Yui's Profile

幫襯過一次堂食同幾次外賣自取老實講最好食係個吉列豬里肌出品可能比附近吉列專門店更好，而且唔貴有試過其他食物，例如開頭試過一次o既漢堡扒，日式叉燒豚腩，同慢煮豬軟骨感覺醬汁略偏鹹雞扒就普通水準最值得試都係吉列豬試過其他兩三款串燒都係感覺味道略鹹，唔知係咪個人口味問題同埋個牛舌... 有少少似煮過之後再燒，屋企人就鍾意呢種比較淋o既牛舌，我自己就比較鍾意有咬口 D(個人認為o係香港食過最好食o既牛舌係南蛮亭)雖然附近有吉列專門店，但既然廚師處理吉列食物不錯，感覺可以考慮增加其他吉列食物…Read More

有新食肆開例牌幫襯下, 睇 menu 其實唔算好o岩口味, 不過叫做係屋企附近點都要試一次就求其叫個豬扒飯, 嘩, 塊豬扒炸得又乾, 又薄, 冇肉汁, 仲得 1 塊, 但要收 $68, 係咪傻左, 我去附近開左幾個月星州菜叫個豬扒飯, 一樣價錢, 塊豬扒炸得靚好多, 仲兩大塊我自己食唔晒要分畀人, 仲有隻半熟燻蛋, 佢乜野配料都冇, 份量又少, 價錢又貴, 真係唔知憑乜收人 $68, 難怪拍晒烏蠅…Read More

好多年冇食過任食韓燒, 不過既然o係屋企附近, 點都要試下?唔知點解大角咀呢幾條街近期開咁多韓式食肆, 原本已經有兩間, 近期再連開三間 (包括呢間大同韓燒), 但又執左兩間以前成日幫襯o既日式食肆同埋一間茶餐廳, 搞到突然間好似少左好多選擇咁不過呢間點都係有 D 唔同, 因為有爐畀你自己燒, 其他幾間都係煮畀你食味道就, 間間韓式燒肉 D 肉都係差唔多味道, 冇特別問題, 肉o既款式都夠我覺得呢度最特別係有供應海鮮 (蝦, 帆立貝, 龍利魚, 魷魚等) 畀你燒, 以前我幫襯漢 _o個 D 韓燒肯定唔會有蝦同帆立貝先 (而家就唔知了, 太耐冇幫襯)三文魚刺身都有, 不過好似出得較少, 次次都拎唔到 (定下下都畀人掃晒呢...)同埋飲品有我最鍾意o既道地柚子綠茶...價錢應該都係同旺角o個堆差唔多唯一覺得比較不足o既地方- 食物區冇標示每一盤係乜黎, 有 D 唔駛寫都知係乜 (e.g. 豬頸肉, 雞肉, 豬扒) 但有 D 真係一時間分唔出 (e.g. 牛/羊)- 用黎夾生野擺落個爐燒o個隻夾好硬, 夾多幾下已經開始手軟…Read More

公司附近新場, 點都要試下好多人, 恐怕都係見間野上報紙所以慕名而至, 或者我唔應該呢個時候幫襯晏晝太多人, 淨係做 set lunch 冇散叫, 我覺得係可以理解但不能接受; 比較花時間o既料理唔做 OK, 但刺身壽司類都唔畀散叫我就覺得有點那個, 畢竟我都係見到報紙講個咩惠比壽生蠔想試下, 不過冇得叫算, 叫個刺身定食加個炸雞, 刺身定食叫價 $160, 但刺身份量都幾少, 味道冇乜特別, 考慮埋地區, 都幾貴, 唔值; 個炸雞還可以, $25 OK人客太多一片混亂, 我自己叫個 set 就冇畀飯; 隔離兩位叫同一個 set 就淨係出得一個; 另一邊叫同一個 set 一 D 冇畀飯一 D 冇畀沙律; 之後後加o左一樣o野, 但過o左好耐之後先走o黎話漏o左單叫我 cancel吧檯座位排得太迫, 上菜同埋侍應要同師傅溝通o個陣好痛苦總結, 食物冇問題, 只係價錢貴, 座位迫, 冇散叫, 起碼午市冇意慾再幫襯…Read More

