月巴與傻仔's Profile

星期日夜晚六點唔使等位直入, 現場只得一台客德國傳統蝸牛腸($88), 酸菜入面有埋煙肉, 蝸牛腸食落好JUICY, 同超市買到既有明顯分別豬手($168)上台份量比想像中大50%, 表皮脆到好似食緊薯片咁但入面既肉一D都唔韌仲好淋, 而且唔會死咸, 仲有酸菜同薯角做底但覺得呢個應該配返個醬點黎食, 畢竟份量比較大, 2個人食得有D辛苦, 呢個份量3-4人SHARE就岩德國燒春雞配西班牙傳統風腸焗飯($178)呢個又係好過份, 個盤仲大過豬手個個, 燒春雞夠嫩滑同JUICY, 用叉叉住隻脾拎起, 隻雞上半身已經散開有一下切落去仲爆埋汁個西班牙腸就真係外國口味, 香港人食落未必食得慣但都OK呢間小店D野都屬於中價, 但食物質素有驚喜, 性價比夠晒高, 2個人食唔晒要打包半隻雞走, 特別推薦個豬手不過真係最好2個人以上SHARE…Read More

呢間台灣野新開都幾多人排隊,買左兩盒飯試試玉子豆腐肉燥飯 $33, 打開有少少失望, 份量比想像中少不過味道唔差鹽酥排骨滷肉飯 $39, 呢盒個盒再大少少, 打開又係有少少失望, 因為份量都係唔多就咁睇幾乎見唔到個底既滷肉, 但味道算好食, 正常台式餐廳水準兩盒飯打開都同期望有少少落差, 因為都係偏細, 其實可以唔使用咁大個盒,用個淺少少既盒放個觀感會好D但都係觀點與角度, 如果同出面台式餐廳$2X-$3X一碗仔滷肉飯比既話佢份量絕對大過個D如果追求飽肚, 以呢個價錢隔黎左右個幾間可能係更好選擇呢個價錢呢個份量應該算輕食, 如果有得選擇比貴少少份量加返大會更加好…Read More

今次其實係第二次黎食，因為上一次黎食時，覺得個水準一般般，所以比多次機會 希望試得出佢真正既水準。一黎到座左冇幾耐 日本人侍應姨姨就介紹3款唔同size既生蠔。因為係時價，唔同日子唔同價錢，細size$48，中size$108，大size$18x。上次食大size時覺得有種澀澀地既味道，唔係太鐘意，所以今次叫左細size黎食。今次細size生蠔一食落去好鮮甜，口感滑順,食到蠔既creamy既質感食蠔真係好睇運氣，好似大size以為會好食，冇諗過其實細size更好食第二道菜係 牡蠣豬肉串燒，味道都一般般，同出面食既味道一樣。佢最特別既係佢右下角既味噌，辣辣地有d 柚子味，但混合埋一齊食同個串燒又唔係特別夾🤔第三道菜係 特大吉列蠔，本人同男朋友推薦。吉列蠔炸完 理應會系炸既過程流失部份水份而縮水，但佢炸完重大隻過佢最大size既生蠔，而$68有2隻，大size生蠔要$18x，我地當然叫左4隻黎慢慢食。一咬落去d蠔汁流晒出黎，雖然今次佢炸得厚左少少，但蠔都係好大好好食第四道菜係 Kagura彩虹魚生飯，係今餐最失望既主食，只適合用黎打卡。比張相大家睇左先。第一層係魚生，第二層係山芋泥，第三層係海藻莖。佢唔係一般滑潺潺，係超絕頂級滑潺潺！！！我平時每日食開納豆，有時癲得黎鐘意 納豆+山芋泥+秋葵+日本生雞蛋 一齊撈飯食 我自己本人都頂得順🤪。但佢係成個餐有90%都係滑潺潺，而好難將d飯同餸撈混一齊，就算撈勻左，視覺上會似嘔吐物，而口感都叫人唔知點食好🥲食完時，我見隔離枱都有點黎食，情況都係一樣，唔知點落口😂。唔鍾意呢種口感絕對唔好叫！！你100%會後悔的，呢個價錢可以系出面食到更好既魚生飯lo！最後一道菜 係牡蠣忌廉意粉佢係一碟一般般既意粉。唔會話意粉都有蠔味果種，只係意粉忌廉好creamy，唔推薦，叫其他日本菜式會好d🤔總括而言，水準唔穩定，品質就一般般🤔。生蠔喱樣就好睇你當日既運氣好唔好，個人推介叫細中size。最推薦你地叫吉列蠔，因為真係幾好食😋，雖然今次炸皮就厚左d。另外魚生飯就係只適合用來打卡，味道就真係難食。以味道為主要既食客，強烈唔建議你地點，會超級後悔另外題外話，當日無論係日本人或香港人侍應都超好服務態度，我比5星星😊。但唯獨Bar枱其中一個師傅態度黑晒面，真係有d黑人問號。成個豉油樽飛埋黎 只係講左一句「sor」抹左張枱一下，之後咩都唔理繼續黑面😦，心諗 你咁唔想做野 就返去廚房做，唔好系bar枱影響食客心情🙃。反而係另外一個師傅見到，再同我地講唔好意思，再叫侍應黎抹返好張枱。服務態度真係好影響食客下次會唔會再光臨，你咁既態度，真係趕客走。…Read More

