19flog's Profile

之前食過新蒲崗分店，覺得好正，今次同屋企人一齊黎太古分店試下，環境同新蒲崗都好唔同，價錢當然都比新蒲崗貴啲🪿 滷水鵝片肉質偏瘦滷水同新蒲崗分店一樣鵝片切得比新蒲崗既大片同平均擺盤都靚啲😂🐚 金不換炒蟶子皇好大隻，但無剪斷圖片係兩隻既量都可以比四個人食🦪 汕頭煎蠔烙粉漿較厚，比較軟身蠔仔份量多但存在感唔強因為比粉漿包住個人比較鍾意新蒲崗分店嗰隻炸蠔餅🐚 魚露浸花甲第一次食，原來係凍食無沙無泥，蜆肉脹卜卜食落有苦味👀睇返呢個菜譜係有落酒所以應該係酒既味道愛酒人士應該會愛🧆 潮式咕嚕肉咕嚕汁味道偏酸係番茄既酸味爽口既豬肉配菜有番茄同青瓜🥒🥬 乾瑤柱春菜煲🍚 欖菜肉碎炒飯上檯無乜期待睇落顏色好深有啲驚會好鹹，點知有驚喜炒飯炒得乾身，食落好香幾個人一致認為個炒飯最好食🍠 反沙芋頭芋頭炸得夠熱，裏面偏粉白糖掛唔住一邊食一邊成塊糖衣甘跌好處就係唔好甜既人可以敲走啲糖今次無做足功課見到菜單有啲手工菜需要提早兩日落訂如果有機會，下次想試下啲手工菜畢竟呢啲傳統花工夫既菜式買少見少由蠔餅就睇得到分店既食品分別：新蒲崗分店係港式打冷，適合一班朋友飲酒吹水食飯；太古呢間係精緻潮州菜館，適合帶埋長輩黎慢慢食，個人更偏好新蒲崗既港式打冷…Read More

每到食晏時間，呢間舖頭都有一堆人係出面排隊，有次要等30分鐘，落單到上檯又等10分鐘，黎食都要預啲時間等下。👍🏻湯底🍜 - 大多數都叫酸辣濃湯，微辣，但佢地既辣度係有「彈性」既，阿姐話唔同師傅咼。同一個辣度，試過完全唔辣要問佢加辣，都試過辣到sip sip聲。（我食十小叫微辣，朋友食開三小叫小小辣） 試過清湯，係奶白色湯底，比好多米線店既清湯濃郁，味道唔寡都好味。🍗雞肉 - 係細細塊既雞片，嫩滑唔柴，每次都叫🍄冬菇 - 有四五粒，細細粒唔係厚肉個隻，不過滷得入味，略帶甜味🍥魚腐 - 唔係用魚肉炸出黎個隻，唔係索湯，一般丸類野，無特別🦴雞軟骨 - 好少見到雞軟骨配米線，應該係用滷水煮，偏軟身但仲有咬口，出奇地好味🐮牛柏業 - 唔會好韌好難咬，正常野無特別🥛豆漿 - 唔會好甜而且有豆香如果係附近搵野食又肯等下既，呢間米線都值得試下。但要留意開舖時間，禮拜日休息阿。🍴雲南風味小鍋米線 (長沙灣)📍長沙灣福榮街573號地舖#19_flog米線 #19_flog長沙灣 #hkfoodie #foodies #香港美食 #地區美食 #食評 #foodinstagram #foodhk #米線關注組 …Read More

細細個就聽過呢個名，不過到最近先第一次去食。Book左位，到左門口佢地帶我地到隔離既米線舖到坐低先知原來有兩個舖位坐底就即嗌打冷必食蠔餅!🦪 蠔餅 薄粉，炸得好脆唔會油淋淋蠔仔份量好足，仲要有兩塊一擺底就好快比人分哂🐚 蟶子皇勁量蒜茸，食完一定口臭但好好味蟶子大大隻無呃人時價約七十幾蚊隻🦪 蠔仔粥好足料，好好味一大兜，8個人都有每人一碗多啲🪿 滷水鵝片入味，鵝片連皮夠肥美不過切得有啲細嚿底下淨係舖左幾塊豆腐本身叫例牌，不過姐姐話我地人多會唔夠食所以最尾叫左下庄🪿 滷水鵝腸爽口彈牙，無異味個汁有小小似沙薑既質地好好味🐟 凍馬友第一次食，好滑不過係無乜味，要點汁食見到每檯都有叫應該係必食環境適合一大班朋友黎飲酒吹水價錢唔算貴，份量又足又好味果然老字號存在咗咁耐係有佢嘅道理可以keep住嚟食既打冷店#19_flog新蒲崗 #19_flog打冷 #hkfoodie #foodies #香港美食 #新蒲崗美食 #食評 #foodinstagram #foodhk #打冷關注組…Read More

