momos05117的個人專頁

之前一直係鱻88 既常客特別係Lunch ge Omakase係我既最愛因為$3xx幾蚊到就食到好高水評既Omakase因為已經轉左地方番工一年後掛住當時味道既我就重回舊地再食已經發現無左$3xx既選擇只剩低$5xx既Omakase 比貴左都唔緊要 最緊要你整體既食物水準下降左太多同埋改左走華麗風...對於我來講Omakase最重要係食到時令既魚 同埋 食材本身既鮮味可惜依2樣今次都做唔到實在大失所望茶碗蒸依然保持到水準口感嫩滑同埋個味道鮮甜刺身既部分真係相當一般特別係赤貝完全唔新鮮口感軟完全無脆口感其次帶子又比較硬身...熱食既部分都係失望中挽回少少分數雞皮帶回香脆 而加入左梅汁帶少少酸味而中間夾左菇 整體口感同味道都不錯壽司部分係令我相當失望一來食唔到時令既魚其次廚師比之前食甘多次都花少左心思過往係會因應唔同魚既濃味程度去搭配番相應既醬汁同調味 但今次比我感覺只有 「華而不實」食唔到食材本身既味道同埋都係一大盤一大盤甘上少左好多心機...當中大Toro仲略有少少腥味...比較滿意只有廚師醃製既鯖魚係有少少驚喜馬糞海膽係感覺最唔新鮮既一環雖然食落口仍然好Creamy但係到喉嚨時一股臭臭地有腥既味道係明顯因為唔新鮮而造成...好似圖中所示都見到部分海膽已經帶點灰色同埋出水甚至連甜品既部分都相當失色以前會有進口雪糕/自製Cake食完都會大讚 但今次只有如圖中所示...作為舊時既常客...真係經歷完依一次...恐怕都唔會再回頭幫襯了！雖然多左D驚喜部分加左D煙薰環節但係...我真係寧可鱻88 好似以前甘着重番食材既新鮮度同埋 會因應番食材去調味而唔係走華麗風...真係好失望...華麗都唔緊要 但食物唔新鮮 又唔夾味甘...我寧可好似之前甘今次係我係鱻88食甘多次最失望既一次 都令我唔會再回頭既一次就連經理都唔熟識D菜式...希望會改進下…查看更多

Omakase！相信好多人都唔會對呢個字感到陌生，呢個日文解廚師發板。今次帶左心儀對象去食呢間上野鐵板燒。黎到問老闆有咩介紹，老闆二話不說就推介我地食鐵板活鮑魚套餐，2人份量都只係$668！唔太傷荷包又唔失體對方！呢個套餐分前菜、主菜、湯、甜品。廚師每製作一道菜既時候都會問清楚客人有冇野唔食，或者食物敏感之類，非常貼心！最先上既係前菜，豆腐和風沙律，醬汁獨特，酸酸甜甜，好開胃！值得一提係老闆話呢個醬汁係佢地自己調製，第二到食唔到架！到主角主菜，主菜有七道，包括三文魚刺身、鐵板活鮑魚、香煎銀鱈魚、美國安格斯牛肉薄燒、煙肉黃金炒飯、日式炒椰菜。一面食廚師就會繼續準備下一道菜，每道菜之間既等候時間並唔長，但足夠同身邊人談心❤三文魚刺身有6片，而且係厚切既三文魚，非常足料！每人可以分到3片，非常滿足！鐵板活鮑魚未放上鐵板前鮑魚居然仲識郁！鮑魚睇落相當新鮮，唔需要太多調味已經鮮味十足！香煎銀鱈魚製作時，望見廚師將魚皮煎香，再用牛油、鹽同埋少許醬汁去調味。望到我都流晒口水，急不及待想即刻試一啖！美國安格斯牛肉薄燒係燒之前廚師會問客人牛肉想煎幾成熟？我反問廚師幾成熟佢覺得最好食，廚師回答大約煎到7-8成熟就可以。牛肉裡面包裹住香蒜同蔥花，十分惹味！煙肉黃金炒飯只見廚師加入蛋漿同時旁邊炒香煙肉混入飯中，令每一口飯都帶有煙肉既味道。日式炒椰菜則係經過係鐵板快炒，好快就上碟，但食落爽脆得黎又帶有胡椒味道，看似簡單食落卻一d都唔簡單！食完晒主菜，係時候飲返碗熱湯。湯係活蜆雜菇麵豉湯，當中加入各式菇類同蜆肉，鮮味十足。最後壓軸出場係甜品，雞蛋布甸。布甸口感柔滑，甜度適中，蛋味濃郁，為呢餐畫上左完滿既句號！…查看更多

