曾痴心's Profile

再戰定食doraya, 已經超過半年無去食, 今次再去, 依然多人自從藍鰭吞拿受到高度重視之後, 我已經食少左好多, 都幾忍得口.. 不過, 魚生飯始終係我既最愛, 所以都係要食 於是乎就食什錦魚生飯啦, 樣樣有d, 都好既doraya不得不讚係材料真係十分新鮮, 特別係三文魚子, 粒粒都好有彈性, 又多汁, 好味道乎, 帆立貝無腥味, 又係新鮮的證據之一! 甜蝦好大隻, 入口無黏性, 令我食得放心,. 鍾意食魚生的人一定知我所指的黏性係什麼一回事定食仲有雞蛋, 麵豉湯同小本, 份量一定夠飽的:)…Read More

去勝利道睇寵物, 經過勝利小廚的門口, 決定買盒海南雞飯返屋企慢慢食, 因為勝利小廚的名字已經聽過好多次, 好想試他們的海南雞飯雞肉係去骨的, 肉不覺得滑, 但都幾有雞的鮮味, 幾好食, 飯是黃色的, 有很重的雞油味, 不過除了雞油比較重之外, 便沒有其餘的香料, 飯粒的軟硬度則處理得很好, 幾好食!除外賣盒有兩包醬, 一是泰式酸辣醬, 二是甜豉油, 兩種醬汁都令到海南雞肉更好食, 特別係個甜豉油, 點雞肉一流:)…Read More

德昌的大名都算得上幾響, 要不然又點會有條龍在門口排隊, 今日同阿媽中午就去排完隊我地兩個人share一碗魚旦米同一份營養餐! 先講個魚旦米, 魚旦很鮮, 很彈牙, 印象令人深刻, 因為好少可以食到咁好食的魚旦的, 唔怪得咁多人去食, 湯水係幾好味, 食到一半, 忍不住加了碟炸魚皮浸湯食, 不過原來魚皮的味道只係普通, 不推介!營養餐除了營養夠哂豐富, 可以填飽個肚之外, 味道都幾好的, 特別係件炸豬扒, 肉質幾鬆化, 幾好味, 唔係食到成口粉成肚氣那一種, 幾好呢, 杯凍檸茶都好飲, 比起很多茶餐廳更優勝!魚旦粉夠好味, 所以會再去食架:)…Read More

很久沒有幫襯蓮香, 星期日的早上, 同家人去蓮香嘆茶去, 不知道新店的位置, 還是選擇了去老店時間已經係十二點半, 蓮香已經擠滿了人客, 加上廿多個凡等位的客人, 星期日的中環都有如此的人客數量, 認真不簡單 (因為星期日office係休息, 中環應該好靜先係)搭枱而坐, 叫了一壺濃濃的普洱茶, 點心吃了山竹牛肉, 梅子排骨, 蓮蓉包, 棉花雞, 再來一碟干炒牛河, 三個人的份量, 已經差不多, 點心最好食係棉花雞同蓮蓉包, 不過其實同外面的酒樓差唔多, 干炒牛河今次不知是否失手了, 沒有咸的感覺, 食物比起預計的差了一點...茶的味道係好好, 好夠茶味, 係唯一最值得欣賞的環節…Read More

去到扒王之王, 可以食到一客味道不錯的法式鵝肝牛柳, 包括一份沙律, 餐湯, 餐包同飲品一杯!價格係$118, 要介紹的原因係牛柳的水準很好, 在我第一吓用餐刀切入牛柳的時候, 已經知道件牛柳好正, 因為唔駛用力就已經切開了牛柳, 說實話, 扒王的牛柳係比起花園, 翠華等都好的:)頭盤的沙律就認真一般了, 幾塊沙律菜, 幾粒車厘茄, 配以千島醬, 極其量只係可以講入得口, 好食就唔夠資格, 因為沙律菜都霉霉的:(紅湯幾好味, 餐包都軟熟, 配套係過得去的, 不過主要都係欣賞件牛柳, 配以味道幾好的黑椒汁, 可以令我回味下次會再去幫襯, 因為值得!…Read More

