Terrencelaulau's Profile

<三川居酒屋>因為疫情都成兩年冇去過日本, 坦白講真係好掛住日本嘅景點同埋食物, 雖然去旅行遙遙無期不過如果搵到一間有質素嘅日本餐廳相信都可以止止癮🤤******************************- 季節刺身盛 🍣 $350/位- 串燒 🍡月見免治雞肉棒 $36厚燒牛舌 $68極上和牛串 $78豬腩味噌燒 $38- 明太子蟹肉醬焗蠔肉蘑菇批🦀 $98 ******************************T仔足足兩年冇去過日本😪, 以往去親日本都一定會去當地嘅漁市場或者係較高水準嘅居酒屋去食下日本嘅新鮮刺身, 而今次依間位於銅鑼灣嘅居酒屋刺身質素實在令我喜出望外, 其中令我最滿意嘅係吞拿魚腩, 絕對做到入口即溶係食材質素嘅表現另外有少少估唔到嘅係串燒質素都好高特別喜歡嘅係厚燒牛舌同埋月見免治雞肉棒😛, 仲會有隻月見蛋俾客人用黎點免治雞肉棒🥰 牛舌方面, 焦香爽口😍 如果唔係趕時間去睇戲絕對想食多幾串先走🙈******************************整體黎講三川居酒屋作為一間日式居酒屋店水準有質素, 特別係刺身及串燒都做到高水準😍 如果各位同我一樣都係好掛住日本嘅刺身同串燒, 真係可以黎試下 止止癮🤣好食分數: 8.2分******************************🍽 三川居酒屋 (銅鑼灣) 🗺 銅鑼灣軒尼詩道499號永光商業大廈地庫🕰 星期一 至日 12:00 - 15:00 17:30 - 01:00…Read More

<OMG chicken>話說T仔我其實係一個燒雞既愛好姐, 一隻好味既燒雞最重要緊係外皮烤到脆一脆, 入面既肉柔嫩滑身唔鞋口🤤正當我好想食燒雞嘅時候就一位朋友突然間推介左一間舖頭俾我😛******************************- Set of two 🍕🍗$168燒雞半隻 - 蒜蓉蜜糖汁薄餅八吋 - Thousand island chicken pizza🍍薯條一份雞翼兩隻蒜蓉包兩片飲品兩杯******************************一上碟燒雞連皮好脆口但內裏係嫩滑多汁完全唔鞋口😆就算係雞胸部份都好滑身完全唔覺得自己食緊雞胸😻薄餅焗得好脆, 千島醬入味另外薄餅上面嘅雞肉每一舊都好滑口🤤有少少估唔到一間主打燒雞嘅舖頭薄餅竟然都咁好食👍🏻👍🏻另外薯條同樣係新鮮炸起完全冇馬虎🍟兩隻雞翼就不過不失但係整個餐已經感到值回票價👍🏻👍🏻******************************整體黎講OMG chicken作為一間西式快餐店水準絕對比一般快餐店高出不少, 特別係招牌嘅燒雞令人津津有味, 遺憾我只係食咗其中一款, 另外薄餅同樣係吃令人喜出望外, 難怪見到某某明星間唔中都會去幫襯🙈😂好食分數: 7.5分******************************🍽 OMG chicken (將軍澳) 🗺 將軍澳澳南海岸唐俊街23號MONTEREY Place 地下G23A號舖…Read More

<A Tavola Bar & Grill>將軍澳海旁開得越來越多小店, 特別係一啲西餐同埋牛扒做主打嘅餐廳今日就去咗將軍澳南海旁試咗一間叫做<A Tavola Bar & Grill>的確令我有驚喜🤤******************************- Angus ribeye dinner set🥩 $328- Beef Lasagna🍝🧀 $135******************************A Tavola Bar & Grill係一間主打西餐既餐廳🤪 比較鍾意店內有一個大螢幕, 有一啲體育嘅賽事播緊, 如果鍾意運動比賽嘅朋友可以去一路食嘢一路睇👍🏻而且餐廳佈置比較chill 好適合一班朋友響度飲下酒傾吓計🍻🍻- Angus ribeye dinner set🥩 依個dinner set 堅抵食, 有海鮮湯, Angus ribeye, 飲品同埋甜品 tiramisu🤤, 海鮮湯好足料有蝦肉, 魷魚等等, 味道有少少微辣👍🏻主菜 Angus ribeye 🥩兩個字可以形容晒 出色!! 👍🏻 我叫咗三成熟 一入口 肉質軟嫩多汁🤤 絕對比得上一d有名嘅牛扒店👍🏻- Beef Lasagna🍝🧀 小編係一個好鍾意食肉醬千層麵嘅人, 基本上餐牌有就會叫🤤 依間餐廳整得都冇令我失望😍 肉醬夠多, 而且千層麵嘅質地好煙韌, 完全係我想要嘅味道🤪******************************整體黎講A Tavola Bar & Grill 雖然響餐廳林立既將軍澳南營業, 但餐廳有自己既特點以及具質素既食品😆不過小編因為帶住左隻狗仔所以只能夠坐outdoor, 食品就用外賣盒送上, 不過質素係冇影響嘅☺️, 絕對會再食!!好食分數: 8分******************************🍽 A tavala bar and grill (將軍澳) 🗺 將軍澳澳南海岸唐俊街23號MONTEREY Place 地下G08號舖🕰 星期一 至日 11:30 - 22:45…Read More