年初二入左大尾篤同親戚拜年，夜晚姨媽姨丈帶左我地去食泰國菜，話呢間唔錯，我地一行6人7點幾去到已經係坐滿，好彩姨媽訂左位所以我地去到只係等左一陣就安排到位比我地，呢到環境真係好舒服好有泰國feel...仲有兩架篤篤車係到，我地傾下講下嘢食就黎喇，我地叫左唔記得幾多樣喇，最快上既係冬蔭湯，我想講真係好好飲，我地叫左小辣，岩岩好，大蝦啖啖肉好爽，跟住生蝦，擺盆好特別成架車仔出黎，係新鮮既😁泰式燒乳豬又係好好食，皮脆肉嫩，聽姑媽講一定要訂唔訂又係冇得食🤣最後我要介紹既係佢地馳名既咖哩炒蟹，成個木桶上，咖哩好香好多料，忍唔住叫左個飯撈咖哩汁😋蟹好新鮮好靚🙈🙈可能我本身好鐘意食蟹真心覺得超好味，成餐飯都好滿意，如果要挑剔既話就係個湯唔夠熱，如果熱d會更好，炒飯都略為咸左小小，所以我決定下次帶朋友再黎試下其它菜🤣…查看更多

朋友仔一直嘈住話要食燒魚話自己好掛住大陸既探魚時間又無甘多最近聽朋友仔係Megabox頂樓開左間就決定滿足下佢既心願來到漁牧既門口已經覺得好吸引暗紅色既大門口 十分搶眼之後門口附近有個特大既掛爐掛滿左一隻隻既燒鵝～入到去大部份都係卡位甘濟絕對食得爽～坐得爽坐定定我地望住個餐牌簡直眼花撩亂樣樣都好吸引！～餐廳主要有 5大種類可以食打邊爐、燒魚、北京烤鴨、燒乳豬、各式,小菜是日我地目標一致就係要食燒魚所以就揀左香飄蒜香味龍脷魚 （$308）店家既燒魚同大陸所食到既有少少唔同口味更合適香港人 無內地版甘濃味而依個蒜香味十足 味道源自蒜打成既蒜泥 同埋 開爐時炒香既蒜頭而表層仲放左大量既大蔥所以食落去蒜味十足同香濃而夾雜少少大蔥去食會帶點少辣～亦都相當唔錯我地仲可以揀唔同既配料落去燒魚到我地就揀左午餐肉 ($22)、土豆片 ($20) 同埋 紅薯粉 ($20)隨住燒魚一路滾住 依d配料一路吸晒d味差唔到中段既時候 已經吸收晒湯底既味道又點會唔好食呢？食燒魚又點少得，叫番幾杯野飲呢？所以我地就叫左四杯唔同漁牧既特式野飲 ($29/杯)黑糖竹蔗水、菠蘿粒特調、生津梅子冰、青檸柚子冰當中我最鐘意就係黑糖竹蔗水唔會太甜 仲好生津解渴 飲落去有微微既黑甜味同香濃既竹蔗味相當唔錯！同額外再點左幾個前菜同埋小菜，分別係青瓜拌海蜇　($48)青瓜十分爽脆撈埋帶酸既黑醋汁相當開胃～而海蜇既口感十分彈牙同脆口味道帶點麻油香同咸香同出面平時食到既口味相當唔同師傅調較既味道令到海蜇好惹味！壇子花雕醉雞 ($58)有唔少人都好怕花雕太重酒味而依個花雕醉雞既味道就剛剛好不會太濃但依然保留到酒香味而不會覺得太濃烈而雞肉相當鮮嫩～係一道好好開前菜杏鮑菇燒汁牛柳粒 ($188)叫燒魚當然滿足我地幾個大食妹啦！所以我地仲叫多左個牛柳粒估唔到燒魚相當出色小菜亦都不甘示弱～都相當值得讚賞每一粒既杏鮑菇、牛柳粒同翠肉瓜都滿滿既燒汁包裹住而且師傅既調味 同 火喉都剛剛好所以每一粒杏鮑菇、牛柳粒同翠肉瓜都係最佳既口感我地幾個忍唔住一粒接一粒甘喪食！准山雞湯 ($28)本身以為$28一碗湯只係味精湯點知我既想法絕對錯了！准山雞湯味道偏淡 但唔會覺得似水因為湯入面已充滿淡淡既准山同雞味冬天來一碗～相當暖胃最後來番個甜品今次總算滿足左我朋友仔既心願啦掛！而已每個人賣單只係$200零到～仲要坐得好舒服～可以一路食一路慢慢傾計係聚腳既好地方！…查看更多

