Chong丹子's Profile

是日半天工作，收工後去咗呢間薯仔屋電影餐廳嘆個Tea。雖然睇名都覺得應該係睇戲前先可以去嘅地方😂估唔到佢哋獨特的電影主題風格融合了美食和娛樂，讓用餐體驗更加有趣。話說餐廳好似比較少有叉電器借😅食物選擇都幾多雞件非常脆口，每一塊都好大，咬落去的時候係好脆好脆嘅聲音，絕對滿足個人口感需求😋最重要的嘅係雞件唔係話過鹹，好適合我的口味。搭配上濃郁的芝士汁，真是美味絕頂，每一口都讓我回味無窮。另外，他們嘅雞腿也非常出色，外皮酥脆，內部肉質軟嫩多汁，好似鹽酥雞嗰隻嘅口感令我覺得好鐘意，再搭配上特色沙律和薯條。沙律新鮮清爽，薯條酥脆可口，尤其是搭配芝士燒汁更係一絕🤪最後值得一提，呢間餐廳嘅服務態度都非常好，職員親切友好，讓我可以喺享受美食的同時感受到友好嘅服務。…Read More

作為一個沙田友， 每日都會經過呢間鋪，今日終於初到燒鵝海鮮酒家用餐，品嚐了他們馳名的雞粥。可能是星期一的關係，晚飯繁忙時間並没有太多食客，餐廳內坐了一半的客人，空間很寬敞。由於2個人都好細食，所以只叫咗一碗雞粥。其實最後有3小碗的份量，一個人食十分足夠。這碗粥的味道偏向重口味。雖然雞肉的口感蓬鬆，雞肉的味道濃郁，不過要留意番師傅唔係用蔥花而係蔥段一齊滾，唔好蔥的記得特別留意。我更喜歡清淡口味的粥，所以我覺得咸味稍嫌重啲。另外叫咗鮮蝦仁炒滑蛋，這味菜的味道也偏向重口味。蛋炒得很滑嫩，鮮蝦仁都好爽口彈牙。這味菜係正常發揮。最後一味係蜜汁叉燒皇，呢個是我最喜歡的一味。叉燒的質地鮮嫩多汁，蜜汁的甜味與燒烤的香氣完美結合。每一口都有香噴噴既叉燒醬味，好滿足感。總的來說呢間在夜晚繁忙的時間表現不錯，落單、上菜、同執枱都算快手。菜品偏向重口味，鐘意重口味食家之選。蜜汁叉燒皇值得一試。收加一服務費同茶芥，價格稍貴。…Read More

每當我們晚餐想不到吃什麼，宜家家居餐廳是個不錯的選擇他們的菜單有很多不錯的選擇。個人特別喜歡他們的香烤三文魚伴薯蓉。三文魚烤得剛剛好，肉質鮮嫩多汁，配上濃郁的薯蓉，雖然份量不多，但有飽肚的感覺。另外，瑞典肉丸伴薯蓉也是一道不可不點的美食。一口肉丸，搭配著綿密的薯蓉同醬汁。如果略嫌蔬菜不夠，他們的蔬菜薯餅也值得一試，十分清淡。炭烤雞肉串都不錯，雞肉烤得香嫩，濃厚的炭烤風味。煙燻烤雞腿就很一半，相對比較油膩，調味也很淡。而當晚小食拼盤只有煙燻蜜糖和奧爾良雞翼（平時會有粟米），沒有太大驚喜。總的來說，宜家家居餐廳及咖啡室的款式算多，口味也十分大眾化，價錢相宜。…Read More

夏天收工唔想煮，買燒味外賣快靚正。首先是家人指定的叉燒。個人不好肥叉，是日精選叉燒肥瘦適中，肉味濃郁。每片叉燒肉質爽口得來又有肉味，不錯不錯。另外買了腩仔切雞飯，腩仔的皮炸得香脆，但皮一點也不厚。切雞的皮薄肉厚，肉質鮮嫩彈牙，搭配菜心和薑蔥蓉，一點也不肥膩。搭配的日靚湯也相當出色，湯底清甜可口，調味剛剛好，是個人喜歡的淡口味。湯底見到有紅蘿白和粉葛等食材，消暑一流。同時也叫了一個鹵豆腐，豆腐外皮煙韌，內裏的豆腐很嫩滑，口感層次豐富。不過，調味相對較淡，如果喜歡清淡口味，這味嫩滑鹵豆腐可能會符合你的口味。總括來說，這家餐廳的食物不錯，環境幾乾淨，不過堂食位置不多，可一試。…Read More

