yeukshuenfung's Profile

銅鑼灣「Casamigos」真係我心目中嘅Top 1西班牙菜餐廳，菜式精緻，出品又高質，服務都不錯。*此餐廳收取全單10%服務費。龍蝦尾西班牙海鮮飯（單點$586），龍蝦尾好大隻，肉質厚肉，口感爽彈，食落啖啖肉，雖然略嫌需要額外支付$288加配，但龍蝦出肉量多，為坊間其他龍蝦菜式出肉量的2-3倍；大蝦肉質爽口，食落好新鮮；青口、沙白食落好Juicy，味道鮮甜；飯底食落充滿蝦湯、番紅花味道，底部更有飯焦，配以檸檬汁、沙律醬、細蔥食用，味道清新。北海道帶子刺身（單點$148），表面鋪有細蔥，帶子刺身已切片，肉質嫩滑，配以三文魚籽、黑魚籽食用，三重鮮味享受，加上配搭香橙、日本麻油柚子醋，味道更佳。西班牙薯仔蛋餅（單點$98），表面鋪有細蔥、蛋黃醬、辣味卡津粉，蛋餅口感厚身，食落蛋香味濃，內有炒馬鈴薯絲、炒洋蔥絲，味道清甜。香煎鵝肝多士配甜酸青瓜柚子莎莎（單點$78），鵝肝肉質半生熟，食落入口即化，配以青瓜柚子莎莎、蛋黃醬、食用花、細蔥、多士食用，可以中和油膩感。辣味卡津薯條（單點$78），粗切薯條即叫即炸，口感香脆，配以辣味卡津粉、蛋黃醬、細蔥食用，味道微辣，愛辣之人可能對此菜式稍有失望。巴斯克蛋糕（單點$98），表面鋪有草莓、藍莓、糖粉，原味流心巴斯克芝士蛋糕，外層食落帶點微微焦香味道，蛋糕口感綿密，芝士味道濃郁，配以流心餡料食用，口感濕潤，出品媲美坊間專門店。@casamigos_hk Casamigos地址：香港銅鑼灣駱克道487-489號駱克駅3樓…Read More

收工後，想Chill下，帶咗Mami同我一齊去復古英倫風餐酒館「The Globe」食下嘢、飲下酒、睇下波，鬆一鬆。強烈推薦蘇格蘭炸蛋、香蕉拖肥批配花生醬雪糕係強烈推薦必食！Grass Fed Australian Rib Eye 10oz•Potato Dauphinoise•Garlic & Herb Butter•Rocket & Air Dried Tomato Salad•Gravy（單點$260），五成熟，炭燒10安士草飼澳洲肋眼牛排，外層經過炭燒之後，食落帶點焦香味道，牛排肉質軟嫩，牛味濃厚，加上肉汁、蒜香羅勒香草牛油滲落牛排，令牛排食落更加香口；沙律菜，包括有火箭菜、油漬風乾車厘茄、紫洋蔥、青瓜、紫椰菜、羅馬生菜、彩椒、車厘茄，配以意大利油醋汁食用，味道清爽。Wicks Manor Pork & Leek Sausages•Mash•Green Peas•Burnt Apple Jam•Caramelised Onion Jus （單點$220），英國坎伯蘭豬肉腸，腸衣經過香煎之後，口感微微香脆，肉香味濃，配以焦糖蘋果味醬、焦糖洋蔥絲食用，味道香甜，配菜包括有薯蓉、青豆。Scotch Egg•Wicks Manor Pork•Chorizo And Bury Black Pudding•Globe Piccalili（單點$120），蘇格蘭炸蛋，外層麵包糠炸得金黃酥脆，採用英國坎伯蘭豬肉、西班牙辣香腸製作免治肉碎，雞蛋流心效果突出，配以Globe 醃酸菜食用，味道酸辣；沙律菜，包括有紫洋蔥、苦菊、紫椰菜、羅馬生菜、紅毛生菜、車厘茄。Pork,Cheddar,And Chutney Sausage Rolls•Whisky Glaze•English Mustard（單點$120），英式豬肉卷，採用酥皮包裹着豬肉餡料，酥皮食落充滿牛油香味，豬肉腸食落肉味濃香，內有車打芝士、洋蔥、黑椒、印度酸辣蘸、威士忌醬，配以英式芥末醬食用，味道更佳。Banoffee Pie•Peanut Butter Ice Cream （單點$95），香蕉拖肥批食落拖肥焦糖味道濃郁，配搭香蕉食用，味道清新，雖然表面鋪滿忌廉，但本身忌廉品質好好，口感幼滑，完全不會死甜，加上花生醬雪糕、藍莓果醬，好食到不得了，有點類似PB&J的食法，令依道甜品整體食落甜而不膩。N.I.P. Catnip Gin No.1•Grapefruit Wedge•Ginger （單點$90），内有薑汁、西柚，但主要品嚐氈酒的原味。Henry Westons Old Rosie•Cloudy Cider（單點$90），味道酸甜，飲落容易入口。…Read More

