lsk60778017的個人專頁

上網見呢間烏冬好多好評 好多人排隊 疫情下又勁得閒 就出去排隊試試先中午十二點開門 十一點四十五分去到已經見到有人排隊 去到就排第八個 十二點準時開舖 店員探熱消毒後 就帶領入座 店舖裡面唔算大 今次一數只可以容納12人左右 但係 位置一啲都唔迫 店員帶領入座後 招呼完再落埋單 先再帶領下一組顧客入座 唔會有好多人一齊落單好嘈吵既場面菜單主要有冷烏冬、沾烏冬同埋湯烏冬 我就叫咗個山藥冷烏冬同埋雜錦天婦羅冷烏冬有一碗鰹魚汁同一碗山藥汁 店員介紹將兩種汁撈埋一齊點嚟食 但係 見到鰹魚汁碗都幾細吓 就將山藥汁分兩次落 所以鰹魚汁既甜品比較出 烏冬係片狀 好滑身 厚度啱啱好 食落好掛汁同好煙韌 天婦羅食落唔算好油 蔬菜咬落都有水份 $59一份都幾值既烏冬唔算好多塊 但係 食完都幾飽 整體都幾特別 都幾價得食…查看更多

見門面禁有特色就入去試吓 入到去真係細 全間舖坐到24個人 但係 都唔算太迫 口水雞 唔算太辣 食落都幾香幾滑 而且係大陸香料味既煮法 係平隻雞既量例牌既收費麻辣牛肚 麻辣味都幾香 牛肚都好淋 好抵食雲南過橋米線 之前係昆明當地食過 只係上枱擺放上有分別嘟 湯頭 餸都好相似 好地道唔知點解 之前 有朋友食過 講過味道好食 但係 分量唔係好大份 但係 今次親身試過 分量一啲都唔少 性價比都高可以再返試 佢其他食品…查看更多

食完飯散散步吹下水 就想食甜品 行吓行吓 就發現咗呢間甜品店 名唔係好記得 鮮果數量都唔錯 每樣生果都有兩粒 裡面有珍珠 小丸子 西米 芋圓 地瓜圓 紫薯圓 珍珠 小丸子 同西米 凍食係幾唔錯 但係 芋圓果啲就真係唔係禁啱凍食 一啲都唔煙韌 本身味道都唔錯 底部仲有煉奶沙冰 每一啖都係甜 都算接受到 朋友果碗大致上同我果碗一樣 係無生果 但係就有雪糕同涼粉 每碗都係$40左右 份量又唔算細份 食完又唔趕人走 晚飯食完又想再吹吹水 都可以係另一個選擇…查看更多

大埔墟火車站附近幾分鐘就到既 日式拉麵店 之前 試過佢地個一鳴食堂都唔錯 今次就試埋個拉麵先拉麵可以由湯底 麵款 麵質 配料 都可以自由選 價錢唔貴 好貼心 一鳴拉麵 湯底係豬骨 一啲都唔係死咸 質地好濃好厚 好掛麵 溏心蛋好有醬油味 黑蒜鳴拉麵 黑蒜油豬骨湯底 黑蒜油好香濃 豬軟骨 好淋好入味 鰻魚串燒 醬油唔咸帶少少甜香 食落鰻魚味好香 唔會得醬油味禁 肉質好滑好嫩 唔錯士佐豆腐 雖然 細細粒 但千祈唔好一啖放入口 因為 裡面個豆腐好滑好熱既 記得咬一半 放凍食 門面裝潢好日本風 但係 整體拉麵到小食一啲都唔伏 仲幾好味 價錢又唔係貴 性價性高 …查看更多

見報道有新鮮午餐肉 就特登過去試吓 真心講交通係唔方便 去到黃大仙要轉多程小巴上去到係超市形式禁 但係 好乾淨好靚 側邊有海鮮 可以當買餸 又可以即買即叫人整 明碼實價 除咗新鮮午餐肉 仲有新鮮手包水餃 點咗三個餐試試先韭菜豬肉湯餃餐 6餃連一杯飲品 價錢唔平唔貴 但係即叫即整都叫唔錯既 用料新鮮 餃既大細都係中上 值得一試 我相信食新鮮手包餃 煎會更好千島午餐肉薄餅套餐 連一份薯條 包一杯熱飲 $34 都幾抵食 餅底係薄餅 食落都好香脆 略嫌醬太多 好漏 仲要遮晒午餐肉嘅味道 不過 午餐肉都有啲厚度 都食到個口感 都唔錯既黑松露滑蛋餐肉牛角酥套餐 又係好多黑松露醬 所以一打開勁香 滑蛋真係又香又滑好好食 午餐肉唔係可鹹可以食到口感同味道 $40有包有小食有飲品又真係幾唔錯既 …查看更多