早幾日朋友仔生日, 話好耐冇去日本好想食餐好食嘅日本嘢, 咁我就推介左同佢一齊去食玄鮨🤣, 依間餐廳本身舊店係位於中環而家搬咗去銅鑼灣環境一樣舒適🥰******************************- 刺身餐 Sashimi set lunch $480- 和風餐 Teishoku $340******************************位於銅鑼灣開平道Cubus既 玄鮨係一間米芝連級別既餐廳, 從港鐵站F1出口行5分鐘路程左右,就會到達旺中帶點靜既利園, 實在係不失方便🤪一入門口就見到玄鮨連續五年係米芝蓮嘅推介果然實力非凡, 午餐價錢大概就$340~560而我就叫左個刺身餐, 朋友就想食和風餐🤪 兩個餐同樣配前菜, 白飯及甜品首先, 前菜係太空粟米同埋薯蓉太空粟米一放入口咬第一啖就感覺到佢嘅執噴出嚟而且甜味好豐富😍 完全同平時食開嘅粟米唔同🌽薯蓉比較簡單不過一樣好幼滑– 刺身餐 一上到碟見到咁美味嘅刺身即刻心心眼😍刺身分別有金木叼, 銀雪魚刺身, 牡丹蝦 , 縞縿, 黑鯥魚, 活帆立貝, 中吞拿魚刺身通常我習慣食法都係淡味開始食到濃味😋, 而令我最深刻嘅就係牡丹蝦同埋縞縿, 牡丹蝦食得出非常鮮甜質素絕對不差於響日本刺身市場食, 另外有深海池魚王之稱既縞縿係我其中一款最喜歡食嘅刺身, 因為質素高嘅縞縿油脂豐富肉質爽口 一個字 正! 😋😋– 和風餐 和風餐同樣配一款小型刺身, 但最特別嘅就係佢哋嘅豚角煮🐷, 雖然豚肉份量並不算多, 但肉質淋而入味😍, 主導入口即溶嘅境界真係高😍, 我朋友將豚角煮🐷嘅汁到咗落白飯入面唔使幾分鐘就食晒成碗飯😂另外仲有燒銀雪魚, 師傅將銀雪魚燒得火喉岩岩好, 魚既肉質相當嫩滑😍最後呈上芝麻味雪糕夾餅🍨😍, 為依一餐質素頂級嘅日本餐作出一個完美嘅收尾😋******************************整體黎講 玄鮨 係一間非常有實力既米芝連星級日本餐廳, 聽講仲有神秘menu 下次要試下😏🙆🏻‍♂️🙆🏻‍♂️🤪好食分數: 9分******************************🍽 玄鮨 (銅鑼灣) 🗺 銅鑼灣開平道1號Cubus 7樓🕰 12:00 - 14:30 ~ 18:00 - 22:30…Read More