最近台灣茶店開到七彩, 連八方雲集都僻一邊舖set up 一個賣茶的 counter, 不過唔係間間都好飲, 我飲過有啲味道好似廁所水都有:(日出茶太係水準比較好的一間, 我買左一杯凍烏龍, 茶有濃濃的茶味, 入口甘香, 我女人飲珍珠奶茶, 珍珠煙靭, 奶茶夠滑經過我兩口子試過之後, 結論係日出茶太係一間比較飲得過的台式茶店:)…Read More

標題咁寫, 係有原因的!尋晚同外家成家人去名會食飯, 提早做節 (中秋節), 一家大細加埋六個人, 叫左幾樣小菜食, 包括: 乳豬件, 豬腳仔, 蝦醬a菜, 酥炸牛腩件, 薑蔥大鱔煲, 咕嚕肉同埋龍蝦伊麵底 (呢味要三百幾蚊, 因為成隻上)乳豬好有水準, 好好食, 皮夠脆, 肉唔靭, 燒汁夠入味; 豬腳仔都好正, 慢慢損, 好滋味!酥炸牛腩件我十分之欣賞, 牛腩唔靭, 鬆化的酥炸做法令牛腩更香更好味, 仲有黑椒汁同檸檬汁俾我點, 正!薑蔥大鱔煲熱辣辣, 香噴噴, 鱔肉有彈性, 絕對係新鮮的肉, 薑蔥汁味道好好, 咕嚕肉都好食, 唔會太甜或太酸, 味道啱啱好:)正想大讚之際, 出事喇!! 龍蝦伊麵個汁原本係芝士焗的, 但味道好似奶粉的味, 本來都唔係大問題, 因為都唔算太難食, 但係龍蝦件出奇地有一半係臭的, 仲臭到入唔到口真係一子錯, 滿盆皆落索, 本來要俾笑臉, 但因為碟龍蝦, 變成了一個ok:(…Read More

樂園牛丸大王進行了改革之後, 幫襯的次數都多了很多, 因為地方乾淨了, 侍應後生左, 服務都比以往好了:)最重要的, 係味道比之前舊店更好, 好似今次食的牛什米, 以前在金聲戲院斜對面的一間食, 成碗都係油嚟, 離哂普 所以即使佢地既牛丸有幾好食都好, 個湯已經出賣左佢地而家就唔同了, 唔只係包裝執正左, 湯都清番好多, 唔會多油, 腩汁的味道都有進步, 係小數可以咸魚番生的店之一:)水準好的話, 那有唔幫襯的理由? 所以而家一星期都會去食兩次的:)…Read More

最近知道佐敦嗰邊有幾間燒烤餐廳開, 揸住架車的我決定同個女人去兜兜我地結果揀龍蝦燒入去食, 食物包括燒雞骨腸, 燒南瓜, 燒牛舌, 燒大蝦, 炸豬扒拉麵, 牛油炒什菌, 食物其實主要係以燒烤的為主, 另外夾雜湯麵, 飯等等, 味道又幾有驚喜, 有點意想不到燒雞骨腸因為太好食, 所以試完一條之後仲再加多兩條encore, 雞骨腸味道好香好正; 燒大蝦係海蝦嚟, 所以有蝦的香同甜味, 係我推介的菜色, 此店無加一, 一隻海蝦十八蚊, 有抵的感覺:)燒南瓜好甜, 好似浸過糖水咁, 好好食, 反而炸豬扒拉麵同牛油炒什菌就一般一般了, 始終燒係佢地主打, 而水準就不錯:)幾個大男人的服務是很周到的, 只係座位太迫了, 特別係有人飲酒時會覺得氣氛比較嘈, 環境方面可能會令人有點失望, 但價錢係好經濟的, 味道都不差!…Read More