沙田「ÔDELICE」餐廳環境法式氛圍感滿滿，仲要唔同晚市套餐組合For不同人數，所以啱曬約會同朋友、屋企人過嚟聚餐。*此餐廳收取全單10%服務費。 晚市套餐二人餐（單點$538），法式烤黃雞半隻，表面鋪滿香料，雞皮色澤金黃，口感香脆，雞肉肉質嫩滑，食落好Juicy、帶有雞油油脂香味，配以松露野菌醬汁食用，味道濃郁，薯蓉口感幼滑。紅酒燉牛面頰意粉（跟餐$0），表面鋪有香蔥，牛面頰燉得好軟嫩、帶有膠原蛋白，食落好入味，意粉容易掛汁，配料包括有煙肉、紅蘿蔔、獨子蒜。香煎帶子2件（跟餐$0），帶子經過香煎之後，外層帶有焦糖化，肉質一絲絲，味道鮮甜，配以青豆薄荷蓉、黑醋、炸乾蔥食用，味道清新。法國田螺6件（跟餐$0），田螺肉質彈牙、不韌，食落有鮮味，配以香草蒜味牛油食用，食落好香口，芝士薯蓉味道鹹香。2碗餐湯（跟餐$0），番茄甘筍忌廉湯，表面鋪有麵包多士粒、番荽，口感Creamy，加入鮮磨番茄、甘筍，飲落帶有顆粒感，味道酸甜。2客餐包（跟餐$0），軟歐包多士，口感外香脆內軟硬適中，配以海鹽牛油食用，味道更佳。Strawberry Cucumber Cooler （單點$65），採用士多啤梨果茸、青瓜、檸檬汁、梳打水，飲落好清爽。Iced Matcha Apple Zest （單點$65），採用抹茶、青蘋果果蓉、檸檬汁、蜜糖製作，茶香、果香Balance，再加入蜜糖中和青蘋果果蓉、檸檬汁的酸度，飲落意想不到的搭配。…Read More

最近去咗灣仔「一遊」食日本菜，餐廳Menu選擇款式多多，可以透過開放式廚房欣賞廚師即炸天婦羅、手捏壽司，裝修風格參考昭和時期街道，有種置身日本懷舊居酒屋的感覺。*此餐廳收取全單10%服務費。 白身魚薄切（單點$280），白身魚肉質嫩滑，色澤雪白剔透，味道鮮甜，配以香蔥柚子醋、芥末、海龍鬚菜、石蓴、麒麟藻食用，味道清爽。海鮮天婦羅盛合（單點$248），10款天婦羅，包括有紫菜海膽、扇貝、海老、鱚魚、池魚、魷魚、蟹棒、南瓜、蕃薯、茄子、秋葵，即叫即炸，口感酥脆，咬落去一滴油都沒有，不油不膩，配以抹茶鹽、白蘿蔔泥、天婦羅沾汁食用，味道更佳，略嫌鱚魚魚片天婦羅內的魚片過於薄切，令魚片存在感稍低。胡麻火炙三文魚卷（單點$220），表面鋪滿沙律菜、木魚花、深煎胡麻醬，三文魚經過火炙之後，口感半生熟，油份被逼出，配以青瓜、澤庵漬食用，味道清新。免治和牛炒飯（單點$180），和牛粒食落油脂味濃，略嫌切得比較細碎，配料包括有翠玉瓜、雞蛋、香蔥，炒飯口感粒粒分明，食落帶有醬油味道。新鮮生果茶（單點$78），內有蘋果、香橙、菠蘿，味道酸甜，飲落類似莓果茶。鮮橙汁燒酌梳打（單點$54），飲落容易入口。地址：香港皇后大道東183號合和中心3樓320-321號店舖…Read More