上星期坐朋友車去咗尖沙咀天星碼頭附近睇下海, 咁啱我朋友話最近好耐冇食過四川菜, 而我又醒起海港城有間川菜幾有特色幾特別, 所以就帶咗佢去試吓******************************- 辣辣香鍋🌶 $328- 水晶酸辣粉🔮 $78******************************位於尖沙咀海港城 LCX 既 祥仔辣辣係一間主打川菜既餐廳, 響海港城咁方便嘅地理位置以及面對着尖沙咀海旁嘅無敵大海景, 邊食野邊睇海, 一流享受!!😍😍- 辣辣香鍋🌶 辣辣香鍋係可以比客人自選五種配料, 包括有雞軟骨, 牛肉片, 小龍蝦等等..如果想飽肚仲可以簡出前一丁添😋, 而我哋就揀咗花甲, 鱔片, 雞軟骨, 蓮藕片, 同埋土豆片😏辣度就揀咗微辣, 一上枱已經聞到陣陣嘅香辣味🥰, 入口辣到適中唔會過辣冚左食材嘅味道, 土豆片同蓮藕片炒得好香口絕對係同依個菜配合得天衣無縫🥰😋- 水晶酸辣粉🔮 辣汁配合埋水晶粉真係好夾好野味😍😍😍, 另外水晶粉煮得好煙韌😋******************************整體黎講 祥仔辣辣 係一間坐擁神級海景而且味道出眾既川菜, 客人一邊食住咁有質素既菜式, 一邊望到維港既景色, 簡直係雙重享受🙆🏻‍♂️🙆🏻‍♂️🤪好食分數: 8分…Read More

<熊小館>最近從朋友口中得知有一間餐廳不論裝潢定係整體感覺都好適合帶女朋友去, 又或者係女生自己同幾個閨蜜一齊去, 依間就係熊小館******************************- 芝士焗肉醬千層面 🧀 $68- 金粟南瓜意大利飯 🎃 $51******************************位於將軍澳區新都城既熊小館 係一間會令人感覺好舒服嘅西餐廳, 店舖內擺放住大大小小嘅小熊, 主打西式食品- 芝士焗肉醬千層面 🧀 芝士焗肉醬千層麵本身就係我嘅最愛, 果然佢冇令我失望芝士味十足拉絲效果出眾!!🥰 另外肉醬嘅味道都好惹味簡直食唔停口- 金粟南瓜意大利飯 🎃 粟米同南瓜嘅甜味配合得天衣無縫, 另外整個意大利飯都煮得啱啱好, 飯粒圓潤飽滿硬度適中唔會過硬, 我想講我用咗10分鐘就食晒😂😍******************************整體黎講 熊小館 作為一間主打熊仔同西餐既餐廳, 相信鍾意熊仔嘅朋友去到絕對唔會失望, 同時味道都好有水準我特別推介金粟南瓜意大利飯😍好食分數: 7.5分******************************🍽 熊小館 (將軍澳) 🗺 將軍澳貿業路8號新都城中心二期2樓2086-2087號舖🕰 11:30 - 22:00…Read More

<Ocio>作為一個成日出現響將軍澳嘅市民, 知道將軍澳開咗新餐廳就當然要試吓啦, 餐廳其實小編一早已經聽過, 只係一直都冇去佢分店試過😛******************************- 醬燒豬肋骨早餐 🐷 $89- 芝士牛肉漢堡 🍔 $98******************************位於將軍澳區東港城既Ocio 係一間裝潢設計舒服嘅西餐廳, 主打西式食品, 有漢堡, 意大利飯, 意粉等等另外地點都十分方便, 由坑口地鐵站行上去東港城2樓路程幾分鐘就到🙆🏻‍♂️- 醬燒豬肋骨早餐 🐷 一上枱見到豬肋骨表面有少少乾, 個心都怯一怯, 驚會唔會唔好食呢, 好彩一入口豬肋骨煮得都淋, 另外窩夫係朱古力味,烤得好鬆化🥰 食極唔停口- 芝士牛肉漢堡 🍔 漢堡做得好正😙祝了而且漢堡扒好有牛味🐮 配合埋洋蔥茄汁同埋芝士簡直係冇得輸, 另外今餐嘅薯條都好鬆脆又有薯味******************************整體黎講 Ocio 作為一間主打西餐既餐廳, 做得好稱職, 餐廳嘅員工都好有禮貌, 用餐體驗感覺令人好舒服, 令小編好想去食多幾次🙈好食分數: 7.9分******************************🍽 Ocio (將軍澳) 🗺 將軍澳坑口重華路8號東港城2樓238號舖🕰 11:30 - 22:30…Read More

