶佢去食omakase 🍣😍朋友話呢間係正宗日本師傅開的餐廳，我們到埗後都覺得好有日本風情， 好像去了日本人屋企一樣！ 首先黎既係前菜墨魚仔， 之後就有茶碗蒸🥚接著就開始食壽司了🍣🥰第一件係金目鯛壽司，魚味清甜！之後係櫻花鯛， 我係第一次食櫻花鯛， 魚肉細嫩，都是比較淡味的魚火炙深海池魚腩，魚香味較濃，燒過後，更帶出本身魚香和魚油！熟成吞拿魚，<熟成>是將魚肉放在穩定的溫度和濕度中數天至數星期，魚肉中的酵素會令肉質及味道改變，所以同平時食既赤身好唔同左口魚柚子漬，新鮮好味！火炙梭魚都是較重魚味既魚赤貝裙邊壽司都好爽口而且十分鮮甜！北海道帶子亦都十分甜美！細個食過一次火炙蠔壽司因為太難食，所以咁多年都無自己叫來吃，今日的廣島蠔壽司令我改觀了！原來火炙蠔都係好好味呢！牡丹蝦壽司好新鮮，唔會太黏口火炙左口魚邊正呀！肥美又香魚油味！好想encore 呢！三文魚籽壽司🍣每一粒魚籽都卜卜脆的！而且唔會有腥味！海膽壽司🤗🤗一定係我食omakase 最期待既壽司！軟棉棉既海膽十分甜美，入口回甘！食完之後還有一杯相當有份量既海膽杯🤤🤤🤤食完真係滿足晒！！之後仲有笛魚手卷同魚骨湯，魚湯濃郁！正！最後就有豆腐雪糕refresh 下！呢個lunch可以慢慢食，偶爾可以好好品嚐一下美食，是人生一大享受！🥰…Read More

終於係工作上忙完，男朋友話帶去食餐日本野好好慶祝一下！佢竟然帶我去食omakase. 😱好驚喜呢！男朋友話間餐廳係朋友食過好食介紹的，去到既時候有一種遠離塵囂隱世既感覺！我地坐底後，侍應就會問我們有什麼食材係不食的，然後就慢慢地等待開飯😛第一碟係笛鯛薄切的，上面加上粒粒的柚子胡椒，食落爽口清新！旁邊有兩隻蟹仔，師傅說是來自青森縣既沢蟹同炸鱈魚片，沢蟹好細隻，炸起後可以原隻食用，食落好脆，不過殼都幾硬，牙齒不好的要小心一點😂😂活帆立貝刺身，帆立貝好厚身，味道鮮甜，只加少許檸檬汁已經很好味！而帆立貝既裙邊就用黎做沙律！跟住就係季節性嘅秋刀魚刺身，呢個時候食秋刀魚師傅話係最肥美嘅！秋刀魚刺身魚味較重，比較濃味！然後有赤身吞拿魚刺身，同平時食嘅好唔同，刺身好滑又唔會有筋！再來的係炙燒中拖羅 刺身!燒一燒更肥美多汁，滿滿魚脂！每一口都是幸福既感覺！之後就到壽司🍣眼仁奈壽司🍣有口感有”口趙”口的魚肉釣鰺，同秋刀魚同科，魚味比較濃味，但都係秋刀魚濃d幼（黑）鮪原來係吞拿魚bb ，大慨手臂咁大條同藍鯨吞拿魚係唔同的，我都係第一次食到！魚肉好嫩滑北海道根室海膽赤蝦海葡萄壽司，海膽好鮮甜，赤蝦亦十分鮮甜大拖羅壽司滿口魚油，簡直係享受🤤🤤汁煮螺，師傅好細心地把螺的內臟切走！西京燒銀鱈魚，銀鱈魚燒得好香，魚身好滑！正鵝肝多士，啖啖燒鵝肝好正😍目光魚，青椒仔和海老天婦羅青椒仔入面明太子卜卜脆，好特別呢！蝦同目光魚天婦羅乾身，外脆內軟燒白鱔，師傳話都係季節性食物，都好鮮味！而冷梅素麵帶微微紫蘇味冷麵，食完感覺好清新最後甜品有和歌山富有柿，同其他杮唔同，佢係爽口無核的！光師傳好好，不但向我們介紹每一種魚同食物，還和我們分享他的工作！食完一餐咁正既omakase,成個人都好滿足喔😋😋😋…Read More

