松露's Profile

呢間日本餐廳裝修別樹一格，幾有日本居酒屋嘅感覺，食飯都食得投入啲。今次同朋友食咗都好幾款菜式，包括蟹味噌甲羅燒，店員喺我哋面前親身幫我哋燒，感覺好有儀式感，而且有店員親自掌握火候都食得特別放心，味道香濃好味跟住再食咗紫菜魷魚鬚天婦羅，炸得幾香脆好味，魷魚夠大份，配合紫菜天婦羅去製作個味道相得益彰，開胃惹味。見好耐冇飲酒，就叫咗一杯冰菠蘿燒酎，味道幾好入口，最緊要佢入邊仲有成大條菠蘿俾我慢慢食，有得食有得飲幾過癮。之後食咗特上壽司盛合同鯛魚油甘魚刺身，我都幾鍾意有唔同嘅壽司可以俾我嘗試，壽司盛盒就滿足到我嘅選擇，整體而言飯同埋肉嘅比例恰當，刺身亦新鮮。好耐冇食過海葡萄啦，喺呢度有機會食到特別開心，我最鍾意點豉油食！跟住再嚟1份帶子磯繞同埋,三文魚籽帆立殼燒，始終我對食燒物係最鍾意同好有興趣，見到店員好用心機幫我地燒，而且燒個陣好香都已經流晒口水，食落材料新鮮，火候恰到好處，三文魚籽帆立殼燒比我想像中更好食，醬汁惹味，食完一個都想再食多一個。…Read More

講到鍾意食日本嘢，我本人都尚算有啲心得，最鍾意周圍去搵啲好食嘅日本餐廳。今次嚟呢度食除咗食物質素唔錯之外，有啲嘅款式都令我十分喜出望外，所以都希望寫返個食評去為大家介紹吓！雖然依家通咗關，但係我都未有時間去日本，呢間餐廳嘅裝修都幾有日本格調，有啲位置就好似日本嘅居酒屋，有一啲位置就好似喺日本食緊傳統而狂野嘅餐廳一樣，總體而言就係裝修都算有心思首先食咗個海產六小杯，其實係三個款式，每一款有兩杯，如果四個人嘅話就最好嗌兩份，咁就確保個個人都有得食，三個款式分別係蟹子吞拿魚蓉，海膽杯，同埋生蠔杯。各有各特色，我入邊最鍾意嘅就係生蠔，除咗我自己鍾意食生蠔之外，佢個醬汁配搭都好提升到生蠔嘅鮮味，唔錯！跟住就有一個好得意嘅啤酒拉麵，其實本身冇諗住食嘅但係見到隔籬枱有一個咁得意嘅啤酒拉麵之後我都想叫一個試下，其實佢入邊冇啤酒味㗎，所以唔飲酒嘅朋友都可以放心試，雖然話係拉麵但係佢比我嘅感覺比較似沾麵，好香濃嘅芝士忌廉香味，配搭幼麵條恰到好處，我自己都食唔停口！跟住就係壓軸出場嘅和牛三文治，我哋兩個人total有四件每人兩件就啱啱好，厚切和牛，口感一流！之後就食濃煮鮑魚豚角，呢一度菜式嘅感覺比較似中菜，有啲似燉五花腩，蘿蔔好入味好Juice，醬汁調配幾好！…Read More

好耐冇食日本嘢啦，今次嚟咗呢一度食高檔日本fusion菜，啱啱出咗糧點都要食返啲好嘢嘅！環境都幾企理裝修幾別緻，店鋪面積唔算好大不過擺位坐低都好闊落，所以都算有空間感。餐具都幾別緻，餐水有得揀氣泡水，我最鐘意飲氣泡水一定唔使諗。好快就食咗個頭盤系海膽醬拼竹炭麵包，主角一定系海膽醬啦！個海膽醬好鮮甜濃郁，海膽味好豐盈，基本上系海膽嘅精華所在，竹炭麵包就系海膽醬嘅綠葉。跟住就食咗個秋刀魚刺身，餐廳仲俾咗啲蘿蔔漬做配搭，兩者嘅配搭恰到好處，秋刀魚刺身好新鮮，原條秋刀魚刺身，呢條魚唔錯！之後再食咗個唐揚免治雞肉海膽流心蛋，仲有啲黑松露喺度㗎 ！免治雞肉炸過嚟，成件入口外脆內軟，系幾得意嘅一道菜色！好快就嚟到我最期待嘅火焰帶子海膽手卷，帶子同海膽嘅份量都幾多，海膽非常鮮甜，真系食過返尋味，今次嘅主角明顯系海膽，帶子新鮮味道濃郁，不過海膽更令人一試難忘！我自己都幾鐘意食蔬菜同水果，見到呢一度有啲幾得意嘅串燒，我都叫咗嚟試一試，分別系：富士蘋果配黑醋汁串燒同埋芝士青瓜串燒，兩者入口都好Fresh！…Read More