<台北巷弄>成年無得去小編最愛既台灣旅行, 有時諗起真係好掛住😿, 不過疫情又未完, 唯有找尋一啲好食既台灣餐廳頂住先啦🙆🏻‍♂️🙆🏻‍♂️******************************- 台式排骨便當 🍱 $60- 醬油雞翼 🐥 $13- 珍珠奶茶 $10******************************位於將軍澳區將軍澳廣場既台北巷弄係一間主打台式便當, 小食既餐廳, 餐廳佔地不大, 餐牌選擇都唔算多, 合共有6款便當, 價錢唔貴, 而且仲可以加$13有多半份小食, 感覺上性價比都幾高😍- 台式排骨便當 🍱 廚師用心地將排骨切好方便客人進食, 另外排骨嘅味道好入味另外烹調時間岩岩好肉質唔會過硬, 便當包含一啲味道酸酸甜甜嘅配菜, 另外飯入面有一啲滷肉, 而滷肉嘅味道非常好, 係用半肥瘦嘅肉去制成唔會過肥或者太瘦影響口感, 配菜加上半肥瘦嘅滷肉撈飯簡直一流🤪🤪- 醬油雞翼🐥 醬油雞翼既醬油味好香, 入口醬油味會令人忍唔住想食曬佢, 明顯響調味方面店家下咗好多心思😋- 珍珠奶茶 估唔到一間唔係專做珍珠奶茶嘅店舖口味竟然可以咁出眾, 奶味香濃, 珍珠煙韌, 甜度適中👍🏻👍🏻******************************整體黎講 台北巷弄主打台式便當, 不論係便當, 小食還是飲品都有一定質素, 而且價格宜人, 絕對係有質素既小店🤪…Read More

< Burger’s Friend Forever >最近發現位於將軍澳南海旁附近開咗一間新嘅漢堡店所以吸引左身為burger 迷嘅我去到將軍澳南試下🍔******************************- 和牛漢堡 $90 🍔- 加配套餐 有皮薯條及Coke zero $20 🍟🥤******************************由地鐵站行5-10分鐘左右行到睇到Donki 就轉左再直行就見到依間Burger’s Friend Forever🍔啦店內設計得非常簡約舒服播住流行英文歌令小編都想跟埋一齊唱🙈- 和牛漢堡 一啖咬落去就有好多口汁流出黎🤩 仲要有和牛油脂香, 勁香勁juicy🤪 配合埋和牛漢堡扒上既半溶芝士, 油脂香加上芝士既鹹香味真係一流👍🏻另外有得加$20 就可以簡埋小食同汽水小編就簡左有皮薯條 🍟同Coke zero🥤薯條炸到岩岩好 份量又多 仲要好鬆脆 一d都唔淋🤩******************************整體黎講 Burger’s Friend Forever 絕對值得一試👍🏻食完仲可以行下海旁添🌊…Read More

早幾日有位朋友咁啱生日佢就話因為最近疫情關係冇得去日本旅行但係好想喺香港食到有質素嘅日本菜所以我就拉咗佢去食依間都幾出名位於銅鑼灣嘅廚師發辦餐廳朋友就叫咗一個刺身餐 ($330)而我依個鍾意食飯嘅人呢就嗌左一個丼飯($370)當職員一上菜嗰陣我哋見到食物嘅外貌都非常興奮因為都睇得出刺身嘅質素好高同埋新鮮我朋友叫嘅刺身餐呢就有一個煮物 章紅魚煮大根我都試咗一啖平時響香港唔喜歡食蘿蔔既我都覺得好食 因為蘿蔔好淋身入味而且醬汁煮得好清甜 以刺身呢就分別有帶子 左口魚 甜蝦 赤背鰹魚配鰹魚汁 章紅魚 魷魚 以及我最愛最愛嘅拖羅刺身嘅質素大部份都唔錯尤其係拖羅同埋赤背我特別推介至於3號餐 即係我嘅丼飯首先有一碗茶碗蒸而丼飯上面 賴尿蝦油甘魚三文魚子赤身 吞拿魚 同埋我最愛嘅海膽海膽嘅質素唔錯令我諗起當年響北海道食過嘅積丹海膽到最後仲有芒果雪葩 酸酸甜甜為整個午餐做一個完美嘅結束雖然疫情關係令到大家都冇辦法去日本但係香港估唔到都有具質素嘅日本料理都叫做止下癮所以我都推介大家嚟試吓呢間餐廳 …Read More

