alice_81182's Profile

聽朋友講龍門餐廳啲扒餐好抵食，今晚就約朋友來晚飯，就試下呢度啲扒，今晚十分旺場，坐無虛席，門口都需要排隊等位，不過等左約10分鐘就有位喇，呢度亦都有是日晚餐，常餐，全日早餐都有，好多選擇，今晚決定係叫扒食我地四個人，每人都叫左個扒，另外再叫多個菜同雞翼小食。呢度啲扒超大件，好夠份量，可配飯或意粉，自選配汁，有餐湯及飲品~黑松露芝士焗雜菌西蘭花,好香既黑松露加上濃濃既芝士，芳香撲鼻朋友叫左個燒汁牛扒炸蝦黑椒西冷扒拼香草腸~牛扒好大塊，七成熟剛好，肉質夠稔，香草腸大大條，唔太鹹黑椒什扒走飯(雞扒，豬扒，煙肉，腸仔，煎蛋)雞扒豬扒都大大件，呢個什扒都只係85蚊，真係平靚正，唔使要飯都已經夠飽，朋友無介紹錯，咁既價錢又勁多份量，真係好抵食餐湯~羅宋湯蜜糖雞翼椒盬雞翼…Read More

朋友約我去觀塘1988食飯，聽個名以為係西餐廳，原來係食泰國菜，從地鐵步行過來都只係7至8分鐘，上到來有一種寧靜既格局，好西式feel, 食飯最緊要有一個舒適環境，點菜方面要了個~小食拼盤包括有炸蝦餅，春卷，雞棗，突別喜歡個蝦餅，香口彈牙泰式烤魚~魚肚內放上薑葱香茅，好香肉質夠滑，無咩骨啖啖肉炒椰菜苗~大大碟份量頗多，爽甜芒果糯米飯~ 糯米飯夠黏軟，芒果尚可以，食埋呢個甜品，好飽足呢度食物環境質素唔錯，寧靜格局小有既泰國餐廳，值得再來…Read More

經朋友介紹話呢間火鍋唔錯，今晚就約埋好友來到觀塘巧得鍋食火鍋，呢度座位寬敞，有卡位長枱，睇下個餐牌，可以散叫也可以選擇套餐火鍋，套餐包括有前菜、湯底、主食可剌身拼盤或牛肉拼盤、另配料、蔬菜、甜品及飲品，呢個set都只係268蚊一位，咁大家就決定要個套餐火鍋。呢度既侍應服務唔錯，周不時都幫客人換碟，抵讚而且冷氣好夠凍，讓我們食得更舒適食後感: 湯底夠滋補，食材新鮮，配合特色飲品，份量夠好飽足，其實都算抵食前菜~蓮藕、木耳湯底~花膠燉竹絲雞，湯滾起先飲湯，湯料還有准山紀子藥材，個湯好清甜又滋補，再用呢個湯來火鍋真係好正牛肉拼盤~(安格斯牛柳粒、牛頸脊、牛肩胛、牛脷、牛展)扇貝、蜆、蠔、蟹柳、蜂巢豆腐、手打墨丸、手打蝦丸、韮菜安格斯牛肉餃、牛肝菌羊肉餃蔬菜拼盤甜品~迷你藍莓芝士蛋糕夢幻梳打特飲~顏色鮮豔色彩繽紛火鍋調味料…Read More

難得放下大假，相約朋友到觀塘apm睇好戲兼食lunch，閒日返工時間當然要避開lunch hour,所以約朋友2點lunch就啱啱好，為方便睇戲就到附近既餐廳食lunch,揀選了位於某工廈既Bella shine, 呢個時間餐廳客人唔太多，要返工既人都走了，所以唔需要等位，就揀選了面對著水吧位置坐下，睇睇餐牌與朋友各自揀選自己喜愛既lunch set~主菜前先來個沙律及蒜容飽我點了這款~輕煎吞拿魚柚子啫喱伴梅子冷麵，柚子啫喱味道酸酸地的，撈埋啲冷麵一起食，清新開胃，吞拿魚輕輕煎過，落口柔軟，配以蛋絲，整碟給我食晒，呢款冷麵好適合夏天食，好正朋友點了這款~香煎紅魚配茴香酒忌廉汁，唔好以為呢碟係飯，其實係薯蓉，煎過既魚頗香口，濃濃既忌廉汁滲入薯蓉，食起上來更滋味，整碟薯蓉食完也十分飽肚甜品係迷你既一口cheese cake，真係好好味啊這裡環境唔錯，若然唔係趕住去睇戲，真係要多坐一會慢慢嘆下咖啡☕😊…Read More