同朋友係太子個面做完運動就去搵野食！行行下見到呢間餃子店朋友話不如試下佢！估唔到又幾驚喜喎！做完運動後好肚餓，我地叫左好多野食，有龍鳳松茸雙灼餃，元貝豬肉餃，鮮肉雲吞（小辣），涼拌黑木耳同蜜餞雞翼！龍鳳松茸雙灼餃即是黑松露同白松露，中西合璧的配搭，但原來配上餃子又幾夾！而餃子🥟既湯係自家制既老火湯，清清地的唔會太咸另外，第一次試元貝豬肉餃，食落每一啖都有元貝肉，好鮮甜！我地都係叫左灼餃，不過個人覺得呢個如果香煎可能會更好味！鮮肉雲吞麵我地要左小辣，我覺得小辣唔太辣，如果食得辣既人可以點更辣！涼拌黑木耳酸酸辣辣，幾醒胃！蜜餞雞翼另外，個人覺得店內既香辣醬好香好惹味呢！…Read More

連放3日假又撞岩紀念日！琴晚收工男朋友話帶我食好西😋😋😋佢話不如試下上次經過棉登徑新開張個間日本野🇯🇵yeahhh😌餐廳既食物選擇都好多，我地都睇左一陣先決定到😅見幾多人食磯燒，我地就叫左兩個蟹肉味噌甲羅燒，兩隻大虎蝦同一份鱈場蟹腳🤞🏻 餐廳職員會過黎枱邊幫我地將佢地燒好，佢地會在燒既時候會為海鮮加水，虎蝦同蟹腳所以燒完出黎都相當juicy👍🏻👍🏻👍🏻 蟹肉味噌甲羅燒好好味喔！蟹膏好香同好鮮甜👍🏻👍🏻👍🏻👍🏻另外，我地仲叫左刺身拼盤，黑門令壽司，麻醬沙甸魚乾番茄豆腐沙律，鰻魚玉子燒，柚子胡椒豬骨豚肉鍋，酥炸日本河蝦仔同甜品哈密瓜！好豐富呢！正正子😍😍😋刺身拼盤入邊有六種唔同嘅刺身個人最欣賞就係佢嘅帆立貝同海膽，因為好鮮甜，食到喉嚨都有小小回甘！其他魚其實都好新鮮而且好厚切，好有口感的！麻醬沙甸魚乾番茄豆腐沙律既沙甸魚乾係脆卜卜的，食落幾特別！沙律正正常常，菜都係爽脆的！黑門令壽司🍣係店員推介嘅,上邊有三文魚子,海膽,吞拿魚茸,蝦肉，蟹肉等等，最重要係有個蟹蓋蟹膏伴飯！蟹膏超級鮮甜我自己都一想一食再食！三文魚子海膽都好新鮮，三文魚子脆卜卜唔會有腥味！鰻魚玉子燒一客都有幾多件，燒玉子好重蛋香味，而且燒得剛好！鰻魚正正常常，個人覺得可以多小小饅魚汁就更正！平時都係食開酥炸雞軟骨，見呢度有酥炸河蝦仔咁特別就點黎試吓！佢係將蝦仔原隻咁炸，因為蝦仔嘅關係所以佢的殻唔會太硬，食落幾有口感，伴酒一流呢！柚子胡椒豬骨豚肉鍋係男朋友想試，因為佢最鍾意就係食五花肉😂😂個鍋入面有好多蔬菜，豚肉係分開上的！豚肉雖然是都半肥瘦但煮完之後個湯都唔會好油膩！柚子湯有小小苦澀味！其實已經食到好飽，但我都想食埋佢個甜品哈密瓜，我哋揀咗曲奇雪糕，哈密瓜果肉好軟滑好香！呢個又可以當甜品食又可以當生果食呢！呢餐相當豐富亦都相當飽，喺尖沙咀來講呢道算係一間性價比高嘅日式餐廳，環境闊落而且選擇都多！所以肯定會有下次呢！👍🏻👍🏻👍🏻🇯🇵🇯🇵😋😋😋…Read More