一直都想試下呢間既鰻魚飯, 係OPENRICE睇相就知唔係個D加熱就食得既淋淋爛爛鰻魚開門早幾分鐘去到一陣已經有人黎排隊, 店員仲問有冇BOOK台, 睇黎呢間舖平時都好多人黎食咁因為一開門就黎所以WALK IN都冇問題, 不過就要坐吧台見鰻魚飯晚市$108, 午餐做$98包埋定食所以特登揀午市黎試, 仲叫左個滑蛋真蠔定食, 上面寫住需時開門都係頭1-2張台落單, 咁諗住要等20-25分鐘左右啦, 如是者等左半個鐘店員見我地乜都未有就比住個前菜我地先前菜有牛蒡, 牛舌碎同麵豉湯, 都幾好食等左45分鐘之後個鰻魚飯($98)終於黎一開蓋就見到鰻魚燒得好靚, 表面有少少焦脆, 食落質感有彈性同少少膠質, 唔係加熱即食一夾就爛個D黎, 係香港搵到高質素少少既鰻魚飯都唔係容易唯一美中不足既係鰻魚背面可能燒得OVER左少少, 食到有輕微苦味再過多陣個滑蛋真蠔飯($118)都黎埋, 入面有好多蔥, 洋蔥同紫菜, 有4大隻蠔蠔本身炸過但唔係吉列個種效果, 輕輕炸過表層好煙韌, 蠔有蠔既鮮味, 咬落唔水仲要幾大隻, 成個質感幾特別仲叫左個牛舌($38)呢個價錢得一串真係有D貴, 但呢串野成件事好高質素, 牛舌燒得好香, 爽彈唔痴牙, 如果呢個價錢食到呢個質素又可以接受3樣野埋單$280, 環境服務都好, 店員都會主動幫你, 食物質素真係唔錯, 係真係等得耐, 可能慢工出細貨掛…Read More

係YT睇到某條片留意到呢間鋪, 見D野食好似幾吸引專程黎試11:37黎到結果仲未開鋪(寫開11:30), 最後等到差唔多12點先叫得,叫左個雞扒牛舌蕃茄湯螺絲粉+肉醬熱狗+紫心撻($94), 落單先知原來每份主食都有罐汽水送同跟紫心撻只要+$8, 賺左店員開頭話要等8分鐘最後等左15分鐘左右先黎, 雖然有個取餐個鐘但店員都自己親自拎過黎講聲唔好意思要等咁耐雞扒牛舌蕃茄湯螺絲粉 $48黎到個擺盤好靚, 雞扒煎得好香, 牛舌亦都唔韌, 兩樣野都醃得好入味底層有少少肉碎連埋茄湯螺絲粉一齊食幾開胃波隆納肉醬熱狗 $38黎到個熱狗熱辣辣, 送埋手套比你用, 熱狗包烘完外層硬硬地脆脆地, 靜係呢樣野已經為成個熱狗加左唔少分肉醬亦都好多料, 有芝士, 青瓜, 洋蔥, 蕃茄同肉碎, 每啖都有香濃肉醬味同豐富口感, 呢個性價比我覺得比Z字頭個間仲要高少少,但一定要即刻食, 因為食到尾個包開始凍就差少少玉紫心撻 $8新鮮出爐個餅皮好脆, 都食到有紫薯味, 食完唔會嬲, 下次黎可以再叫…Read More