今晚約了很久沒見的朋友一聚，選擇了食西班牙菜---La Postre位於尖沙咀厚福街，餐廳外圍好靚很有特色，內裡格局帶點英倫feel, 菜式其中選擇了啤酒海鮮火鍋，平時中式打邊爐試得多，今次火鍋用啤酒做湯底幾突別，有兩款味道~蕃茄味或辣味，我選擇要辣味……用上一個小型水煲來火鍋，湯底味道甘甘辣辣的，好得意，海鮮有虎蝦、蟹鉗、帶子、蜆，醬料有蒜蓉蛋黃醬，食完更加要飲埋個湯，呢個時候個湯再加埋海鮮味道，更加濃郁，甘辣鮮甜味於一湯，夠晒突別，用個小杯子與好友乾乾杯先🍻芝士煎蟹餅~蛋黃有小許流心，面層木魚絲，食落口有濃郁既芝士味，這個蟹餅要珍熱食啊甜品~紅酒無花果芝士蛋糕，無花果浸於紅酒中，伴以雲呢拿雪糕，這個併合，味道又幾夾鮮雜果莫希托~好大杯好多鮮果士多啤梨朱古力咖啡~mocha咖啡帶點士多啤梨味，味道又唔錯喎…Read More

在銅鑼灣一帶行逛，經過渣甸中心門口，發現樓上有間潮州私房菜，於是與朋友上去一試。上到來已經被門前的字句所吸引，更有點意想不到是這裡環境十分恬靜、優雅、舒適，實在是私人宴會的好地方，至於食物方面確有水準，但價錢又不算貴，平均消費二百有找，確實有點喜出望外門前的字句~我們的經營理念，我們重視每一個客人，我們需要每一個客人 。感覺店主好真誠，好有heart好warm脆皮咕嚕肉，肉質甘香脆口，甜酸度啱啱好潮式凍烏頭，烏頭無論熱食凍食我都啱食，凍或熱各有特色，因應朋友要求今次選擇凍烏頭，點麵鼓醬食更開胃香煎蠔仔烙，平時出面食開既係好油好乾既，但呢度既蠔餅唔會覺得油膩，而蛋槳好鬆軟，口感黏滑，啲蠔又大粒，好好味滷水鵝片，肉質夠稔，十分入味方魚炒芥蘭，似係芥蘭苗，食落十分爽口蠔仔肉碎粥，估唔到啲蠔仔咁有份量幾大隻下最後甜品有腰果露，薑薯綠豆爽，蛋白杏仁茶，各具特色，每一款都唔錯，自己比較喜歡腰果露…Read More

好友生日，緊要同佢慶祝下，上openrice 搜索了呢間Seoulmate cafe, 就book定週末來食慶生飯吧！呢度地方唔算大，話係cafe唔似cafe, 又唔覺有韓式feel, 就是一間多國菜餐廳。但不知怎的又覺得這裡幾有氣氛，感覺熱鬧但又唔嘈吵的，總算舒適自在地與友人共渡一個愉快的慶生晚飯！近門口原來有個房間像間VIP房，可容納十人，可能要book位時講明要房才有吧，我地大大小小都有10人而安排坐於外面。餐牌上好多選擇，最後點了👇卡邦尼炒韓式年糕~年糕既口感十分煙韌，好creamy, 味道與卡邦尼意粉無咩分別，咁年糕煙韌得多啦焗蕃茄泡菜芝士豆腐~係有蕃茄芝士味道，但食唔到豆腐既質感，可能自己食唔慣焗既豆腐😅似終覺得中式豆腐好食啲炸蝦球~呢碟蝦球炸得唔錯，大大件，肉質又夠彈牙味噌海鮮炒意大利粉配炸軟殼蟹~有蝦、帶子、魷魚，軟殼蟹好香脆，但意粉味道較淡泡菜忌廉豬肉意粉~呢碟意粉色澤分明，果真味道都唔錯西班牙黑毛豬~肉質稔，好咬口，配以沙律菜、泡菜、金菇及醬料……好味黃金海鮮鹹蛋黃醬簿餅炸軟殼蟹芒果簿餅簿餅餅底鬆脆，餡料味道唔錯，各有特色。最後甜品上枱……韓山什莓芝士忌廉窩夫~忌廉份量十足，窩夫稍硬，但兩雪糕球都好味，餐廳因應我們要求簡簡單單加上字句為好友送上祝福，只可惜名字漏了字母，要補回但不完美了😆係咪好攪笑呢😂棒子忌廉配焦糖香蕉窩夫…Read More