最近去咗沙田「KOKA小野人」食串燒，最鍾意佢哋喺調味處理上好彈性，客人可以按照自己嘅口味Order特別要求。*此餐廳收取全單10%服務費。烤新鮮大頭蝦3 串（單點$59.4），小辣，大頭蝦蝦膏味道甘香，蝦肉肉質爽口，味道鮮甜。燒墨魚串4串（單點$55.2），小辣，墨魚粒好大粒，口感爽脆，食落好新鮮，配以醬燒秘製醬汁食用，味道鹹甜。燒牛舌芯串4串（單點$55.2），採用岩鹽鹽燒，薄切牛舌芯，肉質爽彈，牛味濃厚。蒜蓉烤新鮮生蠔串（兩隻$53.6），小辣，生蠔肉質飽滿，食落好新鮮，配以指天椒、蒜蓉、香蔥食用，味道更佳。北海道蒜蓉粉絲大扇貝（兩隻$53.6），小辣。燒雞腿肉串4串（單點$43.2）。燒墨魚滑釀青椒3件（單點$41.4）。重慶酸辣粉（單點$39.9），小辣、特酸，紅薯粉口感煙韌，湯底酸、辣均衡，配料包括有如花生、炸豌豆、芫荽、香葱、榨菜。燒翠玉瓜串5串（單點$39），小辣。涼拌田園青野菜葉（單點$35），口感爽嫩，味道清甜。小野人燒雞翼2隻（單點$27.6）。台灣小香腸（單點$16），腸衣口感焦脆，味道正宗。蜜桃綠茶（單點$26），少冰，茶味清香，帶有蜜桃果香味道。…Read More

上環「Brewed」係一間朝啡夜酒Cafe，室內環境氣氛溫馨、輕鬆又溫馨，餐廳不算大，可以見到Staff喺你附近為你烹飪食物，食物款式比較罕見，估唔到我居然對北非菜一食就愛上，所以推薦大家依間餐廳。不過我離開後，先後知後覺發現Staff原來喺上菜：土耳其式流心蛋配香烤雞肉嘅時候漏咗俾酸種麵包。Staff推介白酒Lowlands Single Vineyard Sauvignon Blanc Marlborough 2024好適合女士們飲用，比較容易入口。因為餐廳有多款紅、白酒供應，所以當然有推出Free Flow Package。*此餐廳收取全單10%服務費。意大利辣肉醬貓耳朵（單點$128），表面鋪滿巴馬臣芝士、火箭菜，辣肉醬忌廉汁肉碎份量多，口感非常Creamy，令每一粒貓耳朵粉都好掛汁，貓耳朵粉口感煙韌，味道香辣，而且食落充滿芝士味道，但不會容易覺得有膩感，配菜包括有車厘茄。土耳其式流心蛋配香烤雞肉（單點$148），雞扒肉質厚身，口感外焦脆內嫩滑，採用啤酒醃製，食落帶有中東薩塔香料味道；土耳其式流心蛋流心效果突出，配以希臘乳酪、五香牛油、菲達芝士、鷹嘴豆泥、中東羅勒芝麻醬、哈里薩辣醬、火箭菜、青瓜食用，食落好惹味。招牌沙律 （跟餐$40），好足料，包括有火箭菜、紅毛生菜、羅馬生菜、青瓜、車厘茄、核桃、蔓越莓乾、多士麵包粒，配以中東羅勒芝麻醬、哈里薩辣醬食用，味道清新，食落好有驚喜。英式鬆餅（單點30），招牌Scone口感外酥脆內鬆化，採用French Elle & Vire Unsalted Butter製作，牛油味道濃香，配以Clotted Cream、草莓果醬食用，味道正宗。酸種麵包（跟餐$15），烘得麵包邊位口感香脆，內裏鬆軟、濕潤，食落不會覺得乾身。凍焙茶鮮奶（單點$50），茶味濃香。…Read More