前日放工約左朋友食飯，朋友話想試下呢間西野喔！因為知道係小店關係我地訂左6:30枱坐底就揀野食啦，見到佢有個2人set幾多野食同幾底，不過兩個都話減緊肥既女仔，都係散叫兩個餐算😂🤣唔好食咁多！我地叫左一個蟹肉蟹膏意粉同羊架！跟餐有得加$$轉酥皮濃湯，好耐無飲過啦，於是我地都轉左！餐廳食物都算來得好快， 飲完湯一陣蟹肉蟹膏意粉同羊架就到！全部都熱呼呼的！🤤蟹肉蟹膏意粉肉眼睇就唔太多蟹肉係面既，不過食落都到好多蟹肉絲掛左係麵上面，陣陣蟹汁，好鮮甜呀！意粉又煮得有的粘口，正！羊架呢就係四件連埋一齊既，可能咁樣煮可以鎖住更多肉汁，羊架煮得剛剛熟，唔會覺得有羶味！羊架下面有甜甜的蕃薯蓉！🍠🍠幾特別呢！食飽飲返杯熱檸水幫助消化！☺️…Read More

琴日同男朋友慶祝拍拖3x個月🙈就黎左呢道食返餐勁既😋😋未去之前一直以為只係普通任食打邊爐，但原來佢有兩個餐都係$158任食2.5hours，可以揀網燒海鮮加打邊爐同任食牛板腱打邊爐套餐！海鮮愛好者既我梗係揀網燒海鮮套餐啦！🤤不過餐廳職員話個日既南非熟龍蝦變左大虎蝦，有點失望呢😖坐底之後我地就揀湯底，佢地有十幾款唔同fusion 既湯底，其實好多都好吸引，我地最後想清d 要左人蔘白玉鍋！無幾耐店員就拎海鮮拼盤同燒烤爐俾我地😋，海鮮拼盤入面有北海道帆立貝，大虎蝦，什蜆，海螺，八爪魚🐙，魷魚，海蝦，全部都好新鮮同乾淨的！我開始燒啦！帆立貝同大虎蝦又大又鮮甜！食完先見到隔離枱加埋辣椒蒜蓉一齊燒，好似好正咁🙈🙈跟住就到打邊爐，打邊爐可以自己入紙揀想食咩嘢，火鍋配料嘅選擇都好多，有蒲頭島牛拼盤，牛肉粒，醉肥牛片，醉雞，田雞腿，大蝦雲吞等等，而其他蔬菜類，菇類同丸類就係自由係出面雪櫃拎的！所有火鍋配料嘅份量都好的骰！一份唔會太多，非常好！其火鍋配料有田雞腿同牛肉粒都算特別(我諗如果配麻辣火鍋仲正)，而大蝦雲吞同水餃都唔錯！任飲既野都好多款式！ 而且仲有自家製涼茶呢！食完仲有得食返個牛奶軟雪糕降降溫！2.5個鐘係咁食食食同飲飲飲仲有甜品食，而且地方寬敞，下次人多食飯都可以book 下呢道！！…Read More