舊o個間 "又一軒" 摺左, 開左呢間"又一軒" o個陣, 我都有寫過食評, 當時o既評語大概係, 午餐抵食, 晚餐較貴 (呢區黎講), 但味道 OK結果可能晚市生意唔好, 老細冇心機做落去而家呢間嘛... 真係又貴又唔好食我只食過午餐先講價錢, 以前四十零蚊一個午餐, 可以接受 (茶記都要三十幾)但佢午餐竟然五十幾OK, 如果真係好食 / 有相稱o既份量, 我可以接受但完全唔係食左個 "燒春雞" 餐"又一軒" 時期, 真係有半隻春雞仔 (即係有雞髀, 雞翼, 雞胸), 雖然細隻, 但係係用燒 / 焗o既方法請出黎, 幾好食, 加埋飯都夠飽, 個汁又整得幾好味而家嘛... 隻春雞仔得番雞髀部份, 細隻到呢... 你話有正常雞髀 size 都可能好 D, 而且重點係個整法, 擺明係求其擺落去炸兼且炸到過晒龍, D 肉又硬又乾, 個汁 D 味又怪, 真係唔知想點係得個湯同杯檸茶還可以接受咁o既款, 真係以後唔會幫襯, Sorry, 以後少個地方食飯, 冇辦法…Read More

幫襯過兩次 Dinner Buffet, 價錢算平, 選擇唔算少, 味道還可以, 只係個位置遠左少少兩次入面最回味竟然係杯 Fruit Punch, 飲過好多地方o既 Fruit Punch, 係呢度同樂意扒房o既最好飲, 但樂意收四十幾蚊杯, 呢度係 Dinner Buffet 任飲, 一個唔覺意飲得太多, 會冇位食其他野 (所以我都唔明點解咁多 Buffet 唔做飲品任飲), 應該係自己溝出黎, 如果唔係我都想知邊度買到咁好飲o既 Fruit Punch...食物, 第一次係做和牛主題, 最主力都係煎和牛粒, 和牛就真係和牛, 應該係澳洲 + 級數唔係太高o個隻, 但二百零蚊, OK 啦... 其他冷盤海鮮 + 熱盤 + 沙律 + 甜品等等選擇都唔少, 有 souffle + movenpick 雪糕... 幾好呀第二次就前幾日當聖誕大餐, 上網 book 唔駛三舊水一個人, 咁o既價錢好似好難再挑剔乜野... 食物擺位轉左, 種類好似少左, 多左好多人一早黎搶食, 條條隊都排餐懵, 感覺少少不快... 燒龍蝦, 煎鵝肝, 牛粒, 其他切肉都擺出室外, 天氣凍, 如果輪完一樣再一樣, 好快凍晒... 每位半隻o既龍蝦還可以, 鵝肝份量太少/薄, 好易 "火農"... 牛粒雖然話係和牛粒, 但好明顯同上次質素有別, 我覺得唔係和牛類... 龍蝦鮮果沙律唔覺有龍蝦 (可能被人搶晒), 總體上種類比上次少 + 成日都眨下眼就冇晒, 不過第二次 book 到 window seat, 個 view 幾好咁啦兩次都係因為去挪亞方舟所以順手過黎食, 應該冇機會再光顧…Read More

家住附近, 幫襯過好多次, 逐樣講下早餐 - 厚多士唔脆, 開頭炒蛋炒得好滑, 但之後就過熟, 不過價錢平過隔離幾十年間茶記, 都食得過午餐 - 價錢同質素平衡得較好, 4 款午餐如果有豬柳o個陣, 有成兩大塊, 感覺超值, $40 左右o既午餐有餐湯有飲品, 今時今日唔算貴晚餐 - 質素不俗, 價錢還可以, 餐湯做得幾好, 主菜就一時時, 晚餐每日有 3 種揀, $88-$98, 加 $38 / $58 連埋頭盤同甜品最深印象一次係個黑毛豬柳, 未見過切得咁厚o既豬柳, 但一 D 都唔韌仲有少少脆, 好正; 慢煮雞胸都值得推介, 雞胸煮得好滑, 不過有次連埋個雞鎚位就煮唔熟, 可能因為慢煮關係牛類就麻麻地, 有次同屋企人叫兩款唔同o既牛, 一個太熟一個太生... 舊肉質素都係普通環境, 可能因為接上一手冇特別裝修, 做呢個價位o既西餐廳感覺就低檔左少少, 而且有時唔夠冷氣呢個舖位都轉左手好多次, 好似每次都做唔長, 希望呢間唔好咁快摺…Read More