一人一鍋食到飽好滿足😋又到打邊爐的季節，兩個人食唔得多野，於是就揀咗觀塘依間六両三食一人一鍋😆我地2人嗌咗藥膳麻辣鍋套餐同牛骨沙茶鍋套餐，飲品方面就西柚梳打同珍珠奶茶🧋套餐好處就係唔洗自己諗要咩配料，最啱心大心細既我😂牛骨沙茶鍋套餐$128包括肉盤一份、蔬菜盤一份、台式好丸3顆、飯/麵一份肉可以揀鹿兒島豚腩肉/鹿兒島豚梅肉/+$18美國ibp牛小排飯/麵就可以揀珍珠米飯/冬粉/王子麵/關廟麵/台灣粗麵我地揀咗鹿兒島豚梅肉同關廟麵真心💛牛骨沙茶湯底真係好出色湯好濃郁，唔咸，默默地當湯飲咗好多啖配上豚梅肉真係一絕，索晒啲湯汁好入味一份肉有6片，份量足夠蔬菜盤有金菇、南瓜、椰菜等，多到食唔晒藥膳麻辣鍋套餐$138包括鴨血、豆腐、老油條、肉盤、蔬菜盤、台式丸3粒、麵/飯1粉我地揀咗牛小排，麵就揀咗台灣粗麵牛小排油脂分佈平均，又有肉味軟腍配上養生既藥膳麻辣鍋真係好滿足又暖胃一份肉大概有7片，絕對唔吝嗇同樣地，湯底唔咸，食完唔會有口渴的感覺食緊個陣，店員走過黎推介手打牛筋丸，原來係澳洲A5和牛再運去台灣製造真係一食便知龍與鳳，牛丸有好濃既和牛味，肉汁多，又彈牙，冇介紹錯！至於飲品方面真係有驚喜珍珠奶茶🧋奶香、珍珠煙靭，一咬甜味滲出黎，個人認為好飲過好多出面既手搖店西柚梳打，飲落有啖啖既西柚肉，酸酸甜甜，食飽飲黎消滯就最適合不過😆其實仲可以追加其他火鍋配料或者小食等等，不過真係食得好飽啊，人均消費$180真係好抵食😋順帶一提，店員服務態度好好，而且見湯唔夠會主動refill，貼心👍🏻 環境闊落又有特色裝潢，順便打個靚卡📷…Read More

個兄弟話帶我去會展食飯，我都一時醒唔起會展都有餐廳，畢竟依家啲展覽少咗，我都少咗過去會展。兄弟知我想食中菜，就帶咗過嚟睇海景呢度環境好在又有海景睇同埋個樓底夠高，啲餐桌嘅擺放都夾得完，唔會有侷促感。首先上咗個黑毛豬叉燒，有啲焦糖嘅，不過黑毛豬本身肉味比較強，所以啲焦糖味唔算突出，不過咁樣先恰到好處，係好食嘅！只係一是食叉燒個肉味太犀利仲未適應😂跟手再嚟雞蛋焗魚腸，呢一道餸我以前冇食過，不過雞蛋焗嘅嘢我都一定唔鍾意食，魚腸口感好好，係食得出鮮味嘅！成晚最精華一定係呢個火焰雞，師傅仲親身出嚟燒隻雞出面嗰層皮比大家睇，入口鮮嫩多汁嘅，仲有好香嘅白酒味，呢個冇得彈跟手有個梅子蒸蟹，坦白講本身睇到餐牌嗰陣時覺得呢兩款材料點樣會配搭到？識落覺得酸酸甜甜又幾開胃，有驚喜嘅！之後黎個鮑魚焗飯，一望覺得呢個唔係炒飯嚟？識落就知又真係唔係炒飯！啲飯粒好香口好好食，鮑魚粒就未能略勝一籌啦，因為啲飯吸收晒啲精華最後想讚下嘅係啲職員好貼心服務，好留意住我哋食飯嘅進度去控制節奏，依家唔係間間中菜廳啲服務水準都可以做到咁。…Read More