是日同事突然約放工後去西貢食晚飯，最後仲覺得唔喉要食埋宵夜，近近哋就滿記甜品啦可能係星期五的關係，店內坐滿了食客。由於同行有隻毛孩，只可坐外面帳篷搭出來的位置。店入內雖然提供多部冷風機，惟天氣實在太熱，因此快快手食完就走人。因太飽同天氣太熱的關係，大家都袛係叫凍及簡單的甜品。芒果西米露椰汁西米露仙草紅豆沙仙草配雲呢拿雪糕綠豆沙綜合所有人意見，所有甜品均不過不失，没有特別出色既感覺。毛孩友善食店…Read More

雖然次次買譚仔外賣都要等到火都嚟埋，今次由消防局落車已經打電話外賣，然後去到舖頭俾錢，最後都要等成20分鐘。其實店內並不是太多客人，而門外只係小貓三四隻等外賣，唔明白點解次次都要等好耐。今日先知道，原來譚仔終於裝咗PayMe ，付款有優惠。今日叫咗個3餸米線，1個小食同飲品，埋單$ 73 都幾貴下。雞肉金菇豬潤三哥酸辣湯底 $48叫咗少米線，一嚟怕自己食唔曬；另外知道由早幾年開始少米減一蚊，三哥就會捐一蚊比「小母牛」，助貧困農戶走上自力更生的脫貧路，食米線既同時又做到善事。不過今日叫少米就真係得好少好少米線。一向只食(重慶)三哥酸辣湯底，今日個湯底略嫌咸咗啲。另外印象中個湯底有其他配料好似榨菜嗰啲，但今日只有辣椒皮，偷工減料，得個咸字。蒜泥白肉 $ 23 (外賣自取加配優惠)日漸縮水既白肉，薄郅透光，只能淺嘗。凍檸水明明叫咗少冰，最後成品都係冰多到督唔到，真係chur 2啖就冇咗一直以來都係譚仔fans，依家除咗價錢越來越貴，份量越來越少，出菜越來越慢之外，唔知未來會唔會更差。…Read More

好耐冇食川味米線，今日癮起，約埋男朋友仔一齊去食桂緣小鍋米線。啱啱好收工時間，現場有8張枱，張張都有人坐，大約八成滿，坐位都闊落。由於都幾肚餓下，2條友都叫咗3餸🤣加埋小食同飲品，飽到上心口。值得一提既係，碗碗米線都滿到碗邊，所以職員上米線嗰陣行得勁小心，冇諗過咁大份量，下次過嚟一定要記得叫少米先得😂落單可以掃枱面QR code或者用填紙仔落單。以下就講下我叫咗嘅嘢食：豬軟骨腩肉豬肚酸辣米線 $61滷物全部都好入味又焾焾哋易食，本身叫咗少少辣，加埋腩肉嘅微辣，個人覺得啱啱好。重點係好多芽菜！本人至愛😍同埋呢度轉菜底唔洗加錢👍🏻墨丸魚皮餃肥牛麻辣米線（芽菜底）$57墨丸彈牙好味道，魚皮餃幾好食，肥牛肥瘦適中，轉咗芽菜底，係大量芽菜🥰相對餸菜，麻辣湯底比較普通，正常發揮。雞絲山 $24白烚雞肉整成絲，另附上蒜泥紅油醬汁。醬汁大約由大量蒜蓉，少許滇醋，紅油及糖組成，個人覺得偏甜。點少少已好夠味。蒜泥白肉 $27醬汁類似雞絲山個汁，但就冇咁甜，腩肉片薄似紙，份量都唔多，大約有十數片。蠔油菜心 $13以餐廳嚟計，呢碟菜算得上足量，仲要係菜心苗嚟，蠔油亦頗為傑身濃郁👍🏻豆漿 $9包裝豆漿，没有豆渣/豆腥味，口感順滑，值得一試。總結上菜速度快菜式選擇多整體味道中上、價錢適中醬汁偏甜食咗咁多嘢埋單都係人均$100，飽到上心口，可以再嚟。不過最大限制係店舖位置比較遠離地鐵站，加上在巷仔內，一唔小心就會行過龍。…Read More