成曰聽人講 今日經過就去試真假星期六5點半左右去到 每張枱都有人坐 感覺都幾受歡迎 應該唔伏坐低 叫咗茶餐唔諗套餐 沙嗲牛肉一丁 跟西班牙奄列同牛油方包 同埋 干炒牛肉意粉 兩個餐都跟野飲 熱凍免加錢 即刻就叫杯凍飲餐飲上到嚟 唔係用細杯 係用豆粒冰杯 又唔多冰 凍飲唔洗加錢好抵 餐包好軟熟 完全又唔硬身 仲要飛晒邊 牛油量啱啱好 奄列都幾大件 裡面有火腿香腸同埋焗豆 食咗左呢2樣已經 6成飽沙嗲牛肉一丁 連包湯粉同麻油上埋俾你自己落 牛肉食落係鮮牛 帶有咸香 唔係甜沙嗲口味 好地道港式口味 干炒牛肉意粉 份量都係唔少 意粉煮得好好 唔似煮定再翻炒既口感 又唔會好淋 條條分明又有醬油香甜味 正每個餐都係$42同$44 凍飲又唔洗加錢 好食又地道既港式茶餐廳 加上份量唔少 好飽肚 性價比高 去開果頭就去試吓佢 好值得試…查看更多

經過門面幾特別 加上價錢又唔貴 就入去試吓 入到去係酒吧既格局 但係 光線都足葱油雞 雞味重又夠滑 唔似用雪藏雞 葱油即叫即撞 唔咸好夠香味湯餃雙併 上網見評價高就叫黎試吓 結果係好好食 皮薄餡鮮 食到菜鮮同新鮮豬肉味 我叫咗香菇芫茜豬肉同雲耳椰菜豬肉 芫茜味好香 雲耳椰菜好爽甜 兩款餃都好有豬肉香味 一定係必叫之一韭菜豬肉煎餃 一上枱就見皮薄 以為一夾會穿 但係又唔會穿喎 一咬煎餃底係煎到脆黃 好好食 皮又有少少Q彈 呢樣都係要必叫既涼拌萵苣絲 叫咗小辣 萵苣入口好爽甜 醬油好香 麻辣勁係後上 食完由脷底湧上 正雖然叫既野唔多 但係份量都好足 兩個人食完都好飽 呢啲價錢對比呢個份價 性價比都好高 好值得再食…查看更多

經過長沙灣見到有間門面裝修幾靚既台灣立食 請入去買外賣試吓價錢實惠 好平民 就買咗好多黎試試鹽酥魷魚鬚 粉漿唔厚 夠香脆鹽酥雞 即叫即製 趁熱食仲有肉汁 紅油抄手 唔係豆瓣醬口味 係麻辣香椒既味道 好香口好食醉雞捲 雞肉好夠滑 帶少少酒香味 咬落無脂肪凍食既口感 好唔錯醬牛肉捲 落咗唔少既牛肉 用既係甜醬 食落咸咸甜甜都幾特別 好飽肚鹽酥黑白丸 正常水準葱油拌麵 係台灣慣用嘅滷水汁 醬油唔咸 有香葱油味 用咗粗身既麵條好掛汁 滷肉飯 好大盒好重身 唔係用肉碎 所以 好有口感 成張單最貴係個飯都係$29 仲送熱飲 凍飲就加$2 抵食又飽肚 性價比高…查看更多

約咗朋友食飯 上網見食舖門面幾唔錯 就提早半個鐘去留枱 好好彩成功 雖然 外牆圍晒板禁 門口又好暗 但係 上到好真係好靚 靚到男生止步禁成間舖唔大 枱唔多 所以 唔會好嘈 但係入坐率係9成 所以 店家係以訂枱時間開始計個半鐘 所以 唔坐得耐 前菜叫咗焗大啡菇 一碟兩個口味 大啡菇好多汁 餡料唔會好重味 配合得好好 意粉擇咗黑松露帶子忌廉意粉 意粉煮得啱啱好 唔淋又有咬口 每條意粉既醬汁都好均勻 唔多唔少 帶子好有牛油香味 好軟淋 好有驚喜主菜叫咗慢煮牛 食落都有牛鬆軟既口感 無牛腥味 但係 始終唔係煎 所以 無咩牛脂肪既油香 我都係鍾情煎煮既牛脂香味 所以 我唔太喜歡甜品叫咗主打既人氣之選 完全係打咭之選 上枱既時間 大家都好開心好興奮 真心靚 食落唔會死甜 本身食材既香味都好到位 整體 三個人食咗一個前菜 一個意粉 一個主菜 二個甜品 份量中規中矩 大家七成飽 三個人平均消費要$340 但係 店舖裝或同食物賣相都好大驚喜 消費指數中上…查看更多