終於嚟到呢一間餐廳食野，雖然依家好多唔同嘅餐廳同Cafe都有好多唔同類型嘅動物做主題，我自己就鍾意偏向日系嘅動物主題餐廳，上網睇咗好多唔同嘅相之後都上緊呢一間為食火鍋公司試一試！同埋以動物做主題嘅餐廳主打食雞煲同埋打邊爐喺香港來講都比較小，更加激發我嘅好奇心想過嚟呢度試一試。我哋叫咗個套餐，本身諗住淨係食下雞煲打個邊爐，原來仲有刺身同埋有鮑魚做頭盤，一食落就知個鮑魚唔係啲普通平價罐頭鮑魚敷衍下就算，幾有誠意！食到咁上下頭盤，啲店員都好主動幫我哋照顧住個雞煲，佢呢度個雞煲係炒底，相比起其他雞煲會更加香口口感更加好食！食個雞煲嗰陣時再加啲豬皮魷魚落去吸一吸味，非常香口好味！食到咁上下就要轉打邊爐啦！個套餐包左海鮮同埋豬肉牛肉，我哋叫咗個湯底係蕃茄薯仔粟米湯，純粹係覺得食完個雞煲之後打邊爐費事再食過啲咁濃味嘅湯底。呢一個價位來講啲海鮮當然一定唔係最上乘嗰啲，不過絕對冇失禮。貝殼類嘅海鮮都處理得妥當，唔會有泥有沙，食落去啖啖肉先過癮㗎嘛！總括嚟講啲海鮮識落唔會有雪藏味，亦都唔會有太聲或者壞咗嘅情況，配搭個清淡嘅湯底食得出個鮮味，性價比幾高。飲品就係自助形式，款式唔算少，基本上你要飲汽水定係茶呢兩個食雞煲同打邊爐主打嘅飲品都一併俱全，唔使擔心啲嘢飲唔啱自己飲。…Read More

作為依家喺香港最受歡迎嘅台式火鍋餐廳，每一間分店都大排長龍嘅牛大人，我點都要去朝聖一下啦！今次係第一次嚟觀塘分店，之前都去過其他牛大人嘅分店，觀塘分店相對於其他分店，比我嘅感覺首先係個環境比較寛敞，每台座位都有足夠嘅間距同其他食客保持適當嘅社交距離，就算而家要除口罩食飯我都係覺得安心又放心嘅。除咗環境寛敞之外，裝修都唔錯，感覺上呢一間係比較高級，需要每款食物逐樣收費嘅火鍋店，但牛大人就出晒名任點任食得來，質素都高嘅一間台式火鍋餐廳，所以其實餐廳環境裝修同埋餐廳定位都幾切合，仲要價格相比起其他高級火鍋店更加平。今次所叫套餐係極上和牛套餐，配搭藥膳湯底，但因為我朋友唔鍾意食芫荽，所以餐廳方面都好貼心咁安排咗走芫荽嘅藥膳湯底，非常稱心滿意。大家可以睇吓啲圖片，藥膳湯底非常濃郁，藥材都非常多，我試左幾啖湯完全感受唔到味精，淨係感受到藥材帶來嘅淡淡清香。打邊爐，點少得飲酒？今次我就叫咗兩杯手工啤，個名叫做流水落花，都幾好飲幾得意，味道好清新唔似一般啤酒咁好重麥味又帶苦。牛大人不嬲都出名在，出邊飲品專櫃嘅飲品款式非常多，而且自助吧方面嘅食材種類都非常多，而且新鮮。雖然我都會主力去用手機點菜，不過呢方面都不得不讚牛大人係一間非常有誠意嘅餐廳。叫咗個極上和牛套餐，當然要點返幾款唔同種類嘅和牛試一試，其實牛肉方面就算無論咩餐廳都好，最緊要都係食材新鮮已經好食咗一半先，牛大人叫得自己做牛大人，當然係牛肉食才處理個方面都有非常高嘅水準，食牛有肉味，打邊爐亦有湯味。食完質素高嘅黃牛之後，勵德呢一間台式火鍋餐廳，當然唔少得叫叫一啲台灣有名嘅食材，除咗台灣腸之外，水蓮呢一款蔬菜，喺香港都比較上看見，我每次黎牛大人都一定必食！基本上我同朋友講，去得牛大人一定要食水蓮，唔食嘅話唔好同人講過自己去過牛大人。除咗水蓮之外，豬血糕呢一款咁有台灣風味嘅食材，當然唔可以放過，食落咬口有香味，唔錯唔錯，必點推介！除咗一啲台灣嘅食材，其他種類嘅色彩當然我哋都要試吓啦！呢一款沙白我都幾推介，坦白講我冇諗到係一間任叫任食嘅火鍋餐廳入邊，食到呢一種質素。首先無沙，食落非常鮮甜，而且有返咁上下size，喺牛大人食到呢一種質素我絕對冇嘢好挑剔。當然我哋都叫咗好多唔同種類嘅食材啦，仲有例如豆腐啊，鯇魚啊，同埋其他林林總總，當然我都唔逐樣去介紹啦，不過總括依然其他嘅食材都好好食！牛大人都真心值得咁多人去排隊！…Read More