之前只係食過一次火山石燒既牛扒, 可能個間質素麻麻所以對呢樣野冇特別好感, 所以今次黎之前都冇話特別高期待,揀左一個哥士牛扒300G ($118)同西冷牛扒180G ($118), 門口買左飛就可以入去自助裝飯/湯/沙律吧,湯都未筆完牛扒就好快黎到呢塊哥士牛扒黎到就咁望落已經見到中間好水潤. 用叉壓下佢仲會動L動L咁樣岩岩黎到連影相都要快, 如果唔係就好快會過熟, 因為塊板真係好熱厚切切開中間大概3成熟, 反一反佢燒多兩三秒就要拎走如果唔係就食唔到5成熟因為放上飯面餘溫都會令佢繼續熟5成熟既哥士牛扒肉質好緊緻彈牙可以落埋台頭上面既岩鹽, 黑胡椒同其他調味料, 自助區有大概5-6款醬汁選擇, 但有隻唔記得名既「牛扒汁」兩個人都認為係最好食,另一塊叫左180G西冷呢塊唔知係咪因為180G既關係, 黎到明顯已經熟過另一塊好多表面都有D乾柴肉質有D韌, 但肉味重D, 平D既哥士牛扒反而好食好多, 但兩份牛扒都係同時上同切最後點知羅宋湯先係最有驚喜, 有一大煲比你自己任裝, 入面極極極足料, 除左D渣多之外, 仲有大量牛肉, 一殼湯都可以搵到幾舊肉飲落好鮮甜仲勁重牛肉味, 成個湯都好濃, 仲比我係入面搵到一大塊牛筋兩個人黎食每人都飲左3大碗湯下次黎食都會叫300G既牛扒不過個羅宋湯都會係下次再返轉頭食既一大因素…Read More

之前一路都知道有呢間小店既存在, 但因為係龍門居比較唔就腳就冇試到,聽聞佢地搬左入西九龍中心, 特登入去試同支持下, 叫左個豬軟骨飯($48), 跟餐有埋湯店員上餐之前發現兜豬軟骨唔夠熱, 叫廚房整返熱D先上, 非常細心黎到之後比想像中有驚喜, 入面有4.5大塊豬軟骨, 仲要舊舊都有啫喱呢碟飯令我諗起鰂魚涌個間坐忘間豬軟骨, 兩間既豬軟骨都非常有質素, 份量仲非常足, 呢度唔使過海仲只係做緊$48加上係自己柚冇理由唔支持另外仲叫左個蓮偶餅紫薯麵($45)蓮偶餅煎得好食, 特別係個紫薯麵, 放入口未咬已經感覺到呢個麵既質感同普通麵唔同, 非常分明同有彈性, 食到有D味道同食唔出有紫薯味仲叫左個海蜇手撕雞($38)海蜇個質感好好同好有咬口, 但只有幾條, 反而手撕雞雞就比好多…Read More

上網見到呢間個鰻魚飯好似幾吸引, 專程黎試下,睇下個MENU選擇唔算多, 飯類既主食得鰻魚飯同牛肉飯兩款, 其他就係串燒之類,叫左個鰻魚飯(大) $95鰻魚無網上睇咁焦脆, 成碗好似有少少唔夠熱, 雖然未算好好食, 但同出面大部份賣鰻魚飯既鋪頭比都算中上水平,只有好少碎骨, 基本上都可以食埋, 同埋個鰻魚皮好重膠質, 下次都會再叫但會叫個細鰻魚飯白飯份量好似太多, 鰻魚汁太杰有D難撈飯,再試埋個大阪牛肉飯, 呢個相比個鰻魚飯真係有驚喜,跟左套餐$68有埋雞肉串同汽水牛肉淋唔痴牙, 有牛肉味, 最緊要D牛肉汁好重牛筋既膠質, 如果本身鐘意食牛孖筋個種好漿口既質感既話,靜係個汁都可以撈晒成碗飯本身主要黎試下個鰻魚, 點知個牛肉飯個分數仲高…Read More