見佢都開左一排, 本來冇諗過幫襯, 不過有日諗唔到食咩, 即管試下蟹煲 - 我鍾意食蟹, 所以都肯定會試呢樣, 而且見到上一個食評好似幾好, 結果都幾失望, 隻蟹好細, 肉蟹蟹膏少都算, 但連個鉗都冇乜肉, 營養不良咁, 而且唔入味蝦煲 - 收得 $88 4 隻我諗住應該有返咁上下 size, 但又係失望, 基圍蝦咁o既 size, 而家 D 蝦咁貴咩... 不過呢個比較入味鮑汁豬手雞 - 家人鍾意佢個汁 + 燜得夠稔, 不過稔到好似煲湯雞咁我就唔知有咩好食o者o者骨 - 我覺得最好係呢個, 排骨爽脆入味另外, 雖然都唔係 expect 有咩環境, 但主打煲仔菜係咪應該開大 D 冷氣, 好熱總結, 如果叫肉可能都 OK, 叫海鮮類就似乎唔多掂, 冇乜興趣再幫襯…Read More

好幾個月前幫襯過國金間千兩, 冇乜特別感覺, 但今次幫襯圓方呢間真係好唔掂1) 想食o既o野都叫唔到, 普通海膽冇, 北海道海膽冇, 大吞拿魚腩冇, 特選大吞拿魚腩冇, 極上吞拿魚鮫冇, 連中拖羅刺身都冇, 燒o既又話冇, 你究竟有乜? 我基本上黎幫襯有一半係為左試下 D 拖羅, 連普通海膽都冇好似過份左少少, 你乜都話冇貨其實係咪準備執笠?2) 第一次叫張單可以成張單冇落, 第二次叫張單就落 D 唔落 D, 叫個中拖羅刺身畀個吞拿魚刺身我就想蒙混過關, 叫杯野飲叫左兩次等到發火咁滯問佢先話冇落到我覺得落單呢部份佢應該學下其他同行, 畀 D 客寫紙落單, 減少大量落單 / 溝通時間我唔覺佢人手特別少, 但 D 時間就o徙晒o係落單o個部份, 搞到好似人手唔夠咁有部份人係有部 PDA 跟身, 但只係用黎計個客食左幾多碟跟住出櫃檯畀錢普通落單, 我見個侍應對住份 menu 逐隻字寫落紙, 連方便落單o既編號都冇, o徙晒時間, 有時個師傅整好件壽司但擺左o係度好耐冇人理, 如果件野係o係你面前o個位客人o既話, 可以直接畀佢o卦?總結, 食物質素唔差 (三文魚腩, 甜蝦, 帶子), 但管理好有問題, 令人唔想再幫襯, 全香港咁多壽司店...…Read More

住了大角咀二十多年, 絕少走過亮賢居那邊此店位置不太好, 若非上 openrice 完全不知道開了這店看見菜單, 眼前一亮, 不單食物種類多, 差不多每種食物也可以選擇川式 (小/中/大辣), 還有港式蜜糖燒, 日式鹽燒, 泰式...試了很多種類, 列出比較印象深刻的:- 雞髀 - 我最喜歡雞髀了, 很少燒烤食店提供燒雞髀, 主要是比較難控制火侯和花時間吧? 但這店的火侯控制不錯, 剛剛熟, 雞髀也很大隻, 用蜜糖燒法, 雖然我還是比較喜歡深水步 "和味" 的燒雞髀啦- 百花雞 - 雞皮 + 蝦膠炸起來, 端上來好像一件雞扒... 好似是炸的不是燒的, 但有特色, 推介- 雞腎 - 不是一般日式食肆的貨色, 是一串四粒, 很大粒的, 也是燒的剛剛好, 推介- 燒 8 吋虎蝦 - 只售 $20, 感覺很超值, 我點了日式鹽燒法- 燒香蕉 - 有點特色, 最後才端上, 變成甜品了...- 牛舌 - 感覺這是比較失色的一項, 太 "淋" 了, 似乎有先煮熟的感覺, 我比較喜歡 "煙煙韌韌" 的牛舌...…Read More

原本訂左位，一早到，但仍然被安排接近門口位置，近來天氣轉涼，加上風大，成晚都任食西北風，唔知點解此店咁鍾意「打開門口做生意」年前經常幫襯，但水準每況愈下，一名男士加入管理後，服務態度更見惡劣，只對熟客笑面迎人，對行動不便老人家態度特別惡劣，故已良久未有幫襯再次光顧，價錢提高了一點，食物質素還可以，只是那些青口質素不及以前，食落完全冇味，沙律也沒有以前最喜歡的一款「咖哩菠蘿雞」主菜，甜品，雪糕等也還可以，還叫了心太軟，味道是不錯，但 size 好像太大，我寧願佢收平 D 整細個 D整體，食物質素還不能算差，但環境及服務真是不行，因此感覺不值，應該不會再光顧…Read More