最近去咗荃灣「別忘了」打邊爐，同其他連鎖台式火鍋放題專門店不一樣，依度有好多不同台式火鍋湯底、台式甜品、台式手搖飲品可以無限暢享，今次食完晚飯，仲額外單買咗兩杯台式手搖飲品翻屋企繼續飲。臨走前，仲喺櫻花樹下或許願區下掛上願望卡，祈求願望實現。*此餐廳收取加一服務費。120分鐘仼呻成人Set B 7品（兩人$636），鴛鴦鍋，台式精選酒香麻油雞湯底，麻油香味令湯底飲落好香口，酒香味道清淡，內有雞肉、紅棗、杞子，略嫌湯底比較油膩；惹味香甜台式壽喜燒湯底，內有冬菇、洋蔥，味道甜鹹。澳洲M7牛胸腹（跟餐$0），油脂分布均勻，食落油脂味濃。澳洲M7大米龍（跟餐$0），肉味濃厚。日本鹿兒島茶美豚梅肉（跟餐$0），雖然脂肪比例較少，但肉質嫩滑、不韌。澳洲250日穀飼卡樂Beef （跟餐$0）。精選牛板腱（跟餐$0），食落帶有筋位。西班牙粟飼豬梅片（跟餐$0）。森永牛奶布甸（跟餐$0），奶味醇厚。台式甜品（跟餐$0），包括有乳酪口味仙草雪花冰、檸檬愛玉凍、杏仁果凍、飄雪世界、香草口味雪糕配窩夫、自家製三色QQ粉粿。47款台式飲品（跟餐$0），鮮芋奶綠、別忘了水果茶、香橙白桃烏龍、小芋圓奶綠、爆打雷萌四季春、梅子綠茶、雷萌胭脂桃花紅茶、仙草奶綠、柑桔檸檬沙冰。爆Chill芝青青（單點$42），表面鋪滿奶蓋，味道鹹香，內有青提子肉，味道清甜。小芋波波奶茶（單點$42），內有小芋圓、珍珠、仙草，茶味濃香。…Read More

每次一好想車仔麵，就會去「永年士多」，佢哋嘅車仔麵麵底、配料都有好多選擇，出品亦唔錯，另外，仲有好多美味小食、特飲，不過我最欣賞嘅都係佢哋自家製嘅手工麻辣醬、招牌咖喱辣醬。自選三餸車仔麵（單點$54），韮菜餃，韭菜、豬肉比例平均；蟹籽丸，蟹籽口感卜卜脆；冬菇，口感厚肉，食落好Juicy；菜芯，味道清甜；蒜油撈麵，烏冬，口感煙韌，配以大辣手工麻辣醬食用，食落麻、辣兼備。自選三餸車仔麵（單點$48），魚蛋，陳皮魚蛋口感結實，食落帶有陳皮的清香味道；墨魚丸，口感彈牙，墨魚肉好大粒，食落帶有鮮味；魚皮餃，餃子皮口感Q彈，豬肉餡料肉汁飽滿；粗麵，容易掛汁，配以勁辣招牌咖喱辣醬食用，食落帶有咖喱香料味道。腐乳通菜（單點$27），通菜口感爽嫩，配以腐乳、指天椒食用，味道鹹辣。淨酸齋（跟餐$20），麵筋食落好爆汁，味道酸甜。韮菜花豬紅（跟餐$20），豬紅份量多，口感滑溜，沒有血腥的味道，配以韮菜花、牛腩湯底食用，食落好香口。港式菠蘿冰（跟餐$15），菠蘿份量多，菠蘿汁飲落味道酸甜。抹茶紅豆冰（跟餐$15），抹茶、紅豆份量一比一，抹茶茶味濃厚，紅豆口感綿密，但仍然食到顆粒感，整體甜度6.5分。…Read More