上星期有朋友約我到上環食晚餐由地鐵站行到上去斜路大家行咗5分鐘坦白講嗰陣我已經好肚餓不知幾想快啲到而朋友同我講嗰間餐廳好好食架絕對值得你咁樣行上去一去到餐廳門口已經覺得餐廳擁有一種非常漂亮嘅復古味道踏入門口後更加感覺到自己時光倒流去到70-80年代店主為店內佈置非常有心機由擺設到播放嘅音樂都充滿着70-80時代有好多歌一聽到就不禁會會心微笑而且會覺得好熟悉當日我非常肚餓見到主餐牌有肉眼牛扒我就即刻想試下牛扒上到枱冇令到我失望雖然比我預期熟咗少少但味道仍然非常不錯值得一讚嘅係薯條非常鬆脆食完主菜後朋友就提議不如試吓依度嘅招牌甜品Tiramisu一上枱我就覺得好奇怪點解一個Tiramisu 會變成好似一個冬甩咁嘅形狀原來餐廳方面將Tiramisu放響雪櫃度雪到有小小結冰一上枱後就倒下一杯expresso 冰與火既交融絕對唔會忘記呢一個甜品坦白講依度並不接近地鐵站但我非常推薦大家行少少路上黎試吓依間餐廳…Read More

去到長沙灣特別多小店早兩日去到明愛醫院附近突然間好想飲杯台式飲品就係我見到依間御茶見到餐廳寫住醫護半價即刻覺得依間舖頭好有心咁我就叫咗一杯 芝士奶蓋宇治抹茶店員好細心咁幫我製作飲品頂頭嘅奶蓋唔算太甜而抹茶味都夠濃試完依杯覺得非常唔錯會令我更加想試吓其他推薦大家嚟試一試支持下小店…Read More

早幾日同朋友行街行到口淡淡而且天氣又好炎熱咁岩去到尖沙咀厚福街見到有依間雪糕舖朋友死都話要試吓咁我就試試佢啦起初見到門面粉紅色我就覺得會唔會係一啲呃少女嘅雪糕鋪通常依一類雪糕譜都係整到好靚但係味道一啲都唔好食專比啲後生女影相放上網呃like咁我就叫左 生蜂蜜玫瑰奶杯本身就冇咩期望嘅但我又估唔到店員幫我地下單後好用心咁去整我嘅雪糕整個擺位都好靚令到我內心有多少期待到手後我第一啖試蜂蜜好清甜玫瑰味嘅雪糕好香入口雪糕唔會令喉嚨乾涸證明雪糕質素唔差食到底仲有一啲oreo碎雖然價錢唔係平但好老實講雪糕既質素對得起佢嘅價錢所以我都建議大家如果經過附近可以嚟試吓…Read More

上星期同朋友去上環有嘢做完成左嗰件工作之後呢朋友就提議不如去西營盤站附近嘅一間餐廳去休息吓咁我都奇怪點解會用休息去形容食飯呢當去到嗰間餐廳我見到嘅係餐廳空間感好好令到人會好舒服咁樣坐響度有一種慢活既感覺咁我就叫咗一個可以自己自由選擇組合嘅brunch 咁入面呢就有pancake煙三文魚 薯餅同埋非常豐富嘅牛油果而我最鍾意最鍾意呢就係佢嘅溫泉蛋上面呢佈滿左黑椒同白胡椒令到我入口感覺到口感非常多層次而值得一讚嘅就係個杯latte係楓糖latte 入口會覺得甜甜地但唔係死甜會令你覺得好溫暖嘅感覺所以呢一餐我係食得非常開心嘅順帶一提當我就返埋單嘅時候呢見到有幾位客人帶着狗入內用餐狗仔呢都非常可愛我亦都有去同狗仔玩所以我建議如果希望放假想去一間有慢活感覺嘅餐廳用餐又或者純粹想同狗仔玩都可以黎依間餐廳試試…Read More

早幾日去開銅鑼灣朋友話食厭咗附近嘅連鎖餐廳咁我就帶咗佢去希雲街嘅一間小店嗰度試新野其實睇返希雲街都有好幾間小店有人排隊而今次我哋就選擇咗食呢間刺身飯嘅小店見到佢需要等半個鐘就知道來頭不小而我就叫咗呢一個刺身飯坦白講佢哋嘅配料並不是非常高級但係夾埋一齊卻產生左令人意想不到既味道彈牙既珍珠米鮮甜嘅吞拿魚同埋一堆洋蔥海帶嘅配料都令到一個刺身飯格外好食至於背後色彩繽紛嘅memo紙就有勞各位親身去逐張閱讀一下總括嚟講我推介大家去嘗試呢一間小店…Read More