meowieat's Profile

今日同閨蜜喺V city行到腳軟，本來諗住隨便搵間餐廳hea下，點知誤打誤撞，竟然有意外收穫～🍜 雞絲檬粉 熱到冇胃口嘅下晝，呢碗檬粉清清地都幾易入口！🍨 加購椰子雪糕 (+$12 | 原價$22)「OMG！必須加購！！」本來諗住雪糕咪又係嗰啲貨色，點知一上枱——🔥 燒粟米嘅焦香🥥 新鮮椰絲嘅嚼勁🥜 花生脆脆同砂糖粒嘅咔嚓聲再配埋濃到癲嘅椰子雪糕，凍熱交融嘅口感真係邪惡到震！我同閨蜜搶住刮杯，仲要即刻encore多杯～（$12真係抵到爛！)…Read More

今日去旺角行街，點知行過見到「辣湘湘」門口排晒長龍，仲要聞到陣陣辣椒香，即刻勾起咗之前係深圳費大廚食辣椒炒肉嘅回憶！橫掂朋友都未食dinner，一於試下呢間係香港嘅貴價版費大廚～🔥 招牌辣椒炒肉「同費大廚比，爭啲咩？」一上枱就聞到香味，但冇湖南嗰種「衝鼻辣」，食落係廣東人友善版🌶️～豬肉用咗瘦啲嘅部位，冇咁肥但，辣椒都冇深圳咁辣同香。🐔 手撕雞正常啦，冇咩特別。🍚 飯辣椒炒肉點可以唔配白飯，佢有得叫一碗飯或者一煲飯。我哋揀咗一煲，佢啲白飯都煮得幾好食，唔會好腍啤啤。如果係突然湘菜癮起，呢間可以頂住癮先～但係要還原湖南風味，可能要等返上去深圳啦！…Read More

日日lunch time 都見到珍姐出面大排長龍，所以一直都無機會試。今日lunch time 早放就去排隊，大概等左15分鐘，入到12:20已經無唒拔道腩雞飯，所以叫左佢另外出名嘅頭抽蔥油豬扒煎雙蛋飯。抽蔥油豬扒煎雙蛋飯果然係招牌，蔥油香得黎又唔油，豬扒已經切好細塊易入口，仲食到有香茅味，加埋篤穿個流水蛋撈飯，真心無得輸。係中環咁本土地道嘅碟頭飯，呢個質素真係無得頂，難怪連鬼佬都識過黎食（果日lunch time 都見到5-6個） ～…Read More

店內嘅木家俬係用當年灣仔碼頭拆出來嘅木樁再做出黎，有環保嘅概念，有同於T-park理念。如何有時間不坊可以係邊度坐翻一個下午Chill 下，睇下海。都係一個幾好嘅拖活動。菠蘿咖啡梳打（夏日限定飲品）[創意指數：⭐️⭐️⭐️]底層是菠蘿汁及果肉，上層冰鎮冷萃咖啡，面層梳打水。飲前要攪勻，不過咖啡味被菠蘿搶咗少少風頭。⏰提醒：呢度食完飲完野要自己洗翻，水龍頭旁有環保酵素清潔劑，洗完可以放翻係旁邊嘅歷水架。…Read More

夏日熱辣辣，怕肥又唔想飲Americano 嘅女仔，大推可以試呢個Tonic coffee，消暑一流！行完街飲即時降溫5°C～通寧水的清爽氣泡感 + 冷萃咖啡的果酸調性，碰撞出超乎想像的和諧。…Read More

🌇 環境與體驗全港唯一360°旋轉餐廳，90分鐘緩緩轉動一圈，維港兩岸景致盡收眼底！落地玻璃採光極佳，座位寬敞，生日慶祝或約會都夠體面。平日午餐人流較少，可以靜靜享受美食與美景。海鮮冷盤[推薦指數：⭐️⭐️⭐️⭐️]長腳蟹腳肉質飽滿，凍蝦鮮甜。鯛魚刺身有驚喜，肥美油潤。中式點心[推薦指數：⭐️⭐️⭐️⭐️]蝦餃皮薄餡靚，蝦仁爽彈；燒賣豬裏有帶子，有菇香！甜品區[推薦指數：⭐️⭐️⭐️⭐️⭐]開心果Muse蛋糕：表層金沙脆皮+內藏開心果粒，堅果味濃到犯規曲奇、脆餅：牛油香突出，脆而不硬所有甜品都唔係好甜，可放心試多款💡 總結景觀與甜品無敵，生日『買四送一』性價比突圍！種類不過不失，一般自助餐有嘅佢都有。記住：如果開心果控一定要留肚食開心果蛋糕！…Read More