今日生日梗係就屈男朋友仔請我食番餐勁之前食完Omakase 對鱻一直念念不忘實在太高汁，太好味！每次食到好食～又有誠意既餐廳就忍唔住讚賞一下佢今次我地就唔食Omakase始終價錢都貴唔捨得食窮男朋友仔荷包最後我地兩個人大約食左$687~依個質素依個環境依個服務真係一絕！今次就來點不一樣～秋刀魚刺身 ($188)上次食完Omakase已經迷上秋刀魚刺身果種味道我地見到餐廳每日都有 3款時令既魚 做是日推介我模糊既印象果日 除左秋刀魚 仲有池魚 同 鯛魚係依到真係要再三強調大家一定要勇於嘗試唔同既魚刺身唔好再停留係三文魚同吞拿魚雖然我都知好好食，但其實日本人並唔非食三文魚 同 日本食既魚刺身種類係多好多 亦都好味好多！做法亦都好出色(如果想一次試唔同既魚類，我好強烈推介依到既Omakase！可以睇番我上次既食評)作為一個小窮撚今次無得食Omakase都來番條秋刀魚刺身係香港既市面上少之有少而踏入秋/冬天 秋刀魚係最肥美既季節所以今次係時令魚當中 都榜上有名而秋刀魚既魚味係好獨特 同 濃郁！帶點微腥而又唔令人抗拒 甚至會令人迷上依種味道亦都因為甘日本人相當鐘意食秋刀魚刺身而油脂相當豐厚 肉質嫩滑同鮮甜絕對係一食難忘！但秋刀魚係相當容易變壞所以可以食到好食既秋刀魚係要襯係時令就要去食！如果好快就會變晒做急涷秋刀魚～而我好驚訝既一點係餐廳並無浪費個魚頭同魚骨仲特意幫我地加工沾上少少粉漿去炸秋刀魚既魚骨比較細嫩同軟身經過高溫油炸之後魚既油香味更加濃厚連埋骨食十分香脆可口！$188可以話係秋刀魚兩食！松葉蟹鍋 ($248)$248 竟然食到成隻松葉蟹…真係抵到無野可以講而依個鍋既湯底只係放左比較清淡既醬油而配料亦都係比較可以吸到味冬菇、金菇、豆腐、大蔥同菜甘樣先可以食到松葉蟹既鮮甜味同埋松葉蟹既鮮味煲完後完全滲晒入其他食材入面真係好正正！而依到不得不讚下餐廳既服務因為松葉蟹始終都要剥殼侍應見到即刻幫我地預備埋兜同埋熱毛巾簡直係暖男式服務！！！！活燒鰻魚飯 ($188)我自上次去完四國旅行去食完活燒鰻魚一直都好記掛果個味道我可以話係香港從未食過相同既味道最多可以食到急涷一PACK PACK既鰻魚…活燒鰻魚一來費時 二來費功其實香港依個講求效率既地方好少餐廳肯花依個心機去做…我今次竟然係香港食到！～真心完全體驗到依間餐廳既誠意～＂活燒＂兩個字我已經唔洗再形容點解佢好食～就係因為實在好好食囉！想知就自己去試啦～最後，餐廳可能見我地兩隻野慶祝生日仲送左兩杯野飲同埋甜品比我地食 (好感動！)千奇唔好以為免費無好野…簡直低估左餐廳既誠意！！！餐廳提供既花茶同埋咖啡都係高質素！而甜品仲係日本入貨番來既玄米茶雪糕…真係誠意爆登…從未試過甘想推介一間餐廳因為實在實在太好食太抵食性價比太高！～…查看更多