未黎之前已經知呢間野多人排隊試業最後一日18:00先開門特登17:30就到, 但已經排到第30個見佢餐廳介紹有42個位心諗夠鐘第一轉就入到點知一等就等左75分鐘唔知佢係6點前已經有人係入面食緊野, 定係佢放人入去既速度奇慢夠鐘之後條隊郁都冇郁過, 後面條龍越黎越長, 打晒蛇餅都有成80幾人排緊幾經辛苦入到去, 被安排坐BAR台BAR台坐到7個人, 但一個客都冇附近又有兩個人坐4人台明明出面打晒蛇餅, 落完ORDER之後開始計時過左10分鐘先有另外2個人放左入黎坐低, 再隔多15分鐘再有兩個人入黎唔知係日本文化唔會安排搭台定因為試業階段先會咁安排但雖然係BAR台但空間都夠晒大, 絕對坐得舒服, 只要你排到入黎既話食物等左20分鐘天婦羅個炸漿好薄, 唔油整體幾好食, ALL STAR既魷魚同雞肉都叫做有驚喜魷魚厚得黎唔韌, 雞肉唔老缺點係一邊食一邊會覺得口渴, 但只有湯同茶供應, 如果套餐包飲品就更好同埋冇羹匙供應, 食到最尾唔係幾方便呢個碗又係製造視覺效果有1/3唔見左不過都食得你飽食完出去仲係咁多人, 排到關門都未必食得到…Read More

閒日晚市時間唔使等位入到去想落ORDER先知原來要先係門口比錢收銀遮遮似乎唔多熟手, 叫SET DINNER又話呢個SET無跟住又話有, 最後落個小食拼盤仲幫我起孖, 碌完卡後對單先發現到餐湯幾好飲, 只係份量太少, 同埋隻杯耳拎得唔係好方便小食拼盤$85雞翼*2 +雞粒*3+薯條+類似蝦片每樣都普普通通, 唔值呢個價芝士焗鴨胸飯賣相幾靚見隔黎台叫都想叫返個頂層芝士+鴨胸中層少少玻璃芡底層白飯白飯底令成個感覺差晒, 成兜野都冇乜味肉丸意粉既肉丸較乾同單調, 意粉偏酸跟餐+$16, 普通凍朱古力+OREO碎, 不了班戟$70, 雪糕正路野, 班戟有D份量, 濕潤, 軟同有口感唯一係塊餅又乾又淋唔好食…Read More

入到黎 點心紙都冇，問佢拎紙好似要求佢咁，之後發現冇筆點野食，問佢拎支筆，個疑似肥佬男主管好似比左個「我都冇筆，冇辦法啦」既表情。我真係想講粗口，我唔係求咩服務，你連最基本既點心紙 筆都冇，點叫人叫野食，問佢拎紙筆重要好似求佢咁，而家邊個係食客呀？*果時唔係咩繁忙時段，少人食，唔明拎支筆紙都可以咁懶。野食就一般般，冇話咩特別好食既野，而出菜有d慢，肚餓就唔建意黎呢度食。如大家受得佢地氣 你地可以試下，受唔到唔建議大家黎。…Read More

叫左個燒春雞意粉+牛扒腸仔意粉,每SET都有餐湯+炸蝦沙律+餐飲,$60蚊黎講有咁多野其實都算抵食雖然餐湯夠大碗但太杰同過咸, 餐飲叫左凍可力又過甜,要等D冰溶到咁上下先好飲D,唔怪得一路食側邊其他食客叫餐飲都有叫小甜…Read More