官塘區工廈有好多食肆，慢慢發掘又有好去處，今晚來到鴻圖道90號既GIVE ME 5, 呢度環境唔錯，地方頗大，晚餐是半自助形式，是夜120分鐘任食肉眼牛扒及烤羊腿，另有自助沙律吧、餐湯、甜品、飲品，另每人還可自選一款主菜~來到樓下已可見到餐廳招牌，搭上5字就到達餐廳，這裡地方寬敞，好多座位，但好快坐滿了! 所以要預先book位啊 !自助沙律吧，咁當然要自己動手來個沙律，餐湯及麵包先~每人送一隻愛爾蘭生蠔，生蠔都算新鮮肥美主菜係香煎三文魚配檸檬牛油汁，三文魚煎得幾香口，另外有個蒜頭煎過的，食落無蒜味，好易落口，咁樣煎過都幾好食另一個主菜係意式香腸拼盤，五款唔同既味道各具特色，喜歡食香腸的朋友，呢個拼盤肯定滿足到你澳洲穀飼肉眼牛扒及紐西蘭烤羊腿，120分鐘任食，羊肉唔羶，牛扒肉質如再稔一點會更好，可配搭不同既醬汁來吃 其實還有廚師即場煮溫泉蛋卡邦尼意粉或長通粉，只是自己實在已經很飽沒有食了，這夜十分飽足，咁既價錢相當合理，呢度無論地點地方都很方便舒適，如一大班朋友來食飯慶祝都好適合，因地方夠寬敞，值得再來…Read More

今晚來到Mini Friday 補祝好友既生日飯，餐廳就位於官塘工廈，雖然樓上舖，但工廈既面積普遍都較大，來到餐廳，的確地方又大又寬敞，環境整潔，加上昏暗的燈光更增潻幾分情調，我們被安排坐於卡位，坐位也很寬敞舒適，再睇下個餐牌，都係交返比好友話事，話晒係對方既生日嘛，當然由她揸主意啦😊餐前先來一碟小食脆片，伴以千島醬食，既滋味又脆卜卜歐陸凍海鮮拼盤(鮮蝦、鮑魚、帶子、青口、蟶子)，嘩……呢碟拼盤好新鮮，鮮味十足蟹膏帶子海膽三重奏，有蟹籽，海膽，帶子，壽司飯，朋友很喜歡食蟹籽和海膽，呢個三重奏應能滿足到她🤗卡邦尼意大利麵配溫泉蛋，香濃既芝士味，煙肉既鹹香味，忌廉汁與溫泉蛋撈埋，十分creamy, 不失水準，超好味原隻低脂菠蘿雪葩，賣相吸引，食落每一口都有好香既菠蘿味原隻低脂蜜桃雪葩，呢個雪葩虜獲了好友個心，直情愛上了💗雖然無生日蛋糕，還好這個雪葩可以替代一下，好友也感到十分滿意呢度食物好有水準，其實還有好多款食物都想試，就約定下次再來吧…Read More

其實經過ROJO餐廳好幾次，每次經過都心想要搵晚來試試，今晚終於約埋好友來食晚飯，平時都好少食西班牙菜，咁就更加有興趣要試下啦，餐廳格調唔錯，望下個餐牌好多款食物都想試，經過店員既介紹，就點以下食物~西班牙白毛豬風乾火腿，Tortilla 西班牙蛋餅，北海道刺身帶子，西班牙海鮮飯，榛子朱古力餅8點前happy hour,先來杯Daiquiri, 草莓味道，酸酸甜甜，胃口大開西班牙白毛豬風乾火腿(24個月)，鹹香味道唔太濃烈正合我既口味Tortilla 西班牙蛋餅，饀料有薯仔，軟臘肉腸，面層舖上沙律醬醬料，切開時還有蛋液流出來，呢個蛋餅十分好味北海道刺身帶子，帶子好新鮮，伴以熱情果醬，柚子，三文魚籽，灑點青檸汁，既清新又鮮味西班牙海鮮飯~有大蝦，青口，魷魚，蜆，飯好黏軟，海鮮汁滲入飯裡，味道香濃，口感煙韌甜品係榛子朱古力餅，面層榛子杏仁，餅底鬆脆，朱古力餅軟滑總體餐廳環境舒適，食物頗有驚喜店員服務親切，抵讚今晚與友人暢談歡聚共享一頓美味的晚餐，共渡一個愉悅的晚上，感恩…Read More

早安越南呢間餐廳就位於天后地鐵站附近，地鐵站出來步行2至3分鐘就見到，門面望埋去燈光好sharp,望真原來係食越南菜，其實個格局都幾有特色，最後叫左個火車頭河粉，蝦多士，越式冷盤，兩個人食份量剛好:)火車頭河粉，有牛腩、牛筋、牛丸，牛柏葉、牛肉片，牛腩牛肉片好稔，牛丸牛柏葉爽口，牛筋煙韌軟稔，牛肉湯味香濃越式冷盤包括扎肉、燻啼、牛、無骨鳳爪，點酸辣汁食，美味又開胃蝦多士，食落都脆卜卜既，但外型略嫌單簿左啲啦…Read More