好耐之前同男朋友仔食完對於佢既椰子雞同海鮮一直念念不忘上次見到隔離枱既蕃茄濃底脆米泡飯套裝都好似好正一直心郁郁想一試再試忙左甘耐終於有時間再來了！每次來食都覺得餐廳個Slogan好正“一個價錢滿足晒你，超抵食，包你食到飽”上次來既時候係新開張今次隔左幾個月再來 餐廳已經好旺果然係好東西 好快被人通傳！蕃茄濃底脆米泡飯套裝 $200到都一樣係包6款海鮮同埋6款配料每期既海鮮都有唔同，而今次有：牛角蚌、蠔、肉蟹、沙白+蜆、魷魚、魚當中最特別既係平時唔會食到既海鮮 ─ 牛角蚌牛角蚌係我人生第一次食佢既外表好似牛角仔 但入面就好似帶子甘樣但佢既味道更加鮮甜同埋爽口~而肉蟹依然一樣甘令我地回味萬分！仲係大大隻~啖啖肉蟹膏激多~大愛之選！今次我地揀左魚魚好鮮甜~而口感好幼滑但建議唔好煮太耐~因為魚好鮮嫩如果煮太耐~就會浪費了！配料：美國肥牛、花膠仔、響鈴、魚皮餃、唐生菜、手打墨魚丸上次食過西班牙梅頭肉相當唔錯所以今次就試美國肥牛亦都不負所望！牛味濃郁~而且十分新鮮手打墨魚丸都係十分推介口感彈牙同鮮味十足~仲有細細粒既墨魚肉而花膠仔係我每次打邊爐都必點因為加入左花膠仔個膠底會更濃郁鮮甜到最後落泡飯時~會增添風味！最後，不得不讚泡飯加入左脆米同魚皮十分香口~而泡飯吸入晒湯既精華真係好味到肥死人！…查看更多