原來日本北海道札幌過江龍「Suage北海道湯咖喱」喺太古開咗新分店，緊係要食下佢哋嘅招牌名物：湯咖喱，另外，估唔到餐廳居然有推出：香港限定旋風滑蛋飯系列配招牌湯咖喱及指定飲品，既然係香港限定嘅當然都要一試，不過有少少可惜係Staff俾漏咗杯跟餐嘅是日日式果香茶。值得一讚，小食高CP值，價錢便宜，而且味道不錯。雜錦海鮮湯咖喱配烏冬及中辣季節限定湯底蕃茄湯底加配翠玉瓜（單點$82），好足料，大蝦、青口、小章魚、小墨魚，口感爽彈，味道鮮甜；翠玉瓜食落好Juicy，味道清甜；配料包括日本南瓜、茄子、西蘭花、紅蘿蔔、馬鈴薯、粟米、番茄粒、洋蔥粒；烏冬口感煙韌；中辣季節限定湯底蕃茄湯底味道酸辣。芝士漢堡扒旋風滑蛋飯配招牌湯咖喱及指定飲品（單點$65），漢堡扒表麵食落帶點焦香味道，肉汁飽滿，牛味濃厚，內有洋蔥粒，配以熱熔芝士食用，味道鹹香；滑蛋呈半生熟，口感滑溜，食落蛋香味濃；白飯配以原味辣度原味招牌湯咖喱食用，味道微辣；配料包括有西蘭花、紅蘿蔔。野菜蝦天婦羅（跟餐$12），表面鋪滿蝦肉，肉質爽口，內有紅蘿蔔、香蔥、洋蔥，味道清新，天婦羅口感香脆、不油膩。吉列魚手指（跟餐$9），口感外酥脆內嫩滑，食落啖啖肉 日式炸餃子（跟餐$9），餃子皮口感脆卜卜，餡料內有豬肉、椰菜，食落帶有肉汁。牡丹竹輪（跟餐$9），竹輪口感Q彈，食落帶有鮮味。柚子醋椰菜沙律（跟餐$6），椰菜口感爽脆，配以柚子醋食用，味道酸溜，略嫌柚子醋份量少。大杯22oz士多啤梨抹茶鮮奶（單點$34），內有藍莓就抹茶味道濃香，甜度適中，略嫌士多啤梨果醬較少，所以味道較淡。大杯22oz 蜂蜜西柚蜜茶（單點$30），內有西柚，味道酸甜。…Read More

二訪灣仔「坡椰坡囉咪」，依間餐廳果然係區內人氣小店吖，去到晚上8點，依然座無虛席，需要排一陣間隊，不過店員好快已經安排到入座，另外，店員好有禮貌，服務好好，因為已經過了餐廳關門時間，但我仍然未食完所有食品，所以店員細心地免費提供了一些外賣包裝俾我，仲親自幫我入好食品、飲品，非常窩心。馬來肉骨茶套餐配椰漿飯及油條（單點$78），黑湯肉骨茶飲落藥材味道濃郁，但不苦，因為加入了桂圓、杞子去熬煮，所以飲落帶點甘甜；一字排肉質軟腍，食落好入味，配以辣椒黑醬油食用，味道正宗；冬菇食落好Juicy，配菜包括有生菜、油條；椰漿飯，口感軟硬適中，椰漿味道淡香。福建蝦湯麵摻摻（單點$75），海蝦好大隻，肉質彈牙，味道鮮甜；豬油渣食落油脂味濃，摻摻採用米粉、油麵製作，口感好豐富；略嫌湯頭味道較淡，但勝在飲落有鮮味，配料包括有烚蛋、生菜。馬拉盞炒菜（單點$62），表面鋪滿炸蒜、蒜蓉、辣椒，通菜口感爽嫩，食落好惹味。蒜香雞翼（單點$60），即叫即炸，雞翼肉味濃香，雖然在整碟雞翼裏看不到太多蒜蓉，但因為在醃雞翼時加入了大量蒜蓉醃製，所以蒜香味重，食落好香口。凍爆泡拉茶（跟餐$15），手拉拉茶，泡沫口感細密，淡奶比例多，飲落口感幼滑，茶味濃香。凍椰奶咖啡（跟餐$9），採用椰奶、椰子糖漿製作，味道清甜。…Read More