在電氣道近AIA廣場有間新食肆，開左無耐，門面望埋去都幾靚喎，望下門口餐牌價錢適中，於是入內試試新野，呢度有中式炒粉麵，又有西式意粉焗飯，估唔到pizza都有，晚飯時間都頗多人，我地一行六人，都係等左一陣就有位喇，食物大家一人點一款來share食，呢餐晚飯好抵食消費唔使一百蚊第一次來食好有驚喜，值得再來🌿🐥🍞🍚香草烤雞磚頭焗飯，呢個飯係用個麵包中間盛載著飯，頂層係雞扒，有芝士茄汁焗出來，除左食飯之餘可食埋個包🥔🥖🐖🐤美式什扒，呢個什扒餐份量誇啦啦，有雞扒、豬扒、珍寶腸、薯仔，豬扒十分之大件又厚，但肉質好夠稔，薯仔大大個，98蚊個扒餐，有咁既份量真係好抵食🥚🍝溫泉蛋卡邦尼意粉，呢個意粉味道整得唔錯，朋友大家一致都讚好味道🍕夏威夷簿餅，佢既size唔係好大，切開有六小件，餅底好簿好鬆化，細細件，好似小食咁，食一件絕對唔會有飽既感覺，但小食多滋味🐴瑞士汁干炒牛河，河粉長度唔係一條條的比較粹散，而且味道略嫌淡左啲😐🌾🍜蟲草花湯浸芥蘭，碧綠既芥蘭好嫩好清甜，湯浸既蔬菜比炒菜更好味，又唔會好似炒菜咁肥膩…Read More

秋風起，打邊爐係一個更好既選擇，今晚就相約朋友來到佐敦廟街既打邊爐，呢度落單既容易又方便，每枱枱上都有一個ipad落單，點齊食物確認就可以了~潮式胡椒豬什鍋，呢個湯用料十足，湯滾起來散發著胡椒既香味，先飲兩啖暖暖身先，味道香濃鮮羊肉片~羊肉一啲都唔羶麻辣韓牛條~牛肉條用麻辣淹制，落湯後不失麻辣味，牛肉條也十分爽滑竹生蟹肉百花卷，賣相幾特別，竹生包住蟹肉，爽口彈牙自家蝦子滑，實肉彈牙蔬菜方面揀羽衣甘藍自家制香茅檸檬薏米水~甜品~紅豆奶凍，滑滑既奶凍， 面層舖上紅豆，食落又唔太甜，好味道啊…Read More

今晚與好友來到銅鑼灣既Kampoeng食印尼菜，餐廳就在地庫，沿樓梯去到門口，門前既擺設好有特色，餐廳地方寬敞，卡位置於一邊，有寧靜既角落，可坐4至6人，更加適合三五知己傾談暢聚食物點了~鮮芒果沙律，呢個沙律有芒果、火龍果、蘋果、味道清新巴東雜錦牛肉飯~牛肉好腍，其他配菜有薯仔粒、豆角、小魚干、耶菜、豆卜、雞蛋、蝦片，十分豐富又抵食沙爹雞串，沙爹羊串~肉質嫩滑，點沙爹醬及醬汁，味道更加濃郁。軟殼蟹金邊粉，軟殼蟹咬落好香脆，金邊粉炒得好乾身，唔肥膩，但味道較淡，可以濃味啲就更好了蕉葉烤魚，呢條烤魚細細條，既香口又惹味蝦醬炒通菜~呢度環境寧靜，座位舒適，食物質素又唔錯，以銅鑼灣區，價錢也算適中…Read More

BBQ完，想食返啲糖水滋潤下，朋友建議去炮台山既甜姨姨，六點多幾去到出乎意料地多人，幸好都只等了五分鐘就有位，糖水甜品有好多款式，最終要了……超級榴槤雪沙，榴槤紫糯米，芒果黑珍珠豆腐花，什果涼粉，每一款都各有特色喜歡吃榴槤的一定唔好錯過，見朋友吃食得很滋味呢呢個超級榴槤雪沙包括有~榴槤雪葩、榴槤忌廉汁、新鮮榴槤肉、自製榴槤雪糕、榴槤乾、榴槤威化餅我自己本身唔食榴槤，所以要左個芒果黑珍珠豆腐花， 芒果夠新鮮，黑珍珠夠煙韌，豆腐花很滑，十分好味，食完好想再encore啊雜果涼粉~芒果、西瓜、香焦、涼粉…Read More