小女子係一個不折不扣既吃貨但就係窮一直個畢生既志願而依個志願係日本餐廳見到人地有得食自己無得食而訂落來從此～我發誓賺到錢一定要比錢食番次O M A K A S E !!近排公司出左Bonus成日行經既佐敦道 開左間日式餐廳我就知願望就來實現了！點解我甘想試OMAKASE？原因係OMAKASE係廚師決定當日有咩時令既食材去配搭佢認為最合適既食法同煮法整比客人食～OMAKASE唔單止考驗廚師既功夫都可以睇得出一間鋪頭既誠意！～絕對唔可以用普通日本餐廳作為比較～因為OMAKASE 係因應食材去調節價錢店家一早就同我地講 預算$800-1000到做左打工仔甘耐～慰勞下自己是應該的！坐係Bar枱廚師首先為我地預備左小食同前菜每次去日本我地幾個朋友最鐘意去Supermarket買包枝豆食而店家既枝豆經過加熱再灑左薄薄既一層鹽花令到枝豆既味道更加甜！黑色長方形既陶瓷碟上放左三個小容器分別載左-螢光魷魚魷魚味道較重 充滿咸香同海水味咬落去口感帶微脆-水云水云應該是海草類既東西估計店家用左梅子汁同醋去醃製口感帶黏～味道酸甜相當開胃～-鵝肝鵝肝是我前菜之中最愛既一味鵝肝上放左少量香蔥、醋、蘿蔔蓉鵝肝滿滿油香 配上清爽帶微酸既醋同蘿蔔蓉令我地食落口之中竟享受到油香感而免於過於油膩既問題配搭相當好！接落來就係三款刺身車海老車海老即係香港人都會平時見到既車蝦蝦味比較濃郁 口感比一般蝦更為彈牙而新鮮既海鮮係唔需要加入太多味道師傅只須灑上少少岩鹽鮮味就可以散發出來左口魚左口魚上面早已灑上左少少柚子皮即使唔沾醬 柚子既香氣加埋左口魚魚甜既魚肉 清新既味道令人難忘如果沾左香蔥同醋混成既醬汁又係與別不同既感覺 十分開胃！深海池魚一片是原味 一片是柚子辣椒味池魚魚肉口感比較爽脆而且充滿油香！食完前菜同刺身之後就進入左熟食既部分油甘魚鮫係我從來都無食過既魚種依道菜令我十分之驚豔同讚賞！魚皮煎得香脆 脆中帶軟 恰到好處而魚肉仍然十分滑嫩～而油甘魚十分合適用來煎因為本身魚既油份足夠經過香煎後～就係香到不得了好想再食多次～天婦羅 係眾所皆知既日本料理但從來都無咩香港人食過真係好食既天婦羅同埋好多時都只會當佢係一種普通既炸物實在太侮辱啦～！天婦羅煮法雖然簡單但佢炸既時間掌握同埋食材既新鮮程度係好重要炸得恰到好處就可以食到食物既原汁原味而師傅今次所整既天婦羅有茄子 蝦 蕃薯 南瓜皮薄而香脆 完全無油膩感而且帶出食物既鮮味當中最讚就係蝦～蝦加上少少抺茶鹽～真係太好味！食完熟食就進入今日既重頭戲 來到壽司既環節係我食到好多唔同既魚種唔再停留三文魚 吞拿魚既階段真係返唔到轉頭太丹魚係十分爽口既魚魚味係云云魚次中最濃最濃完全不用沾醬亦都唔建議沾醬 先可以試到佢最真既味道真鯛魚肉口感好得意偏軟身 帶少少黏黏地而味道偏甜 同 魚味好獨特！金鯛真鯛同金鯛都係日本比較貴價既魚種而佢地兩者唔同之處在於魚肉比較彈牙同爽口 魚味亦比較濃～秋刀魚係我最鍾意既一款秋刀魚本身魚味極度極度濃郁同帶點不令人抗拒既魚腥味而且表皮有層油脂師傅係魚而𠝹花 減輕油膩感師傅係表層擦左薄薄一層既醬油再用火槍微微燒焦魚肉表面加試少量薑蓉作中和之用實在太太太好食～牡丹蝦係實在太令人犯罪既一道師傅保留左少少蝦膏既部份令到客人食到蝦膏既濃郁膏香另外師傅加入少量醋、三文魚籽同香蔥鮮上加鮮～而且肉質彈牙同鮮甜好想來多一杯～北海道馬糞海膽海膽之中北海道海膽絕對係排第一第二係海膽之中最奶滑同味道香濃鮮味十足本身已經超晒班仲要微焊表層～實在太好食拖羅手卷師傅無啦啦叫我地拿住我R晒頭～原來係拖羅手卷！！拖羅真係太肥美充滿油脂油脂同油脂再微微燒焦既炭香味油香味從舌尖傳入口腔食完陣陣餘韻入口即溶油而不膩 魚香陣陣可唔可以唔好甘好食？我好想再食...來到OMAKASE既尾聲師傅送上一碗蜆湯蜆肉既鮮甜 不用加太多調味加入少量鹽同埋大蔥味道已經令人回味無窮飲完暖到入心最尾仲有個牛奶雪糕食完一次Omakase原來會令人踏上一條不歸路～想瘋狂再食！…查看更多

我成日都係去吉野家食一人邊爐，所以今次朋友仔就帶我泥食呢一間。一泥到勁多人排隊，搞到我都好期待呢一餐，果然無令我失望。我地叫左三隻味既鍋，分別係台灣卜卜蜆小火鍋（$78）麻辣卜卜蜆小火鍋（$78）同酸菜白肉小火鍋（$78）。台灣卜卜蜆小火鍋同麻辣卜卜蜆小火鍋只不過係一個辣一個唔辣，鐘意食辣可以叫麻辣，唔食得辣可以叫普通果隻，兩款既蜆都又多又鮮甜好食。酸菜白肉呢個湯底我就強推啦，好特別既味道，唔係好多火鍋店有得食，而且酸度適中，愈食愈開胃。一人套餐仲可以揀一款主食，我哋分別嗌咗台灣手工拉麵同台灣新竹米粉。個人覺得配麻辣卜卜蜆小火鍋最正，啲麵吸咗湯底嘅精華，勁入味。打邊爐點可以冇嘢飲！我哋叫咗杯桃源谷大草源同茉莉花mojito。呢兩款特飲都分別要加多6蚊，但已經係大杯裝，經濟又實惠！另外，我地仲叫左個雞腿肉（$18）、金菇（$10）同鵪鶉蛋（$12）。食到個肚脹住走，價錢合理，味道又唔錯。…查看更多