好似未見過大角咀有咁韓式o既食肆...老實講，我覺得對大部份香港人o黎講，韓式最多都係食韓國燒烤呢間野真係嘗試做一 D 韓式o既食物，但我冇乜好感...佢o既鐵板烤肉係 OK o既調味不俗，份量多，四十蚊左右一個餐係抵食但如果叫佢個二人餐 (特價都兩舊水) 就似乎唔係好掂韓式牛肋骨　－　我唔知正式係點整，我只覺得好似係拎完 D 牛肋骨去煲湯咁，太「淋」人蔘雞湯　　－　有半隻烏雞，但全無人蔘味加上，開o左都有成個月，但餐牌有 D 野係永遠都冇 (例如咩韓式蜂蜜牛奶)，唔知寫落去做乜成日行過都冇乜客，我驚佢唔做得幾耐,,,…Read More

呢間其實就係以前間「有樂町」個老闆娘開o既眼見舊店以前評價尚可，新店竟然清一色劣評，都幾驚奇新店開後，望下本 Menu 都覺得佢地想吊高 D 黎賣；但坦白講，質素同以前一樣，吊高左黎賣，可能人地覺得唔值啦有樂町去到日雅代，幾年間我都有幫襯過，從來冇食過佢地 D 拉麵，不過望完下面 D 評價，似乎都唔駛試我基本上食親都係定食　－　照燒雞扒或者牛扒定食特別係雞扒，我最鍾意 D 雞扒用煎／燒o既方法整到塊皮脆卜卜，我覺得咁樣整最好食小食叫得最多就係蒜片炒雞腎，一來唔貴，二來味道 OK其他熟食類小食大部份都 OK至於刺身／壽司，好老實真係中下檔次質素，要食刺身壽司o既，出面大把更好選擇不過佢地而家拆開細細份賣，例如三文魚刺身三片 $15，雖然薄左 D，不過純粹過下口癮都叫得過o既…Read More

又繼續幫屋企附近 D 新食肆寫食評呢間野都開左幾個月本來我幾鍾意, 後尾越黎越有問題, 真係唔想再幫襯不過原因基本上唔係因為食物 - 佢地 D 味道從來都唔算難食由香茅豬扒, 焗大頭蝦, 串燒... etc. 基本上都有越式風味點解不滿...1) 試過幾次晚市入去幫襯 D 白飯又凍又硬2) 有一次外賣個豬扒飯加隻煎蛋, 隻蛋要加成 5 蚊之餘仲得番一塊豬扒 (普通叫香茅豬扒飯有兩塊)3) 服務員掛住吹水 / 睇電視唔 show 人4) 開張之後兩三個禮拜已經玩加價 5 - 10%... 佢仲唔係貼個 tag 上新餐牌就算, 連外賣紙都印過晒, 呢樣真係好反感, 大佬你一開頭要賣呢個價你就出呢個價 + 做優惠好過, 可能佢開頭以為自己好好生意, 好掂, 就乘機加價啦5) 成家人 8 個幫襯屈人坐個迫到阿媽都唔認得o既位, 另一張闊 D o既檯到走o個陣都冇人坐佢地午市生意 ok, 不過晚市就真係少得可憐 (基本上大部份大角咀食肆都係咁)而家仲要玩埋 $98 任飲任食火鍋, 不過一睇個餐牌就知唔會幫襯, 全部都係 cheap 野先畀人任食, $58 就差唔多...呢個位做親食肆都不得善終, 我估佢都唔玩得幾耐…Read More

開張日幫襯過一次不過經驗就真係麻麻試左好幾樣野...滷水鵝片... OK, $70 雖然唔算貴, 但份量少炸乳鴿... 呢個好似最好, 起碼真係即刻整, 熱辣辣海南雞, 都 ok, 但偏鹹, 呢個份量比較合理自選滷水拼盤, 要左蛋, 雞翼, 豬頸肉等等... 呢個最騎呢, $50 4 樣野你得兩隻蛋一隻雞翼, 如果唔係搞錯份量就係擺明搵笨, 因為佢外賣滷水蛋 10 蚊 3 隻 / 雞翼 10 蚊 3 隻同埋... 當日食完個肚唔多舒服, 可能係因為佢將 D 野攤晒出黎方便人買外賣, 第一日又多人試新野, 噴左好多口水落去...Overall, 如果外賣蛋 / 雞翼當加 "食送" 個價錢都可以接受...但其他野就似乎偏貴…Read More