呢個星期爸媽去左旅行，所以每一日都要諗下食咩好！ 琴日收工細佬就話不如試下屋企附近呢一間西餐！我地book左7:30,去到都差不多滿座！其實餐廳有好多海鮮拼盤套餐，但因為我哋諗住普通食飯所以就叫咗佢地個$388既2人set，都幾底，因為入面包一個前菜，餐湯，餐飽，兩份main dishes同餐飲！ 前菜我哋要咗白酒煮蜆，嗰日個餐湯係粟米蓉湯，main dishes要左北海道帶子魷魚筒墨汁意粉同澳洲西冷牛扒！餐飲我哋兩個都要左玫瑰黃金桂茶！白酒煮蜆好鮮甜，蜆肉極之肥美又冇沙👍🏻👍🏻而且又煮到啱啱好令蜆肉好滑好香酒味！我同細佬都忍唔住飲咗好多蜆湯！🤤嗰日嘅粟米蓉湯都好特別，我第一次飲呢一隻由粟米打碎煮成的粟米湯！因為湯唔會有好多忌廉，感覺好清新！餐包都好焗到熱辣辣配埋個湯好正！食完等左陣走到主菜啦！呢道既帶子魷魚筒墨汁意粉好香好夠墨汁！啲墨汁完全可以掛起啲意粉上，而且係勁鮮甜嘅味道!令人想一食再食！🦑🦑🐙澳洲西冷牛扒我哋要咗七成熟，餐廳控制火候相當恰當，牛扒真係做到七成熟！另外牛扒肉質亦夠淋，唔會有筋！讚！🐮餐飲就係玫瑰黃金桂估唔到屋企附近都有間咁有誠意嘅西餐廳，等爸媽返黎再帶佢地過黎食先！…Read More

星期五放工做完運動後就去左朋友話想試好耐既台式臭臭鍋！記得呢間餐廳之前經過有好多人排隊！！朋友食過台灣個間，而我今次第一見黎的🤤🤤原來我同朋友都唔食臭豆腐🤷🏻‍♀️🤷🏻‍♀️🤷🏻‍♀️不過唔緊要！呢道除左臭臭鍋之外，仲有十幾款火鍋可以揀！我地揀左台式麻辣鍋，酸辣羊肉鍋！套餐跟粉絲，同埋另外要左份鹽酥雞做小食！餐飲我要咗芒果紅茶少甜，朋友要咗水蜜桃沙冰！我食嘅係酸辣羊肉鍋，鍋入面有娃娃菜，羊肉片，米血糕，凍豆腐，粉絲，金針菇，魚豆腐，福州魚蛋等等！羊肉都有羊羶味的！不過我就好鍾意，配埋酸辣湯好夾！🤭另外粉絲同凍豆腐吸晒湯嘅精華食落勁入味👍🏻👍🏻朋友叫嘅台式麻辣鍋都唔錯，入邊都有娃娃菜，豆腐，牛肉片，豬紅，麻辣餃等等，相當豐富🤣不過個人覺得唔算太辣！辣的應該仲正！鹽酥雞炸得啱啱好又唔會太乾，食落外脆內軟，好有台灣風味！另外，餐飲芒果紅茶我要左少甜小冰，少甜之後我覺得甜度啱啱好！朋友就話水蜜桃沙冰比較淡！鍋物選擇亦唔少，自己可以自由揀自己想食既口味👍🏻餐廳環境幾闊落，同隔離枱都唔算近，所以邊食邊同朋友傾計都唔怕嘈到隔離枱！另外可能因為樓底幾高，餐廳唔會一大陣火鍋味👍🏻…Read More