川粵時光呢間餐廳個名都幾得意！（川粵時光）穿越時光！我覺得有陣時一間餐廳改名改得好，除咗令到人哋印象深刻之外，就係個名一睇就知道大約係食啲咩菜式，同埋個餐廳嘅定位係點，呢間餐廳兩樣都做得到！我自己同朋友都好鍾意食四川前菜，一間餐廳嘅錢財質素都足以反映到之後主菜嘅質素，等我哋一齊睇吓！青椒皮蛋，呢一度前菜好多人都會將個焦點擺咗喺皮蛋度，但其實一個出色嘅青椒皮蛋，青椒都要有返咁上下嘅處理先可以配合到皮蛋，呢一度嘅青椒佢哋用切長條型處理，方便夾住皮蛋食，同埋更容易入味，效果唔錯。酸辣魚皮，呢一款好俾到驚喜，先將魚皮切條，更加容易掛汁。醬汁方面調理得好好，酸辣度非常配合，食到隻隻聲。蒜泥拍青瓜，呢一款反而冇咩驚喜，不過食得出啲青瓜嘅質素唔錯。呢一款「黃金南瓜」，幾有趣嘅一款菜式，先將南瓜包上蛋黃，然後再處理，個口感幾得意，出邊就有蛋黃香味，脆脆地，然後咬入去有香濃嘅南瓜肉。水煮滑牛肉，調配得唔錯，辣度同麻香配搭適中，而且牛肉都幾嫩滑，真係食唔停口！食咗咁多嘢都係時候要食甜品啦，呢一轉就叫咗個紅糖冰粉，冰粉配搭着西瓜粒個味道都唔錯，口感幾舒服，為今日嘅晚餐畫上一個句號。…Read More

凡高廚房梵高廚房，顧名思義就係以畫家梵高嘅設計風格而裝修嘅一間餐廳，香港依家同類型嘅餐廳實屬買少見少，真係要幫襯支持下！而且餐廳上面亦都有好多梵高著名嘅壁畫，亦都設有打卡嘅靚位，各位美女都應該要過去打打卡，增加藝術嘅情懷。叫咗個澳洲和牛套餐，首先上菜就有呢個精緻嘅頭盤，三文魚他他都幾好食，水準不錯！另外在上咗薯蓉焗田螺同埋蘑菇湯，個蘑菇湯特別推介，而且佢哋有兩款唔同嘅餐包配搭蘑菇湯，口感同埋味道都有一種昇華！主角M7和牛，廚師好識烹調牛扒，五成熟剛剛好，肉質鮮嫩口感美味，牛魔王嘅你一定要過嚟試吓。最後上埋心太軟做甜品，為今日一個充滿藝術氣息嘅晚餐畫上完美嘅句號。…Read More