收費$250/人 2.5小時 免加一兩個人黎食會安排並排坐坐低膝頭有啲頂住張檯坐得唔係好舒服呢到QR自助落單無漏單情況，上菜都好快不過串燒要啲時間先熟，無甘快食得所以每檯都有送包瓜子比客食住先🥩 牛肉有五款選擇🥩牛肩胛最好食因為油花比較多燒完唔會老或柴🍢 多春魚燒魚最煩係魚皮會癡網呢到離網燒就無呢個問題魚春好多，好肥🍢 豆卜燒到外面脆卜卜勁好味，食左四五串豬肉有三款選擇🍢 豬頸肉第一串好好味第二串黎爭細粒左好多同第一串唔同左樣🍢 豬腩仔半肥瘦🤤燒到金黃色加小小鹽就好好味🍢 雞軟骨要啲時間燒耐啲先可以脆卜卜又每人食左兩三串🍍菠蘿超推薦燒完超甜又多汁👍🏻🍢 秋葵一般，唔推薦🥛飲品有八款選擇無糖茶，椰青水……最鐘意豆漿，仲要小甜👍🏻個爐計設計一般擺某啲串燒要用三個位置e.g. 豆卜 菇類 等唔係會撠住轉唔郁同埋個掃燒烤醬既掃手炳太短燒到中後段既時間，個爐太熱掃上去會辣手如果鐘意重口味既燒烤，呢到未必岩有啲人比較偏好醃好或者鋪滿孜然粉但我就鐘意呢啲只需小小調味既串燒同埋呢到既款式選擇其實唔多不過質素唔差兩個人總共食左約四十串，計返都係約$13/串好抵食，其實仲有時間可以燒多啲但食到好飽所以最尾都無燒到整體黎講係可以再食既串燒🍴密密燒 (深水埗)📍深水埗東京街50號地舖…Read More

禮拜五中午打去，佢話預約full哂可以試下walk-in甘我地諗住平日應該會有位掛就照去好彩仲有位但都滿左大半場，朋友話假日仲要提早個幾月book。收費係$170/3小時黎到我先知係有個網架係炭爐上面燒，岩哂我呢啲唔想揸住叉慢慢燒嘅懶人。個網我地燒到有啲黑炭喺上面，加錢換左次個網。🍻呢到既飲品都有好多選擇，見有檯飲左成打啤酒，好似都係免費如果飲到既話飲酒應該最回本。平時出去燒烤必備既蒜茸，蜜糖，呢到全部任裝🍄 整娃娃菜，菇同茄子都唔洗驚唔夠，正👍🏻🍢食物選擇都好多，基本野：雞中翼，雞軟骨，麵包，雞腎，牛肉……個啲唔洗講仲有蝦同多春魚，🦐蝦竟然唔洗加錢，仲要唔差唔係霉霉爛爛既肉想要食好啲仲有加錢區，🐚見到有$10一隻扇貝肉但免加錢任食都好多選擇所以就無試到最意外既係有啲食物竟然係獨立包裝，🍢同埋有竹籤串住我見到有啲職員係到分裝處理😧太耐無去BBQ場，記憶中係以前都係似街市一袋袋甘賣啲醃肉食咩肉都差唔多，以家質素好左甘多既咩個人最愛：🍗 唔辣的雞中翼(好似係蒜香), 蝦, 雞軟骨同番薯🍠 呢度嘅番薯超大個，燒完之後仲流蜜 真係好好味平日都要book位，不過留部分位置比walk in假日我估大家都係唔好撞彩啦，應該勁多人整體好味 抵食 衛生，可以再去👍🏻…Read More