星期五放工做完運動後就去左朋友話想食好耐既台式臭臭鍋！記得呢間餐廳之前經過有好多人排隊！！朋友食過台灣個間，而我今次係第一見黎的🤤🤤原來我同朋友都唔食臭豆腐🤷🏻‍♀️🤷🏻‍♀️🤷🏻‍♀️不過唔緊要！呢道除左臭臭鍋之外，仲有十幾款火鍋可以揀！我地揀左台式麻辣鍋，酸辣羊肉鍋！套餐跟粉絲，同埋另外要左份鹽酥雞做小食！餐飲我要咗芒果紅茶少甜，朋友要咗水蜜桃沙冰！我食嘅係酸辣羊肉鍋，鍋入面有娃娃菜，羊肉片，米血糕，凍豆腐，粉絲，金針菇，魚豆腐，福州魚蛋等等！羊肉都有羊羶味的！不過我就好鍾意，配埋酸辣湯好夾！🤭另外粉絲同凍豆腐吸晒湯嘅精華食落勁入味👍🏻👍🏻朋友叫嘅台式麻辣鍋都唔錯，入邊都有娃娃菜，豆腐，牛肉片，豬紅，麻辣餃等等，相當豐富🤣不過個人覺得唔算太辣！辣的應該仲正！鹽酥雞炸得啱啱好又唔會太乾，食落外脆內軟，好有台灣風味！另外，餐飲芒果紅茶我要左少甜小冰，少甜之後我覺得甜度啱啱好！朋友就話水蜜桃沙冰比較淡！鍋物選擇亦唔少，自己可以自由揀自己想食既口味👍🏻餐廳環境幾闊落，同隔離枱都唔算近，所以邊食邊同朋友傾計都唔怕嘈到隔離枱！另外可能因為樓底幾高，餐廳唔會一大陣火鍋味👍🏻…Read More

之前已經食過深水埗分店！食過之後一直心思思想再食，所以就book 左琴晚同男朋友黎食！！去到竟然有波睇！男朋友勁開心！我地一坐低，店員就好快咁拎前菜同自助調味架比我地，前菜有兩碟一碟涼拌木耳，另一碟係涼拌雞腳！涼拌木耳辣辣地好好味！之後店員就上生果盤😳名叫風山水起😂😂生果好新鮮，好開胃！跟住就上刺身拼盤，入面有三文魚，帆立貝，赤蝦，北寄貝！刺身都相當新鮮，食落鮮甜！之後就到雞煲！我地選左小辣，雞煲上枱時未熟的，要每兩分鐘打開撈一撈，大慨4-5次咁就食得！ 雞煲份量好多，雞件好嫩滑，而且又入味！隨雞煲仲有一碟牛百葉，水魷魚同豬皮係比我地差不多食到一半雞既時候加入鍋煮！ 吸晒的香辣汁，雖然好邪惡，不過真係好好味！跟住就到海鮮火鍋啦！！店員幫我地收起雞煲轉火鍋湯底，火鍋湯底係時令水果湯，話可以解膩，飲落清清地配海鮮一流，海鮮拼盤份量勁多，有蟶子皇，貴妃蚌，鮑魚，大花蟹，龍躉片，脆肉蚖魚，海蜆，馬刀貝同海蝦！全部海鮮都好新鮮同清潔得好乾淨！除左頭四樣之外，其他海鮮係可以無限refill🤭🤭食海鮮真係可以食到夠！ 食完個湯底勁鮮甜呢！而手切新鮮牛肩脊亦好正，肥瘦均勻十分鮮甜,不過要追加就要加$$！ 另外，仲有好彈牙同足料既自家手打蝦滑同墨魚滑，什丸，雲吞水餃，響鈴，炸魚皮同蔬菜籃！最後，仲有一個熱燉奶做甜品！今晚世界盃，仲可以一路食一路睇波！現場氣氛仲好好！哈哈真心正！講真每一次食完倫哥我都係十分滿足！期待下次！ …Read More

通常學完瑜珈就會同朋友係附近食個飯！朋友話想食泰國野，見呢道地點咁方便就試下啦！我地叫左個泰式海南雞湯河，蟹肉炒粉絲同小食拼盤！泰式海南雞湯河幾大碗，我地兩個人分黎食都有唔少河粉，雞肉是去了骨的食起上黎啖啖肉好方便！蟹肉炒粉絲炒得夠穫氣，入面都有唔少蟹肉呢！粉絲唔會吵到碎晒！小食拼盤有串燒2串，紙包雞，炸蝦餅，炸春卷同炸魚餅！樣樣有小小，可以一次過滿足自己個胃！🤤 個人覺得炸蝦餅整得好好味，外層鬆脆蝦肉彈牙！而紙包雞都整得好入味雞肉好話味都唔錯！如果兩個人去食泰國嘢，叫呢個小食拼盤就最好不過！…Read More