一直都好出名亦都好多人排隊嘅牛大人，今日終於有機會食到啦！今次就去咗尖沙咀分店，喺加連威老道都幾方便，一去到牛大人就見到排隊嘅人龍，不過都好快就可以入到去食嘢。侍應安頓好我哋之後，喺座位嘅旁邊就見到好長嘅一個雪櫃入邊全部都係各式各樣嘅飲品，我用埋iPhone嘅廣角鏡都影唔晒成個雪櫃，可想而知入邊嘅飲品款式真係非常之多，絕對唔使怕有嘢飲唔適合。不過我哋都飲咗一款出邊冇嘅飲品，就係有受精嘅冬瓜茶，酒精同冬瓜茶嘅味道都幾襯，第一次飲有酒精嘅冬瓜茶！同其他比較先進嘅餐廳一樣，都係用電話再Scan QR code落單，非常方便，今次就叫咗一個台式鳳梨雞鍋做湯底，再叫咗澳洲和牛套餐任食，坦白講呢個價錢有澳洲高級和牛任食，而且上菜速度快，店員有禮貌又積極主動收拾枱面，難怪牛大人長期都有咁多捧場客。除咗切好嘅和牛之外，和牛牛丸同埋骰仔牛肉都一定唔可以執輸，必點推介！當然唔少得食飯湯底入邊嘅雞啦！另外都再叫咗魚片，又係非常新鮮好食！值得一題嘅就係，呢度有台灣嘅一款蔬菜特產，叫做水蓮，喺出邊好少有得食，而且呢度嘅水蓮都幾新鮮，亦都係一個必點嘅推介！台灣打邊爐點少得豬血糕啊！…Read More

本身我都幾鍾意西環呢一邊嘅環境，感覺上繁華得來又唔會話太過多人，都幾鍾意有特色嘅舊區，小店林立，唔會太多大集團嘅品牌係呢一度。咁今次想搵啲西餐食下，一入到去都覺得幾有特色，畢竟香港地好少餐廳有幾層，同埋超級高嘅樓底，啲相係我哋就嚟到10點嘅時候先影，因為限聚令嘅緣故，差唔多10點啲人都走得7788 ，所以先有咁多空間可以影相首先要介紹吓個頭盤，Cicchetti platter，好明顯係充滿意大利風情嘅頭盤，有啲酸酸甜甜嘅蕃茄碎醬配搭麵包，另外再配搭東江牛肉包火箭菜，仲有一個好香濃嘅芝士奶球，都幾開胃醒神，為接下來嘅美食提供序幕。Clams將一啲大大隻嘅新鮮蜆，在配搭忌廉同酒等等而製成嘅一碟菜式。10分好食，必須要將多士整個浸喺個汁入邊，然後再配搭蜆肉一齊食，嗰刻嘅感覺就好似現在身處喺歐洲嘅餐廳入邊咁美好，回想起幾年前去歐洲旅行嘅開心日子。Steak tagliata 外脆內軟，同其他餐廳有少少唔同，一試就知係靚野，我自己少食牛對牛肉嘅研究不多，但係都會令到我愛上食牛！在配搭起好香牛油味嘅薯蓉，真係食到唔停口。Seafood tagliatelle 簡單來講就係一碟海鮮篇意粉，佢嘅醬汁同啱啱clams有啲相似，主要嘅海鮮就係蝦同埋魷魚，我自己都比較鍾意食海鮮，同樣我都係食到唔停口嘅。甜品方面，我哋就試咗呢一個豆腐布甸，同埋Tiramisu，其實豆腐布甸喺其他地方都好常見，不過佢哋呢度將個味道嘅比例啱啱好，豆腐嘅味道唔會太濃，但係喺個布甸入邊都十分有質感。tiramisu 入邊嘅cream，咖啡同酒嘅比例啱啱好，互相輝映得來唔會搶去風頭。Cocktail 方面，green mile個味道好適合初嘗酒精飲品嘅朋友嘗試。…Read More

見到而家將軍澳海旁開咗咁多新嘅餐廳，自己都想過去行吓睇吓有咩好食。依家將軍澳呢邊真係發展左好多，環境規劃都做得幾好，真係比得上赤柱嗰邊。今次嚟到呢間餐廳食飯，最緊要佢係近海景，有時普通食個飯對住過海真係感覺零瀉唔同。雖然過海望到出邊都做緊工程，不過都無傷大雅。至於餐廳環境都係西式格調，正常高貴餐廳風格。我自己不嬲都覺得食西式餐廳嘅話一定要有前中後，意思即係前菜主菜同埋甜品。咁先係稱得上完滿嘅一餐。前菜就叫左生蠔同埋凱撒沙律，沙律入邊有啲生菜火腿嗰啲，就比較正常傳統野。至於生蠔方面，今次冇問佢哋嘅產地來源，不過體積就比較細小，但食落都幾鮮甜。不錯不錯！主菜方面叫咗個蒜蓉牛油大蝦，同埋和牛牛扒。蒜蓉大蝦都煮得幾入味，啲醬汁真係食過唔停口，佢哋醬汁入邊見到佢哋除咗有蒜蓉牛油之外仲有一樣野叫做檸檬蓉，相信係呢個醬汁嘅精華所在。至於和牛牛扒方面叫咗五成熟，不過食落覺得應該冇五成熟咁多，可能個師傅覺得大約三成左右會比較想食得出個味道，雖然血色比較多，不過覺得呢一個成熟度會食得比較多和牛本身嘅味道。始終比較少西式餐廳佢哋會採用日本和牛去做牛扒，其他西式餐廳比較多都係用返澳洲或者美國牛為主。對於我呢個都幾鍾意食日本菜嘅人來講都算係一個值得嘗試嘅推介！至於薯條方面都係正常西式餐廳薯條，啱啱新鮮炸完好好味，冇乜特別地方需要再補充。至於甜品方面就叫咗朱古力撻，同埋一球雲呢拿味雪糕。朱古力撻方面都幾香濃朱古力味，甜甜地又唔會太漏。雖然自己冇成日研究開雪糕，不過個雪糕食落個口感就知道應該唔係平價貨，如果鍾意食雪糕嘅朋友都可以去試吓。…Read More