佢似足日本拉麵店禁門口買飛 OK就試吓啦魚介拉麵 湯飲落魚味唔算好濃 都有魚香味 湯嘅質感唔算好厚身 叉燒厚度適中 味玉好滑醬油味好香蛋味都好濃 美中不足 係拉麵冇得揀軟硬度 中規中矩嘅拉麵辛味拉麵 望落去好似好多辣油禁 但 食落一啲都唔會好辣仲好有辣椒油味 好多拉麵店都會有餃子 但係呢間冇剩係得拉麵 而且拉麵都係得四種口味 略嫌小小美中不足…查看更多

經過門口好香咖啡味 好自然就行咗入去啦 店舖唔算大 坐到40-50人左右 開放式廚房而且唔算大 如果坐滿人嘅話 一個order都要等一段時間 雞肉菠菜忌廉意粉 用咗雞胸肉但係一啲都唔鞋口 個忌廉集材好香奶油味 一啲都唔似罐頭醬汁禁 意粉煮得啱啱好 整體好自家製茄汁辣肉腸煙肉意粉 醬汁食落一啲都唔酸有蕃茄味 煙肉唔薄唔細塊 辣肉腸都好香好辣 鮮奶咖啡 入口好香滑 咖啡味好甘香 意粉整體質量都唔錯 煮熟程度餸同意粉嘅比例 醬汁嘅味道同份量 都做得好好因為唔算多人 坐左三份一 所以落單到上菜 都係20分鐘左右 唔建議大家喺繁忙時間去食 因為廚房真係好細 …查看更多

食完鹹一定要食啲甜嘢 咁啱經過鋪頭裏面又唔係好多人就入去試吓啦3.6牛乳燉蛋白 識落冇死甜 分得出牛奶同雞蛋嘅味道 只係佢用咗膠碗 覺得唔環保 整體都唔錯 芋泥芋圓蕃圓椰汁西米露 椰汁味好香 芋頭味冇比椰汁冚過 芋圓蕃圓都有咬口 蕃圓好有番薯味芋圓就有芋頭嘅清香 對比西米露就無咩咬口 但係唔係好淋 都可以 整體都食得出咁多種味道 一啲都冇死甜…查看更多

三五知己食飯 最想搵到可以坐得耐嘅餐廳 今次試吓先間德國餐廳黑松露薯條 份量勁多 而佢煮完薯條再撈黑松露醬 所以薯條唔係好熱 又唔算好脆 而且仲有好多都斷開晒 感覺好下欄嘢禁自家製德國肉腸 食落唔算好多汁 味道唔錯 皮略帶脆身 配菜都幾好食 整體唔錯叫咗牛扒 五成熟 牛味濃 好嫩無咩筋位 唔點汁都好正 配菜係烤煎什菜 吸埋肉汁 好好味慢煮德國豬手 豬皮好煙韌 豬肉好滑好香豬味 切開見唔到脂肪 感覺冇乜罪惡感叫咗杯果汁 係蜂蜜芒果蜜桃 飲落唔會好甜 飲得出生果嘅層次 整體份量都好多 好多都食唔晒 人少就唔好叫咁多啦 性價比都可以…查看更多

見到唔洗排隊 即刻入去試試先全日餐叫咗炒蛋 奶醬多 叉燒湯意粉 正常水準 但係 份量係俾正常多 叉燒唔係得4塊5塊禁 佢地用既係瘦叉燒 但係 唔會鞋口 好抵食咖喱汁流心奄列蛋雞扒意粉 份量都係大份 咖喱汁唔辣帶少少甜味 有咖喱既香味 唔係日本式既咖喱味 係港式咖喱魚蛋味 奄列啡啡地 食落有少少流心 滑身得黎唔會覺得好生 雞扒煎得都幾香 仲有少少肉汁 意粉唔係煮定果啲禁會太淋容易斷 所以 意粉係好好味芝士肉醬焗薯條 肉醬唔似一般肉醬禁 食落好似咸牛肉 撈埋芝士 再加埋薯條 配搭得好好 因為份量都多 所以都幾抵食 而且唔似一般茶餐廳咁煮定 雖然係頹食 但係質量一啲都頹…查看更多

經開尖沙咀 朋友介紹就試吓呢間拉麵 店舖面積唔係好大 感覺似美食廣場既店舖 坐到40-60人左右 除咗麵食之外 仲有班戟 但係面色選擇得兩款 豬骨拉麵同埋蝦味增拉麵 小食我地就叫咗煎餃 煎餃皮薄 煎完外皮仲好香脆又無穿 咬落又唔會淋淋地 都好新鮮豬骨濃湯拉麵 豬骨味好濃唔會死咸 飲到豬肉嘅甜酥味 味付玉子 好好味 呢隻蛋真係可以用滑去形容 醬油味啱啱好 好正 叉燒咬落都仲好滑 成碗面都做得好好 蝦味增拉麵 湯底帶有蝦香味 唔會死鹹又唔會有醒味 因為係用蝦味既味增 所以 想食蝦又怕醒嘅人可以一食 整體都唔似美食廣場舖既食物…查看更多