之前上深圳同d朋友食過小龍坎，返黎見到有間雲長小龍坎仲以為真係咁多山寨版，於是膽粗粗就去試下。聽店長話其實雲長小龍坎同小龍坎其實係老闆兩兄弟分家後ge結果。哦!明晒，姐係譚仔同三哥啦，哈哈。言歸正傳，呢間雲長小龍坎同係大陸食ge火鍋比，d口味更適合唔係點食辣/岩岩開始食辣ge人。由於同行ge朋友唔太食得辣，所以點紅油麻辣鍋ge時候叫左小辣。只見佢食唔停，所以怕辣ge朋友都不妨來一試。淨係食辣就好單調，鍾意嘗試唔同口味ge我緊係要叫鴛鴦鍋，一次過滿足兩個願望。今次點ge係紅油麻辣鍋配清香藥膳鍋，食完辣再食藥膳感覺好滋補，大大減低打邊爐ge罪惡感。價錢方面我認為可以接受，鴛鴦只係$138，因為其他火鍋都是差唔多價，甚至再貴d。打得邊爐一定要食肉，我個人好鍾意食牛舌，所以第一時間點左來試。呢到ge手捲牛舌花($78)建議煮20秒，個人試過真係唔好過20秒，如果唔係會好un；相反20秒內夾返上黎，你會發現呢到ge牛舌既爽口又彈牙。唔好睇呢到ge牛舌切到甘薄，煮20秒已經令佢散發陣陣油香，諗起都覺得正！再來一客龍哥牛肉卷($88)，呢個建議煮1分鐘。呢個係推介ge配菜，牛肉包住莞茜，無錯係莞茜，估唔到咁ge配搭又幾好味。同行朋友係一個極討厭食莞茜ge人，但呢個牛竟然吸引到佢食，不得了~食完牛就緊係要食豬，豬我會推介玫瑰豬頸肉($58)，唔算貴但好好食。呢個同樣建議煮1分鐘，呢到ge豬頸肉相當新鮮，食多d都唔怕！相信牛豬一定滿足到大家ge口味，但我跟住要推介ge係未必咁多人鍾意ge羊肉。我見到內蒙羊架($68)，心思思想試，我個人都食羊，但好怕食好羶ge羊。呢個羊架無令我失望，羊羶味比孜然遮蓋住，煮5分鐘你就會聞到陣陣ge鮮羊肉味，真心推介呢味！！！肉ge推介係咁多，無計啦我太嘴刁啦。其他配菜我會推介凍豆腐($38)，呢味係可以幫你好好品嚐湯底ge食材，佢會幫吸晒d湯，你一咬就擠返d湯出黎，成個口都接受湯底ge衝擊，堅正呀！！凍豆腐可以因應個人喜好選擇煮幾耐，個人覺得越耐越滋味~最後為大家推介甜品紅糖糍巴($58)，紅糖糍巴係大陸ge火鍋店好常見，但每間餐廳既紅糖糍巴都有唔同風格。呢到ge紅糖糍巴相對大陸ge細隻d同脆d，加上食完唔膩ge紅糖，食飽正餐都要叫黎食！希望大家同我一樣可以享受一個相對港式ge麻辣火鍋~…查看更多

原來有時開會唔一定要坐喺office對住四面冇感情嘅牆做嘢。今日老細帶我哋嚟到呢個party room度可以邊開會邊食。其實仲開心仲大動力😎仲要老細話有折唔洗同佢han, 有咁多食咁多。我實唔同佢客氣😜場地，可以根據我哋嘅要求改變場地嘅枱櫈擺位。老實講真係幾欣賞… 始終都幾大工程。但呢個價錢包埋呢個服務，根本就係冇個專人係呢個時段全天侯照顧我地咁再俾大家睇下我最鍾意食佢地既野食😎個場地搞party嗰陣仲會播下音樂，企得耐坐得攰嘅人又可以去下按摩椅度休息下，唔啱嘅可以約啲friend上嚟搞下啲烹飪班，柄下標，唱下k，打下牌甚至食花生睇足球… 呢度絕對點有樣野滿足到你。 至於呢度到會嘅食物更加唔洗講，幾有水準同品質嘅保證。問一問先知原來火鍋，私房菜嗰啲佢哋都有做到會.. 到會嘅形式可以做到咁多元化真係好與眾不同！…查看更多