見間食店喺放工必經之地，同朋友相約比較方便。放工時間過到嚟大約6:45左右，可能時間尚早因此現場未見太多客人。由於食店位於街市上面，因此没有冷氣提供，現場有多部大風扇，唔會覺得空氣焗促。面積頗大，枱同枱之間十分寬敞。食店提供大路選擇，價錢稍貴，另外需收加一服務費。好耐冇見既玻璃樽可樂，另外鋁罐裝同樣為$10(未計加一)。西蘭花炒鮮魷調味偏咸，必須叫個靚仔一同進食。魷魚份量比想像中多但比較薄身，界花師傅好有心機逐條切，新鮮爽口；同樣地，西蘭花同草菇亦煮得啱啱好，唔會太生或者煮到軟曬。豉椒炒蟶子蟶子飽滿冇沙，醬汁ok。配料有洋蔥、青紅燈籠椒，咸咸地好送飯。然而一碟只有5隻蟶子有啲唔夠喉。避風塘軟殼蟹呢個有驚喜，炒得夠乾身，食落唔會感覺好油，細細隻方便食用。色香味俱全，同時要留意番後勁有啲辣。白飯迷你白飯，大食的朋友可能唔夠飽，個人就覺得差不多。食完飯大約7:30 左右，現場未見爆滿。總結調味偏重，送飯ok。如果朋友唔食得辣的話，辣味菜色記得落單時同職員講聲。最後埋單大約人均$300，3餸1飯1汽水，價錢稍貴，如果不是太大食的話，份量還可以。需收加一服務費，没有飯後甜品/生果。如果相約三五知己食飯，唔洗等位的話不失為一個選擇。…Read More

朋友即興約晚餐，適逢晚市高峰期，呢間叫做少啲人排，但最後都等咗半個鐘。免費小食：花生、炸黃豆由於朋友唔食魚，所以最後決定食黑毛豬。首先上枱係鮑魚羊肚菌燉雞湯，湯汁清澈，好濃郁羊肚菌味，雞骨燉至軟身，入口即化，鮑魚比較煙靭，濃淡適中。主菜黑毛豬肉望落去似東坡肉，醬汁非常傑身，有幾條茶樹菇，建議一啖湯/菜加一啖豬肉，好膩。啖啖肉口水雞，稍微有點兒辣，唔食辣的朋友留意吓。小籠包很一般，可一試。不建議大家選擇津白，大量麵粉煮成嘅湯汁，冇乜味道，性價比低。由於十分鍾意食豆沙，我覺得可以一試甜度不是太高，份量也適中。雖然價錢稍貴，但如果有毛孩的話選擇不多，因此佢算係一個不錯的去處，當然主人必須約束自家毛孩的行為…Read More

是日約咗醫生為毛孩拆線，見近近哋、評價幾好就去試一試。是日特別餐牌揀咗2人份量的重量級燒烤拼盤，另外包埋餐湯、小食，即場掃QR code做埋會員有送一杯特飲以及滿$500減$50優惠。首先送上沙律，材料常見的青瓜、小蘿蔔、生菜、車厘茄以及火箭菜等，配上少少沙律醋，為熱辣辣的夏天開開胃。沙律菜十分新鮮，不過火箭菜實在太苦，所以不能完全清曬。羅宋湯味道OK，没有太大驚喜，用枓豐富。成功做會員送贈的飲品，名就唔記得啦，梳打水味比較重，不合個人口味。主菜唔錯頂級西冷250G西冷略嫌熟咗少少，脂肪都比預期中多，味道較淡燒豬扒味道不俗，火侯適中燒黃油半雞調味為4款主菜中最突出，比較咸味重一點，細皮嫩肉有肉汁燒虎蝦爽口彈牙，輕微調味雖然價錢稍貴，2人份量其實好夠食，另外店員都幾pet friendly，請示主人後有請毛孩食零食以及有互動。 如果有機會的話會再次光顧。…Read More

放工後趕住做facial，喺附近行緊見仲有少少時間就入去一間睇落新淨嘅鋪頭醫肚，稍後時間與朋友會和後同朋友講起午餐，講起呢間鋪頭先知原來該食店新開張冇耐。整體來講，價錢可接受，選擇不算太多，全日套餐都多人叫，樣樣有啲，性價比高。如果路過可以一試。怕時間上趕唔切，所以叫咗簡簡單單嘅牛腩米，下午茶時段上菜速度快，前後加埋埋單都只係15分鐘左右。牛腩好味道，油脂剛剛好，湯底清淡得嚟係香嘅，趁新開業大家可以一試。…Read More