舖頭位於一條橫巷入面，唔係佢擺左個餐牌係出面真係留意唔到。🍗生炸雞脾王煎蛋飯 - 手掌甘大隻雞脾 生炸真係唔同啲，外皮勁脆，入面啲肉仲嫩滑多汁，配上甜豉油超正失色就係個煎蛋話係太陽蛋，但應該比隻雞脾冚住焗熟左，蛋黃無左流心缺點就係食完第二日即出暗瘡同喉嚨痕，太邪惡唔可以成日食🐷兄弟醬豬手飯 - 豬手都有成六七嚿，豬手炆得夠腍，夠入味個醬係同南乳有啲分別個人更鐘意呢個兄弟醬，勁好送飯🍝沙嗲汁雞扒撈讚歧烏冬 - 雞扒一樣大大塊沙嗲汁同平時食開好唔同，佢無沙嗲既香辣比較偏甜，味道似日式甜咖哩多啲而且啲汁好多，重口味人士之選呢間舖頭價錢平，份量多啖啖肉，外賣自取仲可以減$10，可以黎試下，炸雞脾建議堂食。不過我睇返唔同分店既餐牌，個價錢都有啲分別，長沙灣呢間應該係最平。🍴和順記 (兼善里) (長沙灣)📍長沙灣青山道兼善里6號地舖#19_flog茶餐廳 #19_flog長沙灣 #hkfoodie #foodies #香港美食 #地區美食 #食評 #foodinstagram #foodhk #生炸雞脾…Read More

朋友話想食日本野，係附近搵到呢間日本野好似唔錯就book左黎試下。舖頭係個商場仔入面要搵條扶手電梯上去。🥗椒鹽五花腩青瓜絲沙律 - 五花腩唔入味，沙律青瓜絲比較多，青瓜味突出，而且無乜沙律汁，成個沙律好清，淨係菜味。🍢汁燒雞肉蔥串 - 啲雞肉好肥好嫩滑但係雞肉無乜調味主要係靠上面啲洋蔥同燒汁既味道🍢雞皮 - 燒得好脆，將油脂逼哂出黎🍢雞腎 - 雞腎切到好大粒太大粒變得好韌，有啲難咬🍢免治雞肉棒 - 同朋友都感覺雞肉有啲霉霉地🍙燒飯團 - 面頭可能太大火或者燒太耐，飯粒太硬有啲好似咬生米甘🐠油甘魚鮫 - 好大份，充滿魚油不過有啲位置燒得唔夠🥂柚子酒 - 超好飲完全無酒味，勁易入口，似柚子汁多啲侍應勁好拎埋支酒比我影相，但我後尾都搵唔到香港邊到有得買🥹佢地係開放式廚房，見到佢地係有心將串燒慢慢燒，唔係預先燒到半熟再加熱既，但係食材一般調味唔夠。同場有另一檯客，貌似係熟客，聽到佢講話係另一間分店叫佢比多次機會呢間分店先再黎，唔通另一間分店水準好啲？🍴隱町 (馬頭圍道) (土瓜灣)📍土瓜灣馬頭圍道63號啟岸1樓1號舖#19_flog日本菜 #19_flog土瓜灣 #hkfoodie #foodies #香港美食 #地區美食 #食評 #foodinstagram #foodhk #香港居酒屋…Read More

禮拜六中午時間去到都要等一陣先有位，入面位置比較逼夾，連姐姐送餐都要食客讓一讓位。🍜牛坑腩併牛筋米粉牛筋同牛坑腩既份量好多，牛筋同牛坑腩應該都各有6-7嚿，不過佢既牛筋可能浸太耐，好鹹，鹹到最尾食唔哂牛坑腩就切得好大嚿，切到有啲正正方方，切薄啲會好啲湯底就係普普通通既清湯加腩汁牛坑腩好似都係唔洗加錢，雙併米粉$50有找朋友叫左牛腩，見到牛腩有好大嚿既肥膏同埋柴啲，個人覺得叫牛坑腩會好啲。雖然係普通牛腩麵，但真係大份足料，呢個價錢叫抵食。🍴新興麵家 (屯門)📍屯門井財街青菱徑地下#19_flog屯門 #19_flog牛腩麵 #hkfoodie #foodies #香港美食 #地區美食 #食評 #foodinstagram #foodhk…Read More

甘岩同朋友食完飯，經過係見到海報有開心果露🤩 決定即刻去食飯後甜品，坐底左先知無哂開心果🥲 跟住就叫左個芒果冰。芒果冰🍧 -上面舖滿酸酸地既爆珠同埋芒果粒。成個冰都黃撳撳，唔會中間有一嚿得冰無味，似係芒果汁結左冰甘，每一啖都有芒果味。芒果味好濃，味道偏甜唔酸。但係，將外面既冰食左之後，中間個冰係凍成一大嚿，用匙羹敲落去係敲唔碎既，唔夠牙力咬碎啲冰🥶 最尾要等佢變左芒果汁先『食』到。…Read More