作為Gen Z一份子，我哋熱愛挑戰各種新事物！一收到風，知道「KFC」推出2款🆕全新不同辣度嘅漢堡包，緊係即刻拉埋朋友去搶先嚐鮮！A1墨西哥魔鬼辣椒雞腿包套餐🇲🇽，鬆軟麵包🥯內裏夾住採用世界上🌍其中一種最辣嘅辣椒：魔鬼辣椒🌶特製而成嘅『墨西哥辣醬🫙』，配搭埋外酥脆內多汁嘅巴辣雞腿扒🥩、生菜、番茄、芝士，仲特別加入新鮮墨西哥辣椒片(Jalapeno)🫑，辣上加辣🥵嘅combination果然係最『辛』刺激🤪，挑戰你嘅味蕾！A2墨西哥辣醬雞腿包套餐🍔，加入特製『墨西哥辣醬』，配搭香辣嘅巴辣雞腿扒🐔、生菜🥬、番茄，依個組合食落辣味上較容易接受✅，屬於相對溫和嘅『辛』口味🤤，不過都好惹味啊😋！G3巴辣雞腿包套餐🐓，Juicy、經典嘅巴辣雞腿扒，配搭新鮮生菜、番茄🍅，再加入蛋黃醬🥚，微辣程度☺，連怕辣人士都可以輕鬆作出『辛嚐試』 👍🏻。偷偷地話俾你哋知🤫大家心心念念嘅：格格脆薯塊🥨，亦同步限時隆重回歸📣，凡惠顧任何『辛口味，肯過癮』系列套餐（A1-A2, G3）🍽，即可🆓免費升級轉配小食至『格格脆薯塊』🍟，為你帶嚟『辣』與『脆』嘅雙重享受😎，其他指定套餐都可以🆙加$3升級套餐小食至格格脆薯塊⬆，再嚐經典滋味🥳。…Read More

早幾日同屋企人去咗銅鑼灣「燒烤堂」慶祝萬聖節，氣氛真係勁有Feel！牆身掛滿蜘蛛裝飾，好有節日氣氛，店員全部都化身做超可愛小南瓜，仲有生日壽星可以向佢哋借用小南瓜服裝、頭箍，瞬間融入萬聖節Party之中！*此餐廳收取加一服務費。紅葱油蒜蓉粉絲燒元貝（四客$116），元貝肉質厚肉，食落好Juicy，配以紅蔥油、蒜蓉、香蔥、粉絲食用，鮮味更加突出。焦糖青蘋果鵝肝多士（單點$108）。鰻魚炒飯（單點$58），表面鋪有香蔥，鰻魚口感厚肉，肉質嫩滑、帶有膠質，燒得有燶邊，食落充滿蒲燒醬汁味道，飯粒上色均匀，好足料，內有鰻魚粒、冬菇、沢庵漬、雞蛋、香蔥、菜心花粒、粟米。燒芝士年糕（兩客$56），表面鋪滿紫菜，芝士年糕口感外薄脆內軟糯，芝士餡料流心效果突出，配以忌廉芝士醬食用，奶味醇厚。味醂魚干（單點$48）。麻辣蒜蓉茄子（單點$38），表面鋪滿脯、蒜蓉、辣椒、香蔥、麻辣醬，茄子食落好惹味。蜜糖燒菠蘿（兩客$36），菠蘿食落好Juicy，味道香甜。辣版胡麻醬稻庭冷烏冬（單點$32）。牛油蒜蓉焗金菇（單點$32），表面鋪滿蒜蓉、牛油，食落好香口。糖不甩燒湯圓（單點$22），表面鋪滿花生碎、芝麻、椰絲、白糖，湯圓口感軟糯，芝麻餡料味道濃郁。翠玉瓜（單點$16），表面鋪有黑椒、海鹽，味道清甜。爆打香水檸檬茶（兩杯$64），店員將檸檬茶一放上枱，已經聞到香水檸檬的香味，味道酸甜。@skewer.kitchen燒烤堂地址：銅鑼灣登龍街28號永光中心3樓…Read More