食完越南牛肉粉之後, 行過隔離舖, 係一間專賣沙律的舖頭, justsalad!起初只係好奇的關係, 才會入去望望, 只係賣沙律的舖, 好似未見過, 頂多係西式像delifrance有沙律但還有其他食物賣就有, 不過原來justsalad 的沙律, 變化真的很多端佢地有一種係自選類別的, 可以從四五十多種沙律的素材揀一款菜加四款配料做沙律, 我揀了嫩菠菜葉, 雞蛋, 車厘茄, 菠蘿同西芹, 配牛油果醬汁食, 味道清新, user friendly 仲有每款醬汁都會有一些資料提供, 像牛油果醬汁會標明無膽固醇, 無糖, 低碳水化合物等資料供人客知道, 照顧得很周到:)價錢就會高一點, $49一盒, 但包裝, 路線都係走高檔次, 而此店都給人很乾淨的感覺, 都算值得去食的…Read More

今日要在中環食飯, 左揀右揀之後, 最後都係決定食pho taipho tai 食的, 主要都係一人份量的飯或粉, 頂多只會加點小食食, 是一間比較食得輕便的餐廳, 價錢方面唔會好貴, 好似那十一款精選的套餐, 例如我今次食的a2 生牛肉河加檸茶, 只係36蚊一份, 中環嚟講, 價錢已經算幾實惠了:)味道方面, 先講我的生牛河, 湯底雖然不是香濃牛肉味的那一種, 但係都唔會太差, 特色係香葉的味道比較重, 香茅等味係湯的主要味道, 自己可以再加一點魚露調味, 都可以接受; 份量就唔駛擔心了, 只係河粉唔係好滑, 但都食得過的我仲食一碟水晶韮菜蝦卷, 點蝦卷的酸汁麻麻地, 我認為佢太甜, 可能係要就鬼佬的口味吧服務普通, 行快餐的路線, 但求快, 靚, 正, 前者做到了, 中, 後兩者就不過不失啦…Read More

昨日黃昏時份去九龍仔游水, 游完之後到了德昌食魚旦粉肚子很餓, 但回家未有飯開, 所以食一碗魚旦粉打定肚! 魚旦有彈性, 好食到痺, 食神話齋: "掂呀", 魚片一樣爽口, 湯味都好, 冬菜, 蔥夠重手, al-together 打做了一碗惹味魚旦粉凍檸茶好大杯, 都ok好飲:) 食完, 好滿足返歸等正餐再食飽飽:)…Read More

經過愛爾蘭瘋薯, 買左芝士薯條一盒食三十蚊一盒, 廿幾條左右, 都幾大盒, 第一條食, 幾好食, 芝士醬仲未凝固, 不過薯條唔脆, 麻麻地, 食吓食吓, 芝士凝固埋, 薯條唔再好食, 仲有一半未食, 便放棄了...可能因為唔夠肚餓, 所以食唔哂, 其實論味道, 雖然唔係一流, 但都可以接受…Read More

今日, 去食o左個好飽肚的常餐, 地點係九龍城的順興茶餐廳好飽肚, 因為個茶餐的火腿奄列同沙爹牛肉米都好多肉, 特別係個奄列, 火腿絲塞到漲卜卜, 一咬落去成口都係火腿, 食完個奄列已經半飽, 味道就平凡, 原裝的火腿同蛋味, 就係咁沙爹牛肉米剩係牛肉已經有差唔多十塊, 剩係食肉已經夠, 仲有米粉...味道唔差, 不過賣點係份量, 已經夠原因嚟食…Read More

上次食唔到, 被迫買外賣, 所以都未食真, 今次再去食, 終於有位坐廿四蚊一個餐, 見好多人都係食呢個, 加上之前做過功課, 將煎旦改成炒旦, 終於食到好食的食物上次食的炒旦, 係夾在三文治入面, 感覺比較乾, 食得又蒼促, 今次坐低試真d, 感覺都唔同, 炒旦無上次咁咸, 而且更滑, 可能因為更為流質關係, 而流質的都唔係水, 而係百份百旦汁, 原來炒旦同多士分開味道會有好大分別义燒湯通都唔錯, 好夠味! 今次食, 先令我覺得佢值得咁多人推介!…Read More