第二次幫襯呢間茶餐廳，晚餐時段入場入座率大約7成左右，所以等待入座時間不長。提供4款基本扒餐選擇，惟一要注意的無論要3/5/7成肉類成熟程度都差不多是全熟首先上餐包，普通餐包一個，唔太甜及好鬆軟。好咸嘅蘑菇湯正常檸檬水，冇特別要求，偏淡西冷扒，賣相正常，5成偏熟，汁好傑上菜後由職員淋汁，職員會貼心提醒客人小心枱面個人物品及記得用紙巾遮擋衣物。配搭的薯菜不太新鮮整體而言，菜式可接受，味道偏咸，不強烈推薦。…Read More

雖然已提早拎飛，但因細鋪比較少大枱(一行8人)， 最後都等咗7個字，分開2張枱入座，建議大家預早時間拎定飛。叫咗2個會員限定套餐(4人前)加+飲品，另外一個十品燒肉盛合，份量啱啱好。首先上場的凱撒沙律略嫌多咗沙律醬，梅子蕃茄好清爽，值得一試。五品菜盛合有秋葵、粟米、雞脾菇、粟米仔以及鮮冬菇。新鮮菜，除粟米外其他燒一燒就食得。一片片魷魚2面略燒，變色就可以離火。食緊沙律的同時主角上場-肉。目測為牛舌、雞肉、豚扒、和牛牛板腱等，雖然一人2片，份量不是多， 但都夠飽。每次必食海老，大隻爽口，可惜有一隻少少霉。牛角靈魂飯食到咁上下，開中火將有魚皮的一面向網，燒至略有收縮現象轉細火再反轉魚身，慢慢燒，最後加汁就得到美味燒鰻魚，大滿足散場。…Read More

附近打完波再加上晚飯時段唔係太多人排隊所以就揀咗佢。醍醐粉🧐同七味粉一樣咁既樣，唔知係咪另一個名。加埋炸粉，其實都幾大件下，炸衣比較油膩，敗筆位，呢個飯有粒炸流心蛋。一個套餐有炸物飯+麵豉湯+漬物一份（酸薑，蘿白）炸物多餘既油份流落下面既飯度，食2啖已經要飲茶解膩。其實食食下先發現個碗底部中空，碗飯唔多，大食既朋友要留意。是晚3人已經食咗接近400蚊，其中包括10%服務費，老實說，食物普通，服務也是不過不失，係幾貴，不值得再次過黎。…Read More

今日早起身，突然口痕想食壽司郎做早餐，諗住早九個字都夠做，點知「少年，你太年輕了」，去到已經打哂蛇餅，最尾開門拎完飛等多成個鐘先有位入到去第一時間緊係order五月最新限定menu啦一睇到大理石咁ge紋就知我咩料啦，一食不得了，魚脂係口入面大爆發，香到不得了，得分9點。重有1分去咗邊? 美中不足有少少筋，如果唔係就perfect池帆立貝鮮味非凡，加上咸香的三文魚子，而且厚厚的口感令人欲罷不能，oishi我諗親愛的讀者們都有同一個諗法: 呢舊嘢應該腥到不得了 lol 無錯，我都掙扎咗好耐究竟叫唔叫嚟食，你知啦等陣好似明X醋鯖魚咁就死得人。不過人一世物一世咩都要試吓，一食，其實係好好食喎。佢魚味好香，同埋應該用咗少少醋，提起佢ge鮮味，強烈推薦又返到嚟我最愛ge吞拿魚，今次到赤身，無得輸，越咬越有魚香味，大愛赤貝一貫味道鮮美，爽口的裙邊，配上清新脆脆的青瓜，為炎熱的夏日降一點温。落order果時諗緊點解咁似油甘魚，後尾先知間八係大size ge油甘魚個名，食落油脂感十足，滿口都係豐溢ge感覺，魚味相當出眾三文魚的油脂感重，鮮味亦足，不過唔太特別呢個比較失色一d，味道好淡，好似食緊好爽ge膠有三粒大竹筍，加埋高湯蒸蛋，味道不錯叫返個正常ge赤貝收尾，正常發揮，甜味滿點呢個真心正，白桃味雪芭配上白桃，再加上雪糕，絕對係甜度滿載，無得輸，大推!正式為呢一餐劃上完美ge句號，為下次排隊做好準備 lol…Read More