收工後，同屋企人去咗將軍澳「KOKA小野人」食串燒，成檯串燒堆得滿滿，勁吸睛，最鍾意依度有得睇電視，同埋設有自助吧提供凍水、暖水俾客人。*此餐廳收取全單10%服務費。烤新鮮大頭蝦3串（單點$59.4），小辣，好大隻，蝦膏味道甘香，蝦肉肉質爽彈，味道鮮甜。小野人蘑菇雞肉野炊飯（單點$58），採用特選日本珍珠米、雞腿肉、冬菇、紅蘿蔔、薑絲、香蔥、特別調製配飯醬油製作，食落類似北菇滑雞飯，每一啖都食到好足料，底部帶有飯焦，食落脆卜卜。北海道蒜蓉粉絲大扇貝2隻（單點$53.6），走辣，表面鋪滿蒜蓉、香蔥、粉絲，扇貝食落好新鮮，略嫌比較細隻。燒雞腿肉串4串（單點$43.2）。燒墨魚滑釀青椒（單點$41.4）。燒翠玉瓜串5串（單點$39），小辣。燒雞腎串5串（單點$39），小辣，口感爽脆，食落好惹味。燒小黃花魚（單點$38），小辣，燒得皮脆肉嫩、色澤金黃，食落好香口。燒墨魚丸串4串（單點$31.2），小辣。小野人蒜蓉燒茄子（單點$29.8），小辣。燒小番茄豚肉捲1串（單點$28），小辣，豚肉片包裹住車厘茄，一食即刻爆汁，味道清新。小野人燒雞翼2隻（單點$27.6），表面鋪有蜜糖、芝麻，食落甜度適中。糖燒牛奶方包2串（單點$18），牛奶方包口感外香脆內鬆軟，配以煉奶、蜜糖、牛油、砂糖、黑芝麻食用，味道香甜。元氣森林水果茶（單點$38），少甜、少冰，採用菠蘿、熱情果、檸檬、青檸、薄荷、蜜香紅茶製作，味道酸甜。@koka.asia.hk KOKA小野人地址：香港將軍澳澳南海岸唐俊街23號MONTEREY Place地下G25A號店舖…Read More