夜晚7:30到場已有多款壽司售罄（如拖羅），剩餘選擇多為三文魚、熟蝦等基本款，新鮮度合格但無驚喜。試咗魚子醬壽司，無咩特別，整體普普通通。服務有待改善，一坐低就見到豉油樽見底無人補，明明唔多人，成班staff自己企埋一面傾偈，叫勁耐都無人嚟。食物普通但唔難食，服務扣大分。好在生日有甜品送，同店員會幫你影又有張即影即有送，叫做生日有啲紀念。個芝士蛋糕幾好食，幾creamy 。如果唔係，呢個價錢食其他嘢好過。…Read More

$150樓下有主菜+高質蛋糕，性價比超高！尤其推薦『卷卷Carbonara』配『杜拜開心果蛋糕』，附近返工族絕對可以encore。溫馨提示：蛋糕每日款式不同，想食特定口味建議早啲去！卷卷意粉（Carbonara）[推薦指數：⭐️⭐️⭐️⭐️⭐]近期大熱嘅『卷卷意粉』真係冇令人失望！Carbonara醬汁濃郁creamy，撈勻流心蛋黃後更加邪惡，芝士控必點。意粉捲成小卷造型，口感比普通Spaghetti更有嚼勁，打卡亦一流！鮮蝦蟹肉意粉[推薦指數：⭐️⭐️⭐️]蝦肉爽彈，但醬汁偏清淡，比較之下Carbonara更出色。如果鍾意鮮味可以試，但重口味人士建議直選卷卷意粉。草莓西瓜蛋糕[推薦指數：⭐️⭐️⭐️⭐️]清新之選！草莓甜香+西瓜爽脆，層次感十足，中間嘅玫瑰奶油好輕盈，食完濃味意粉後解膩一流。杜拜朱古力蛋糕[推薦指數：⭐️⭐️⭐️⭐️⭐]開心果控必點！堅果味超濃郁，而且唔會太甜，完全唔似『免費贈送』嘅質素！…Read More

小店格局，簡潔乾淨，座位不多但不會太逼仄。星期六避開人龍黑龍，轉戰呢間係明智之選！服務態度友善，上菜速度快，適合一個人靜靜食碗好麵。1. 醬油沾麵[推薦指數：⭐️⭐️⭐️⭐️]沾麵汁偏甜口，醬油香氣突出，帶淡淡魚介甜味，雖然睇落唔算濃稠，但掛麵能力一流！麵質採用粗身彈牙麵條，咬落有嚼勁，同一般拉麵嘅幼麵完全不同，鍾意口感嘅人一定會愛上。雖然面上只有兩塊叉燒，但沾麵汁裏暗藏豚肉粒，撈勻一齊食夠滿足。💡 總結呢間沾麵專門店絕對係灣仔拉麵黑龍以外嘅好選擇，尤其鍾意甜醬油風味同彈牙粗麵嘅人必試！雖然唔係豚骨湯底路線，但醬油魚介組合夠特別。…Read More

1. 隨心所肉配尖椒醬（芝心大批）推薦指數：⭐️⭐️⭐️芝心批邊芝士量足，但確實偏漏（膩），建議3人以上分享。尖椒醬是亮點，似cream cheese 加檸檬草，能中和油膩感。2. 辣到蝦蝦蝦意粉推薦指數：⭐️⭐️⭐️辣度夠驚喜（小辣以上程度），醬汁似拿破崙意粉的茄膏基底加辣椒籽，蝦仁爽口但只有4-5隻。3. 煙芝脆扭扭推薦指數：⭐️⭐️造型有趣但名不副實！外層酥皮確實似酥皮湯的蘇皮，內餡煙肉存在感小得可憐。4. PINK之柚惑梳打咖啡（凍）推薦指數：⭐️⭐️⭐️咖啡味近乎無，都無咩粉色，反而似檸檬梳打加西柚果香，清爽解膩，適合怕苦人士。…Read More

叫左碗椰汁紫米露，打開冇椰汁，撈底無紫米，得「糖水」，又稀又無料。俾左24蚊飲糖溝水，本身成本都唔高，仲要比啲咁嘅野人。如果係賣哂就同人講賣唒而唔係比啲水人。以後唔會再幫襯。…Read More