是日同男朋友上堂日上堂前 當然就係來醫下個肚仔啦之前一直都幾鐘意食依間臭臭鍋一來可以毒食易肥二來又相當有台灣風味三來依個價錢來講 味道OK試過唔同既鍋好似臭臭鍋、麻辣、藥膳羊肉今次就食麻油雞實在開始覺得無以前甘好食了雞肉好少～得果幾粒....同埋麻油味、薑、酒都欠奉完全做唔到台灣麻油雞果種感覺同香氣相當失望～而且D料越來越少甘！我依個忠實顧客...都幫唔落希望之後會改善番啦～但佢家既臭臭鍋 我都仲係幾推介既～但麻油雞就...可免 實在普通！…查看更多

是日同同事出外覓食佢就帶左我來依間Burger Lab 雖然以午餐來講 實在真係唔平 加埋野飲都$80-$90到但實在值得推介 我叫左菠蘿豬頸肉漢堡再加埋Bless 既蘋果汁就$90到～大約要等10-15分鐘 美食是值得等待的！個漢堡真係超級超級Juicy 就係因為中間個巨厚菠蘿片食到我都係佢既汁～（幸好店家附送埋濕紙巾同手套）首先菠蘿經過烤煮更加爽甜～其次菠蘿可以中和左豬頸肉既油膩感最後，菠蘿同豬頸肉係異想既夾～再埋千島醬～真係好正正子～薯條都係粗薯當然就係正啦～！味道係漢堡界來講係達到中上～但價錢上～就真係貴左D間中獎勵下自己啦～…查看更多

是日同四個朋友齊哇哇去食炸雞就來左依間係韓國都幾出名既Sodam Chicken 本身都滿心期待韓國炸雞一定好正～平時睇韓仔食得甘滋味甘一定唔差啦！我地叫左個蜜糖蒜香焗雞蜜糖欠奉 有蒜片無蒜味 仲重要係個雞...個肉質十分之怪異...！我地四個人異口同聲依隻咩雞來...？甘大個人完全未食過依種雞食落去係滑 但咬落去...又好韌但又好爽口 又咬唔爛...認真～可一不可再！我地最後有10件雞到仲食剩成4-5件....可見都相當之好食仲要個經理招待人完全西口西面 無來笑容...真係下次咪搞！…查看更多

是日同同事一齊出去食飯佢話見到多好評 又睇落唔錯就決定一齊去食啦！我自己就叫左黑松露野菌意大利粉 $62同埋Lunch會包埋野飲（檬檸生薑茶）同餐湯 （羅宋湯）羅宋湯味道OK 但沒有特別的驚喜 就是好味既羅宋湯入面都幾多料對於依個意粉簡直大讚！無諗過$62蚊食到甘高汁既意粉有好濃郁既黑松露味再加埋忌廉口感順滑 意粉煮得剛好 做到Al Denet 廚師煮得又入味每一啖都係滿濃既忌廉同黑松露味係Lunch 食到甘高汁既午餐加埋一 就$68 $68 食到依個質素 簡直無得挑剔！…查看更多

作為麵王既我當然又食麵成日聽雲貴川比好多間雜誌推介過實在食唔出好食之處真係好普通既米線特別係佢既小鍋湯底十分之普通酸得濟 無其他既味道....比起南記...或者鰂魚涌既樂林依間米線真係....好普通雜誌所講既...完全體驗唔到好失望:(我叫左大腸同蘿蔔大腸清得幾乾淨 蘿蔔就係清湯熬但真係好普通....米線都叫幾滑唯一鐘意佢有好多蔥送麵！實在諗唔透食唔透有咩傲人之處？:(如果落街諗唔到食咩 我都係寧可食M記.....…查看更多