趁住Weekend去Chill下，今次同屋企人去咗「鮨山月」食Omakase，於木質餐桌前望住廚師手握精緻壽司，非常滿意，整體體驗一流，推廣壽司控必試！*此餐廳收取全單10%服務費。Omakase Lunch 壽司10貫套餐（一人$880），茶碗蒸，花咲蟹白飯魚新鮮海苔蒸蛋，口感滑溜，食落鮮味十足。主菜四品（跟餐$0），右口魚鮫魚配柚子醋，味道清爽；角切赤貝刺身，採用秋田產蓴菜、秋葵、昆布、青瓜點綴，口感更加豐富，味道清新；炙燒帶子，肉質非常厚肉、食落帶有一絲絲口感，已預先使用醬油醃過，然後，微微炙燒，配以紫菜食用，好滿足；炭燒鰆魚配燒洋蔥粒，鰆魚經過炭燒之後，肉質魚皮微脆、魚肉嫩滑，油脂被逼出，配以帶薑味的食用花、小菊食用，可以中和油膩感。壽司十貫（跟餐$0），深海池魚壽司，食落好新鮮；甜蝦昆布漬壽司，甜蝦切碎之後，加入蝦膏拌匀，再加上昆布醃漬，雙重蝦味享受；炭燒刺身級銀鱈魚壽司，帶有煙燻味道，食落好香口；秋鮭壽司，肉質厚嫩；鯖魚棒壽司，採用昆布包裹住鯖魚、烤洋蔥、白飯，意想不到的配搭；吞拿魚赤身壽司，赤身色澤紅艷，肉質沒有筋位，口感軟嫩；大拖羅吞拿魚腩壽司，色澤粉嫩，脂肪分佈均勻，油脂味濃；池魚壽司，配以蔥薑醬食用，食落有點類似中式蔥油雞的味道；香蔥右口魚鮫魚裙邊壽司，炙燒之後，食落入口即化；三文魚籽海膽蓋飯，海膽份量多，味道鮮甜，自家醃漬三文魚籽食落沒有腥味。卷物（跟餐$0），吞拿魚蓉手卷，表面鋪滿吞拿魚蓉球，內有吞拿魚蓉、青瓜、日式醃黃蘿蔔，而手卷內吞拿魚蓉、白飯為一比一比例，由頭到尾都充滿吞拿魚蓉。麵豉湯（跟餐$0），內有剪腳滑子菇、香蔥，味噌醬味道較為輕盈，清淡的湯品可以有助去除油膩感、幫助消化。前菜（跟餐$0），包括有柚香漬白蘿蔔、甜酸薑片。甜品（跟餐$0），開心果雪糕，口感幼滑，內有開心果果仁碎末，略嫌奶味稍為蓋過開心果味道。抹茶（跟餐$0），茶味濃香。…Read More

難怪「黑龍」能夠成為灣仔超人氣拉麵餐廳，晚上21:00仍然座無虛席，需要排隊。不過絕對值得排隊，因為餐廳嘅拉麵、小食出品都超高質。此餐廳絕無收取加一服務費，但所有Staff服務都非常好。由於當天家人行動不便，原先前面的兩位客人應是被先安排坐餐桌座位，而輪到我們時，該被安排坐吧枱座位。但餐廳Staff主動幫我們查詢前面的客人可否先讓給我們坐矮枱座位，入座後，Staff再主動提供凍水、暖水，準備離開餐廳時，Staff亦主動扶起我的家人。黑龍豚骨拉麵（單點$90），硬麵、有香蔥、有洋蔥、激辣，叉燒肉質半肥瘦，肉味濃厚；豚骨湯底採用豬骨熬製，飲落香而不油；拉麵採用直身幼麵，容易掛湯。白雞鹽味拉麵（單點$90），基本、有香蔥，雞肉採用慢煮形式製作，肉質嫩滑，雞味濃香；白雞鹽味湯底飲得出真材實料，表面泛着雞油的膠質感，湯底色澤清徹，採用海鹽簡單地吊味，突出雞湯濃郁的味道；配料有溏心蛋、辣椒絲、筍片、香蔥。餃子（單點$40）。炸雞（單點$30），即叫即炸，口感外酥脆內嫩滑，配以美乃滋食用，味道更佳。雞皮餃子（單點$30）。燒汁章魚燒（單點$30）。鹽味章魚燒（單點$30），表面鋪有木魚花、美乃滋、海鹽、黑胡椒，略嫌由於海鹽粒份比較粗粒、份量多，融化於口腔時，味道偏鹹。牛筋飯（單點$30），表面鋪有香蔥，牛筋炆得好軟腍，食落好入味。玉子（單點$15），日式醬油溏心蛋，食落蛋香味濃。筍（單點$15），口感爽脆，配搭簡單的黑椒調味。…Read More