去左幸鮨屋食日本野，我真係好鍾意食日本野，今次都想推介下！店鋪最有趣既係裝修，有好多種高達模型，而且有日本風既擺設，相信店家都應該幾鍾意日本文化！Ｍｅｎｕ有ｓｅｔ有單點食日本野當然要食下壽司天婦羅同烏冬！烏冬個湯夠清，食得出烏冬同牛味！好推介！烏冬個湯夠清，食得出烏冬同牛味！好推介！烏冬個湯夠清，食得出烏冬同牛味！好推介！重要既野要講三次是常識吧！天婦羅即炸夠香口！唔錯！壽司方面夠足料，食落好回味架！…Read More

今次嚟到荔枝角D2place 食夏威夷風格既健康料理那天大概晚上七點半左右入坐等候時間大概15至20分鐘左右 晚上去到的時候 魚生蔬菜等等都尚算新鮮環境及座位乾淨 分別點了夏威夷四重奏同埋自選款式夏威夷四重奏入面本身就有辣味三文魚，經典吞拿魚，泰式熟蝦及牛油果  本身就鍾意食三文魚吞拿魚等等再配搭辣味醬汁 確實係新嘅嘗試而自選款式 就點左車厘茄牛油果同泰式熟蝦等等兩款都點了沾烏冬作為底層泰式熟蝦唔會有浸雪藏味尚算新鮮再配搭其他食材 口感清新自然 另外再追加左堅魚昆布湯及溫泉蛋食住冷盤的主菜 再加配熱辣辣嘅堅魚昆布湯 係完美嘅配搭隨餐附上了日式甜品一個是焦糖布丁 另外一個是柚子味的布丁 焦糖布丁口感彈牙入口即溶 而柚子味的布丁很重柚子味吃想去的感覺很清新這兩款甜品喺日式超級市場也找不到這確實是驚喜…Read More

餐廳距離地鐵站 只需2分鐘的路程就到 十分方便今次黎到圓方喱間法國餐廳在環境方面乾淨 寛闊 燈光柔和有浪漫氣氛 而我最欣賞是餐廳牆紙 可供打咭之餘 又耐看十分優雅餐廳內員工熱情招待主動介紹餐牌內的食物在員工的推薦下分別點了以下那兩款前菜:1.MUSSELS MARINIERES Charred Baguette (白酒燴青口, 烤法國長麵包)2.CHARRED CAULIFLOWERS (燒椰菜花, 香料醬, 煙煄乳酪)原本不喜歡吃青口的我這間餐廳的青口令我對青口有新既改觀 新鮮而且口感豐富另外椰菜花味道普通但點上香料醬 味道就格外不同 賣相不錯 主菜VEAL SHIN RAGU 意大利寬條麵 再加上白酒牛肉醬 寬條麵的軟硬度適中濃醇而肉感牛肉醬再配上寬條麵簡 一流！點了餐廳中最出名之一的主菜 RANGERS VALLEY HANGER 腹肉牛扒，5成熟的口感啱啱好👍🏻 肉質鮮嫩 肉感十足再配上芥末醬 簡直是 絕配！餐中都有付上熱辣辣脆口薯條 自家制甜品 Lemon tart 酸酸甜甜 有清新的口感 再配Cheesecake 甜中帶香 吃完不會有滯的感覺 以上甜品旁都有配上覆盆子及忌廉豐富甜品口甜而又不膩…Read More