第二黎食，今次仲飲哂湯底，見到相剩返少少湯底🤏，但其實我地飲到一滴都無剩先加湯打邊爐😂如果用openrice訂座，4人或以上 花膠雞(半隻)湯底先$168 (原價$268)，連埋加一既話四個人平均每人先 $47有找，每人可以有三四碗雞湯加雞件同埋花膠，打邊爐之前飲湯都飲到飽左大半。🍲花膠雞湯 - 個湯真係好好味，雞件嫩滑，花膠都軟稔，所以都無諗過食其他湯底。另外我地仲叫左幾碟配菜，個人推薦豆苗，同 手切安格斯牛肉👍🏻 豆苗🌱 $48，幼嫩無渣，好食手切安格斯牛肉🥩 厚度適中，唔係薄切切既，又唔會容易淥到好韌，油脂唔多，適合打邊爐，不過因為飲哂雞湯之後再加既湯底味道比較單一，所以點豉油會好食啲。有兩樣個人覺得一般既：金牌牛肉丸🟤 有牛味同有汁，但咬落去感覺好老桂花蚌 唔識滾🙈 大小厚薄不一，好難掌握時間，一係太老一係唔熟，仲有嚿有苦味魚皮餃、墨魚滑、唐生菜🥬、芋絲同魚皮就正常野，不過不失，叫左甘多野埋單$1200有找，每人唔洗$300呢間花膠雞湯底質素高，價錢又唔貴，不過要搵齊4個人或以上用openrice訂先最抵。如果兩個人黎食，唔講湯底要$268先，一般食量，半隻花膠雞湯底連湯料都幾飽下，基本上都食唔到其他野。🍴 大笪地花膠雞 (旺角)📍旺角彌敦道613號飛達商業大廈3樓#19_flog旺角 #19_flog火鍋 #hkfoodie #foodies #香港美食 #旺角美食 #食評 #foodhk…Read More

見到有人話有韓國既味道，就book左去試。以前去韓國食孔陵一隻雞既時候，我都諗點解香港無，睇落同打邊爐既設備要求都差唔多咋嘛🥲坐底首先見到前菜已經放左係到，水芽菜同辣水蘿蔔，我見識少，第一次見水浸芽菜，食落完全無調味，成口青味；辣水蘿蔔，講唔到佢係醃蘿蔔，因為完全唔入味，好似煮熟既蘿蔔淋上好稀好水既辣椒汁。後尾我上google 韓國水芽菜，無呢樣野😐跟住叫左個兩人份既 🍲韓式雞肉火鍋(s $328)，個煲上到檯未見雞先見到一大堆蒜蓉🧄 係撈埋蒜蓉之前試飲個湯底，係好淡既清雞湯。撈埋蒜蓉後，只有蒜蓉味。甘唔飲湯食料，雞脾滑係正常既，但其他位置好柴，我相信應該係要滾左之後就熄火，但侍應無提，過左陣佢見到先幫手熄左，不過煲入面本身有幾大塊既薯仔，熄火後薯仔半生不熟。雞🐓本身無乜味，都唔入味，要點汁黎食，個汁係豉油生抽甘嘅味，再撈蒜蓉同辣椒粉(同打邊爐無既分別?)🙂 年糕都係點同一個醬汁🙃我地仲加左個粥，點知佢係𢳂起晒我地個煲既料，剩返好少湯，跟住拎返個煲入廚房，出黎就有一鍋粥。其實個粥本身味道係ok既，但唔知點解食食下，同朋友都覺得有浸檸檬茶既味道🙈薯仔煎餅🫓 外脆內粉，係呢一餐比較好食既，但都好似唔係正宗既味道。因為食孔陵一隻雞都係幾年前既事，我驚自己記憶有誤，所以搵返孔陵一隻雞既圖黎睇，係無蒜既。如果係同我一樣食過韓國孔陵一隻雞，想重溫味道既話就唔推薦啦，有比較有傷害。如果無食過韓國味道，想試下既話都可以既，但唔太值。又或者辣炖雞先係呢間主打？…Read More